2009年7月20日星期一

7-20(mon) 我們的九十年代

上回講到"我們的八十年代", 點知今個星期仲有下回"我們的九十年代"…呢篇都一定要貼, 因為更加“回憶返埋o黎”!

雖然我最愛八十年代, 但無可否認我真正成長於九十年代, 所以共鳴係更加大…同埋同我一齊成長的朋友們, 都應該係對呢個年代更有感覺…睇到我毛管都楝埋…! d資料真係好詳盡…要讚佢一個…good effort!

"我們的90年代"

80年代是傳奇誕生的時代。 90年代,神話消失,換上是無厘頭,醉生夢死,嬉笑怒罵。甚麼四大天王、玉女小花、師奶殺手以至小燕子,臉孔甜如蜜,笑容星閃閃,但毋須實力。觀眾只需要年輕的肉體。

回歸前7年,人心惶惶;回歸後,雞毛鴨血。

面對恐共情結,搞笑表姐聊博一笑;風雨飄搖,《大時代》陪你笑看風雲;哭不出來,笑聲拍板打到你笑中有淚;有寃無路訴, phone-in節目打救你。回想那十年,真不容易。
(撰文:吳佩思、黃珈楠)


1.四大天王
張學友、劉德華、黎明、郭富城,黎明賑災獻唱「我又怕心難死」轉 key勁走音,還有城城金句: 30歲前唔失身。

(…四大天王…唔洗講啦o下嘛…一定係香港90年代icon的第一位!)

2.玉女

一定要長頭髮。唱功毋須好但五官要精緻。掌門人有周慧敏(圖)和楊采妮,受歡迎程度還看 Yes卡和信和賣相指數。
(…wow…玉女掌門人著呢套宮廷裝拍“感情的婚禮”mv真經典…仲有阿旺做呢個mv的男主腳呢…!)

3.周星馳
憑精奇骨格闖影壇,角色名大多叫阿星。越紅越寸, 96年演寸爆食神史提芬周,唔扮嘢做自己。
(…其實我係buy八十年代做電視劇o既周星星多d…)

4.王家衛
91年憑超班作《阿飛正傳》攀高峯,上映當日王家衛驚到要老友劉鎮偉在 cafe陪坐天光。

5.《大時代》

方家三兄妹與四隻蟹被掟落街,玲姐瀕死尋戒指……最後慳妹隨着紅絲巾飄飄,離開紅河村了。
(…個所謂 “丁蟹效應”…講到今時今日仲講緊!)

6.王菲
改名王靖雯乘《尾班車》來港,改搭尾班機赴美學藝。學成返港做番容易受傷的女人豆泥嫂。

7.王傑
越「嬲幽」癡女越狂。初來港蓄短髮尚算乾淨,《誰明浪子心》奠定浪子形象,齋唱悲歌。
(…王傑其實我覺得應該屬於八十年代多少少…)

8.林志穎

17歲台灣小旋風林志穎,愛穿 Body Glove及勁厚 shoulder pad,髮型勁似城城。
(…嘩…“為自己找一個出口~~~”…當年有邊個小朋友/年青人唔識唱/跳“今年夏天”的舞步~~~?!)

9.金牌監製鄧特希
開拍《壹號皇庭》教你品味生活,閒來落 bar, 98年《妙手仁心》再斬四両,開始走火入魔。
(6年內拍足5輯…都咪話唔勁! 我相信真係有唔少人係因為睇完“壹號皇庭”而走去做律師o架…嘩哈哈! 其實我覺得“壹號皇庭”套劇本身應該入十大rather than鄧監製…不過鄧監製都係90年代一個經典!)

10.師奶殺手

陶大宇
師奶癡戀電視小生。高檔有西裝形羅嘉良,平民化有型警陶大宇,書生形有吳啟華。任君選擇。
(…oh!!! 張大勇…我都曾經為你瘋狂~~~!!!!!!!!!!!!!!!!!!!!!!!!! "人紅自然靚"係一個必然的定律...當年, 佢連個頭都吹得靚過人! "刑偵"真係經典到呢...每日返學, 無論上堂/小息/lunch time...都係討論+演繹前一晚劇情的時間...oh, "大勇~~我真係咩都唔得~~~"...睇到人幾咁肉緊呀!其實套劇本身更加應該上榜啦, 吓嘛?!)

11.台灣歌手
香港偶像派被台灣幫殺得片甲不留。陳淑樺、伍思凱、張洪量、優客李林,教你聽歌學國語。
(…仲記得1990年…香港樂壇青黃不接時期, 勁歌總選幾乎俾台灣歌手“壟斷”添噃!)

12.《還珠格格》
瓊瑤劇和亞視在港幾十年都紅不了,小燕子和紫薇格格卻打破悶局,來港宣傳 fans更逼爆玻璃。
(…其實呢個我到呢一刻都唔明有咩咁好睇…恕我無taste!)

13.鄭秀文、許志安

緋聞比愛情更經得起時間考驗。許鄭華星地下情由 92年《其實你心裏有沒有我》唱到現在。
(…嘩嘩嘩嘩嘩…真係非筆墨可以形容…我講緊o既係安仔+sammi當年的效應…至少對我本人o黎講!)

14.《午夜凶鈴》
一盒錄影帶,睇完就會離奇死亡,最經典係貞子會喺電視度爬出嚟,仲有人睇完部戲之後嚇死咗。
(…呢套係我呢d睇恐怖片都完全唔驚的小朋友, 睇完都有d驚的電影…個氣氛營造得唔錯!)

15.《天若有情》
華 Dee與千金 JoJo之戀震撼 MK,穿上婚紗騎電單車踏上最後一程……主題曲插曲同樣催淚。

16.木村拓哉
木村憑《悠長假期》、《戀愛世紀》等日劇攻陷香港,水晶蘋果更成為冧女的最佳禮物。

17.卡拉 OK

怎能忘記飛圖台柱梁雁翎?《像霧像雨又像風》晚晚播,長髮飄飄娘味十足,仲有異國風情伴碟。
(…wow…nee dui wor shang wu shang yu yau shang feng…sorry, 呢d絕對唔係準確的普通話拼音!!! 但, 卡拉ok係咁唱o架啦…我都已經標準過古天樂同曹仁昭叔叔好多…哈哈! 卡拉ok…真係90年代的最有代表性icon! 仲有飛圖 [難怪 “勁金歌曲”都要整一幕係講個男主角拍“飛逃”mv!]每日兩點幾加夜晚十一點幾的“飛圖時段”…陪我o地度過唔少日與夜! 當然唔少得梁雁翎啦…o係地鐵見到廣告話8月17-18日陳浩德演唱會有“卡拉OK巨聲天后” 梁雁翎再現…搞到人心郁郁去回憶吓我們可愛的90年代添~)

18.煲日劇
老翻 VCD興起,由柴門文《東京愛的故事》開始,日劇迷大嗌:《上帝!請給我多點時間》。

19.《X檔案》
觀眾全情投入跟莫探員與郭探員追尋不可思議外星生物奇異事件,還真以為戲外兩人是恩愛夫婦。

20.《超級無敵獎門人》
超級無敵估歌仔、馬拉松、乒乓波……玩足 14年,獎老曾志偉冇高過,遊戲冇變過。
(…嘩…玩足十幾年, 由我中學年代玩到…em…真經典!)

21.《真情》

善姨李司棋(左)、好姨薛家燕(右)
善姨好姨容姨叉燒炳。張慧儀死而復生,雙雙忍痛讓愛兼送仔。我至鍾意都係 MayMay同低 B瓊。
(…嘩嘩嘩~~~笑聲笑聲~滿載溫馨~又係陪我度過中學到大學不少寒暑…當年你d同學仔, 實有幾個被代入"善姨", "叉燒炳", "好姨", "容姨", "阿家"呢d角色! 當初又有邊個估到…“真情”可以變成千幾集o既長壽溫馨倫理劇…由1995播到1999…依家, 又再播緊添呀~)

22.《包青天》
何家勁翻生之作。包大人金超群為尊重此角宣佈暫停行房,一禁就禁足 2百幾集。
(無綫亞視仲鬧雙包添~我記得我93年出國返o黎, 無啦啦見電視播d咁o既戲, 仲以為粵語長片時段提早o左添!)

23.肥師奶
由棄婦變女強人,陳秀雯以精湛演技感動萬千師奶,多年後輪到劇中好姊妹鄧萃雯做師奶兵團。
(…呢個又係估佢唔到!)

24.《長腿叔叔》
唐韋琪一曲走天涯。細個希望像茱迪一樣寄宿唔使俾父母管,大個梗希望真係有個長腿叔叔啦。
(…仲有A貨“長腿叔叔”…one big har o既“海潮”呢~)

25.《侏羅紀公園》
史提芬史匹堡代表作之一,恐龍栩栩如生,擘大口嚇親不少觀眾。全球票房狂收順勢拍多部續集。

26.《古惑仔》
細細粒與陳浩南,浪漫悲情。「呢度我話事!」殺入銅鑼灣。現實中伊健因演得太神似失去不少工作。
(呢個又係90年代的經典…估唔到佢一拍可以拍咁多輯…)

27.和記廣告

黎明換過 N個阿 May,其中一個係童愛玲。金句如「有緣嘅話,我哋會再見」。
(…我鍾意第一個…是你嗎, 手執鮮花的一個…仲有後來o既“要贏人先要贏自己"呢!)

28.《 Beach Boys》
反町隆史(左)和竹野內豐(右)鬥剝衫的日劇《 Beach Boys》堪稱經典,當年和木村三分天下。

29.《表姐你好嘢》
神奇公安鄭碩男動輒出槍,春情勃發又要扮矜持,瞓水床以為鬼上身,唱歌唱爆杯,仲封埋影后。

30.Take That
港女必迷的英國男子五人組,隊中最唔突出的 Robbie William 96年單飛卻成了樂壇巨星。

31.解剖外星人
當一班儍人對着一個假人解剖解足一星期成為高收視節目,無綫嘅《城市追擊》有慾海肥花控訴被姦都唔出奇。
(…呢個又係爆! 其實我覺得“今日睇真d”同 “城市追擊”先應該入圍啦!)

32.奇洛李維斯
來來去去得一號表情,但勝在靚仔角色又有型,造就電影《生死時速》和戲中所戴的 G-shock手錶。

33.寶麗金三小花

(左起)湯寶如、劉小慧與黎瑞恩三大玉女。當年三小花今日最愛攻四方城。

34.葉玉卿
冰後藏着軟肉溫香,葉玉卿出位路第一招。第二步拍三級片兼出唱片,之後殺入電視從良。
(…葉玉卿係咁多個三級女星最成功o既一個…同埋聽佢講o野, 真係幾有腦…難怪佢可以由亞視姐仔搖身一變成為香港其中一個最紅女星, 依家仲上埋岸添~)

35.寫真熱
胴體熱浪襲九十年代。天使徐若瑄與舒淇,攞命有李莉莉,嚇人有徐錦江,最認真竟也是他。

36.海潮

變態版《長腿叔叔》,海潮溫碧霞無論泰山裝或大領衫,統統變斜膊衫晒香肩附送心形嘴。
(…oh…跌膊衫!!!! wahahahaha…long time no see!)

37.火車鬧鬼廣告
小孩玩火車玩玩吓多咗個,嘴角又多笪血迹。有傳他們拍攝九鐵廣告後失蹤,每聽到火車的響按聲,都會想起他們。
(…我當時都驚o左一陣…)

38.黎姿
《白恤衫》內藏愛美神飛彈,《你是明日意義》凸顯她的單薄唱功,難怪演戲較易令人接受。
(…黎姿係有紅過o下…但又未算好紅, 更加未至於可以獨立成為一個90年代icon囉…我覺得…!)

39.林夕 VS黃偉文
兩大填詞人寫盡 90年代男歡女愛。黃偉文當年憑《你沒有好結果》一鳴驚人,越填越勇。

40.合唱歌

《相思風雨中》、《現代愛情故事》、《相逢何必曾相識》──張智霖、許秋怡更傳出緋聞。
(…wow…合唱歌是另一經典…亦都係卡拉ok o係90年代初大hit的“副產品”! 當然, 飛圖卡拉ok的時段的日播夜播洗腦式招數亦應記一功!)

41.《男兒當入樽》
別說晴子,單看流川、櫻木對籃球的熱誠,一股熱血正在燃燒,即刻要落街轉身射個三分波!

42.《Especially For You》
每日放工放學,都會聽到電台熱播 Jason Donovan與 Kylie Minogue這首合唱 love song。

43.《無人駕駛》
「喂,我打通咗呀?阿邊個,我……」嘟一聲,唔好意思,因為你爆粗。商台晚間節目,任你噏冇主持。
(…呢個又係一大突破!)

44.飯島愛
有「T-back女王」的稱號,成為首位成功打入藝能界殿堂的 AV女優,可惜紅顏薄命。

45.周華健

情越濃越會化不開,香港仔台灣成名,光榮回歸,唱作皆能,氣勢直逼四大天王。
(…呢個真係要投一票…當年佢真係曾經“氣勢如虹”…我都有買過佢隻碟! 隻“濃情化不開”真係播到爛…仲記得個mv女主角係e嫂徐浩縈!!!)

46.傳記片
呂良偉增肥 40多磅拍《跛豪》勁收,掀起風雲人物熱,藍江傳雷洛傳新哥傳奇陸續出籠。

47.《新不了情》
當廟街歌女遇上霉音樂人,靚靚和青雲狂放催淚彈,靚靚的死此刻我仍揦住揦住。
(…唔係應該靚靚o既另一套獲獎之作“金枝玉葉”更應該入圍嗎…?!)

48.碧咸與辣妹
萬人迷球星離奇娶了當紅女子組合 Spice Girls成員 Victoria為妻,令萬千少女心碎。

49.《風雲》
馬榮成漫畫,曾改編成電影,鄭伊健飾演聶風,郭富城扮步驚雲。人人褲袋梗袋一本,潮流標誌。

50.湯漢斯 VS丹素華盛頓
兩個 90年代多產荷李活巨星兼票房保證,湯漢斯連續兩年封影帝。兩人曾合作電影《費城故事》。

51.《人鬼情未了》
男女主角玩搓泥的場面固然經典,主題曲《 Unchained Melody》亦成為金曲。

52.松松姐姐

就算是 80後,都是聽松松姐姐的兒歌長大的。《烏卒卒》、《小白船》等等,多麼懷念這些兒歌呀!
(…wa…松松姐姐…地位又的確無人能代替!!! 我最鍾意佢o既“天涯歌女”, 當然仲有“auntie烏卒卒”…同埋“夏季shalala”添呀! )

53.《強姦》系列
三級片成風,《強姦》系列馬德鐘舐朱茵面珠令人毛管戙,王晶也打造《赤裸羔羊》邱淑貞。

54.Marlboro Red Hot Hits

萬寶路贊助唱片公司炮製合唱歌,華星《火熱動感 lalala》(圖)鬥寶麗金《熱力節拍 wo bum ba》。
(…呢個應該擺前d添呀…又係90年代一大icon…“火熱動感lalala”真係經典到唔恨…隻cd仲有四位歌手o既立體紙公仔! 到依家仲係去k必唱之選…o個d動作/舞步…相信你我都會跟住做!)

55.林憶蓮 VS葉蒨文
梅艷芳引退,兩女各領風騷,當年《愛上不回家的人》惡鬥《祝福》,憶蓮輸咗最受歡迎女歌手。
(…“愛上不回家的人”又點會係惡鬥“祝福”呀…baby? 兩首歌都唔同年代o既…!)

56.美琪賴恩
憑《 90男歡女愛》成為 90年代的愛情片天后,《一切從失戀開始》、《緣份的天空》一樣勁冧。

57.曉格蘭特
94年憑《四個婚禮一個葬禮》奠定影壇地位,翌年與黑人妓女當街發生車震事件,成為全球笑柄。

58.《鐵達尼號》
Jack和 Rose在船頭張開手,和「 You Jump,I Jump」的對白被抄到爛。

59.《本能》
就算當年號稱荷李活最昂貴的電影劇本,也震撼不過莎朗史東在鏡頭前蹺腿的真空演出。
(…喂…呢套當年我都有睇…你估我唔到呢…?!)

60.茱莉亞羅拔絲
90年的《風月俏佳人》令大口茱麻雀變鳳凰,勁有觀眾緣,成為 90年代電影票房當紅炸子雞。

61.《虎膽龍威》
89年的《虎膽龍威》令布斯韋利士成為港人熟識的動作巨星,之後的二、三集一樣大收。

62.占基利
《神探飛機頭》令占基利被封西洋版周星馳,連星爺的《百變星君》也向其《變相怪傑》取經。

63.吳剛

每年《歡樂滿東華》,吳剛師傅食炭飲滾油心口碎大石,全身油令令,不過好多人懷疑係假。
(…吳剛師傅你又真係經典o既~~~)

64.《Yes!》雜誌
因為電台節目《三個寂寞的心》誘發而誕生,《城市驚喜》吸引萬千少女狂影沙龍博刊登。
(…仲有最惡毒的“毒瘤明”事件呢…!)

65.《我和殭屍有個約會》

「臨,兵,鬥,者,皆,陣,列,在,前,諸邪!」驅魔龍族後人馬小靈忍着一泡眼淚捉殭屍。
(…噢~賣飛佛~~~~~!馬小玲 and 況天佑~~~~~播"殭2"時我仲第一時間仆去買埋呢套劇的原聲大碟, 仲瘋狂到去買o左幾副colour con去配合劇中不同級數o既殭屍有不同色眼睛o既橋段"...當然亦都唔排除係因為咁o岩我去配con而見到佢特價推銷colour con所以被吸引o左買o黎玩o下...wahahaha!))

66.《尋找他鄉的故事》
熟悉的音樂配上鍾景輝的旁白,觀眾便能感受到海外華人的艱辛。亞視節目終於發威。

67.《陰陽路》系列
《陰陽路》開闢發財路,導演由邱禮濤變南燕,首部勁賺 6百萬到越拍越爛,龍婆與你常在。

68.濱崎步 VS宇多田光
一個形象百變,一個靚聲日式 R&B,專揀同日出碟硬撼銷量,令 J-Pop音樂推向巔峯。

69.《笑聲救地球》

黃一山(左)、廖偉雄(中)、胡大為(右)
乜太廖偉雄與小李胡大為用笑聲拍板追打黃一山,竟招來觀眾投訴虐待童工,真係笑聲救地球。
(…oh…charlie charlie cheap bom bom…當年所有細路都識一齊唱!)

70.安室奈美惠
以 4吋高踭長靴加勁舞成為金漆招牌,黝黑皮膚金髮幼眉更令少女爭相模仿。

71.李麗珍
72.狗仔隊

73.黃飛鴻系列
74.小室家族
75.美少女戰士
76.Bjork
77.彭丹
78.張立基 (...呢個得…electric is her world…electric girl!!!)

79.《陀槍師姐》(其實又有咩可能無“刑偵”系列呢?!)
80.麥嘜
81.鐵達時廣告
82.無綫台慶頒獎禮
83.《蠟筆小新》
84.《新世紀福音戰士》
85.New Kids on the Block
86.Grunge Rock
87.K-swiss
88.《金田一少年事件簿》
89.Visual Rock
90.《寵物小精靈》

14 Comments:

Blogger Mark said...

10.師奶殺手

陶大宇
師奶癡戀電視小生。高檔有西裝形羅嘉良,平民化有型警陶大宇,書生形有吳啟華。任君選擇。
(…oh…張大勇…我都曾經為你瘋狂~~~!!!!!!!!!!!!!!!!!!!!!!!!!!!!!)

睇過和味濃情,佢嘅招牌式掩面同大笑搞到我對佢徹底失望。
佢過檔拍咗齣乒乓之後就不復當年"勇"囉。

9:14 下午  
Blogger m@linxism said...

55.應該係惡鬥焚心以火~

12:48 上午  
Blogger fiona said...

again.. i'm so surprised that you watched 西片... Basic Instinct wor!!! Such a classic!!!

2:35 上午  
Anonymous 紙巾 said...

芒姐,我今日都有同d同事討論,大家仲提到其他九十年代既icon,如:

1. 軟硬

2. 外國boy band和girl band,如backstreet boys、boyzone、spice girls等

3. 超長歌名,e.g.林志穎的"不是每個戀曲都有美好回憶",同埋彭嘉麗經典的那首"是不是這樣的夜晚你才會這樣的想起我"(共17個字)。[題外話:突然覺得二千年後好興d"食字"既歌名,e.g."一時無兩"即暫時單身、"情非首爾")

4. 陳曉東vs謝霆鋒
(94-95年"東東"出道時係好紅的,勁多同學都係佢fans。記得其中一個後來轉跟謝霆鋒,即係俾佢原本班fd杯葛,之後大家反哂面有你無我咁,好低b,不過通常d初中妹妹係咁。)

5. 台灣四小天王:林志穎,吳奇隆、金城武同蘇有朋(我覺得qi long九十年代在香港都好active的,又拍梁祝,又歌唱,又拍電視劇)

6. 新加坡/大馬歌手:巫啟賢、許美靜

其實我覺得蘋果個list都出得幾好了,但如果可以分返"九十年代初期/後期"會更清楚囉,畢竟十年時間都好長下。

10:09 下午  
Anonymous C said...

overall覺得個list中"飛圖"揀得最岩

"包大人金超群為尊重此角宣佈暫停行房"
我好記得呢單新聞, 當年覺得好amazing, 駛唔駛呀!??!

"火車鬧鬼廣告"~ 我當年驚左好耐, 真係好驚,電視仲未停播個廣告前,我一聽到d聲就要匿埋...仲記得o個期壹周刊都用佢黎做封面,嚇到我爆...一定要爸媽反轉本野,唔敢睇!!

(oh speaking of 壹周刊封面,仲有一期又係驚到唔敢睇,就係LKF踩死人事件,封面係一個合桃,上面懶係有好多個人樣,聲稱人樣數目係同當晚死者數目一樣的...>___<)

2:41 上午  
Anonymous C said...

呀...講漏左,
仲記得個"火車鬼廣告"o個期套處境劇係"愛生事家庭"
就連呢齣戲都要湊熱鬧
拍左段宣傳片扮個廣告(半搞笑啦...)
成班大人著晒格仔衫扮火車頭...好衰的!!!

2:45 上午  
Blogger 芒姐 said...

C,

"愛生事家庭"依家朝早六點播緊...爛到不行...係廿年來咁多套處境劇中最爛的一套!

"飛圖"同卡拉ok仲有四大天王都係必然之選啦...

4:50 下午  
Blogger 芒姐 said...

紙巾,

雖然都有好多遺漏同埋有d應該上榜又無意 vice versa...但今次蘋果個list都算有put effort o架啦...不過個排序我覺得應該可以執好少少!


軟硬佢o地放o左o係上一篇八十年代, 所以可能費事repeat o卦...雖然我都同意佢o地真正紅於九十年代初...

超長歌名呢個好...

陳曉東vs謝霆鋒...呢個我又唔好咁知威力真係咁勁...可能我老...

4:56 下午  
Blogger 芒姐 said...

fiona,

自從上幾次fb的討論後...我發覺你真係唔太了解我...哈哈!

4:57 下午  
Blogger 芒姐 said...

m@linxism,

"愛上一個不回家的人"好似係91年, 葉莎莉91年邊隻歌拿獎...其實我都唔係好記得...:p

4:58 下午  
Blogger 芒姐 said...

Mark,

張大勇再次出現之後, 根本就已經唔係以前o既張大勇!

4:59 下午  
Anonymous 匿名 said...

芒姐,

90年代D嘢中晒!
張大勇再次出現之後, 根本就已經唔係以前o既張大勇!回憶始終都係最好

溫哥華匿名人

3:56 下午  
Blogger 芒姐 said...

溫哥華匿名人,

無錯...當年的張大勇...至今仍令我難以忘懷啊!

7:03 下午  
Blogger Bioboy said...

当年最期待和记电讯广告.好想知新一代啊May系边个.

3:10 下午  

發佈留言

<< Home