4-7(fri) 飯tastic

唔知大家有無食過麥記新出o個兩隻“飯tastic”?

平時我唔多好麥記…但今次見到呢兩隻rice burger咁得意, 都不禁被吸引o左去食番兩件…真係唔錯喎! N年前大快活搵謝檸檬代言過一隻同類型rice burger, 我就未食過喇…基本上連大快活都無咩去過…我係大家樂支持者o黎o架嘛!

呢期不停咁好tempted要去試一試個飯tastic…改個咁o既懶食字名, 係就係成功引起人注意, 但須知道去買呢件咁o既o野時係需要莫大勇氣…“一件脆雞飯-tastic呀唔該…”好核突! 可唔可以改番個正路d, 易叫出口d o既名呢?!

雖然係咁…上個禮我都排除萬難咁去食o左件“脆雞飯tastic”…可見我有幾咁想食!

試後感: 果然係幾特別, 幾好味…無改錯名…真係幾fantastic! 不過略嫌熱氣! 同埋淨賣都15蚊咁滯, 略嫌貴o左d囉 (雖然真係幾好食!) 今日已經去試埋個“牛肉飯tastic”…係就係無咁熱氣, 同埋牛肉加埋d汁都幾好味…但我始終覺得個乾珍珍o既炸雞配濕濕地o既飯fantastic d!

嘩! 原來套“鐵血保鏢”真係高收視成咁, 平o左“阿旺新傳”個紀錄! 真係估唔到佢咁勁! 而o個套“人生馬戲團”, 真係唔知佢點解咁耐都未做完, 同埋究竟佢想查案定係玩雜技呢?! 真係無所適從! 劇情唔知想點都算, 但係d主角真係勁唔討好+勁唔吸引…尤其阿楊小姐無論係真人同角色都咁難頂! 仲有, 歐錦棠個奸角樣都好浮誇, 同埋佢個頭真係…!

下個禮拜八點加o左套懶係處境劇“高朋滿座”…都好o既, 好耐無睇過處境劇! 小男人鄭丹瑞十幾年後再走呢d路線其實都頗out下, 不過都姑姐睇o下啦! 佢仲要做鄧上文個阿哥…阿旦明明同english tang同年代, 直頭做得佢老豆啦!

可能無線見亞視套“豈有此理”做得幾好, 添食再添食…我時不時都會睇o下…無無聊聊都唔錯呀! 不過tvb又唔係同人o地同時段打對台, 咁實在太失策喇! 仲無啦啦全線tun半個鐘…再o係10點幾加個什麼“向世界出發”o既節目…都好o既, 三線劇集其實都有d不勝負荷!

同朋友傾開, 發現大家張新o既smart id都影得好靚, 我個人認為直頭係靚過真人好多囉…好decent, 好proper, 笑容極度可躬 (有人話直頭可以用作政府宣傳照 [唔排除有誇張成份]…我覺得我要申請去取代o個d成日o係天橋見到o既模疑身份證什麼“常開心”呀o個d囉…甚至要踢走胡杏兒, 方力申…哈哈哈哈哈…發夢無咁早呀嘛! 我知呀!)…以前d身份證出晒名係影得怪 (我覺得我o個張影得似一隻狸貓), 拿張身份證出o黎唯有講句: 真人靚過上鏡…但係依家, 相信過關都會俾阿sir問: 好唔夠?呀? 做咩醜樣o左咁多?! 我真係懷疑入境處有同大家執過張相, 否則無理由張張都影得咁靚o架?!

同埋我唔明點解今次呢輪係三年一齊換…係咪真係因為八十年代少o左人出世? 事關以前讀書好似真係讀過七十年代末有什麼“birth boom”o架嘛?!