2006年6月29日星期四

6-29(thurs) 1992 群星公益大派對

又o係youtube睇到好多精彩舊電視節目…今次呢個叫“1992 群星公益大派對”! 哈哈! 都幾好睇喎! 最好睇係張學友同李克勤o個part duet, 真係好好聽, 好正呀! 克勤唱和音又確係掂, 兩個都係唱得之人, 的確係好得, 仲要佢o地揀o個幾隻歌都好正!

我就最鍾意睇大show o架喇…但唔知點解真係無咩印象睇過呢個節目?! 同埋唔明點解全部都係寶記o既歌手?!

科技發達真係好…令我有機會睇番好多珍貴o既電視片段!



另外一段就係我o地早前成日提及o既伍小生講o野都走音片段…又係經典:


我們的偶像伍小生@超級靚聲演鬥廳

尋晚沖完涼一開電視個tvb世界盃節目, 居然見到一個“好耐無見”o既藝人 (唔知算唔算茄喱啡喇?!) 余家倫!!! 大家應該都唔知余家倫係邊個…本來我都唔知, 係因為前年重播“我本善良”先睇番佢…佢就係做追伊明o個個宋醫生! 除o左呢套劇, 唔知佢仲有無拍過第二套呢?!

嘩! 唔見十幾年, 佢真係老o左好多, 成個阿伯feel…有d似金興賢, 不過人o地好樣過佢!