3-14(tues) 楚留香之蝙蝠傳奇 (上)
不經不覺, 極期待重溫o既“楚留香之蝙蝠傳奇”已經做o左廿集…好似仲未做完, 咁究竟total有幾多集呢?! 十年無睇過, 初頭o個幾集都覺得依然係咁好睇…但睇到中段, 坦白講我覺得有d悶…點解仲未做完?! 可能因為中段focus唔係太多楚香帥同埋永靖公主…無阿苗同阿翁睇, 又太多枝線, 有d雜亂無章! 又或者係因為十年前重播時遇o岩mock exam時期…每逢考試季節…連廣告呀, 婦女節目都特別好睇, 所以當時每日都好有推動力咁10點幾碌起身睇完先開始溫書…可能因此有o左呢個極好睇o既“錯覺”, 唔記得有一大part係悶悶o地o既!
其實如果喜歡“苗翁配”o既朋友, 未必會最喜歡呢套劇, 因為正如幫ya寫o個兩篇文所講 (如果唔係因為要寫呢兩篇要做research, 我都唔知原來翁美玲一生只拍o左九套戲, 仲要七套都係古裝…而o係1984年, 佢一連拍o左四套戲都係同苗僑偉…“決戰玄武門”就唔係齋佢兩個, 但跟住o個套“天師執位”做情侶檔就非常受落, 所以同年仲一氣過拍埋“生[金秀]橋王”同埋“蝙蝠傳奇”)…呢幾套佢o地合作o既戲當中, “天師執位”就好經典, 不過又係好似“再生緣”o個隻因誤會而追追逐逐, 搞o左廿集到最後先可以o係埋一齊, 睇得人好激氣…而“生[金秀]橋王”就比較有趣d, 鬼馬d…不過其實套套戲都係差唔多班底, 除o左苗翁, 仲有李香琴呀, 秦煌呀 (雖然廿年後o既今日, 仍然有佢o地), 唯一最特別係有師奶殺手張大勇囉! 至於呢套“蝙蝠傳奇”, 因為有太多角色, 佢兩個反而唔算十分多戲!
頭o個幾集幾好睇…雖然廿年前o既製作係就係有時有d粗糙, 但幾有心思…同埋打得好落力, 好逼真, 好過依家o個d戲淨係識搞特技效果…! 第一集一開始講楚留香同幾大高手較量, 有一幕係講佢同其中一個高手o係水池打交…o個度真係好係一個現代o既泳池囉…幾搞笑, 但我鍾意! 之後去o左個排舞室咁款o既地方…幾十塊鏡…好粗糙, 但又係好搞笑!
苗僑偉確係好型…佢做大俠真係不作他人選! 又高大又威猛…當年洪A話佢最鍾意苗僑偉, 我仲恥笑佢, 真係sorry晒! 廿年後做“學警雄心”, 依然咁型…型過晒班年青學警吳唱k, 陳鍵鋒好多! 雖然條眉畫到好鬼戚, 好鬼誇…但都係型! 呢個白衫大俠楚香帥造型, 係佢先襯得起!
d女子o既妝好鬼厚…不過八十年代係咁o架喇! 翁美玲個公主造型唔算特別靚…反而鍾意佢o係“生[金秀]橋王”個千金小姐look…最好可以播番“生[金秀]橋王”啦!
跟住阿香帥身邊o個三位姐姐就真係只認得個樣, 但又o翕唔出佢o地個名o個隻! 睇完銀姐姐“我們的老友記”網頁, 我都只係知道做橙色o個個蘇蓉蓉叫呂靜紅…佢係三個之中擔戲比較重o個個…仲有o係“新?師兄”做過曾華倩二家姐, 應該算係佢o既代表作…原來無線當年搞o個個公開招募王蓉活動 (不過聽聞宣傳成份居多), 佢係四強之一喎, 其餘三強係司馬燕、後來當選亞姐冠軍o既黎燕珊、同埋翁美玲 (資料來自“我們的老友記”…真係唔講唔知, 講完都無人知…呢位姐姐居然可以同另外三位齊名?!
另外兩位藍色宋甜兒(?!) 同埋粉紅/紫色李紅袖 (好高好瘦o個位)…都係夾硬追字幕先知叫劉妙玲同池佩芬, 不過邊位打邊位真係唔多清楚?! 仲有, 發覺今次重播個片尾d字幕無啦啦改o左, 唔同以前o個d…80年代應該係d typical手寫撩草字, 今次重播無啦啦變o左齊整電腦字, 仲加o左句原著作授權“真善美書報社”!
不過呢套劇又係無字幕, 搞到唔可以fast forward d悶位, ff左又唔知佢講咩…可能就係因為咁, 所以某d位都覺得有d悶!
posted by 芒姐 at 9:09 下午
25 Comments:
芒姐，終於等到你講楚留香喇。夙而家日日都有錄低放工睇架，有時睇埋至返工。唔記得佢第一次播時，我有冇睇，太耐喇。但知道佢重播時，真係勁開心囉，畢竟我都係一個阿翁迷。
你講得o岩，阿翁配阿苗係絕配，仲絕過配靖哥哥。講真，呢兩個星期既劇情，真係悶，拉得太長。同埋我都想問下，開頭第一集，咪好似有幾個故仔咁既，咁係咪個個都有咁上下既人架??
仲有仲有，周秀蘭都好靚呀，你覺得呢?不過佢既角色其實又好似可有可無咁，換上第個，好似都係一樣。
如果呢部做完，我想可以重播「天龍八部」。
p.s.我話左俾同事知，你讚佢篇文呀，佢開玩笑問我，你朋友要唔要簽名呀--不過係魯振順的，哈。
Mon Jeh,
You know...I love 阿翁 and my 賓賓 love 阿苗kar! (She stayed with me over 20 years! So she knows a lot HK TV series and her favourite is "香城浪子"!!!!死未???)
Last time when we watch 學警雄心，my 賓賓都話："Why Miu-Kiu-Wai look so young even after 20 years kar???"
I don't know how to anwer....and finally I say "Maybe he ate some 防腐劑!!" -__-
Ha Ha!估唔到阿苗都開拓到Filipiono 市場! = )
Your fan屎,
CC
to cc:
嘩! 咁勁?! 賓賓都識阿曲仲係佢fan屎...咁我要give her 5喇! 我同佢一樣都好鍾意阿苗! 咁叫佢得閒去藝視配眼鏡囉!
to敏兒: 嘩...魯振順簽名?! 好呀...佢俾到我我一定要! 最好送埋張cd啦! 佢做"天幕"鄭嘉穎個老細都做得幾好呀!
我完全唔明點解楚留香好似做極唔完咁, 即使幾鍾意睇, 都覺得太長太悶...第一集有幾個故仔咩? 我以為一路都係得一個故仔o乍喎?!
周秀蘭係幾靚o既, 但佢真係每一套戲都做呢d刁蠻角色...楊盼盼同龔慈恩都幾靚, even高妙思都幾靚...八十年代真係多靚女...最唔靚應該係o個三個"紅, 橙, 藍"!
我細個時都係阿翁超級fans, 不過畢竟現在人大了, 無迷偶像lu
翁苗配的話，最鍾意一定係天師執位同生"秀"橋王啦, 因為蝙蝠傳奇唔係太集中講佢翁苗, 我一見唔到阿翁就無心機睇, 細個時都錄錄下無心機錄lu~
oh~ 如果重播其他阿翁劇集, 可唔可以預告一下, 等我錄低佢, 食飯時睇 :)
我係睇完蝙蝠傳奇鍾意阿苗o架!又高大又有型又靚仔，簡直對我o既擇偶條件有深遠o既影響呀!
btw，蝙蝠傳奇好似有四十，甚至六十集o架，超長o架。
阿翁配阿苗真係空前絕後之配囉。明明一個咁高、一個咁矮(應該差成個頭呀)，但係出奇咁襯。尤其古裝。其實我想請問佢倆個有無合作過時裝o既呢?我記得阿翁同偉仔有o咼，不過唔記得劇名。亦請賜教。
重有呀，點解而家d人會叫阿苗做「三哥」o既?以前都係叫「阿苗」之嘛。叫「三哥」......好似佢老過「四哥」咁......叫老晒~~!
好...如果重播我話你知o下! 希望重播生[金秀]橋王啦, 天師睇得人太激氣喇!
其實阿翁得9部戲, 應該都無咩得重播o架喇! 我只係從yesasia得知"挑戰"出o左vcd (因為幫佢寫o左個description),有興趣可以去vcd舖買番盒回味o下!
oh rona...係啦, 阿苗同阿翁高度差成尺, 但出奇咁襯, 我個人認為仲襯過佢同黃日華! 以前細個睇唔覺得佢咁有型, 依家真係覺得無得頂?...佢做"學警雄心"真係型過晒d o靚仔啦...至於點解叫三哥, 我好似o係舊日記度有寫過...但我自己都唔記得o左點解...搵到再話你聽o下!
阿翁一生主演過o既九套劇, 應該得兩套係時裝...第一套好似同秋官合作, 第二套就係同偉仔, 即係我o係上一個回應提到o既"挑戰", 播映中途佢仲自殺身亡添!
以下係我寫o既《挑戰》簡介, 睇o下對勾起大家記憶有無幫助?! (我自己都係因為要寫先research到呢d資料, 之前我都無咩印象)
１９８５年首播的時裝中篇劇《挑戰》，是當年大受觸目的劇集。除了因為劇情緊湊、演員陣容強勁外；亦因為在此劇播映期間，女主角翁美玲突然自殺身亡，令觀眾難以忘懷。《挑戰》是翁美玲最後一套擔綱演出的劇集，亦是她罕有的時裝劇演出。她於此劇首次夥拍五虎中最後崛起的梁朝偉，可惜這次合作亦成絕響。一向擅演刁蠻女子的翁美玲，這次作出新突破，扮演硬朗女警；與飾演教師的梁朝偉因誤會而結識，繼而由鬥氣甩冤家發展成情侶。兩人雖然首次合作，但演起情侶來頗有默契；亦因外型相襯，廣為觀眾受落。此劇另外兩為男女主角為呂良偉及陳敏兒，兩人日後一位在電影圈大放異彩，另一位進軍進司儀界，成為ＴＶＢ金牌司儀之一，已鮮有再合作的機會。劇中呂良偉飾演的青年才俊，邂逅陳敏兒飾演的初出茅廬女律師，立即展開熱烈追求；幾經波折，最後結成佳偶。同劇還有老戲骨關海山、劉丹、夏雨和歐陽珮珊，與一眾年青演員切磋演技，使這四十集的時裝劇更添色彩。
佢同秋官套夾心人都唔錯架, 起碼我睇得開心過睇"蝙蝠", 0個陣時都有追 (當然係指重播啦), 不過miss 左個結局, 引以為憾呀~
睇雜誌話藝視就黎執晒, 執一半鋪, 仲有一半就歸落高登旗下, 要幫襯就快~
但係佢同秋官年紀上會唔會有一段距進呢?! 我有睇過呢套劇, 但印象唔深!
我search到呢個, 不過好牽強, 亦都無咩印象咁:
"點解叫三哥？
10多年前阿苗與莫少聰合作拍攝《江湖接班人》電影，片中他飾演退休江湖大佬三哥，自始大家便稱他為三哥，他笑言大佬就唔敢做，既然大家叫得親切，他亦樂於接受。"
我都覺三哥真係好有型，記得有一次做野，係近距離見到佢喎，嘩，型到爆呀，果日佢仲著中山裝添。但今日同d 同事傾開，話點解果陣d 配搭都係「電燈柱掛老鼠箱」，結論就係呢，八十年代既女星都比較矮，你地覺得呢?
重播「生金秀橋王」都好呀，我都唔係太記得做d 咩。
蝙蝠傳奇第一集係講到好似有幾個故事咁架喎。
仲有呀，今日係公司睇「新電視」既經典台，播緊四季情，原來佢地做緊「我們的汪明荃」系列呀，呢套劇真係好經典囉，有程可為、林子祥、業德嫻、最勁係銘sir，又多頭髮，又後生，阿姐就勁後生，一路睇一路笑，太勁。芒姐，有冇睇過呀?
好慘啦，之前做「我們的劉德華」無睇呀，我好鍾意架嘛。
OH...藝視要執? 實在太可憐喇...唔怪得知佢要出番o黎啦! d人復出一定有原因! 不過佢d眼藥水又係貴過人, 所以...
敏兒, 我無裝新電視呀, 齋睇無線亞視加我d珍藏錄影帶都睇唔晒!
我都有聽過之前播"劉華"系列...唔緊要啦, 可能又係會重播再重播呢?
"四季情"真係未睇過...連咩年代都唔知, 係咪70年代尾o既戲呢？
八十年代d女星係唔太高, 但阿翁又係特別矮, 阿苗又特別高...不過咁反而有個獨特o既chemistry喎!
我屋企無新電視架，係公司裝左之嘛，食飯時咪轉下台睇下囉。
第日now 有新電視頻道，就o岩晒我。哈。
我都好鍾意苗僑偉, 我覺得佢真係型, 佢飾演o既楊康倜儻過羅嘉良o個個千萬倍...... 我又好鍾意睇"飛越十八層"同"播音人", 我連"火鳳凰"同"賴布衣"都o岩o架!
基本上, 八十年代o既五虎我都好鍾意, 即使係最唔吸引我o既湯鎮業, 其實都掂過而家D小生多多聲...... 八十年代真係乜都好, lee段日子實在有太多o野值得懷緬!
nicole, 你真係八十年代fans喎, 不過我都係!
佢個楊康係型o既...基本上我係鍾意楊康呢個角色多過主角靖哥哥添...以前中學焗住 (因我好憎睇書...除o左雜誌)要睇"射鵰"做book report, 我都反而係追楊康o個part, 好騎呢!
哈哈..."賴布衣"你都buy, 果然係die hard fans! 我呢期要寫"火鳳凰", 但我對呢套戲已經毫無印象喇...點算?!
Mon jeh,
MayI ask you a technical question? 你D珍藏錄影帶點keep kar?
I have some video tapes....and when I view them again....畫面become 有一條條雪花!! = (
Your fan屎,
CC
你會寫"火鳳凰"呀? 太好喇, 熱切期待! 至於劇情, Um, 我記得周潤發同鄭裕玲做一pair, 苗僑偉同陳秀珠做另一pair, 周、鄭係主角 while 苗、陳只係配角。
鄭裕玲同陳秀珠係兩姊妹, 而且係孤兒, 鄭自細由湘漪(湘漪飾演一個好出名o既barrister)助養, 所以後來亦順理成章讀law, 但係畢業後因為某d 原因做唔成律師(劇情有交代o既, 只係我當時年紀小, get唔到or唔記得o左), o係報館做住翻譯先, 後來輾轉去o左發哥間公司做legal consultant, 之後兩個一撻即著。
發哥係一個有錢人o既養子, 個家族好似本來係有少少撈偏o既, 但盤生意落到發哥手上之後, 發哥就想撈番正行...... 但佢個哎呀大佬郭峰無意修心養性, 依然搞三搞四, 又妒忌發哥(因為佢自己係老豆親生o既, 但佢老豆信發哥多過信佢), 最後終於因為一d 利益問題俾人殺死o左, 而發哥竟然成為prime suspect!!!
其實事發時, 發哥正同do姐一齊, 但因為佢地o既關係, do姐口供變得不可信, 為o左幫發哥, do姐後來竟然駛出一招苦肉計, o係庭上推翻之前o既証供, 話發哥當時並無同佢一齊...... 最後疑點利益歸於被告(唔知係咪咁講, 查實我唔識), 發哥罪名不成立......
記得當時有好多法庭戲, 係我睇電視生涯裡面第一次出現o既法庭戲, 套戲仲令我學識o左"苦肉計"lee個term o添!
另外, 陳秀珠自細俾張活游收養o左, o係一個頗well-educated o既家庭長大, 後來邂逅富家子苗僑偉, 但係結婚之後, 三哥仍然拈花惹草, 仲惹埋性病, 陳秀珠嬲到要離婚, 三哥極力挽留, 混亂間陳秀珠碌落樓梯死o左! By the way, 雖然鄭裕玲同陳秀珠自細分開住, 但兩個一直有來往, 感情幾ok o架!
仲有, 原來湘漪係發哥個親生阿媽!!!
我d 資料好零碎, 唔知幫唔幫到你......
阿秋官不嬲都keep 得唔錯, 所以當年0既佢 (都廿幾年前咯), 都好後生, 雖然有d 似叔侄戀, 但都ok...
秋官係keep得好, 但係拍阿翁始終有d怪...阿翁都係拍五虎, 尤其三哥最掂!
nicole,
多謝晒你d資料, 的確令我知多好多! 其實我只係會寫一個短o既product description, 但又唔多記得套戲係講咩! 我係有睇過重播o既, 我諗係小學年代o既暑假...我都記得有好多法庭戲, 仲要成日影住依家o既cfa (court of final appeal)出面 (我諗o個時o個度就好似依家o既high court咁), o個時我覺得好型...可惜到依家我都未去過!
cc,
我d帶都有好多係花花地又或者因為我自己以前懶勁咁edit d帶, 又cut又dub咁, 依家跳跳o下只係聽到但睇唔清楚...但有一部份都keep得幾好o既! 我諗最緊要係放佢o地入密封的櫃同埋得閒拿出o黎睇o下, rewind下, ff下, 總之就要等佢唔好發霉!
芒
Monjeh, for your reference (just in case you need it):
火鳳凰（20集）
產品簡介 - Description
命運，是否支配一生？而我不可拒抗，當不得命運主人……火鳳凰挑戰命運，創造人生！
大毒梟倪正（吳業光）親子倪廣生（郭峰），做事魯莽衝動，不思進取；養子倪駿（周潤發）為人聰敏，處事幹凈俐落，甚得正器重。
後正與生被捕入獄，正覺悟得前非，囑駿結束所有非法勾當，發展正當事業，駿因此開罪黑道中人，被誣害販毒，幸得大律師宋宣儀（湘漪）之養女董舜華（鄭裕玲）幫助，令污點證人推翻口供，獲判無罪，唯此事險令華前途盡毀。
駿聘華為其法律顧問，華堅強清麗，令駿漸生愛意，生刑滿出獄，不滿其父將所有事業交駿管理，遂布局陷害駿以繼續經營黑業。駿大怒，與生大打出手，駿盛怒離去後，生被殺。駿被控謀殺，華為救駿，不惜作假證供，令駿因證據不足得開脫，華卻被判緩刑及吊銷律師牌照。
駿誤會華移情別戀，欲遠走他方。後華舊人情人甄孝文（石修）指華對駿仍情深一半，駿半信半疑，對文說若華真愛他，可一同離港，駿走之日，久候仍不見華蹤影……
- copied from ebay.com.tw
我而家明點解鄭裕玲最初要去報館做翻譯喇!
李紅袖 .... 池佩芬 飾
蘇蓉蓉 .... 呂靜紅 飾
宋甜兒 .... 劉妙玲 飾
google search 番黎既結果!
大鑊啦! 我地今次要比人拆招牌啦! 我今日特登睇蝙蝠傳奇, 我同大朋友都up唔出蝙蝠公子個手下係乜水, 睇黎都要尋一尋人至得!
thanks nicole!
oh, 銀姐姐! 我覺得蝙蝠公子"條o靚"其實做得幾好...木口木面咁! 但好似o係其他劇都有見過佢...但又o翕唔出邊套!
發佈留言
<< Home