4-3(mon) 1985IYY
見大家講“1985IYY”o個段片講得咁興起…而上年post o個條link又好似已經壞o左, 今日特登再post過等未睇過o既朋友又可以一齊補習下, 細味八十年代的光輝! 特別鳴謝shaw_mag提供以下的link…
…眾多八十年代歌星+藝員濟濟一堂, 你又認得幾多個呢?
Small bee已經list左部分有份演出o既藝人出o黎, 包括張國強+唐麗球+Money姐+馮雲黛+羅志強+蔡楓華+陳潔靈+孫明光+胡渭康+梁朝偉+區瑞強+關朝聰+狄寶娜摩亞+雷安娜+鄧麗盈+戚美珍+劉青雲+歐陽德勛+張衛健…唔知大家又可唔可以合力list晒所有藝人出o黎呢? (呢個idea好似有d變態…?!)
跟住又要講o下我呢期最鍾意睇o既“搞笑節目”…“超級靚聲演鬥廳”!
依舊係好好笑…伍衛國依舊係連講o野都走音, 仲有佢精湛o既口窒窒表演…真係唔到你唔服! 今集直頭合唱都無俾佢唱, 只係負責做“小丑”o既角色…伍小生真可憐!
跟住又係依舊同樣o既cast, 五集?面每個嘉賓都至少出過兩集! 即係第一集係a+b+c, 第二集係a+b+d, 第三集係a+c+d…來來去去都係o個幾個人! 令我諗起計數o既probability…究竟o個幾個人可以form幾多個不同o既組合呢?! 好r頭! 不過就係因為個節目咁騎呢…所以先咁好睇!
今次佢o地一開場就話:“嘩! 今晚Cast好勁! 有好多老前輩!”以為有邊個咁勁? 最老o個個頂多係陳潔靈…連羅敏莊, 湯盈盈, 李思捷, 敖嘉年都可以叫做老前輩呀?
羅敏莊繼頭兩集之後又出番o黎…變成core o既嘉賓! 佢已被列入甘草行列…又係可憐! 雖則佢都唱得幾好, 尤其今次唱“酒干倘賣無”…有番當年我好喜歡聽佢o係“人間定格”唱歌年代o既standard!
湯盈盈都唱得幾好, 但似乎佢只係識得唱一隻歌…”終身美麗”!
男o個邊仲弱, 得倫永亮+兩個“娛樂直播”前/現任主持…李思捷+洪朝豐個接班人敖嘉年…咁佢兩個都唱得ok, 尤其係做主持時極度yim悶o既敖嘉年…不過個感覺真係好似佢師傅洪朝豐!
仲想問大家一個問題…有無聽過一套劇叫“金蛇郎君”?! (唔係江華做金蛇郎君o個套 “碧血劍”喎!)…好似話係1993年拍o既, 由鄭伊健, 羅慧娟, 尹揚明, 我曾經好喜愛o既梁佩瑚, 同埋主唱咁多年來最長歌名歌曲“是不是這樣的夜晚你才會這樣的想起我”o既彭家麗主演…唔係因為要寫呢套劇我都唔知曾經有套咁o既o野…完全無印象有睇過…even個名都好似未聽過…大家又對呢套o野有無印象呢?! 有無曾經o係黃金時段播過呢?!
p.s. 個“hejnom2”site好似真係好唔掂, 時work時唔work…我決定將所有舊日記搬晒入“hejnom3”度喇!
posted by 芒姐 at 1:27 上午
11 Comments:
金蛇郎君係深夜時份播架~ 1993
多謝晒！廿一年前o既片都有得睇，睇得我好開心。
當然仲有我地永遠懷念o既巨星級人馬哥哥、梅姐、蘿記、陳百強, 國際影星發哥, 而家已經地位非凡o既學友、劉華, 賤男XO譚詠麟, melody阿媽甄妮, 第一代少年警訊主持林嘉華, 好需要人支持o既蔡國權, 韓斌任達華, 呂方, 鍾鎮濤, 關禮傑, 彭建新, "火羅"爆o既戴思聰個愛女兼第三屆新秀亞軍戴蘊慧, 陳慧嫻, 露雲娜, 王雅文, 張德蘭, 鮑翠薇, 關正傑, 麥潔文, 傳聞已經去世o既李中浩, 仲係靚絕四台山o既藍潔瑛, 當年o既出爐港姐謝寧, 做過城市故事o既劉淑華, 譚玉瑛姐姐, 飾演過尹志平o既鄺佐輝, 余文詩, 王愛明, 曾華倩, 龔慈恩, 林偉健, 詹秉熙, 麥麗紅...... 好似仲見到劉嘉玲、陶大宇、余綺霞同方伊琪, 應該仲有好多其他無線藝員o既, 不過鏡頭閃得太快, 真係睇唔到, 又或者d 人太咖哩啡, 真係認唔出。
基本上, 男歌手著黃色衫, 女歌手著綠色衫, 男藝員著藍色衫, 女藝員著紅色衫, 另外有d 唔知想點o既就著自己衫。
有印象播過"金蛇郎君"呢套劇, 不過我自己就無睇過(d cast 太弱喇), 個故事係咪都係講"碧血劍"裡面o既夏雪宜同溫儀o既故事?
乜李中浩唔o係度?
幾時o既事??
我以前覺得佢做戲幾好,
佢o係《龍的天空》入面做過黎姿個阿哥
(我唔係記得好清楚,唔該confirm 一下)
好有哥哥風範
btw,
small bee 你真係好厲害~!!
唔係, 李中浩係同梅艷芳合唱"邁向新一天"o個個; 你講o個個會唔會係李中寧?
李中寧就係"龍的天空"黎姿個阿哥, 之後做o左三級片之王!
李中浩就係同梅姐合唱"邁向新一天"o個位, 但我從來唔知佢咩樣...佢死o左咩?!
咁佢除o左呢隻歌, 有無自己o既歌呀?
真係好多藝人叫"李中x", 但更多叫"李家x"...當年飛圖o既李家發就好似真係拍mv死o左, 仲有個李家明...好混亂!
small bee你真係好勁, 幾乎都俾你數晒出o黎...d畫面去得咁快, 都要睇好多次先可以list晒咁多人出o黎, 仲要有埋adjectives去形容佢添...甘拜下風!
原來金蛇郎君係深夜播, 我連呢樣都無印象! 個故事同cast都幾得意呀...騎呢到爆o個隻! 騎呢在唔係講夏雪宜同溫儀o既故事, 但係伊面同彭小姐個角色就係照抄佢兩個...而好似唯一o既link就係伊面搵到本金蛇郎君o既唔知"秘級"定劍定whatever...我都唔sure, 總之好夾硬o架!
oh baby, how come I couldn't see any link to the site you mentioned?
真係唔知李中浩去o左邊......當年傳過o下話佢去o左, 不過都係傳o羅, 而家已經無從稽考。
其實係因為我好鍾意80年代, 所以一得閒就會重溫一o下呢個咁經典o既mv, 我每次睇都好感觸, 但係越感觸就越要睇......我其實已經睇過呢個mv好多次o架喇!
I have embedded the video onto this page, so you should be able to view the video directly...just click on it.
發佈留言
<< Home