5-4(mon) 雌雄大老千

假期又睇o左套舊劇…係我當年都好鍾意睇o既“雌雄大老千”…咁多年都好似無咩點重播過, 今次居然無意中俾我搵到! 其實劇情唔係話特別好睇o個d, 都係無無聊聊咁, 但勝在唔洗用腦無咁heavy, 同埋張兆輝+周海媚兩個我都幾鍾意…尤其係當年o既海味, “成功路上”年代已經好鍾意…依家睇番依然覺得佢o個時真係好靚喎…真係好得!

至於依家播緊o既劇集反而都無咩點睇…“幕後大老爺”係超飛快咁睇…真係完全提唔起興趣! 至於“巾幗梟雄”…其實齋睇d好戲之人應該都係幾好睇o既…不過呢隻劇種完全not my cup of tea, 仲要劇情應該係幾heavy o個隻…所以都係無咩點睇!

今個禮拜開始上o既新劇“老婆大人(II)”就係我會睇o個隻喇…雖然呢d關於法庭o既戲每年至少都上一部, 咩“法網依人”呀, “律政新人王”呀, “識法代言人”呀, “潮爆大狀”呀…隔一陣就出一套, 仲要長做長有又有捧場客! 而畢竟我個人係比較鍾意睇時裝劇, 宣萱同陳錦鴻我亦都ok buy…所以呢套我會睇! 但係又有阿鄧健泓, 佢o係上一套“桌球天王”先俾人鬧都抽筋…無綫咁快又推佢出o黎係咪想佢死快d?!

咁o岩睇到呢段…好騎呢!!!! “財經新聞"女鬼主播"????”…