2008年8月2日星期六

8-2(sat) 盛裝舞步愛作戰

特登錄o左幾集套青春劇“盛裝舞步愛作戰”o黎睇o下! 嘩…可能我真係太老喇, 呢d青春劇已經唔多o岩我睇…我覺得係三輯“四葉草”之中最唔好睇o既一輯…d 演員比起前兩輯又真係唔多靚, 同埋全部o係我眼中都好細個, 個個唔係86就87年出世, cream個renee仲係1991…不過呢樣唔關佢o地事, 係我o既問題…套劇o既target係十幾歲的年青人嘛! 不過d劇情呢…如果你要我夾硬揀, 咁第一輯race同黎諾懿o個套算係比較好睇d! 咁都好正常, d劇永遠都係第一輯最好睇o架啦…港台o個幾輯Y2K都係99年o既“Y2K前的暑假”最得! 其實我以為“四葉草”系列停o左四年唔會再有, 點知今年又忽然出現番!

有興趣o既朋友都可以試睇o下o既…“盛裝舞步愛作戰”第一集…



許志安其實依家個定位係點? 佢係咪轉為主力拍戲? 其實佢又真係慘o既, 曾經係最受歡迎男歌星…點知攞完個獎之後反而人氣勁跌…近年仲搞成咁! 哎!

Mandy又真係靚過晒d四葉女喎…我個人認為咁多個只係龔嘉欣好少少, 同埋d戲都係佢比較自然…睇番盛裝舞步愛作戰wiki, 原來佢讀演藝…咁唔怪得知好d! 同埋班小妹妹點解好似個個講廣東話都講唔正咁, 一係就勁懶音, 一係就黐脷筋…男o個班反而好d!

同洪卓立一pair o既女主角衛詩雅, d人話佢似熊黛琳…係有d似, 不過我覺得佢更似曾經o係tvb做o左幾年3/4線演員o既99年落選港姐陳詠嫻…連講o野口脗都似埋! 至於成日o係報紙睇到話佢身材最勁o既趙碩之, 反而要做男人婆…呢個twist都幾好! 睇睇o下佢有d似2R個rosanne同race…但當然佢兩姊妹又靚好多, 不過再睇落其實係更似02年另一個落選港姐鍾子淇 (後來 “殘酷一叮”好似改o左名叫鍾禧汶?!)…

仲有, 我想話cream個李蘊真係大個o左好多, 無見一排由小朋友變o左大人…真係睇住佢大!

其實cream d歌係幾好聽, 不過我每次話我鍾意聽都會俾人“恥笑”…但objectively, 真係幾好聽嘛! wahahahhahahaha! 我記得幾年前佢o地出第一隻碟我去hmv試聽o左幾隻歌…係覺得幾得喎! 尤其你當佢兒歌咁聽o既時候…旋律幾動聽呀!

Cream歌推介…你一首都未聽過嗎? 試聽o下啦…ok o架喎!

呢個應該係佢o地第一個mv…其實呢個造型係最可以接受, 似番個細路! 後來o個d濃妝艷抺look, 真係嚇死人! 我本人認為小朋友化妝從來都係最恐怖o既事!

o個時佢o地第一隻碟仲有d唔知cream notebook呀. 又筆咁一set送o架, 隻cd一大盒…好dum本啊! 當然, 我未有勇氣及多餘錢去買cream的cd, 只係o係hmv見到!


(“孖公仔” )

呢隻都係第一隻碟o既主打歌…o係k都有唱過o架…俾人話我係咪癲o左?! 唓! 只係我歌路廣, 興趣diversified之嘛…wahahahhahahha! 要特別留意個mv去到尾段三個小朋友的極刻意eye contact…好頂癮!

呢首歌好似係carpo作o既…成日都覺得carpo o係cream的位置同kary o係cookies的位置相似…以佢o地o既樣貌都被招攬組隊…一定有其他過人之處o既! 平心而論, 齋論旋律歌詞, 呢首係cream咁多首歌之中幾乎最好聽作品…同埋小朋友可以作到呢d歌, 算係好好o架喇!


(“昨日.明天”)

呢首係後期o既“hit”歌, 仲有一個version九唔搭八地同新城“新香蕉俱樂部”幾位叔叔合唱…但係我唔係好get到個故事係想講佢o地係咩關係呢? 朋友? 父女? 點可以link到夾硬去合唱呢首歌呢?


(“不可沒友”)

呢首“其實我乖”當年我都無聽過, 不過咁o岩click click o下又ok好聽喎…仲有靚絕五台山o既藍潔瑛客串個媽咪o個o下你估唔到嘛!


(“其實我乖”)

其實仲有一首更騎呢 (不過聽聽o下又ok好聽…again, 齋講首歌, 唔好理個故事…), 係同佢o地當年曇花一現o既師弟姐合chips (呢個組合名稱又係一絕, 呢間專捧小朋友o既公司亦都係一絕!) 合唱o既“幫哥哥找女友”…依家聽番都仍然覺得幾趣緻, 尤其首歌o既mv…下次去k可以試唱o下!


(“幫哥哥找女友" live version)

仲有呢首07年李蘊獨立發展o既“無心對峙”…真係大個o左好多…不過cream年代d“兒歌”反而好聽d!


(李蘊–“無心對峙”)