6-9(tues) 無綫新聞 事事旦旦
呢期呢段片真係好hit呀…周圍都睇到...知唔係呢段“無綫新聞 事事旦旦”片段囉…係上個禮拜6.4當日方東昇去維園採訪燭光晚會時, 六點半新聞直播o左出街…不過好似話後尾tvb放上網o既版本已經cut o左呢段喇!
呢位仁兄好得呀…好有準備, 戴晒口罩...仲要俾佢成功突圍, 舉到幾次呢個版...勁!
([2009-06-04] 無綫新聞 事事旦旦)
嘩,. 上個禮拜上o個套新劇“ID精英”…真係悶到呢…無論o係邊個範疇都好唔吸引…我飛快地睇o左幾集…真係頂唔順, 放棄o左! 唯一係覺得黃泆潼做個衰大嫂做得幾好…十分入型入格, 抵讚! 但係亦都克人憎到我想熄機!
今個禮拜上o個套打正“巾幗”延續篇旗號o既“碧血鹽梟”呢…第一, 我相信完全唔係o個回事囉, 第二, 根本連“巾幗”都唔係我杯茶, 呢套直頭完全吸引唔到我睇!
仲有, 上個禮拜o既“星星同學會”雖然人丁好單薄, 但係張家輝同chi lam我都ok, 張家輝講o野一向幾好笑o下, 估唔到chi lam講o野都幾抵死…仲要成日好漫不經心咁爆幾句好yiu心yiu肺o既說話出o黎…真係估佢唔到!
posted by 芒姐 at 11:41 下午
9 Comments:
估唔度我係頭位！ID精英啲卡士都唔係我buy嘅，不過唯一賣點應該TVB最後一個拍攝劇集嘅警察部門。因為前幾年就聽講所有部門都拍過曬，除咗入境處，而家就“涉獵”埋。哈哈不如芒姐我哋試下list所有部門啦！仲有啊，CHILAM嗰集星星同學會我都有上網睇，我好buy佢ga,不過我覺得佢好配角咁囉，啲focus全部喺曬吖影帝度，呢個世界真係好鬼現實。
上個禮拜 also have 黃秋生
果位仁兄真係好有準備囉哈哈！擺到明係整好哂一有機會就show個牌出黎哈哈哈！
果集星星同學會我都嫌太過focus響張家輝度.. 唔知係cut片cut到咁定點呢？但其實張家輝果日講果d野好多都聽過喇.. 志雲飯局都講左好多，搞到我反而想聽多ｄchilam呢！
但呢集最正係有秋生囉！勁好笑呀佢！如果有集係訪問佢就好喇哈哈哈:P
我好憎碧血鹽梟懶係巾幗既延續版咁囉。同埋其實好膩囉又係做呢Ｄ戲，可唔可以隔一陣先播呀... 重要D演員勁overlapped，家丁阿廣又係叫返阿廣... -_-
只係想睇楊怡.
對碧血其他人都冇咩興趣= =
系因為巾幗收得先將碧血搞到爛系延續咁來買者，其實根本就無同，唔該唔好再拿來比啦，搞到本來覺得OK的都會因此而反感，咪仲閉~~~~
其實二少同老爺既角色好出架，對手戲精彩，所以唔好俾D野影響，覺得OK的就睇下，可能會中意呢
至於真系唔buy劇種唔buy卡士又或者真系要將對碧血既期望設定系參照巾幗既高度，就不如唔好睇啦，費事邊睇邊鬧啦。
——可人兒
RE: “碧血鹽梟”
其實我都想睇o下楊怡o架, 不過呢d劇種真係唔係我杯茶...
星星同學會得5分鐘唔夠係黃秋生, 我諗可能遲d會有一集真係請佢做嘉賓o既...
nilly,
應該都無o架喇, 所有紀律部隊都拍過晒, 雖然可以重覆o既, 但來來去去劇情都係o個d都幾悶, 尤其入境處呀, 海關o個d其實無咩o野可以講, 反而警察部門就長拍長有o既!
自從學警後,就再無追過TVB既劇
發佈留言
<< Home