3-20(mon) 天幕結局篇+朱樂言舊視評之...我最喜歡的主角 (2005-11-05 )
終於睇完"天幕下的戀人"o既大結局, 有一種幾爛尾o既感覺...太超現實同埋太太太老套喇, 悔婚+讓愛橋段都有得出賣, 真係sorry, 我不得不講多次真係好似15年前我o既飛化核"浪族闊少爺"...頭o個幾個禮拜都好地地, 但一到結局篇就脫離現實得幾驚人o下!
當年係sammi為o左克勤o既前途, 扮同佢分手等佢安心去外國發展事業, 跟住sammi就同o左克勤個好兄弟李家聲拍拖, 但其實佢一d都唔鍾意李家聲, 心裡面仍寄掛住克勤 (今次又係咁啦...睇得人最激氣就係呢part, 你明明係唔鍾意人, 仲要同人一齊, 跟住仲應承同人結婚, 你係咪玩o野? 係咪搵戲o黎做, 刻意製造d睇得人激氣位!)...到克勤完成事業返o黎, 諗住追番sammi, 點知佢已經同o左佢個好兄弟一齊...跟住就係最老套o既兄弟反目, 讓愛, 悔婚...我估唔到今時今日仲可以照版煮碗到呢個地步?!
不過算啦, 我成日都話, 結局永遠都係全套劇最唔好睇o既一集...但睇o左咁多日, 又無理由唔睇埋佢o架嘛?! 點解d戲永遠都要爛尾o既呢? 如果要我講拍得比較好o既結局, 我諗到o既有"難兄難弟"...呢套個結局真係比較有意思...其他o既如果拍到正正常常皆大歡喜o個d, 都已經算係咁o架喇, 因為依家通常都鍾意搞d反高潮o架嘛!
仲有一樣一定要講, 播大結局o個晚無意中經過銅鑼灣JP, 大家應該記得o個度有部大電視o架嘛...一行上去o個度居然結集o左不下數十人一齊望住部大電視睇一齊追結局...好震撼o下...簡直萬人空巷呀! 嘩! 好耐無見過咁o既場面...呢套戲果然係"近"呀o下!
o係網上搵到零碎的朱樂言舊視評, 真係依舊咁o岩咀型...呢個係關於台慶o既...半年後睇番, 依舊有共鳴!
-------------------------------------------------------------
我喜歡的主角
-------------------------------------------------------------
台慶未到，我先選。
香港艾美獎嘛，應有各方面的專業評審。執筆視評10多年，總有資格給點「主觀」意見吧？
對。獎，總是主觀的。我的心水如下：
1) 最佳男主角
是馬德鐘與陳豪的火併時刻。
論鬥心及決心，前者志在必得，人前人後毫不掩飾。後者仍抱謙謙君子之風，但說實話，以演技多變作準則，陳豪可煽情可搞笑，應贏馬鼻。馬德鐘的《情迷黑森林》是全年敗筆，單憑《酒店風雲》那副亦正亦邪的酷臉，就要摘下男主角大獎？不如浸多兩年功夫，來日方長嘛。
我的選擇不是馬，也不是陳，是King。KingSir確是王者，老而彌堅，以高齡擔當男主角，一炮就紅，《甜孫爺爺》收視超高，全靠演員魅力，鍾景輝不止渾身是戲，更帶動夏雨演出近年代表作。為何男主角名單缺少夏雨，反送來不大起眼的劉愷威？ [芒按: bingo! 係都揀陳宇琛啦, 三兄弟之中佢做得最好!]
正選鍾景輝，次選我挑曹永廉[芒按: 十級贊同]。《妙Ⅲ》是他翻身之作，小男人像上了身，光芒掩蓋同劇所有男角。季軍嘛，陳豪，是你。還有一個冷門心水，就是《奪命真夫》的溫兆倫[芒按: bingo bingo bingo!!! My idol齊浩男!!! 我諗朱樂言係同我o地一個年代o既, 最多咪大我o地幾年!]，奸人始祖ComeBack，示範如何奸得入心入肉入骨，頒給你殿軍。
[芒按: 朱樂言o既男主角選擇真係bingo晒!]
2) 最佳女主角
郭可盈肯敬老嗎？汪阿姐出聲的話，獎應十拿九穩。但郭小姐一日約未簽，一日尚有爭勝機會。
《野蠻奶奶》的確破格，但汪明荃肯豁出去，主因是胡杏兒逼成。姐仔本無負擔，成名全靠《流金歲月》的弱智妹，演技屬於聲嘶力竭派，要自然討好，反不自然，要誇卻誇出新天地，我喜歡她的《同撈同煲》，鄧碧雲比陳寶珠更難扮，她聲?酷似，舉手投足都有味道，天分似比張可頤更高。《我的野蠻奶奶》將野蠻特性發揮淋漓盡致，所以最佳女主角，應是她。
汪明荃，亞軍。
季軍可否破格頒給新人？周麗淇初試啼聲，喜劇感及節奏，舒服得無話可說，與老練的郭可盈，一齊分享第三吧。 [芒按: 都係o個句, 其實我係幾buy周麗淇o架, 總覺得佢以新人o黎講係做得幾自然...奈何都有好多人唔鍾意佢...不過從"天幕下"o既收視佳績, 我諗同我坐埋同一條船o既人多d!]
3) 飛躍進步男藝員
黃宗澤超大熱，馬國明也有機，但別遺忘《學警雄心》的陳鍵鋒，他們同屬S4，上屆吳卓羲取得，今屆應由同輩領獎吧？
心水冠軍：黃宗澤。成績平均，《我師傅係黃飛鴻》或《我的野蠻奶奶》都演得穩健，陳鍵鋒奪亞，他在《學》劇能拿捏角色性格，比起變化不大的吳卓羲，優勝得多。馬國明非常努力，但台型不足，《同撈同煲》又嫌誇，季軍無異議吧？
4) 飛躍進步女藝員
廖碧兒以量取勝，每次都演得落力，但不是我的一杯茶。唐寧與唐詩詠亦欠缺點點星味，此項，從缺。
5) 最佳男配角
候選名單有54個，許紹雄佔其4，但成績無法超越去年《隔世追兇》。我反而喜愛驚鴻一瞥的艾威。[芒按: 哈哈哈! 艾威果然有好多fans!] 他在《同撈同煲》出場不多，但石堅味全身散發，誇中有細，原則上，黎耀祥應有同樣水準，但接戲太密，有時行貨一出，感覺便大打折扣。《酒店風雲》的姜大偉令人眼前一亮，三甲也不應或缺。OK，結果如此定下：冠軍：艾威，亞：姜大偉，季：黎耀祥。
6) 最佳女配角
為何50個候選名單中，竟沒有《人間蒸發》的米雪？真走漏了眼。短短數集，歌頌母愛偉大，已值得奪冠。亞軍由最新人氣王湯盈盈奪得。為藝術犧牲之外，醜中亦滿載戲味，難怪注目度急升。季軍應屬《妙Ⅲ》的姚嘉妮。她想愛得自私，想破壞，想擁有，單憑想，愛已夠折磨人。她與曹永廉一段沒結果的感情，確實打動人心。她究竟在哪時開竅？無線還埋沒多少個姚嘉妮？[芒按: 呢個最bingo呀!]
posted by 芒姐 at 4:21 上午
20 Comments:
Hey 芒姐,
我記得您之前講過話覺得姚嘉妮D英文講得幾好.其實有原因?,聽我D師姐講佢?細個一齊讀協恩小學(?九龍?,唔知你識唔識呢?)然後好似?協恩中學讀?一年半載就移民?去美國啦,所以我諗佢都算係半個竹昇妹啦~!!
另外,阿佘詩蔓,鄧萃雯,同埋阿高層樂易玲都係讀協恩,唔知會唔會因為咁所以佘詩蔓長拍長有呢?
哦~~原來樂小姐讀協恩o既, 咁都算high-class丫~~真係唔明點解佢會咁睇得起吳唱k, 某程度上, 我覺得吳唱k比mk wong更mong kok~~你地有無睇今期壹本便利?? 裡面講吳唱k o個一part好好笑!
Dear Mon Jeh,
今日下午的"娛樂直播"訪問苗僑偉ar! 好型ar!
Is this interview new? 苗僑偉is wearing a black leather jacket....男人真係可以無mud歲月痕跡!!!!
Your fan屎,
CC
聽到cc 咁講，真係好想睇番阿苗訪問既重播，講真，佢真係幾型。我有一次做野見到佢，果日佢著左中山裝，咁曾志偉剛好路過見到佢，好攪笑咁同佢講:「咦，三哥，鱷魚shirt 幾有有中山裝賣呀? 好型喎。」(阿苗係代言人)跟住就見到阿苗對住佢笑。嘩，型呀。
to芒姐
應該係呢個網先o岩:http://www.jadenew.net
不過已經冇點樣更新了,但係討論區就成日更新.....芒姐都係一個好專業的視評人:p
敏兒,
好羨慕你有機會見到阿苗.....一定好震"hom"...... = )
Mon Jeh fan屎,
CC
jade,
嘩! 你咁抬舉我, 真係多謝晒!
呢個網我以前都好似有去睇過...但我幾年前成日去o既"主題曲放送地帶"唔知摺o左去邊?
芒
cc & 敏兒:
我都有睇到今個禮拜"娛樂直播"o既預告, 原來今日就播, 咁今晚一定要睇番! 個訪間應該係近期做, 我都見佢著件黑衫幾有型o下! 尤其佢出番o黎之後勤keep fit, 正!
kelly & nemo,
係呀, 我係覺得姚嘉妮d英文幾talk得, 我記得佢當年參加亞姐都係以"海外佳麗"身份 (不過咁又唔代表咩, 因為楊恭如小姐都去外國打個白鴿轉扮海外佳麗, 但佢操o既卻係鄉音!)...不過姚嘉妮好似比較細個d去, 可能因為咁佢d英文好d!
同埋就算o係所謂"名校"出身, 都係top o個堆英文先會talk得, 其他都係一般啦, 好似佘佘咁, 都唔見得特別好...但當然唔會太差啦...不能同mk wong或吳唱k等人比!
除o左佘佘, 佢同屆o既爭仔王翁嘉穗小姐都係協恩, 但又係唔見英文特別好, 只係爭o野玩特別叻o者!
反而tvb堆高層真係個個"系出名門"喎, 除o左樂小姐, 陳總經理都好似讀st. paul's, 仲要真係英文好o個批!
吳唱k又的確係形像一日比一日差, 我都認同佢依家個感覺比mk wong更mk (因為mk個軟飯王形象已被淡忘)...舊年"學警"時我都幾ok佢o架! 至於對mk wong的"厭惡"其實唔係一朝一夕,5,6年前佢仲係無人識時, 我睇星期六下午o既音樂節目, 見到佢同個江芷妮主持到一塌胡塗, 糟蹋晒我由細到大最鍾意睇o既音樂節目...好令人傷心! 所以到依家, 我仍覺得佢好mk...可能都係一個情意結!
Dear Mon Jeh,
講個低B的秘密比你知，but唔好笑我kar!
我好想睇翻"火玫瑰", 好想睇翻"海潮"連走難都"set頭"，好經典! (Because低B的我....當年都電"海潮"頭) = p
I know that "New TV" has this series a few months ago.....and the VCD has not released after all these years! 唔知點解?
Your fan屎,
CC
to芒姐
果個網好似人間蒸發左lu
之前果個討論區,除左有你最喜愛的朱樂言視評(由03年開始已經每期都有轉錄),仲有am730鮑偉聰的專欄,佢都寫得幾得意架....
CC,
我又講個秘密你知，"火玫塊"就快出vcd, 不過係sell去美國...唔知香港有無得賣! 如果你真係好想睇, 可以試下去yesasia訂...但我唔知佢有無得ship去香港!
http://global.yesasia.com/b5/PrdDept.aspx?section=videos&code=k&pid=1004118361
我都幾想睇番"火玫瑰", 因為海潮好經典...佢個跌膊look都好正! 同埋有我偶像阿"發瘟"!
jade,
點解會蒸發左o架?!
同埋你send俾我條link我唔知邊度可以搵到朱樂言喎?!
芒
芒姐:
只係唔見咋....
其實呢,如果你有睇開朱樂言的視評,記得個題目click入去,就會搵到...因為其實可以在圖書館的wisenews新聞搜尋器找到的.....
Dear Mon Jeh,
Thanks for your "inside" information!
I can seek help from USA friends!
I also miss "海潮" 的心形咀....我試過畫....畫到咀都爛.....都畫唔到咁心形!!!!! >3<
Your fan屎,
CC
So did Niki end up with Kevin in the end?? Haha, I think she did, right?? From the sound of your blog, I think my guess is right!
By the way, I think you have a lot of fans now...just wanted to point that out!
BC,
Yes, Niki ended up w/ Kevin...at the last min (literally)!
jade: wisenews唔係要password的嗎?
cc&敏兒: o岩o岩睇o左三哥個訪問, 真係幾好睇, 同埋佢的確係幾型仔! 原來聽日仲有...好期待呀!
Dear Mon Jeh,
Yes! I also "重溫" 三哥個訪問! (We, ladies, actually should sleep early!)
點解"上一代"的藝人 講野好似"有紋有路"D? They are very presentable!No "mong-kok" feel wor!!! Do you all agree???
Your fan屎,
CC
PS (Good nite & sleep well!)
最近我收看了《天幕》的重播，亦我同意你的看法，大結局永遠是一套劇集最不好看的一集。其中一個原因是大家大致上都知道會發生什麼事。因此，大結局之前的一集才是最好看，這一集的內容會訂出大結局的方向。
收看大結局時，我都對用一集的時間內發生知道真相、悔婚及重遇有點驚訝，但亦都明白無時間詳細交待，亦都是會收到最少人投訴的結局。
老實講，我寧願無大團完結局啦（即是高逸詩永遠都見不到沈朗）。
發佈留言
<< Home