6-22(thurs) 男人之苦
呢排無咩時間睇電視, 偶然睇o左少少“男人之苦”…唔知係咪無好認真咁睇啦, 但我真係唔覺得好睇囉! 完全唔知佢點可以做“女人唔易做”o既續集…真係一d都比唔上佢o既“女裝版”! 都幾悶o下…吳唱k同toby又唔討好…even劉松仁同蘇玉華o個part我都唔覺得好睇!
今次呢個太浮誇o既劉松仁我真係不太喜歡…我頂多可以接受到“無業樓民”o個種搞笑形式o既佢! 更加懷念佢o係“京華春夢”望住阿姐撲蝶“驚艷”到呆o左個樣…簡直絕呀! 好戇直, 好好笑, 但好討好! 唔知大家有無睇過呢套咁經典o既戲裡面咁經典o既一幕呢?!
同埋好耐無見, 重出江湖o既郭少云, 居然一係唔出, 一出就兩線劇集都有佢…再加埋“師奶強人”, 應該係三線添…未免太多喇!
前幾日去銅鑼灣食飯見到“懶音王”陳敏之, 嘩! 佢真人真係幾靚喎, 靚過上鏡好多…可能加上佢無開口, 即刻加晒分!
咁o岩o係youtube見到一段片…估唔到會有人錄o左, 仲放埋上網! 大家仲記唔記得有一年“星光熠熠耀保良”有個過氣藝人李文彪忽然衝上台, 仲叫d司儀讀一篇o野出o黎…d主持仲不虞有詐, 照讀可也…都係do姐經驗老到, 發現事有蹺蹊, 即刻制止佢!
哈哈, 當年我都有錄到呢個節目…呢part真係好搞笑, 好live囉…場面仲“突然”過蔡楓華o既“?那光輝事件”! 個個o既反應都好突然, 俾佢玩到…真係不得不讚阿李文彪勁, 咁都俾佢衝破“食蕉”上埋台…
(芒姐冷智識: 呢位李文彪先生為九十年代無線三四線藝員, 因參演《群星會》一劇令尾龍骨受創, 後遭無線離棄 [其實佢因拍邊套劇受傷我真係唔多記得, 呢個係網上資料!] 佢依家好似同九十年代曾經一線過一兩套劇 (代表作應該係同林文龍拍o個套“命運快車”) o既胡櫻汶結o左婚…)
睇到d咁o既片段, 又一次證明香港人真係“好有壓力”!
唔怪得知我位“高官”同學仔“雙面伊人”都話要聯同一眾志同道合o既朋友成立一個「人睇你好有苦自己知厭惡工作積極考慮辭職人士互助支援小組」啦! 有時人o地睇我o地好似好好, 又有所謂o既“高薪厚職”…但其實係家家有本難唸的經! 高薪厚職/專業人士並唔=enjoy…呻o下又俾人話節墮…真係好節墮! 哎…! 好大壓力呀!
posted by 芒姐 at 1:15 上午
12 Comments:
我又係唔太欣賞“男人之苦”, 唔睇過呢套劇都唔知toby 原來都幾唔好樣, 佢對眼成日都好似好腫咁, 加上個口又好似有d "where", 搞到佢成日都好似喊咁口咁o既款... 劉松仁o係呢套劇又真係幾唔討好, 演繹太誇張, 集集都"姨姨唉唉", 好煩厭! 至於蘇玉華... 都唔想提喇, 總之就唔多鍾意佢啦!
幾時都話讀書時係最開心, 只可惜人係要長大, 始終都要面對社會。我諗每一行都有佢不為人知o既辛酸... 算啦, 睇在d 錢份上, 頂硬上啦!
工作壓力係好難避免, 唯有o係工餘時做多d自己鍾意做o既o野﹝in our case, 可能係睇電視啦﹞, 令自己開心d!
所以你啊﹐都唔好成日話D教書人士人工高有假放。長期只有工作及休息﹐不見天日無晒私人時間既生活﹐咪又係人睇你好有苦自己知!
自命雙失的金老師,
你依家係咪晒命呀? undo的人是最最最幸福的...我依家直頭想死!
咁教書的確係人工多假放嘛...呢樣係undisputable啦...不過我亦都同意每一個行業都有佢o既苦況! 起碼你o地辛苦完可以每隔一兩個月有長假呀...算係咁o架喇!
sandy,
讀書當然係好好好開心, 所以我咁鍾意讀書...我都唔敢同讀書比, 但即使同上一份工比...都...哎! 壓力大到真係有自殺的衝動(但放心, 我唔會, 因為我無gut屎!)...又無人幫到我, 感覺十分無助囉...好可憐呀!
睇錢份上都好難頂硬上, 因為其實又唔係真係好多...一句講晒: 唔值囉!
依家我連工餘時間都無咩, 睇電視o既機會亦好少...真係好可憐...連我最大的興趣都被扼殺, 我個人都直頭被扼殺晒! 我d帶錄o左兩個禮拜都未有機會睇, 只係偶然larp到兩larp d劇集o既其中一part!
講番"男人之苦", 我好認同toby勁唔靚囉! 佢做歌星時都無咁醜, 可能因為電視劇太多close up, 都埋focus on個樣, 聽佢唱歌多數遠鏡, 無咁覺嘛!
雖然晚晚有睇，但我覺得真係唔多掂。
Toby個樣點都唔似中七, 我一望以為佢留班十年咁驚嚇tim~
佢同吳卓羲的一段也不討好，更唔明白miss會比自己個仔同自己個學生拍拖仲要攪大埋個肚，在於現實根本奇怪到傻...... =.=|||
劉松仁d演技太誇啦，而且佢的造型似咸濕阿伯多過咩咁~，攪到好似睇鬧劇咁... 你唔講我都唔覺一樣野，我上年係西安睇返套舊版京華煙雲，先醒起佢都有份做，講開睇落佢似前正好多......
原本我幾buy蘇玉華的，但今回她的角色又唔知做咩，都唔知佢想點... 最接受唔到係佢比自己個仔攪大自己學生個肚...... (可能同我算是教育界份子有關掛~) 而且估計佢會同鄧梓峰扯上關係呀...... =.=|||
唔好咁唔開心啦, 或者係d o野仲未上手先令你咁無助o者, 遲d習慣o左可能會好d呢!
sandy,
好多謝您o既鼓勵...希望真係如您所講, 時間耐o左會好d啦...但真係壓力無限囉! 唯有得閒寫o下日記減壓...唔得閒都要寫多d, 因為抒發出o黎令人開心d, 同埋講o下d輕鬆o野都令人高興d!
小山,
呢套"男人之苦"真係好令人失望, 完全無衝動去追/睇...無一pair係討好o架!
蘇玉華我都不嬲幾buy o架, 但近幾套戲好似個個角色都差唔多, 無突破又唔突出, 感覺好yim悶!
蘇玉華.....算唔算女主角的宿命?做配角好SHARP,做主角跌晒watt,畢竟電視劇唔同舞台劇.....
我又唔覺得男人之苦好差,或者係因為宣傳話同女人唔易做同一班底,有比較心態啦....最少我覺得比之前果d馬戲團好....劉松仁個look係樣衰d,不過睇落都順眼可以接受呀,吳唱k係唔討好,不過佢好似有d進步.....
jade,
咁一定好睇過馬戲團...o個套未免太爛喇! 但又真係吸引唔到我去追囉! 我都覺得蘇玉華做配角時出好多...可能呢個角色太平淡喇, 無咩發揮!
發佈留言
<< Home