2-8(wed) 新春電視節目

其實新春期間都睇o左好多電視節目, 尤其d重播show…

1) 鄭少秋演唱會

發覺秋官跳舞真係跳得幾好, 仲要咁一把年紀, 都跳得咁好…以前無好好欣賞添! 跳陳小春隻舞已經跳得好好, 仲要跳juno18歲時隻“愛上殺手”都咁掂!

2) 2005十大中文金曲

之前聽“十大中文金曲”miss o左最精彩o既開頭o個part, 好彩後尾都有o係電視睇番…真係好抵死:

志偉妙論四台頒獎
頒獎禮甫開場便由曾志偉發表一番「偉論」，志偉以學校派成績表形容樂壇的頒獎禮。志偉說：「有間學校商業味好重，要講宗教，校長以前愛出來說話，但近年少了；又有間名校個個家長都想子女讀，但呢間學校唔注重成績，只著重參與幾多，關唔關心社會同有冇賣旗；又因為學生需要，黃埔有間私校，只要學生交學費，乜成績都有。今日呢間學校歷史悠久，重係官立學校，每星期有測驗，年尾有大考；但校董覺得唔使大考，勞民傷財，主張學生去人?學校?成績表，最後係點還未知道。跟住連巴士、汽水都有成績表派，係咪真係要咁多張成績表，要家長疲於奔命？大家自己定奪啦！」


3) 李綺虹@娛樂直播

前個禮拜娛樂直播訪問李綺虹, 又係由勁識?女o既amigo訪問佢, 亦都依舊勁擦一餐鞋…我想講o既係李綺虹講開話佢o地之前o岩o岩港姐十週年聚會 (其實佢o地係94年港姐, 應該就快12年), 話廿個之中約到十個出o黎, 真係算好難得…出席者有張可頤, 陳芷菁, 康華等…唔知有無凌祖絲呢?! (其實o個屆應該仲有譚小環, 活麗明, 黃紀瑩等)


(呢期大掃除在舊tvb週刊中摷到的“凌祖絲”訪問)

4) 吳唱k

前個禮拜有兩晚keep住有吳唱k表演, 禮拜三就勁歌, 禮拜四就mini-concert…o個期勁歌金榜冠軍居然係佢隻“愛瑪仕小姐”…一睇完佢又唱又跳佢隻超好聽新歌, 終於明白點解佢去到邊都唱“別怪她”…依家先發現呢首歌o既可愛!

甚麼“知你威慣你食慣用慣…”, 又“you look so good 本身都已經顛倒眾生…you look so greaT…”單係d歌詞已經好嚇人, 再加埋佢超好聽o既唱腔…真係別怪他! 都係o個句, 以dancer出身o黎講, 真係跳得好一般…當年佢點入選做dancer o架?! 唱歌就更唔洗講…有聲無氣, 好似就死咁…好難頂!

但係佢唱完之後主持amigo仲要同佢講句: “oh, you dance veLy well”…連阿媽都忍唔住話: “真係唔理男女老幼都擦一餐!”

點知第二日, 到佢個迷你演唱會, 嘩! 唱跳唔掂不特止, 講o野都悶到抽筋…再加埋mk wong同廖碧兒一齊唱“紀念日”…三位藝員都唱得好難聽o下, 做藝員你就安未本份啦…學咩人做歌星o者? 唔好咁自暴其短啦!

5) 細說名城

依家tvb逢星期三7點由陶傑主持o個個“細說名城”節目講倫敦, 又有泰晤士河美景, 又學到原來tips=to ensure prompt service…真係唔講唔知! 又有講Canary wharf, 話呢個“城中之城”原本係廢置空地, 依家已經變成世界級商業重地…我都係今次返英國先第一次去, 之前o係英國成年都無去過…原來呢個地方真係幾型! 仲有St. paul’s cathedral, 佢話依家就好似牙醫幫佢洗牙咁…逐步由灰變白! 仲有, 上個禮拜o個集“新聞透視”專訪phoebus chan, 原來佢真係咁紅喎!