4-27(mon) Home Sweet Home…張家輝
剛剛睇o左朋友send俾我o既阿旦訪問張家輝片段…後段幾好睇, 尤其係講佢同關詠荷o既感情同埋原來娥姐曾經小產兩次o個段經歷…佢o地依家個bb真係得來不易!
同埋…我想問點解可以o係youtube upload咁長o既片o既?! 唔係最多十分鐘咩?
上個禮拜飛快睇o左“桌球天王”個結局篇…成套戲真係爛到不能再爛…點解tbb會拍套咁o既戲o架?!
講開爛…再上個禮拜去o左睇o既"我們的華星年代"舞台劇亦都ok爛o下…我本來見佢又食“華星”條水, 情意結嘛…華星年代d歌咁好聽, 又係一個咁美好o既年代, 咁佢打正“華星”旗號, 應該ok o卦?! 點知係令人十分失望…或者我一開始唔應該有期望!
我同d friend忍唔住15分鐘睇一次錶都係睇極都未完…第一次睇舞台劇睇到想"界刂"椅...d歌其實都可以接受, 但個故事真係爛得不能再爛, 仲要係我好欣賞o既"殭屍"陳十三做編劇...點解會咁o架? Why why tell me why?!?!?!? 一味好硬tag d歌, 無咩串連…真係浪費晒華星d好歌! 如果你係“博愛歡樂傳萬家”其中一個環節, 我會覺得可以接受o既 (你明我講咩嗎?), 但作為一個賣飛o既舞台劇, 我幾失望o下!
我寧願去睇第四次"喝彩"…人o地低成本得o黎起碼個故事唔錯同埋d歌真係好正, d現場演繹亦都無得彈…成個製作好認真! 又或者寧願阿岳少開多兩場“東亞華星演唱會”…齋唱華星d經典歌仲正好多啦!
無啦啦o係網上見到一個叫做“一百萬零一個 Laughing哥 game”…又玩o左一陣, 雖然out d…都可以玩o下o既!
posted by 芒姐 at 11:12 下午
10 Comments:
哈哈... I'm a fighter... 咁都俾佢諗到!
聽佢講野, 佢應該係一個好有家庭觀念, 好錫老婆同埋女o既好男人! 關詠荷真係幸福!
AMAZING
芒姐：
果个“一百萬零一個 Laughing哥”都唔容易噢，我玩咗好几次先赢晒，有D问题好刁钻。
桌球天王啊，本来想睇结局的，点知训着咗……可想而之有几吸引了，后来网上追返，发觉唔睇比较明智。
都唔知TVB咩眼光，用来摄时间都唔系整D咁既剧架，正正常常既剧又唔播，D高层系咪都唔会想知道下D观众究竟中意乜既呢？
不过套新剧巾帼枭雄目前为止都几好噢，几紧凑，值得追落去，结束成半年的荧幕颓势。
——可人儿
鍾意睇家輝齣十萬噸情緣，時隔幾年都要去重溫番下先得
Thanks for the video upload!
多年前家輝來溫哥華做charity show. 個時係佢最紅(天地豪情).我同佢拿簽名影相,又傾.佢超超nice又有禮貌!
溫哥華匿名人
溫哥華匿名人,
哈哈...你就好啦! 睇佢d訪問, 佢應該係幾風趣抵死o個d人o黎o既...
fiona,
oh, you're welcome...有好o野梗係要大家分享啦!
匿名,
"十萬噸情緣"我都幾鍾意!
可人儿,
個“一百萬零一個 Laughing哥”game d題目都算ok o既...可以玩埋其他d games添!
"桌球天王"簡直out到唔out...我真係唔明點解可以開一部咁o既戲...真係搵d主角同埋d觀眾o黎玩...
AMAZING,
係啦, 張家輝句"I'm a fighter..."又真係幾好笑...估佢唔到!
發佈留言
<< Home