3-21(tues) 演鬥廳+朱樂言舊視評之...《學警雄心》- 新紮師兄Crossover沖上雲霄 (2005-05-02 )

推介推介: 今日"娛樂直播"繼續有三哥苗僑偉o既訪問, 大家記住唔好錯過!

我真係唔明點解個"超級靚聲演鬥廳"真係可以次次都係o個幾個嘉賓, 每人至少出兩集...連個港姐陸詩韻都可以encore (雖則我都幾buy佢同埋佢都算唱得唔錯...至少好過李彩華小姐!)...不過依然愈睇愈高興, 因為真係超蝦碌,一片混亂...尤其係阿伍小生!

有一幕係兩組人都話自己o個邊贏硬, 跟住伍小生supposedly係接住關菊英講o野, 點知佢好似唔知講咩咁, o翕o左佢: "咁即係點呀? 你話點呀?!" 好funny, 全家一齊爆笑! 記一段好簡短o既台詞都亂晒籠, 我真係戥佢好辛苦...但同時, 又真係好有娛樂性! 我衷心明白點解要cast佢做主時! 但佢又真係好可憐o既, 作為"男廳長", 今次只得1/4隻歌唱...人人都有得solo唯獨佢無! 佢係唱得差, 但反正由day1都知, 你搵得佢做都預o左佢係咁o架啦...做咩唔俾佢唱兩咀等大家笑o下都好?! 依家呢個節目已經成為我每個禮拜必碌節目!

oh, 今集又有"義不容情"片段, 真係幾精彩o下, 搞到人真係好想睇番呢套戲...但點解要搵鄧健泓唱呀?! 佢簡直破壞晒成首"幾分傷心幾分痴", 佢o既歌唱水準真係一日比一日倒退...當年佢唱"直覺"時曾經令大家另眼相看過o架嘛!



繼續有朱樂言視評, 呢篇其實我上年提過o下, 不過無成篇quote出o黎...又係啜核之作! 仲要係關於三哥o既添! 食住個勢嘛!

-------------------------------------------------------------

《學警雄心》———新紮師兄Crossover沖上雲霄

-------------------------------------------------------------

無可置疑，《新紮師兄》是一出經典。

傑佬，型。
Fit佬，酷。
高佬泉，笑。
好姐，Camp。
穎芝，傻。脫下眼鏡的穎芝，嘩……
35歲以上的人碰上，一談起這些人物，總得消磨大半天。 [芒按: 我雖然無35, 但一樣係談起這些人物，總得消磨大半天!]

真懷念。原來劇集元素可以如此豐富---有愛、恨、火爆、激情，卻不減勵志，男子氣慨遇上女兒情長，傑佬與穎芝始終沒法走在一起，就像現實的康城影帝與影后……

接近完美的作品，如何翻拍？

20多年後，嶄新的Idea是Crossover《沖上雲霄》。

《學警雄心》從S4中挑出吳卓羲及陳鍵鋒再斬四?，脫制服做學生玩勵志，方程式是新舊交融，《沖上雲霄》有吳鎮宇及陳慧珊壓陣，《學警雄心》找來陳年的老前輩---五虎的苗僑偉及第一代黃蓉米雪，你認識他倆嗎？

苗僑偉米雪的中年魅力

苗僑偉紅過，但未算最紅。

記憶最深應是1982年的《飛越十八層》，但演魔鬼的馮淬帆更搶鏡。後來的楚留香輸在身體笨重[芒按: 點可以咁話我o地三哥o架...哈哈!]，怎及鄭少秋的飄逸瀟灑？真正高峰是《天師執位》，譚詠麟的歌，翁美玲的俏，劇本哀怨動人，愛得痛心，苗僑偉無須怎樣演，也贏得掌聲。

紅了6年，跳槽電影界，瞬間消聲匿?。趁這機遇搞生意，反而成了大老闆。近幾年放了盤，復出，想不到一樣人氣鼎盛，雜誌訪問忙過不了，始終，娛樂圈興懷舊。《學警雄心》的他不覺蒼老，演惡形惡相的教官，中年的男人味恰到好處，久休複出，演技當然有點生疏，但他從來都不是演技派，所以不會礙眼。戲到中段，他也漸入佳境，生活戲勝在自然，他最厲害的武器是懂得笑，淺淺一笑，中年魅力便澎湃，戲中薛凱琪當他是偶像，合理。

米雪的一張臉，是奇。身材，是神。

計計多少歲？令人嚇一跳。複出當吳卓羲的阿媽，仍可嬌嗲，仍可談情，不叫人感肉麻，真厲害。母子戲拿捏自如，輕輕鬆松又有生活感，令吳小生也增添生猛，這份功力不簡單。新一代媽咪，市場極度渴求，為何之前不見伯樂？ [芒按: 呢段好似上年quote過! 我話米雪係keep得超好, 但拍三哥都太姐弟feel喇!]

米雪加上苗僑偉，新鮮感殺曬，令《學》劇的中年戲不會沈悶，反而帶來清新。主打的小生花旦又如何？

吳卓羲時裝遠勝古裝[芒按: 呢個絕對贊同, "西廂奇緣"個張君瑞簡直嚇死你!]，帶點反叛不羈，更食正戲路。我不喜歡他的「三白眼」聲音也太重鼻音，但相信女孩子不介意。外形算冠絕同儕，不過演技仍須尋求突破，以《學》劇來看，便沒法脫離《沖上雲霄》的影子。

蕓蕓學員，陳鍵鋒最穩

我較欣賞陳鍵鋒。負面新聞不絕，的確影響觀感，與薛凱琪玩PuppyLove，也難令觀眾投入[芒按: 記得連陳小生本人都話睇到想嘔!]。但看得深入一點，他確實演得穩，倔強性格是學員中最突出的，遇上老前輩如錢嘉樂亦毫不怯場，眼神最有戲，比起《沖上雲霄》，成長了。不過，輸掉觀眾緣，亦沒可能上位，陳小生，請小心。

薛凱琪處女演出，生硬是預計之內，但若不嫌頸長，外形算甚討好，少女味道自然散發，實在沒法想象，楊怡竟與她同齡？《學》劇的楊怡像老了10年，土味的發形與衣著害苦了她，連演技也像減分，姐仔地位真令人擔心。 [芒按: 係啦...上年都講過, 楊怡o係"學警"?面個look真係o徙o左佢! 同埋fiona真係唔好剪短頭髮...嚇死人! o個時心諗, 原來髮型真係有咁大大大o既影響...依家即刻靚番晒!]

人，評夠了，評戲。

《學警雄心》與《新紮師兄》最大的不同，是將所有戲局限在警校發生。30集大結局，就是畢業之時，集集步操，最後看到的，也是大步操，而非警匪搶戰，或者傑佬力鬥奸上司韓斌。劇本上為何要如此局限？真不明白。應該是刻意求新吧。但集集操練，看多了也膩，最後10集如何製造高潮？真期待去看。