4-10(mon) 又不是80年代…
前篇講開七十年代, 今日都係時候講o下八十年代喇…又係o係網上搵到一段時間o架喇…唔係話十分有共鳴, 不過都值得大家去回憶o下!
講到我o地最喜愛o既八十年代好似好耐世紀咁, 連cookies都要“又不是八十年代”…但對我o黎講, 只係好似尋日o既事!
------------------------------------------------------------------
80年代最懷念..........
最近某電台有個講八十年代既節目，攪左個「八十之最」問卷，有d答案真係令人勾起唔少回憶........你個八十年代呢?
(1)八十年代最浪漫﹕秋天的童話/陽光檸檬茶廣告/查理斯迎娶戴安娜
(2)八十年代最流行的一句口頭禪﹕「飲啖茶、食個包」/「毋忘六四」/「啤咩啤呀!」
(3)八十年代最渴望做職業﹕廣告公司ART DIRECTOR/遊戲機舖老闆/無線藝員訓練班
(4)八十年代最型﹕聽軟硬天師節目[芒按: 呢個絕對係!]/打幼呔返學/FINAL NET./DOUBLE CUT
(5)八十年代最好味﹕孖條/《香港84》 郭悟恩飲o既飛沙走奶/天星碼頭裡面o既大力士雪榚
(6)八十年代最大疑團：溫莎皇宮大酒樓雲石牆上的狐仙/日本文具內的模特兒貓，到底是不是死屍貓？/翁美玲死因
(7)八十年代最恐怖﹕荔園o既神秘寶洞/無線電視劇《老洞》個片頭[芒按: 呢個真係好可怕…連一向自命咩都唔驚o既我, 細個聽到呢段片頭, 都嚇到唔敢睇! o個位o翕“老…洞…”o既narrator真係好掂!]/ESPRIT每次半價o個條長龍
(8)八十年代最靚﹕陳百強/張曼玉/翁美玲/柏安妮 [芒按: 柏安妮都係?!]
(9)八十年代最鹹濕：姊妹、青春裡面o個o的粉紅、粉黃色地帶/龍虎豹、男子漢/曹查理
(10)八十年代最好笑﹕蝦仔爹o地/周星馳/無論高矮都著 Mark 哥褸
(11)最能代表八十年代一個人﹕中森明菜/周潤發/譚詠麟/MADONNA/BOY GEORGE/茂叔
(12)八十年代最青春﹕開心少女組/「青春」呢本書入面o既「青春之星」/Legwarmer、跳 aerobics/拎特大 Double cassette 去沙灘「funk」夏日寒風
(13)最想佢重現八十年代東西：陳百強o既氣質/有前座，堂座及超等之大戲院/香港經濟
(14)八十年代最大件事：有7-11/雨夜屠夫林過雲殺人事件/64/97/水壺手提電話出現
(15)最想八十年代冇發生一件事﹕8964/翁美玲之死/中國宣佈收回香港
(心血來潮, upload左一隻八十年代經典青春劇片頭+主題曲…廿四味daap真o下, 甘甘地, 心頭似蜜甜…)
posted by 芒姐 at 12:50 上午
9 Comments:
柏安妮當年真係風頭好勁架﹗最記得佢0係某部電影表演溜冰(佢當年都係因為溜冰比人發掘。以我記得佢daddy係英國人﹐a-level 0係英國讀﹐升大學前番香港玩take一年gap year﹐佢溜冰好似係勁﹐係代表出去比賽之類 )
之後既關詠荷﹐都係因為有‘小柏安妮’之稱而得以上位。
首歌係咪‘甜甜廿四味’﹖我暫時load唔到。但係我到而家都係咁鍾意呢首歌﹗多謝你當年為我‘衝動點唱’^^
I recognize only 哥哥 and 文雪兒 in ‘甜甜廿四味’.
Dear all,
Can't you see the girl with ”烏蠅”sunglasses....she is 關芝琳!
She was a blind girl in the story ar!
Also倪詩蓓！(I liked her when I was small) She always paired with Leslie!
Mon Jeh Fan si,
CC
PS (Mon Jeh, 80's is really a golden era, wish I could go back & enjoy once again!)
[紙紮超人字] 講起孖條, 我最近係Lamma Island 食過, 係阿波羅出品, 有西瓜及青檸味.
有d 有共嗚(例如, 廣告公司ART DIRECTOR/無線藝員訓練班都係我小時候最渴望做o既職業, 我仲想過做dj 同編劇o添; 溫莎皇宮大酒樓雲石牆上的狐仙/日本文具內的模特兒貓到底是不是死屍貓/翁美玲死因等等都算八十年代裡面o既大疑團; 不過, 我最認同o既係 ── 最想八十年代冇發生o既一件事﹕中國宣佈收回香港), 有d 又唔係太認同(「毋忘六四」都算八十年代最流行o既一句口頭禪? 六四發生於89年, 咁o係80年代結束之前, 頂多咪得半年俾大家嗌lee 句? 八十年代最靚及最能代表八十年代o既一個人又點少得哥哥?)
"甜甜廿四味"同"對對糊"o既vcd 我都有買呀, 一句講晒 ── sweet! 雖然盧業瑂個樣唔靚, 但係估唔到佢把聲原來咁sweet, 好襯d 青春劇o羅!
我細個覺得柏安妮好靚架, 仲要加埋佢溜冰好勁, 好鍾意睇0個套有佢溜冰的電影 (若果無記錯, 好似係為妳鍾情)
"為妳鍾情"我前幾年有睇過, 不過唔記得佢有無玩溜冰添!
講開又覺得佢同關詠荷有d似...以前係覺得關詠荷幾靚 (尤其係亞視年代), 不過又無覺得柏安妮"特別"靚過...原來佢風頭真係曾經咁勁?!
金美姐姐...當然係"甜甜廿四味"(呢句都好似有得唱o架!)..."衝動點唱"?! 死喇...我唔係好記得詳情添...係咪歐陽德勛?!
其實"甜甜廿四味"/"對對糊"等我都不算太好...因為d女角不算太吸引 (咁"甜甜廿四味"o個幾位其實睇睇o下都唔差!)...同類型劇最正始終係"iq成熟時"...不過到哥哥逝世o個排又有得睇番, 睇睇o下又幾好睇! 因為有哥哥同鍾保羅! 可惜我當時無機會睇晒!
cc講o既關芝琳同倪詩蓓都幾靚女...但係唔知點解呢幾年o係d雜誌再見到倪小姐已經走樣走得幾勁, 同埋把聲"拆"晒!
文雪兒就唔知點解我成日都覺得佢個feel好老, 唔太o岩青春劇...可能因為我認識佢o既時候佢已經結o左婚生埋女, 感覺即刻auntie左, 情況同陳秀雯一樣...睇佢o地做青春劇無咁大共鳴...好似睇馮曉文咁(哈!)
我都同意盧業瑂把聲又的確係好襯d青春劇o既!
"紙紮超人"...呢個名太嚇人喇...我驚嚇親其他讀者! 孖條都係留番你同過兒食啦...哈哈! 其實講起孖條...唔知點解永遠都會諗起杰佬同泳之? 你看著我...我看著你...
發佈留言
<< Home