6-23(tues) 碧血鹽梟
話說上期講開林峰…好多人都問我有無見到佢“契媽”利孝和夫人…我的確係睇18號尾場呀, 不過我真係無見到利夫人, 反而見到陳敏之, 何麗全同埋馬德鐘等…不過我前個禮拜又的確o係中環見到利夫人…佢雖然無著旗袍, 但風采…都算依然o既…:p
我之前講過既無睇“巾幗”, 亦無睇打正佢”延續篇”旗號o既“碧血鹽梟”…因為呢隻劇種唔係我杯茶…但上個禮拜唔覺意larp到一集, 係講阿美妮姐姐俾阿敖嘉年飛, 跟住楊怡鬧爆阿敖嘉年虛情假意, 敖嘉年又反鬧番佢明知阿二少黃浩然鍾意佢又扮晒唔知先係虛情假意咁啦…睇睇o下又居然睇起上o黎…真係世事難料!
睇睇o下又覺得楊怡/黃浩然/馬浚偉o個段三角戀都幾好睇…仲有阿美妮姐姐做呢d風情萬種但又受盡委屈o既青樓女子又幾好笑o下, 可能佢平時嘈之巴閉的形象太太太深入民心!
仲有, 馬浚偉同楊怡合唱o個首主題曲都幾有趣o下…男o既好高音, 女o既又反而唱得好低音…真“趣怪”!
上個禮拜有一集“畢打自己人”好好笑…笑番自己台的“美味天使”, 叫“中藥天使”…仲要咩“杞子”, “犀牛皮”, “大山地”…好白痴, 但好好笑! 懂得自嘲…俾個叻佢! 阿黃子雄仲要係咁“Miss大山地”…又諷刺阿方力申同美少女廚神rainbow o個單攞電話號碼+sms新聞…幾抵死!
另一近期網上熱爆爆笑廣告…“古天樂@YOKOHAMA輪胎廣告”… 「想節能，輪胎能。省姐撚，撚太撚。」…又係笑爆嘴~~~!!!
posted by 芒姐 at 5:15 下午
10 Comments:
芒姐！尋晚果集｛畢打｝都好搞笑！咩“我們的初戀”啊！有無睇啊？
我冇得睇畢打自己人啊，呢度做緊同事三分親咋！
我鐘意馬浚偉喎，不過唔知點解佢硬係冇佢應得咁紅囉，佢做戲都OK吖，同埋睇得出佢好俾心機好落力嗰只，見佢成日受傷就知啦。但係好似從嚟都冇大紅大紫過！
"碧血"之前已經係馬來西亞播左，朋友BT，我又睇下睇下睇哂! 其實套劇前中段都唔錯，但後段就無記一套作風...爛尾!!!
三位主角都做得唔錯，楊怡同黃浩然呢一pair我會buy d!
b.,
同意, 中段幾好睇, 依家去到尾段, 我覺得有d悶!
Nilly,
咁"同事三分親"仲好睇過"畢打自己人"添...同埋 啊，呢度做緊同事三分親咋！
我又個朋友形容過 (which i 100% agree), 話馬浚偉就好似一般溫水, 無咩特別, 淡而無味咁囉...你話佢無演技咩, 又唔係, 你話佢做得好吸引咩, 又唔係...即係你又唔會好鍾意佢, 又應該唔會太唔鍾意佢!
匿名,
我有睇呀, 琴姐同何啟南o個段“我們的初戀”啊嘛...係幾好笑...
芒姐：
我發覺TBB討論區度好多馬仔的fans，唔知咁講會唔會得罪人，我覺得馬仔演技唔系話冇，但就真系部部戲都咁既款，表情樣子一樣的，遇上今次碧血呢個唔多討好的角色，真系負負冇得正，仲要有個標咗出來既黃浩然，唔系“冇得正”，直頭就系“冇得剩”
成部戲出彩了一個黃浩然，有人講過，系一個好演員遇上一個好角色然後令呢個好好角色更出彩。
至於段三角戀，我就覺得勁無稽，別說對方系殺父仇人，單劇情鋪墊都唔覺得致遠跟勝雪有幾刻骨銘心啦，一直兜兜轉轉好似揾戲來做咁
而家都未系後段，個結局仲悶啊，簡直有萬隻烏鴉系頭上飛過……吖……吖……吖……
何啟南做癲狗都幾突出丫, 好男人講義氣! 不過我估呢個角色無徐榮「同事三分親」裴進咁出位! 何啓南都做左好多年臨記lu, 佢個樣都唔差, 其實同廿幾年前比, 佢無乜變, 算係keep得好, 可惜一直都係做d 好閒好閒既角色!
匿名,
其實"勇往直前"年代我都幾鍾意馬仔...依家就正如上面所講, 唔會特別鍾意, 但又唔係特別抗拒o既...
睇到後段, 反而譚小環同陳山聰+陳凱怡o個段都好睇過三個主角段三角戀....
匿名,
廿幾年前睇青春劇已經見到何啟南, 佢都算做得ok o既...同埋又真係算keep得幾好!
發佈留言
<< Home