2006年1月11日星期三

1-11(wed) 電視迷大挑戰

因為成日有朋友search關於“我本善良”o既o野入o左o黎, 我就o係其他search results度睇到呢段幾有趣o既報導…原來“《我本善良》係第一套加入粵語流行曲做配樂的劇集,當時用好多梅艷芳同張學友的歌,觀眾反應好好”…


失意配樂大師 創人氣聖詩再圓音樂夢


仲有呢個“超級電視迷大測試” , 我記得我以前都有玩過, 估唔到佢有update喎! 不過d題目略嫌太細微, 有好多我都唔識答…等我仲自命“電視精”添!

而呢頁係關於 “我本善良”o既問題, 一眾“我本善良”fans可以去玩o下! 都係o個句, 有好幾題我都唔識答…我都係唔好自命“我本”fans喇!

又link o左去另一個好有趣o既“懷舊網頁”, 亞洲電視回憶錄…係d網友講o下兒時對亞視d節目o既印象! 原來都有咁多人咁好記性…佢o地講o既有好多我都幾乎唔記得o左…真係令人勾起好多兒時回憶! 好o岩一眾懷舊電視精睇!

Oh…“五零零飛虎隊”…我好有印象呀! 當然係抄“四三零穿梭機”o架啦…我都記得容錦昌哥哥 (依家癲o左!), 同埋吳秀芳姐姐…仲有, 就係佢d遊戲好玩又刺激過“430”或“閃電”好多, 又成日出外景, 尤其係去青龍水上樂園!

仲有一jar黃昏6點幾o既有獎遊戲節目, 講開我都好有印象, 尤其係小學年代o個d! o個期好似製作過無數個呢種節目, 連無線都有一jar…但你要我o翕我又唔多o翕得出!

“鬥甩牌那個節目好似叫「開檯」,劉志榮和另一個女主持是主持,簡而清講技術。分開三個部份,第一個部份玩一個簡化版的麻雀,每個人好似得五隻牌,只要有個「bon」or「上」加對眼就叫win。第二部份玩甩牌,第三部份真係打麻雀。唔知點解那時老豆好喜歡睇這個節目。”

D網友提到o既「開檯」節目, 我真係有睇過…都幾騎呢! 仲有個節目好似係有一part係俾你車架車一次過掃到幾多禮物就?晒佢!

朝早5點又larp到套亞視重播劇“冬日驕陽”, 本來就無咩印象, 只係聽到覺得隻主題曲覺得幾好聽…什麼 “望見白雪飄…”, 但又唔知邊個唱?! 點知尋日睇o左一集, 係講龐秋雁參加選美拍裸照, 睇睇o下發現好似係影射梗麥家琪, 又係話佢17歲, 個角色又叫“家琪”…睇到呢度發覺原來我當年係有睇過o下, 不過唔記得係邊一年喇?! 但最大問題係龐秋雁點睇都唔似17歲!!!

藍奕邦居然入o左男歌手五強…可唔可以唔好太搞笑?!

o個個樂壇新人張繼聰究竟咩人o黎?! 如果佢唔係塊面爛得咁犀利, 個樣其實都ok, 仲有d似boyz o既steven添! 大家都姓張, 係咪兩兄弟o黎o架?! 咁佢同謝安琪係咪真係一對呢?! o個日“勁歌”拉票, 謝安琪仲公然話鍾意o左佢好耐, 跟住其他歌手哎晒咁! 睇報紙佢o地又否認有路, 話只係中學同學…請問係咩中學呢?! 原來個謝安琪又係港大畢業…睇佢個樣都細過我o地…唔知佢畢業幾耐呢?

睇“東張西望”, 又話原來鄭中基係關淑怡舊愛…真係完全唔知! 上網search o下, 仲話佢兩個係大學同學 (我覺得呢part有九成流), 但係關淑怡好似大鄭中基成6年…點大學同學呀? 佢讀大學時分分鐘鄭中基仲讀緊小學?!

更加係唔睇新聞都唔知, 原來阿珍姐曾勵珍係曾志偉個堂妹…點解一路都無聽人提起過?! 仲有, 原來惠英紅個妹就係容祖兒個褓母sandy…!