3-31(fri) happy90000+八十年代的邵美琪
哈哈! 不經不覺又到o左happy90000 o既日子, 今次我自己記得cap喇 (當然都要人為地click多幾下), 上次happy88888咁好意頭諗住都cap下啦, 點知miss o左! 呢d好意頭o野都係無我份!
(happy89999 to happy90000)
如果唔係讀者shaw_mag講我知, 我都唔知原來內地讀者係入唔到o黎blogspot, 因為呢d site居然俾政府block左…我知內地不嬲都有censor新聞, 但估唔到連呢d site都會禁, 但奇又奇在禁d唔禁d? diaryland又唔禁, 反而blogspot又禁…雖則話blogspot多人用d, 但係敏感話題o係邊度都寫得o架啦…係block就應該block晒所有啦!
應讀者要求upload左當年蔡楓華經典名曲“愛不是遊戲”tvb版mv, 因為有青春無敵卜卜脆o既邵美琪做女主角!
有八十年代o既pizza hut啦, 有仲未癲o既紅唇王子啦, 仲有靚到爆o既邵美琪添! 同埋呢首歌又確係經典之作…就係因為哥哥o係演唱會唱o左佢呢隻歌 (好似仲直播埋), 而作為勁歌主持o既蔡楓華仲發現呢隻hit歌居然入唔到季選, 一時有感而發講出o左傳頌一時o既“?那光輝”言論, 令佢由萬人敬仰o既白馬王子一夜間變成過街老鼠…後尾仲癲埋! 相信呢首都係佢一生難忘o既歌曲!
好! 如果你都仲係從來都未睇過呢段片…唔該你去補習番先啦!
不過“愛不是遊戲”呢隻歌仔好長, 唔知點解我部半壞o既相機錄唔到成隻歌, 咁就分part 1+part 2咁upload啦…不過咁都好, 因為我拿住部相機幾分鐘手都累埋, break一break都唔錯! 但大家要開大聲d個volume, 因為餅帶都幾舊, 同埋翻dup左好多次, 所以會唔係太清!
既然都upload左, 咁就順道公諸同好俾所有八十年代又好/蔡楓華又好/邵美琪又好/愛不是遊戲又好…o既fans一齊睇啦! (直頭放埋o係度逼大家一齊睇)
“愛不是遊戲”mv-part 2請自行進入
既然講開邵美琪, 再順道送多篇舊明周報導俾各位fans! 其實好似係上年明周其中一欄“明周開倉”登番廿年前o既舊訪問, 多得獎門人留起俾我作珍藏…因為係攝於我個相機未壞時, 所以都影得幾清…依家個相機影親d相都一係朦, 一係就反晒光! 激死人!
(按圖放大)
呢幅相個look同“愛不是遊戲”個look差唔多, 應該係佢初出道o個兩年! 大家仲記得邵美琪一出道有“小甄妮”之稱嗎? 睇落又真係有d似! 同埋睇佢張童年相, 佢同佢媽咪簡直一樣樣!
呢篇文章仲講番佢廿年o黎o既心路歷程, 同戚其義, 傳聞o既邵頌衡 (講真, 唔睇番都差d忘記o左邵頌衡呢個人…但呢排睇番好多舊香港電視, 發現佢當年真係做好多男主角, 仲力捧過吳鎮宇! 但紅o左幾年又唔見o左! 我當年覺得佢同劉美娟真係幾襯o架喎!), 仲有同鄭伊健o既“不認不認還衰認”, 再到“奪面雙琪”事件…真係廿年人事幾翻新!
(按圖放大)
睇完今日o個集“娛樂直播”訪問班馬戲團演員…見到楊施肥小姐, 真係睇極都唔到佢有咩好?唯一可以講係: 身材真係幾好! 如果我係男人, 我都會覺得佢幾吸引o既…哈哈哈!
更加唔明點解o個套"鏢局"會有咁多人睇, 話好收得喎! 我嘗試叫自己睇番一兩集…點知都係完全提唔起任何興趣…仲要有d“咁吸引”o既cast…居然收視高企, 真係匪夷所思!
其實大家知唔知鏢局係做咩o既呢? 幾年前已經同d frd講過呢個話題, 但係都唔夠今日有朋友咁一矢中的=COURIER!!! 即古代的fedex! Bingo晒!
posted by 芒姐 at 11:59 下午
42 Comments:
Congrats on the 90,000 milestone, and thx again for the MV.
Since you like the 80's version of Maggie, here are her pics:
http://tw.image.bid.yahoo.com/users/9/9/8/6/owlhom2004-img600x450-1133707538dsc09977-1.jpg
http://tw.image.bid.yahoo.com/users/9/9/8/6/owlhom2004-img600x450-1133707554dsc09978-10.jpg
http://tw.image.bid.yahoo.com/users/9/9/8/6/owlhom2004-img600x450-1133707569dsc09979-3.jpg
About David Siu, I miss him.
芒姐，你講得o岩，我都好想知點解鏢局咁多人鍾意睇。我細佬簡直日日追，尋晚做大結局時，成家人，包括平時食完飯無幾耐就要訓覺既父親，都講到明話要睇完大結局至去訓，幾緊要呀，好耐都未見過咁既場面。
尋晚見到重播娛樂直播訪問，見到人生馬戲團果3個主角做嘉賓，即刻走左去閂電視，實在令人提不起興趣。
芒姐，你有冇聽收音機既習慣呢?話說我放緊大假，尋日係屋企聽903，聽到 iloveuboyz，請左苑仔做嘉賓，嘩，出奇地好聽，可能係苑仔講得出色卦，有機會聽番，佢講鬼故好好笑。
剛剛看到日記，這個回應該屬於這裡才對，請芒姐幫我 del 下面果個，謝?
就咁，鑣局我係捧場客黎架（呵?），套戲既至命傷應該係個女角掛，無線係咪無哂花旦呢？８點９點既花旦都〔手羅〕哂命！
另外，呢套戲既劇情，其實唔差架，都算峰迴路轉架！不過我估收得既原因係有黎耀祥，我覺得歐陽振華都可以係一線小生佢就更加當之無愧啦！我差唔多全套戲都係睇佢咁滯，另外一個靈魂就係蔣志光莫屬，呢套戲有佢地係收得既好大原因！
補充：全片奸得最浮誇既應該都係黃智賢，唔知點解我覺得佢奸得好假，一ｄ都唔入骨！
Mon Jeh,
Long time no chat! I just love your 愛不是遊戲 MV, especially the first shot of Part 2......
Ken Choi with his glossy lips...Waaaaaaaaa! 好似Ｄ外國女明星做左lip injection! 好豐滿 ar！
”剎那光輝”言論好經典, but this time I aware that 廬敏兒 was very helpless and 徬徨 at that moment! A crazy man is standing next to her ....Poor girl!
Your fan屎,
CC
cc,
哈哈哈哈哈! 你居然係留意紅唇王子兩片朱唇...佢果然係有market!
"剎那光輝”言論我真係不下睇o左幾十次...money姐o既表情係無助之中企圖力挽狂欄...我覺得o係咁o既情況下, 佢表現都幾唔錯!
芒
雲,
真係唔好講少, 我發覺真係有幾多人睇呢代古代courier...而我...都o係"半被逼"o既情況下睇o左少少大結局! 事緣出街食飯間酒樓有電視開住, 做"馬戲團"時都無咩人睇, 點知一到"courier"就每?o既所有人都望住個電視...真係一個奇景! 但我睇o左3/4都係o係度讀遺囑...跟住見到阿ben哥哥黃智賢懶猙獰o既樣(我不得不認同你話佢係最浮誇o既奸人...可能佢只可以做"真情"阿海o個d單純漢子, 或者小時候睇"閃電傳真機"同jay姐姐一齊做o既叉燒包vs漢堡包!)!
不過相信呢套戲有咁多人睇, 劇情應該都有一定吸引力o既, 否則以咁o既cast, 真係完全唔明點解! 香港人係最明智o既, 無人排隊o既地方d o野一定唔好食...所以, 有咁多人睇o既戲, 一定有佢o既好處! 同埋我都好認同黎耀祥演技真係有番兩度!
至於阿馬小生, 真係應該可以摺埋, 佢最得o既時候相信係幾年前做o個一jar"on直"小子角色, 好似"勇往直前"個甘元咁! 至於依家...都好過黎諾懿少少o既!
我有個frd話好怕睇馬浚偉做古裝, 因為佢A字膊得好勁, 做皇帝有勁shoulder pad就好d...哈哈哈! 呢個言論都幾新鮮, 但我諗落又不無道理...雖然我從來無留意過呢樣o野!
敏兒,
我戒o左聽收音機幾年喇, 就算係聽都只會偶然聽o下d頒獎禮同數榜, 仲要多數聽港台, 我已加入老餅行列!
總覺得商台一係就走d十幾歲路線, 一係就走sell保險幫你洗腦路線...雖則我10多年前曾經幾buy佢o地...esp.軟硬啦!
依家我連電台幾點做咩節目都完全唔知, 只係試過有幾次8,9點被逼聽o左d什麼"空中lay文"...我真係完全唔知佢o地想講咩? 可能我真係老喇, 有代溝! 不過我相信如果有好嘉賓, 商台都偶有佳作o既! 仲有幾年前都有半被逼地聽少爺占個"韻琴ja ja"節目...聽聽o下都幾好笑!
shaw_mag,
thanks! haha, i didn't even know that he's called David Siu...where is he now?
我d同事話鍾意睇馬浚偉喎, 有個仲話buy阿楊思琦tim, 真係得人驚! 有時師奶o既口味真係好難預計!
嘩! 咁得人驚?! "勇往直前"年代我都ok buy馬小生...但請問你位喜歡楊思琦小姐o既同事係男定女? so far我都未聽過有女仔buy佢...真係願聞其詳喇!
use this la
http://s9.yousendit.com/d.aspx?id=29Q94DJOBI5MD3S7RF8OHF35UA
真係講你都唔信, 喜歡楊思琦o個位係女人o黎o架, 佢咪就係我老細之嘛...... 我記得o個次一大班人食政治飯, d人無乜野講就唯有講o下d明星啦, 當講到無線姐仔時, 大部份女人都話唔鍾意阿佘詩曼, 大老細(都係女人)就話比較buy未跌watt時o既陳慧珊(其實陳慧珊好似已經唔係無線人), 同埋如果只係in terms of 個樣, 咁阿郭羨妮都尚可, 然後我老細就話佢覺得阿楊思琦最好, 因為夠乖夠純品喎... 當時都無乜人有回應, 而我同埋另外一個同事(佢同我最friend, 都係女仔)就完全啞晒, 大家立即交換o左個嘲笑加鄙視o既眼神!
我又無聽到有男同事話buy楊思琦, 佢地好似鍾意阿嬌, stephy同埋英皇mandy多d... 我細佬就話好憎楊思琦lor, 佢話楊小姐又嘈又蠢又唔係幾靚喎, 我朋友個男朋友都話好怕楊思琦... 不過佢地d意見又不能作準o既, 因為佢地都係比較鍾意d爽朗型o既女仔!
整多隻好惡頂既~
http://s62.yousendit.com/d.aspx?id=1A5BYLDDSY6KR26SOZDQ2PPSVT
m@linxism,
多謝晒你的mv(s)...哈哈哈! 笑死我! 小虎隊隻"忍著淚說goodbye"個mv的確幾頂癮!
睇落孫明光真係三個之中最靚仔, 難怪佢有得做"新扎師兄"! 但其實小虎隊係點成立o既呢?
同埋見到佢o地三個跳下跳下, 真係好令人諗起草蜢, 唔怪得知八十年代d舊雜誌成日都話草蜢係小虎隊接班人...依家聽落好似地位差好遠, 但係其實當年小虎都紅過幾下, 好似唔知82年台慶都見到佢o地同一眾紅歌星一齊表演! 不過跳舞方面, 草蜢就勁好多倍!
匿名者,
你位喜歡楊思琦o既老細真係好有taste...難怪佢係老細! 真係無咩聽過女性會buy d"夠乖夠純品"o既女藝人, 呢d頂多係男性o既喜好...陳慧珊就似係會討女性歡心o個隻!
我好欣賞你同個同事"交換o左個嘲笑加鄙視o既眼神"...呢個係正常人必會做o既反應!
應該咁講, 大部份女性都頗頂唔順楊小姐, 會話ok buy佢o既, 一定係男性! 我真係未聽過有女仔話ok佢...佢把聲同佢o既反應遲鈍, 真係去到一個好得人驚o既地步...幾靚都補救唔到...何況佢...
"忍著淚說goodbye"個mv真係好頂癮, 尤其係做gym o個part, 真係唔知佢地想點!
孫明光係第二屆新秀亞軍, 佢係唱賤男XO譚校長o個首"遲來的春天"o既; 至於阿林利同阿胡渭康都係參加第一屆新秀, 不過無獎。當時(1983/1984年左右)o既日本熱已經好熾烈, 開始興d boybands, 咁o岩孫、林、胡三個都身高至少六呎, 三個都係十來歲o既小伙子(不過孫明光應該好似大少少, 佢好似係7月生日, 新秀o個晚佢應該仲係19歲, 但係幾日之後就已經20歲), 咁華星可能覺得佢地有得做, 所以就將佢地組合成經典boyband小虎隊o羅! 佢地隻"忍著淚說goodbye"o係東京音樂節度拎o左個什麼最佳台風獎, 不過o個個其實應該只係一個豬肉獎。
佢地三個都紅過幾個月o既(其實我最有印象係胡渭康o既兒歌), 不過當時同屬華星o既哥哥同梅姐走勢咁凌厲, 如果我係華星老闆, 我都會放晒d 資源o係兩位叫好叫座o既巨星度啦! 同埋, 如果我係當時o既少女, 我都會迷Leslie而唔會迷佢地三個啦!
嘩!! 草蜢好過小虎隊好多!!
你有無睇過o個個好經典o既"85-IYY"MV? 我o係個MV度見到孫明光同林利閃過一兩o下, 不過好似唔覺有胡渭康。
我估"忍著淚說GOODBYE"個CONCEPT係做完GYM, 練好身體就衝左出去山邊跳舞. (不過好似同歌詞無乜關係) 但做GYM真係好惡頂!!! '伴我啟航'OK少少, 不過都係同類風格, D 衫都好難頂!
睇返草蜢'飛躍千個夢'MV就好好多. (不過唔FAIR既...咁比法... 始終年代唔同, 爭左幾年)
"伴我啟航"mv我近幾年都有睇番...個風格係差唔多, 不過無咁九唔搭八囉!
無錯草蜢係好過小虎隊好多...不過我相信當年成立草蜢個concert, 點都有d係來自小虎隊!
我又反而無聽過胡渭康o既兒歌...有無d咩名曲呢?!
"85-IYY"我有睇過呀...不過無認真咁睇, 等我再搵番o黎睇o下先!
1994 華星 CD 02 1170 兒歌精選
●龍珠（劇場版）＞陳德建曲＞張美賢詞＞陳德建編
●畫叮噹／小太陽兒童合唱團
●黃金戰士／胡渭康
●怪物小王子／胡渭康
●魔法小子／梁漢文
●想你聽我唱＞陳德建曲＞張美賢詞＞陳德建編＞無線＜兒歌新天地＞主題曲
●傳說／梅豔芳
●430穿梭機／張國榮
●共享陽光／蔣慶龍
●忍者／華星兒童合唱團
●新魔神英雄傳／許志安
●我都做得到／華星兒童合唱團
●每點愛都記住／車沅沅
●叮噹／小太陽兒童合唱團
●IQ博士／梅豔芳
●藍精靈／華星兒童合唱團
●伏魔小王子／梁漢文
●腦波子／陳美齡
●電子神童／胡渭康
●雷鳥拯救隊／蔣慶龍
●一股歪風／梅豔芳
●宇宙大帝／張國榮
●戰士高狄安／蔣慶龍
●愛的旅途／江欣燕
●新大鐵人十七／譚耀文
剛剛睇完"85-IYY"個MV, 今次我又見到胡渭康喇播! 邪!
嘩! 我都重溫o左一次"85-IYY"個MV, 眼都花埋, larp下只係見到林利, 等陣先再睇多次!
當時點解可以搵到咁多唔多藝人一齊拍呢個mv, 唔止老嫩歌手, 仲有無線藝員, even婦女新姿主持...咁大雜會o既?! 之後86, 87年又唔見有...當年究竟發生咩事呢?
I am borrowing mon jeh's blog to say BIG thanks to m@linxism for the clear version of “愛不是遊戲”tvb版mv.
1985年係國際青年年(International Youth Year, 簡稱IYY)o丫嘛, 可能當時咁o岩撞著夏天/暑假, 無線覺得可以玩o下gimmick o瓜, 即係好似港台o既太陽計劃(不過o個時好似仲未有太陽計劃, 只得夏日樂逍遙)咁, 趁暑假班齊馬o黎個眾志成城show, 配合o下夏天熱熱鬧鬧o既氣氛。其實1985年都好興玩眾志成城, o個年外國有個"Live Aid"(20年後, 即舊年, 又有個"Live 8")同首經典theme song "We are the World", 相信70年代出世o既人應該都會有d 印象(不過70年代尾出世o個批可能會模糊d)。
我仲記得84/85年左右, 逢星期六下午六點有個青少年資訊節目, 由張國強、唐麗球、Money姐、馮雲黛同埋無乜青少年feel o既羅志強一齊主持, by the way, 呢個組合o係"85-IYY"個MV度都亮過相, 不過得一個shot咁大把(阿張國強同阿唐麗球好似各自有多幾個shots o既)。
當年o既娛樂圈可能無今日咁複雜(至少無咁多黑社會同咁淫亂o瓜??), 有地位o既唱片公司來來去去得o個幾間, d 歌星又必定會簽無線(因為無論你幾有潛質都好, 留o係麗的/亞視就一定唔會紅, 哥哥就係個好例子啦, 麗的/亞視都唔識捧人o既, "sai" 料), 況且當年亦無咁多個電視台, 藝人亦無咁多種市場/瓣數要兼顧, 無線要動員旗下歌星、藝員拍o下野, 應該比今日容易o瓜。
其實每次睇"85-IYY"個MV都會好感觸...
maggie 後生時個樣好sweet, 好吸引呀~
個愛不是遊戲mv 好正, 睇極都唔厭
thx!
雪人,
無錯, 真係好掂! 唔睇番都唔發現係靚成咁! 仲有蔡楓華d迷人眼神都絕呀!
芒
smallbee,
原來1985年係咁特別o既一年...好少可見d mv會有咁多歌星藝員齊集! 我淨係記得1990 o既 "凝聚每分光", 叫大家唔好移民留o係香港...香港幾好都有o個d!
"We are the World"當然有聽過, 但個show就真係毫無印象喇!
嘩連"84/85年左右, 逢星期六下午六點有個青少年資訊節目, 由張國強、唐麗球、Money姐、馮雲黛同埋無乜青少年feel o既羅志強一齊主持"你都記得...似乎你比我更電視精, 要搵你做顧問先得!
我有見到張國強同唐麗球, 但無見到Money姐...而馮雲黛&羅志強我直頭唔知係邊個添...真失禮!
羅志強係生BEARD果個. 主持過'常識顯像館'? 另, 今日重播'挑戰', 真係幾好睇!
oh咁我知邊個係羅志強喇...咁佢真係完全無青少年feel喎!
又出dvd又重播...tvb係咪倒自己米? 真係有d想買'挑戰', 同埋無線出o左個電腦大富翁game, 都好吸引!
張國強+唐麗球+Money姐+馮雲黛+羅志強o係"85-IYY"MV o既後段出現o架(between 蔡楓華and陳潔靈), 佢地出場時唱住: 變幻無窮無盡, 閃出各樣設計與構想。
有一個shot可以比較明顯見到孫明光同胡渭康, 應該係梁朝偉、區瑞強、關朝聰、狄寶娜摩亞、雷安娜、鄧麗盈同戚美珍亮相之後o個一段, 你會見到有一班人坐o係度, 由左至右, 分別係劉青雲、歐陽德勛、張衛健、孫明光同胡渭康...... 應該唱緊: 不怕風雨, 不怕轉變, 永活著期望。
我都算係電視精, 尤其細個o個時, 我連K-100通訊站都唔會放過o架, 過時過節o個d 通頂點唱節目、農曆新年夜晚重播o個d 電視劇我實捧場o架, 以前仲一定要睇晒成個歡樂滿東華先會?覺。我小學已經睇報紙娛樂版、新電視、金電視同明報周刊, 所以d 老師(尤其係小學o個d)成日都覺得我難成大器o架, 不過是但啦, 我都唔理佢地o既。
我諗主要係因為我老餅, 我早過你出世, 咁梗係記得多d 野啦! 我有個家姐同阿姨, 佢地同樣係電視精同埋勁煲娛樂版, 我地感情又好喎, 好多時大家o既話題都離不開d 娛樂新聞, 我可算係聽住娛樂新聞大。
順便一提, 你咪話過唔知點解"甜甜廿四味"裡面阿鍾保羅個角色中途由莫少聰做o既, 我記得係因為拍拍o下套戲, 阿鍾保羅遇上車禍傷o左隻腳, 所以個角色局住由莫少聰頂, 你知啦, 麗的一向無咩錢, 佢地d 電視劇興邊拍邊出街o架。其實o個時我都好細個, 但我好記得我阿姨同我家姐咁講。
Sorry, 張衛健同孫明光中間應該仲夾住個王書麒。
small bee果然係好pro呀o下!
電視精點會"難成大器"? 我發覺精於睇電視o既人先應該更能成大器...起碼對某件事有熱誠同埋會好記性...仲有睇電視學到o既o野, 絕對唔會比讀書少 (好明顯o係度defend緊自己由細到大狂睇電視o既習慣!)
我都係自細一定要睇完eyt先肯? (甚至做功課), 要睇晒成個歡樂滿東華先安落, 自小學開始煲娛樂版, 儲香港電視...咁樣咪仲快識字過睇教科書, 至少有趣d嘛!
"甜甜廿四味"o既鍾保羅轉為莫少聰事件真係好騎呢...不過我真係幾鍾意睇阿paul!
我睇o左喇...係見到小虎隊三位成員!
嘩! sorry...完全唔認得money姐囉...佢試過咁髮型o既咩? 我有留意過佢o地o個part, 但一路都唔知o個個係佢!
馮雲黛好似有見過喎...佢係咪跳舞o架?!
係呀, 馮雲黛係跳舞o架!
哈, 頭先睇挑戰見到吳鎮宇做KELEFE.
仲有佢之前都在'萬水千山總是情'做KELEFE.
http://www.linxism.com/misc/ng1.jpg
http://www.linxism.com/misc/ng2.jpg
http://www.linxism.com/misc/ng3.jpg
http://www.linxism.com/misc/ng9.jpg
http://www.linxism.com/misc/nga.jpg
http://www.linxism.com/misc/ngg.jpg
嘩...咁可憐! 85年佢都撈o左幾年o架喇喎!
其實佢都係真實版o既"難兄難弟", 做o左好多年茄喱啡先捱出頭來! o係"楚留香"都見到佢做茄喱啡啊!
挑戰的圖:
http://www.linxism.com/misc/n1.jpg
http://www.linxism.com/misc/n2.jpg
http://www.linxism.com/misc/n3.jpg
偉仔真係好正, 唔怪得當年都咁紅 (我果陣太細個, 未迷明星!)
搞到人真係好想買o黎睇添...其實我隱約記得陳敏兒o係呢套戲都唔錯 (因為我不嬲不太buy佢做戲, 做主持就ok...但呢套我記得我都ok buy佢同呂良偉o個段...梁翁就唔洗講啦!)
吳鎮宇係咪做緊同一個角色, 定係一劇十角咁呀?
第一個POST的吳係'萬水千山', 第二個係'挑', 扮證人~
芒姐,我想問你,我好想睇小虎隊的MV,但我睇唔到,可否教我呢??我好鐘意孫明光的,你是否有他的mv呢?可否copy買比我呢?你可以e-mail話比我知.我找了他的mv好多年了.希望你可以幫下我,我的e-mail是rawlovemiracle@yahoo.com.hk
都系睇唔到嗰個MV呀
好似被YTB delete咗
芒姐可以send去mediafire嗰D存儲站嗎
thx in advance
發佈留言
<< Home