3-25(sat) 譚校長+朱樂言舊視評之...《同撈同煲》邊個扮得似？ (2005-04-23)
嘩! 星期日下午tvb會播哥哥+梅姐+曼玉o既經典電影"緣份"...雖然3年前哥哥逝世時都特登買o左隻特別版"緣份"vcd, 返到英國仲即刻播o黎睇...但係我呢d電視精總係覺得係電視睇係另有一番感覺o既! 呢個要睇番喇...當係紀念哥哥o係4月1日逝世三周年嘛! 套戲就不能話好好睇(劇情-wise), 但確係好經典, 尤其o個隻主題曲! o個場什麼"緣份遊戲", 睇到都想笑...同埋曼玉真係幾靚, 亦同哥哥好襯!
o岩o岩睇o左"娛樂直播"有一段譚校長接受淑梅姐o既錄音訪問, 剖白佢同老婆shirley+"紅顏知己"wendy o既關係...嘩! 聽完只係想講句: "無賴中o既無賴!"(下年勁歌總選利孝和夫人應該對住佢講: "無籟"!)...自己做錯事仲話個老婆一日淨係不停咁鬧鬧鬧, 個紅顏知己就點好點好...真係戥佢老婆慘! 等佢仲成日自問正義之士, 上年"車震"時件又學人教訓賤男梁榮忠...其實咪係五十步笑百步, 你同個第三者連仔都生埋, 明顯你仲賤d...唔怪得之佢都唔敢點認真咁教訓賤男啦! 最抵死係無線播呢段校長錄音時, 仲配以校長+賤男o既一段片...明顯係諷刺佢兩個"坐埋一?"!
o係"勁歌"聽到阿姐同kelly合唱o個隻歌...嘩! 難聽到呀...點解搞d咁o既o野?!
尋晚睇soler訪問, 開始明白點解佢o地紅得咁快...的確係又靚仔又唱得...可惜我真係一d都唔buy洋人! 仲有, 今晚o既鄭敬基訪問...佢簡直係不老的傳說呀, 令我諗起當年唱"anita, anita..."o既佢...嘩! 原來佢個仔已經16歲! 個訪問仲搵埋佢仔女上o黎...真係好似3兄妹咁! 男版林珊珊呀!!!
繼續朱樂言...呢篇又係絕! 笑死我! 雖然我唔鍾意睇呢套戲, 但上年首播時都有睇o左兩下, 仲有睇埋呢篇抵死視評, 好似仲有o係呢度講o左兩o下添!
---------------------------------------------------------------------
《同撈同煲》邊個扮得似？
---------------------------------------------------------------------
嘩，乜似成咁？不是扮得似，是抄得似。
無論大橋、包裝、賣點，兩男配兩女的方程式，《同撈同煲》都恍如《難兄難弟》的翻版。[芒按: 中晒!]
兩男必定一精一呆，第1集必定相認，然後必定住板間房，同屋共住，艱難搵食，《難》劇集中片場搞笑，《同》劇當然亦步亦趨，熟口熟面片場戲不時穿插，但?免抄足百分百，所以加個花露水廠點綴，不過「工廠妹萬歲」是寶珠的首本名曲，胡杏兒扮的鄧碧雲又不太吻合，唯有做做?轉賣粉果，舞臺點混亂，總之七十二行有得同撈自然同煲，鄧寄塵有難，新馬仔自然去救，鄧碧雲自然同情，林鳳有理無理都要刁蠻，意料之中的關係，好笑與否見仁見智，不過此類刻種要成功要廣受注目，決定因素只有一個---究竟扮得似唔似先？
兩男水準不足
珠玉在前，《難兄難弟》的李奇與寶珠，都是一個神話。當年的羅嘉良是長劇殺手，剛剛在《天地男兒》喪盡天良，轉頭又會呂奇上身，無論聲線及動態都維肖維妙，與《92黑玫瑰對黑玫瑰》的梁家輝可謂一時瑜亮；張可頤更神奇，一直不大起眼，忽然全身充滿陳寶珠細胞，造作卻不礙眼，甚至歌舞連場亦可應付，從此一仗成名，奠定姐級地位。[芒按: 又係中晒!]
郭晉安最厲害的武器是觀眾緣，喜劇其實不大擅長，阿旺跑出，全因角色設計夠童真夠可愛，今次扮新馬仔，外形輸蝕，瘦不了3個碼，唯有頭髮加點Gel，聲線語氣儘量模仿，不過阿旺實在太深入民心，聲線一變就似阿旺，傻更更有餘，新馬仔味道卻不足，幸好角色好人一個，扮不似，也不難看。
馬國明一直浮沈，這一次決定盡地一煲。一出場令人嘩嘩嘩，五官擠壓，身體扭曲，對白抑揚程度得人驚，一字記之曰「誇」，當然，鄧寄塵窒口窒舌特色一定保持，但太多硬滑稽大動作，看得多便容易疲累。新人要令人留下印象，這確是方法，或許小孩子觀眾也會看得開懷，卻不是我的一杯茶。[芒按: 中中中!!!]
胡杏兒最具光芒
4位主角，最突出的是胡杏兒。
鄧碧雲特徵不多，絕不易扮，難得她不慍不火，只是裝裝胸，將聲線適當壓低，加點60年代說話語氣，便自然而然似到十足，肯定她背後做過大量功課，最難得是戲味不失，感情流露清清楚楚，胡杏兒做戲本來有點過火，但于《流金歲月》扮弱智妹或這一趟全力模仿，卻又恰到好處。生得一副妹仔樣，卻能扶搖直上成?姐仔，她的成功並非僥倖，全靠努力不懈去搏取觀眾認同。《同撈同煲》首周收視高開31點，胡杏兒功不可沒。
江芷妮亦值得欣賞。扮林鳳，可發揮的地方不多，她便乖乖的循規蹈矩，扮?聲?，企?丁字腳，刁蠻時刁蠻，不去刻意搶戲，但一切稱職，總勝過一些躲懶的甘草，像陶三姑或者梁醒波有何難扮，為何朱咪咪及秦煌只做回自己？
所以，默默耕耘的艾威，值得我們鼓掌。
艾威是最佳綠葉
只是同屋共住，戲不在他身上。
但艾威無時無刻都交出成績，石堅的口頭禪，*人的眉梢眼角，凶巴巴的身體語言，從來沒有鬆懈。難得的是，喜劇感自然流露，比起喜劇老手黎耀祥太過擠眉弄眼，手法更高明一籌。
可惜戲實在不多，飾演關德興的羅莽又差幾皮，火花無法擦出，但請不要氣餒，有麝自然香，他的努力遲早有回報，就像今時今日的許紹雄、夏雨，甚至鍾景輝，一樣有機會當主角。
艾威，你夠唔夠「蔔」等落去？ [芒按: 呢個都同意...原來艾威真係有咁多fans!]
posted by 芒姐 at 2:35 上午
15 Comments:
不嬲都覺得譚詠麟係賤男中的賤男, 無賴中的XO!! 我想問點解佢老婆唔生小朋友, 係不願定不能呢??
點解佢明明做錯事都仲可以大義?然, portray 到自已無錯, 成個有情有義0既大情聖咁?? 我覺得佢老婆真係好慘呀!!
其實我無睇過《同》(不過我媽咪就好鍾意睇), 但係我好buy 艾威架!! 我由《今生無悔》開始就留意到佢同郭政鴻，所以特別喜歡睇佢地呢兩個配角, 尤其艾威, 好鍾意佢0係《大時代》個角色！
一向都覺得果幾雙所謂「福祿壽」係賤男中極品架啦，同條咸虫（成虫）無乜分別，娛樂圈已經夠多無賴，佢地幾個簡直係首領！
艾威真係好多 fans 架，我都係其中一個！
咪就係...我以前以為淨係成虫最cheap?, 講埋d咩"犯o左所有男人犯o既錯"又什麼"風流而不下流"論點...真係笑鬼死人! 我成日都覺得佢應該去學o下d public speaking skills, 作為一個"萬人景仰"o既名人, 仲要成日代表香港, 你一日到晚開口夾著?, 真係好失禮!
點知原來低處未算低, 一向幾識講o野o既譚校長, 今次令我好失望...什麼"呢d係於理不合, 唔學得, 亦唔係個個學得到"...真係"窺"(忽然唔記得o左點寫呢隻字)佢講得出, 仲要懶係正義之士, 教訓後輩咁!
係, 我相信大把人去滾, 但佢滾到上身, 又包二奶又生埋仔...最唔掂係佢扮正氣嘛! 如果梁榮忠係賤男, 佢真係賤男中o既賤男...雪人你講得好o岩!
阿雲, 我以前真係以為「福祿壽」係健康正派之士(哈哈哈)...阿叻到依家仲扮到至情至性咁...哎! 八十年代樂壇三大門派, 我係最支持校長 (因為年少無知, 受d表姐影響)...但人愈大愈睇得多, 發現形象最健康o既佢, 反而最不知所謂...2003年一連死o左兩位八十年代o既一等一好人天王巨星, 我仲心諗...點解唔係佢呢 (好衰!)?
至於佢老婆係不願定不能...我都唔知添!
oh, 原來真係咁多人喜歡艾威...我要話俾我個frd知先得!
eh...佢o係"今生無悔"做過咩角色呀? 我無咩印象添! 郭政鴻又做咩角色呢? 我淨係記得歐陽bobby同陶大宇...哎!等我仲自問”今年無悔”ｆａｎｓ添．．．真失禮！
Hi, Mon jeh.
I've been absent from your diaryland for...more than 3 months. When I revisited it last week, I was very surprised to find it needs password. Luckily, a netizen/friend told me your new blog. So, here I am.
I see that you become Kevin Cheng and 朱樂言's fans now (ha..ha...). You have mentioned many times about 《天幕下的戀人》. I have not watched that drama series, so no comment. But I do like Kevin, he is quite "man".
About 朱樂言's reviews, I read it from that 163bbs and jadenew. There are also 鮑偉聰's review.
FYI, China Mainlander netizens can not access your new blog. Don't know why. Most of them know you or your diaryland coz of 我本善良。
從來都無鍾意過譚詠麟, 從來都唔覺得佢有乜野咁值得人鍾意! 佢D歌好好聽咩? 大把別人的歌好聽過佢O個D; 佢O既台風好嗎? 相信蔡楓華還比佢有台風; 佢作O既歌好聽嗎? 老實講, 都唔知O個D歌係咪真係佢作O既; 佢填O既詞好嗎? 其實佢有無填過呢? 佢唱得好嗎? 我只記得O係“2001年度勁歌總選”O個一晚, 當成班環球歌手O係台上唱“同步過冬”時, 哥哥同李克勤都好輕易好舒服咁就MASTER到高音部分, 而佢同一向自命O係實力派O既黃貫中就唱到滿面通紅、青筋暴現、聲嘶力竭; 佢靚仔嗎? 你話呢? 如果同彭建新或者陳友比, 佢應該係好D O既; 佢有型嗎? 你認為呢? 同光良比, 或者係O既; 佢D戲好嗎? “假如我是真的”上映之時, 我仲好細個, 當時無機會睇, 之後亦無興趣睇, 所以我唔知; 佢好鍾意教訓D新人咬字唔清, 那麼佢應該好字正腔圓吧? 呢個我唔敢講, 我只知佢亦經常將“牛肉”讀成“AU 肉”, “藝人”讀成“AI 人”, 佢O既懶音, 其實同陳敏芝、梅小惠都可謂不相伯仲... 最後, 講到品格同心地, 我真係好想問O下大家, 唔知佢有邊一忽比得上哥哥同梅姐呢?
補上朱樂言2004年的星島視評
http://bbs6.netease.com/ent/readthread.php?forumcode=81&postid=216553
芒姐，
《今生無悔》 裡面，艾威係飾演黎明爸爸(劉兆銘)的裝修舖的伙記.....郭政鴻都係....
我都係《今生無悔》的fans
scabies: 多謝你話我知...真係無咩印象添, 無線係時候重播o下等我可以睇番!
jade: 嘩! 多謝晒你! 等我慢慢睇番晒d視評先!
lesley: 睇o黎你真係好憎譚校長喎...你講o既o野都有道理o既! 有時紅唔紅得起都要講天時地利人和, 不過佢八十年代d歌又的確係唔差o架?, 至於佢唱就ok啦! 唔係十分差, 又唔係十分好!
都係唔好提個賤男XO 喇, 佢同成虫一樣咁黑我憎... 哥哥好n倍呀~
我反而唔記得今生無悔有bobby 同陶大宇...
shaw_mag,
Long time no see...where have you been??? I did send you an email to tell you the url of my new site since you are one of early readers back in the diaryland days who have sent me emails...but I'm not sure if you still check the yahoo account! Anyways, finally you're here...great!
Oh why Mainlanders can't access my new blog?! It's not locked or what...or is it that they can't read it bcoz it's in traditional chinese??? I can't figure out the reason!
Haha, yes, I like Kevin Cheng a lot recently...and I've been reading 朱樂言's reviews on Singtao Daily long ago, but I couldn't find them on the internet version of Singtao!
雪人,
係啦, 都係唔好講佢, 費事令大家太激動!
歐陽波比同張大勇o係"今生無悔"都算係"要角"o黎o架, 好似人物介紹都有佢o地...bobby係做邵美琪個越南難民營frd, 應該係鍾意邵添o既!
張大勇又係做差人, 我記得佢叫"家駒"(因為beyond, 所以我記得), 同黃綺琴做一對, 好似係馮素波個仔!
講到人心思思, 等我摷番本"今生無悔"特刊o黎睇o下先!
芒姐,
係呀係呀!! 你一提起就即刻有印象, 我記得bobby 同張大勇0係今生無悔個樣喇...
Monjeh,
found your e-mail. Replied it. Pls check your gmail.
"今生無悔", 1 of my fav. Bobby was skinny at that time. Ha...ha...
原來有咁多"今生無悔"fans, 睇o黎我應該講o下呢套劇!
發佈留言
<< Home