2006年4月27日星期四

4-27(thurs) 女人唔易做之“久違了的羅慧娟”

oh! 套“女人唔易做”真係幾好睇, 係近期拍得最有水準之作! 如果齋論劇情, 佢一定好過 “天幕下的戀人”多多聲, 整體質素都高好多…不過套“天幕”就童話feel d, 賞心悅目d…呢套就抵死d, 有meaning d!

林峰話咁快就同o左吳美珩一齊…坦白講, 就咁拍埋一齊係ok襯, 但係講佢o地拍拖o既情節, 又有少少核突…姊弟戀, 真係需要時間去接受!

講林峰自細暗戀吳美珩o個段, 好有 “四個32A”feel…同埋, 點解成日都要搵吳幸美扮吳美珩?! 佢兩個係有d似, 但係咁樣一比, 吳美珩又靚好多喎…同埋佢o個種elegant o既氣質, 又真係無人能及!

千fa隻“有過去的女人”本來已經覺得幾好聽…到配埋落呢套劇度, 就更加錦上添花! 呢隻歌真係好fit in呢套戲, 同埋真係好o岩佢唱, 好係佢個style! 換轉第二個唱, 都未必可以達到同樣效果!



呢期又宣傳四年一度o既世界盃…都係o個句: 話咁快就四年喇! 今次o個“世界盃四星”…其實係兩年前“奧運六星”o既翻版, 但係無啦啦少o左兩星…其實係踢走o左三個添, 因為加多o左個鄭嘉穎! 不過佢同另外o個三個 (林峰, 吳唱k, mk wong) 一拍埋, 又確係上一代o既人…大佢o地成十年 (雖然睇上去一d都唔似), 有d怪!

咁有得留低o個三星又係紅過被out o個三個好多o既…陳鍵鋒唔簽無線, 真係自視太高喇…依家佢拍親劇, 都被派做奸角, 都唔知佢點好?! 阿馬國明先生同埋黎諾懿又的確係可以bye bye o架喇! 哎! 兩年人事都幾翻新, 有一半被out左!



睇到雜誌一篇報導, 係講呢套劇另一highlight…羅慧娟, extract左d出o黎:

---------------------------------------

聽得到的說話羅慧娟

電視劇《女人唔易做》的宣傳鋪天蓋地,鄧萃雯借種生仔固然有話題性,吳美珩與林峰搞姊弟戀也噱頭十足,但大家有沒有留意那個大罵鄧萃雯「你根本唔識做人媽媽」的背影?

那人,叫羅慧娟。久違了,真的久違了。

對上一次拍無線劇,是一九九一年,十五年前。[芒按: oh, 原來咁耐喇咩?] 雖未至於回頭已是百年身,但的的確確恍如隔世。 [芒按: 呢句真係好中!]

上世宿命,還包括一個叫周星馳的男人,及一個潛水導致失聰的意外。[芒按: 唔講番, 大家都可能唔記得o左佢同周星馳…不過當年其實有少少覺得羅慧娟一d都唔靚, 點解周星馳會睇中佢? 點解佢會有得做主角? 當時佢俾我o既印象, 同梅小惠差唔多…尤其o係“蓋世豪俠”?面…但係唔知點解近年o黎, 佢好似愈o黎愈靚, 仲有種好elegant好高貴o既感覺?! 可能女人係要到o左某個年紀先會散發呢種韻味出o黎!]

那個遭遇較傷?

曾經,可能是周星馳。羅慧娟九一年轉往台灣發展,剛好之前與周星馳戀情告終,有理由相信她是出走避情。

時間能治療一切憂傷,為一個男人受傷,始終會痊癒。

耳朵失聰,則是一世不能補救的缺陷。

最差的時候,羅慧娟連自己的聲音也聽不到,世界就如死寂一片。

女人向來不易做

從羅慧娟身上知道,敝刊影樓那部一直運作得幾好的冷氣機,原來有陣轟轟作響的噪音;女廁那把抽氣扇,原來嘈得震耳欲聾——這個她沒有親口告訴我,我只從她上完洗手間後那個想速逃的表情窺得一二。

這樣的身體狀況,如何拍戲?羅慧娟對上一次拍無線劇集,是九一年的《金蛇郎君》 [芒按: oh, 原來係91年, 一路d資料都係話93年!],之後過台灣發展,九八年過檔鳳凰衛視當主播,同時也兼任有線電視,商台、港台、新城的主持工作,直到耳朵出事。

意外發生後,她也主持過港台節目,及無線飲食節目《天賜良源》,但講到像今次這樣拍電視劇,她想也沒想過。

出事之後不再追電視劇,因為要花很多精神看字幕,對我來說不是最好的娛樂,我喜歡看書。



自己也沒想過再拍劇,因為我聽不到導演何時嗌roll機,何時嗌cut。是鄧萃雯說服了我,她說我的對手戲都是和她演的,她會提我。

接拍《女人唔易做》,其實是被這個劇名感動。女人,向來不易做。我那個闊太角色,其實很像以前的我,人生目標只有家庭,以為結婚生仔後就可無憂無慮,原來不是這樣簡單。

由細到大我都沒有甚麼大志,目標只是找個好男人結婚生仔,渴望一個快樂家庭。即使入了娛樂圈,都沒想過要大紅大紫,依然希望結婚生子。

九三年在澳洲拍廣告時墮馬,我第一個反應不是傷勢如何,而是大嗌:「死喇!點生仔呀?」

人長大了,就明白到有些事不是你想就可以發生,不是盡力就一定有回報。女人,不應該視愛情為生命全部,不要把全部雞蛋放進一個籃?。

現在也會盼望婚姻,但不是渴望。謀事在人成事在天,自己無愧於心,其餘的就讓上天安排好了。我一直相信,You do the best, God do the rest。