5-19(tues) 謎
ok喎, “謎”真係一輯比一輯"精彩"...新一輯“謎”簡直係攞你命三千…仲好笑過上一個節目阿dr. rain o個個“掌故問到篤~~~~”之”掌故王o黎喇”!!! 好攞膽, 但又幾好笑o下…比上一輯更好笑!
我真係估唔到無綫可以做出d咁“惹笑”o既節目…我真係literally睇到笑o左出o黎!
無o左貽興王...多o左個“謎女皇”, 一日o係度“i'm the queen of mystery palace...”, ”oh my god, ghost~!”…未免太騎呢…但又真係好笑…我真係笑o左出o黎囉! 仲有阿adam鄭比上一輯更誇張的表情+步法…令到成個節目都好騎呢….不過我鍾意!
佢d咩迷離檔案我反而無興趣睇, 但佢o地三個的爆笑騎呢舉動我就好likey...比上輯有過之而無不及...好浮誇, 好好笑...真係咁你都做得出...好o野! 我俾十個騎呢佢o地呀!
仲有上個禮拜“老婆大人(II)”講陳錦鴻撞親個頭, 變o左好躁狂o個幾集又係好好笑…同平時o既佢好大反差…咩“巴士阿哥”, 又勁鬧佢老婆同阿b…好無聊的劇情, 但幾好笑!
posted by 芒姐 at 11:09 下午
5 Comments:
我本身好鍾意睇【老婆大人】，不過續集真係好一般。上一輯d劇情同演員配搭好好多，如natalie追王傑(雖然抄【戀上你的床】不過呢條線我都幾buy)，AK做典型屎橋多多既"損友"，仲有袁彩雲真係好似宣萓既閨中密友(可能佢地年紀差唔多同埋感覺比較"中產")。
我覺得今輯最大敗筆係d選角令套戲十分沉悶，首先benz雄真的出現太多喇，套套呢類型既劇情都有佢，而且個個角色設定都差唔多；仲有滕麗明，雖然我都幾鍾意佢，但佢呢個短髮造型加埋benz，又令我諗起【我的野蠻奶奶2】；仲有如果加埋鄧健泓，三個又會湊埋一套【桌球天王】，真係好得人驚!
同埋續集d劇情同第一輯都唔配合既。明明第一輯話葛國光同高官係外國滑雪時認識架嘛，但第二輯講到葛國光小學就暗戀高官，但高官而家先知葛國光係佢小學同學。雖然講故唔好駁故，但有冇可能兩公婆以前讀過同一間小學都唔知啊？而且葛國光唔駛隱瞞咁耐嘛? 而家真係唔知點樣同第一輯既相識經過串連起來喇。
Last time Lo Yeh & Vinchy were quiet good, but they are in ATV now.
紙巾,
你真係好好記性喎...我一如之前所講, 對於呢套劇真係"咩都唔記得~"
who's Vinchy?
盧海鵬係做得幾好, 呢個角色我幾深刻!
Vinchy=Yuen Cai Wun
發佈留言
<< Home