3-22(wed) 八十年代的回憶…三哥+etv
終於upload左少少舊日記上"芒姐日記之...舊日的足跡", 其他舊日記仍然係...不日刊出...多謝捧場!
o岩o岩睇完一連兩集苗僑偉o既訪問...佢確係一個好男人啊 (就算佢真人唔係佢present到咁好, 咁都要讚佢口才好, 同埋形象超好囉!)! 聽番佢講同翁美玲拍戲d o野, 講佢離開電視圈之後做o左d咩, 同埋五虎將八十年代o既軼事...真係好令人懷念光輝o既八十年代...確係經濟起飛, 電視行業蓬勃, 人人開心, 咩o野都好...所以個個都懷念! 亦令人好希望可以睇番有五虎表演o既"星光熠熠競爭輝"...雖然成日都有播番d片段, 但永遠都無足本o既! 佢o地o個時d高難度動作確係勁!
仲有, 乘呢期重播"楚留香"個勢訪問三哥, 都係安排得好!
終於套"楚留香"已經去到尾聲喇...呢幾集比較好睇, 尤其係胡鐵花同高阿嵐部份, 真係精彩過香帥&co.好多! 我終於記得原來我當年係力追後面呢十幾集...唔怪得知o個時印象中好睇咁多啦!
都睇o左少少新o個套"人生馬戲團", 無我想像中咁差...雖然d人無一個係我buy o既, 仲要大部份都係我唔多鍾意o個d...但個動物園主題都幾新鮮! 不過楊思琦小姐主唱o個首主題曲真係嚇死我...懶係cutie細路聲仲要扮到好似講唔正中文咁...想點呀?
依家宣傳緊下期套新戲, 點解又係講律師o架?! 呢個topic係吸引, 但隔幾套就做一做會唔會太overlap呢?! 好心呢d o野見好就收啦, 仲要套"識法代言人"都好似唔多收得添...咁你仲唔識收? 同埋又係有陳鍵鋒...雖則佢今次好似唔係做律師!
無意中又係網上面睇到一d從前大家睇 etv 的共同回憶，以下幾個我都有d印象…你呢？!
1）英文科開頭，由三年班到六年班都係 hello hello hello…[芒按: 呢個肯定大家都記得啦, 唔知依家仲係咪咁呢?]
2) 小學三年級社會科，有集講社會保障，片尾唱《一點燭光》，當時覺得十分感動.[芒按: 呢個都有印象]
3) 英文科有集請 citybeat 唱歌. [芒按: 我記得…後期仲成日o係屋企睇添!]
4) 鄧一君同江麗娜﹝唐寧﹞[芒按: 鄧一君真係幾乎隔幾個節目就見一次]
5) 社會科有集找當時好型既張立基主持，介紹香港繁華既經濟，十五分鐘入面不段播改篇歌，如大陽星晨、神仙也移民等 [芒按: 有少少印象]
6) 有骨子的洋娃娃 {個o靚妹收到個洋娃娃後真係拆散佢，睇下入面有幾多骨) [芒按:都有少少印象]
[7) 芒按: 呢個我自己諗起o既…有一集教負數, 用潛水艇做場景, 我覺得幾好, 起碼活學活用! 仲有, 成日都有買個餅返o黎分教fraction!]
posted by 芒姐 at 2:07 上午
15 Comments:
講開馬國明
我見過佢真人,比上鏡靚仔好多
而且佢既志願係做許紹雄,咁樣其實都ok呀,我都係buy佢呢樣架...反正都唔會做主角架啦
但係有冇人可以答到,點解d人把口話唔like吳唱k,但係佢d劇都係咁收得....唔好話tvb捧呀,我諗d細既都唔想架....
我好唔鍾意陳浩民, 亦麻麻地鍾意睇楊施肥 (雖然我subjectively 覺得佢個樣sweet), 佢把聲係嬌嗲, 但我最怕女仔”jit”起把聲扮細路懶cutie, 我聽到會想講粗口; 搵日要睇一睇呢套劇, 睇下有幾唔掂先~ 比較之下, 我諗我會喜歡鍾嘉欣多d, 個樣純品d…
re etv #7: 英雄所見略同呀, 我又係覺得用潛水艇教負數呢個concept 好好呀, 好易明, 我記得到而家！
而家d etv d 主題曲好好聽架, d 小朋友一定跟住唱, 好cute~
我記得我細個最鍾意睇英文etv 0既改篇名著短劇, 未能完整地睇完 “Dr Jekyll and Mr. Hyde” 到現在依然引以為憾呀; 仲有仲有, show 個咀唇教讀英文好冗, 一個vocab 讀成十次…
我覺得etv 仲有一個經典，就係「細菌大魔王」，呢個角色令我印象好深刻架，就算到左而家，睇番d 電視劇，我同細佬一見果個演員(唔記得咩名)就會齊聲叫「細菌大魔王」呀，哈。
陳鍵峰，我都覺ok架喎，記得有一日，我係公司studio撞到佢黎影相，咁唔知邊舍叫佢，佢突然擰轉面笑一笑，在場有幾個女仔暈左，哈，果時我即刻諗起小忌廉既經理人立仁先生。
呢排無記d 劇，真係好麻麻，起碼以我呢個無記fans都唔多願睇，反而追緊亞記既「金三珣」，所以都對秋官既戲幾期待架，而且又有蘇玉華呢。
re 敏兒：
係呀係呀! 我都記得細菌大魔王, 係一連兩集ga mah~ 雖然好白痴, 但我好鍾意睇
苗僑偉o係我心目中一直都係個倜儻型仔, 所以"學警雄心"裡面講羅冠蘭暗戀苗僑偉o個段, 實在令我覺得好可怕。三哥以前專拍靚女, 你而家竟然要佢配米雪同羅冠蘭(米雪還好d, 至少都係一個靚女, 但係羅冠蘭就......), 佢地點睇都同翁美玲唔同年代啦, 即使係三哥本人, 應該都細佢地(至少)幾年...... 我強烈不滿咁o既組合呀!
係呀, 八十年代真係乜都好, 明星、歌星固然風華絕代, 連d 綠葉、幕後精英都耀眼過人...... 好慶幸自己生於香港, 能夠見證到o個段光輝歲月。可惜o個段光輝歲月已經一去不復還, 所以好多謝TVB時不時推出d 經典VCD, 讓我地可以搵番好多童年回憶!
"人生馬戲團"亦比我想像中好, 可能因為我一向好鍾意推理、查案一類o既劇種。
我極度討厭楊思琦, 因為佢唔靚、超作狀、無可想像地蠢; 我亦唔多喜歡馬國明, 因為佢d 戲好唔掂, 而且個樣真係好似一個變態佬!
楊思琦真係難頂到爆，次次做戲都係用同一個tone，所以呢，聽聞佢拍緊一套新劇，要扮啞妹，我估我會睇下。
其實新一輩既女藝員，都好麻麻，我比較鍾意蔡少芬，佢時裝又得古裝又得，起碼唔作狀先啦，不過可惜既係佢既劇少左好多喇。
Mon Jeh & 雪人,
I just opened the TV and heard 楊施肥 is singing (the new theme song of 人生馬戲團)......Waaaaaaaaa
雞仔聲不特止.......我直情係無辦法聽到佢唱mud????????? (I mean those lyrics)
But I agree to 雪人, 楊施肥真人個樣OK, it is exactly same like she looks on TV, skin very nice also, very light make up!
That time....I brought my dog to a charity walk in peak....楊施肥& her boyfriend joined the same fuction!
楊施肥 was very friendly and she let me touched her pug...but her bf...好鬼怕其他市民望住佢, 要急急腳走! (可能佢覺得自己是大明星kwa?????)
Mon jeh fan屎，
cc
馬國明真人...我都見過...係比想像中高大威猛o既...但都係o個句, 佢做2-3線係ok, 做主角真係無o個個格囉! 每人都有佢適合做o既崗位...如果無線真係如佢所願俾佢做許紹雄o既位, 咁會好d o既! 我成日覺得佢個感覺好似林家棟, 好配角囉...但林家棟做主角都有說服力過佢!
咁我都相信楊施肥個人無咩o野o既, 但佢就係唔適合做戲囉, "乖"o係呢個圈並唔太work...佢o既反應超緩慢(尤其做主持時你簡直係戥佢個拍檔慘), 做戲超難睇, 仲有佢把死人聲...真係聽到都好想kum佢兩巴...最慘係佢仲走去唱歌! 無錯, 隻主題曲真係完全一粒字都聽唔到佢唱咩...平時佢都唔係講唔正廣東話o架, 點解唱呢隻歌要扮鬼妹?!
至於話佢靚...我都嘗試說服o左自己好耐, 但我就真係睇極都唔覺得(個人意見啦?!)...so far我都無聽過有任何一個女性buy佢, 男性就應該會鍾意呢隻o既, 起碼懶嬌嗲(which我最唔buy), 同埋最緊要身材好嘛!
re etv: 我對"細菌大魔王"呢樣o野都有d印象...但究竟係邊個做o既呢? 真係唔記得喎!
英文一個vocab讀十次又係煩人o既, 但我幾欣賞佢每次都作d懶押韻o既句語...好騎呢! 仲要係讀得超肉緊o個隻!
re三哥: 係啦, 佢明明同羅冠蘭/米雪/韓瑪利唔太同年代...上次睇佢拍後n代o既吳美珩反而幾合襯喎!
新一代女藝員我有好多個都ok buy, 廖碧兒, 楊怡, even大家好唔贊同o既葉璇! 蔡少芬其實都已經係一線好耐喇...不過佢都曾經演技好唔掂, 尤其"風之刀"/"天倫"年代!
細菌大王係方傑呀! (第五個)
http://princessdiane.com/oldies/tv-oldfriends-male70s.html?
Oh hohohohohoho! 真係唔講唔知佢叫方傑啊!
剛睇完「娛樂直播」，睇完魏俊傑既訪問，後段講得好感性，佢猛話連累左騰麗明，話令佢無左好多發展機會。提開騰麗明，其實我都覺得佢幾好架，特別係做時裝，佢夠晒爽，唔似楊施肥咁造作。果陣報紙話佢同魏生拍拖，我都唔睇好，因為魏生形象唔好，個款似會打女人d 人，話戲都唔突出。
我都有睇...但我又覺得佢o個part好over, 好似癲o左咁! 講真, 我一d都唔認同佢講o既o野, 唔紅就唔紅o架啦, 關佢公開戀情咩事? 大把人公開戀情一樣咁紅...我覺得滕麗明o既最大敗筆係剪短o左佢把頭髮...佢做陳三元o個種爽朗型角色就掂喇...一留把長髮就完全錯晒! 因為靚佢又不能話好靚, 正如魏俊傑話佢點解咁出係因為"32A"o個隻tomboy角色 (不過講真, 我唔係最近睇番都唔記得佢有份做)...其實我最鍾意佢係"真情"阿雪年代...佢依家個感覺好似變o左第二個人, 同埋睇好多暗名報導都話佢個人勁唔掂...我唔知啦!
發佈留言
<< Home