3-15(wed) 富貴冤家+鐵血保鑣
呢幾日錄o左少少紀念驃叔o既“富貴冤家”o黎睇…又董驃又肥姐又翁虹又梁思浩又李麗蕊又彭健新…都幾多人喎! 仲有加拿大外景添 (90年代初好興出埠拍外景, 仲要一去去好耐…我記得o既都有“我本善良”, “香港蛙人”, “巨人”等…可能因為o個期o既移民潮!)…都幾好睇! 即刻去search下資料…原來仲係60集處境喜劇…咁未免太長!
仲睇到呢篇有d關係o既恐怖報導:
梁思浩:“人鬼共用浴室？”
跟住打開報紙, 又見到話翁虹個老公無啦啦要同佢離婚…實在太可憐! 當年o既翁虹, 都ok好樣…雖然o個屆我係支持伍詠薇!
但係搵梁思浩做一個懶型懶不?仲懶係唔識中文o既竹升, 三句唔埋兩句就講幾句英文…但係全部都唔正o架喎…實在太令人難受! 不過幾好笑o下! 同埋阿洗米華點睇都係似翁虹細佬多d!跟住彭健新仲要同溫兆倫個“my sara”李麗蕊做一對, 但感覺上佢o地似兩父女多d!
呢套戲睇睇o下感覺幾似我細個時好鍾意睇o既”富貴逼人”系列 (其實我覺得係特登抄o既)…又係o個d”移民外國做二等公民”o既戲…但係個cast差好遠囉!
Btw, 之前有讀者話見過關菊英真係好嗒得杯落…睇電視見佢薄施脂粉出席驃叔葬禮個樣, 又真係覺得幾得喎…尤其以佢咁o既年紀!
仲有, 想講好耐, 呢期九點線o個套“鐵血保鑣”真係好爛…咁o既戲都可以上…d人仲要勁唔吸引! 連姚子羚都可以做女主角…佢唔係話做得好差, 作為新人係可以接受, 奈何佢樣唔太靚又無咩o野過人之處, 咁快俾佢做女主角咁盞害o左佢! 無線繼上次“酒店風雲”俾個咁o既奸角佢做…今次又玩多佢一次, 佢一定係得罪o左高層!
posted by 芒姐 at 8:19 下午
8 Comments:
我估呢套「鐵血保鑣」都似係倉底貨多，姚子妮既角色是但搵個人做都得，雖則我無咩點睇過。因為屋企人要睇亞記既「苗翠花」。
突然有個問題想問，記唔記得有套劇叫「黃金十年」，主題曲係譚校長唱的，有戚美珍、張兆輝做，查實仲有咩人呢?? 我覺得呢套劇好少重播，唔知係唔係因為呢套劇太長呢??
我覺得你個日記好好睇 ~
無錯 ~
我絕對認同 " 鐵血保鑣 " 是頗爛的 ~
唔係因為劇情差 ~
而係因為選覺問題 ~
同埋我覺那個姚子零真係麻麻 o地 ~
由佢 " 四葉草 " 開始我已覺得佢唔多 ok ~
加上又麻麻 o地 鍾意馬進偉喎
今日 o岩 o岩 同細佬講起呢套片是爛的 ~
Mon Jeh,
我好鬼把怕姚子羚個樣....它她不是太樣衰，But 我個人怪癖......係好怕"刀疤"的, 偏偏 she has a "刀疤" on her upper lips.....it always remind me of somekind of accidents!!!!! = (
Haha, I don't understand why Elaine Yao got to be the main actress in this series either. I mean how many series has she been in?? And she's not even that pretty, not to mention her acting...
姚子羚個樣真係幾唔靚, 眼細不在話o下, 個咀又尖, D牙又長, 仲好似有D哨, 哨到成日都好似合唔埋個口咁~~ 真係好似一隻老鼠, 佢應該去做迪士尼o既代言人!
佢D戲真係好麻麻, 做奸角固然吃力, 但連做忠o既都做成咁, 真係有點兒那個o羅! 最怕佢扮楚楚可憐o個個樣, 對眼已經夠細o架啦, 佢仲要再咪多幾o野~~ 我真係唔明, 當人感到委屈時, 會咪起對眼o既咩? 點解佢做親D委屈表情都要咪起對眼o既?
呢套好似唔係倉底貨, 好似上年尾先拍...當時我睇到雜誌, 仲覺得: "嘩! 呢套戲都好大膽, 搵姚子羚做主角!" 劇情又唔吸引!
不過其實一開始"四葉草"時, 我又覺得佢係咁多個主角中做得最好(雖然最唔好樣)...否則佢咁o既樣都唔會俾佢做主角啦, 一定有佢過人之處! 正如當年cookies點解會揀kary入去一樣!
哈! "真係好似一隻老鼠, 佢應該去做迪士尼o既代言人!"...呢個comment幾精彩! 我都有d認同!
其實我覺得馬浚偉都愈睇愈唔得...佢大勢已去喇...!
「黃金十年」隻主題曲好似係譚校長o既"曾經"...幾好聽!
其實當年我都幾鍾意睇呢套戲, 但因為之後無重播過, 我都唔記得內容囉! 我記得之前唔知寫咩時research過八十年代好似有睇過d資料, 話男主角張兆輝o係呢套戲拍攝時車死o左人定咩, 令佢紅唔起...我真係唔太記得! 而唔重播呢套戲, 都好似有d原因o架!
其他演員好似仲有歐陽波比同埋劉嘉玲...同埋一jar後生演員!
痴心的廢墟先係主題曲﹐曾經係插曲~
發佈留言
<< Home