6-25(sun) 古巨基@壹號皇庭
早前重溫d舊錄影帶, 原來我有剪輯o左“壹號皇庭”一d精彩片段…有一段係講黎耀祥去酒廊飲酒 (應該係第一輯, 佢仲未係劇裡固定角色, 只係其中一個單元o既其中一個角色)…有個飾演酒廊歌手o既茄喱啡o度唱“是緣是債是場夢”, 仲唱得幾好喎, 把聲仲有d似古巨基, 望真o下發覺的確係佢…點解多年來重播過咁多次我都無發現?!
佢o個時已經唱得唔錯, 應該一早搵佢做歌星啦…不過話時話, o個期 (91-92年), 真係有好多套戲都有佢做茄喱啡…最深刻o個套就當然係o係“龍的天空”見到佢做林文龍個同學啦…點知依家佢紅過林文龍咁多! 發覺當年“娛眼”d主持真係好多個都幾唱得…古巨基啦, 趙學而啦, even陳家碧都唱得ok喎…雖然佢就唔係歌星standard!
(古巨基＠壹號皇庭)
呢期一定同阿vinci王賢誌好有緣, 上次先o係lkf飲o野見到佢, 前兩日去times square食飯又撞到佢, 同行仲有佢個friend阿湯盈盈同佢媽媽, 仲有賤男個女友鍾麗淇…個個都好濃妝! 鍾麗淇唔係去o左印度玩yoga咩?! 點解我前幾日先o係中環撞到佢, 今日o係銅鑼灣又撞多次…不過佢都幾靚女!
呢期無線世界盃節目無o左克勤 (好似已經去o左德國喇) 換上吳家樂 (佢都有得做?!), 氣氛好似融洽o左好融洽o左好多喎…唔通佢先係是非精?!
posted by 芒姐 at 1:41 上午
9 Comments:
網主,相信這裡是自由發言的天地,我沒有惡意,亦非故意偏坦名人,但有些事想向你們談談,是關於前幾天一位網友(敏兒)對情陷夜中環2的演員評價:
敏兒:
「仲有謝雪心，其實你唔駛知道佢?角色係點，都知道佢永遠都係做果種縰?仔女唔駛本，日日嘈嘈閉?阿媽，煩呀。」
其實謝雪心(心姐)係一位好有教養ge媽咪,預科畢業,國際游泳健將,又係粵劇名伶,佢囡囡珈潁亦都係好有教養的人...
而家佢係做戲喳,你應該要有些判斷能力?我諗你連謝雪心有咩成就都未知吧?唔知唔係問題呀,最大問題係假定左一個人ge地位同埋貶低左心姐的人格!
唔怕同你講,我係識得atv好多演員,包括大方斯文ge心姐...我對於你假定佢係一個日日嘈嘈閉ge阿媽感到極度不滿!
我找到佢網站,你即管可以睇下佢ge資料..你會對佢改觀。
http://hk.geocities.com/star_tss/
另外,最大問題係如果你睇過心姐的戲,佢可以做很多不同的角式。近期爸爸兩邊走便是一位慈母,怎可以說她這個人就只會做那些戲?
難道這些嘈嘈閉的阿媽才適合她的性格?我想這些說話真的不太講得通。演員可以很有彈性...
湖人，多謝你的指教及指正，我不是要反駁甚麼或死撐甚麼，只是有幾點想補充。請恕小妹愚昧，對於謝雪心?戲，我確實不是看得太多，但第一，我根本不是說她做戲喳，要知道飾演甚麼演色，根本不是演員可以自由選擇，我覺得佢?見角有問題，但並不等如我覺得心姐有問題喎，你咁樣講「其實謝雪心(心姐)係一位好有教養ge媽咪,預科畢業,國際游泳健將,又係粵劇名伶,佢囡囡珈潁亦都係好有教養的人...」會誤導其他人覺得我針對她們兩母女，我都唔怕跟你講，我也識得珈穎，我知道她很有禮貌，是一個很有教養的人。
而且我想強調的是，我從來沒有假定心姐的地位及貶低她的人格，如果她令大家有錯覺她只是做這一類型角色，那是亞視的問題，不是嗎?我只是說出我的看法而已。
最後，如果以上的說話及之前的說話，仍然令你有不安，那確實抱歉。
古巨基做娛眼時, 已經知道佢唱得, 所以0個時已經好鍾意佢, 好期待佢出碟, 佢頭兩隻碟我都有買, 好好聽
反而而家我就覺得佢唱得太用力, 有點吃力不討好; 好掛念初出道的古巨基
湖人,
你又唔洗咁激動o既, 凡事以和為貴嘛! 如果你有睇清楚你quote敏兒o個句說話, 佢都話"佢永遠都係做果種縰?仔女唔駛本，日日嘈嘈閉?阿媽"...好明顯係指佢演o既角色, 而唔係佢真人呀! 如果有睇開呢度o既朋友, 都知道敏兒講o野好中肯o既, 相信佢絕無貶低謝雪心之意!
雪人,
pre-"情深深"o既古巨基, 的確係討好o架喎...記得連阿媽都講過, 呢d就係搵老公o既最佳人選!
個人又親切, 又陽光, 又可愛, 但又不失抵死funny, 仲要唱歌又好聽, d歌本身又好聽喎! 我都有買過佢隻碟...仲有當年在學校張經典合照呢!
佢o個時形象超討好, 但依家就真係太肉緊同埋太浮誇喇! 純屬個人意見, 希望各基迷見諒!
係！唔知點解我都相對地冇咁鍾意依家既古巨基。
小茵,
英雄所見略同啊!
嗯...多謝敏兒同芒姐的回覆,我是新來的,不知道她之前說法是否中肯。我個人是認為,把一個演員定型,也不是一件好事,所以才令到我感到不舒服。
一套好電視劇,什麼演員都應該要有。牡丹雖好,也要綠葉扶持。或者我應該說,即使一個演員演什麼令人煩厭的角色,在另一方面也要想想她們在戲中的責任。敏兒一句「煩呀。」,明顯有貶低其角色,像一個沒必要,甚至不應該煩著觀眾的角色,這才會令人感到不夠中肯,對吧?
而且那句「其實你唔駛知道佢?角色係點」,那我就理解了是她認為心姐的性格,只適合某類型角色,不是嗎?即使說我是誤會,也不是我所想的。請恕我在此說出個人的不滿感受,但我並不是想令網頁有火藥味的。感謝兩位。
發佈留言
<< Home