6-5(fri) 唔止娛聞咁簡單之"李澤楷、梁洛施生仔"

今日d新聞真係好爆呀…單單都可以攞o黎做頭條! 未瞓醒已經聽到電台節目講李澤楷同梁洛施生o左個仔…估唔到佢o地一跳就跳o左咁大步...唔係認"有路", 而係公怖連仔都生埋...!

Isabella都可算傳奇, 21歲未夠就已經做o左好多“auntie”可能用40年都未做到o既o野…佢真係永遠“快人一步, 理想達到”囉! 13歲小學畢業就加入娛樂圈, 18歲可以退出仲一下子嫁埋俾阿香港富豪…你真係估佢唔到! 但羨唔羨慕就真係見仁見智…我本人就一d都唔羨慕喇, 仲覺得佢幾可憐o下!

不過其實我覺得呢單新聞個"驚訝"程度又未去到坊間講到咁誇張…因為o係"估佢唔到"之中又帶點"估得佢到"囉...都有跡可尋o既…如果唔係做咩無啦啦要幫你贖身先? 只係估唔到佢o地一公開已經係一張抱b o既全家幅o者!

同埋睇呢單新聞亦都有另一個focus...好多時睇新聞唔單止係睇個內容咁簡單, 最緊要係睇埋個寫作手法同埋背後o既動機...其實四月生o左點解要特登揀尋日放料俾傳媒? 仲要係獨家俾明知一定會專題報導六四o既蘋果.........目的好明顯….咪係為o左"淡化六四20年"囉! 睇你點揀邊單做A1頭條! 佢諗到呢招都算勁, 點知蘋果使出雙封面呢招...仲勁! 真係高手過招~~~~~~!!! 不過蘋果o係今次事件點玩都係贏…賺晒!


李澤楷、梁洛施生仔
李嘉誠替孫取名長治

【本報訊】城中超級王老五、電訊盈科主席李澤楷和女星梁洛施秘密拍拖一年半，昨日兩人終親自證實戀情，更驚爆已榮升父母。原來快將 21歲的梁洛施去年夏天懷有李家骨肉後，即由男友安排往加拿大多倫多秘密安胎，結果一索得男， 4月底順產誕下 7磅麟兒。香港首富李嘉誠對再度抱男孫喜上眉梢，更親自替孫取名「長治」。
(記者：陳月媚何凱兒)

現年 42歲的李澤楷一年多前與梁洛施傳緋聞，與此同時，梁與隸屬的英皇娛樂鬧出合約糾紛，糾纏半年後雙方協議解約，此後女方一直深居簡出，有傳她因懷孕身處外國待產。及至昨日消息終獲證實，李澤楷驚爆已榮升父親，本月 23日才滿 21歲的梁洛施，已於 4月底在多倫多為李澤楷誕下 7磅重男嬰，採取自然分娩生產，母子平安。

李澤楷：未有打算結婚

李澤楷與梁洛施昨日向本報證實產子消息，至於結婚事宜，李澤楷表明，暫時未有此打算。梁洛施的發言人盧覓雪接受本報查詢時，以書面證實喜訊。她指李、梁產子是有計劃的，換言之絕非出於意外，「梁洛施做媽媽了！梁洛施與李澤楷計劃生育下的愛情結晶品在 4月底出生了，孩子的爺爺為孫子取名李長治，至於英文名則由孩子的父親定為 Ethan。」

盧覓雪又提及梁洛施母子的狀況，「選擇自然分娩的梁洛施，在李澤楷的陪同下生產，過程順利，產後在母親的照顧下，復元得很快，即使親哺母乳，亦絲毫不覺累，算是一個易帶的嬰兒。 Ethan出生時重 7磅多，個多月下來增磅不少，現時體重未夠十磅。對於孩子的誕生，梁洛施感到十分恩賜，最令她開心的是， Ethan是個愛笑的啤啤，一家人都被逗得笑逐顏開。由於目前專心照顧初生兒子，所以梁洛施完全沒有復出計劃。」

發福梁洛施幸福滿瀉

本報昨日獲得兩張李澤楷和梁洛施兒子的照片，其中一張是一家三口的合照，估計是 BB出生不久後，在醫院房間拍攝。相中坐在椅上雙手緊抱兒子的李澤楷笑不攏嘴，躺在父親懷裏的 BB嘴仔張開，雙眼閉起，似仍在甜睡中； BB的面型、頭型，與剪了鏟青短髮的李澤楷尤其相似。
至於產後不久的梁洛施明顯發福，穿着類似病人服的鬆身衣物，頭髮盤在腦後，精神甚佳，彎身倚在男友身旁綻放笑容，幸福滿瀉。相中可見尿片等 BB物件。另一張照片則是 BB單人照，被放在床鋪上的小 Ethan張嘴伸脷，表情帶笑趣致、輪廓分明。

去年梁洛施與英皇娛樂協議解約後即往外國生活，消息指她與李澤楷有意「造人」，結果一擊即中，李澤楷及其家人均高興不已。懷孕後的梁洛施更在男友安排下，由美國飛往加拿大安胎。雖然李澤楷公務繁忙，但仍經常抽空飛往加國探望待產女友，迎接 BB出世。

短期內不復出努力收身

李澤楷和梁洛施誕下愛情結晶品，但兩人何時結婚惹人關注，記者昨日向梁洛施的發言人盧覓雪查詢時，她只說：「佢哋嘅私人嘢，我唔可以代答。」不過她指，李澤楷和梁洛施對 BB的出生感到十分開心，「所以佢哋透過我，想同大家分享佢哋嘅喜悅。據我所知，梁洛施因為要照顧 BB，短期內唔會復出，佢啱啱生完個幾月，而家要努力收身。」