6-6(tues) 追魂交易

有時深夜都會唔覺意larp到套什麼“翡翠首映: “追魂交易”…真係都幾騎呢, 唔怪得知放o左o係倉底咁耐, 仲要擺o係深夜播! 個cast都好得…意o下…連胡諾言都可以做男主角 (雖然其實我係ok胡仔o架, 尤其佢當年成日上杜文蕙個港台“人間定格”節目, 都覺得其實佢唱得幾好, 幾有potential…但又確係無“主角格”囉!)…胡杏兒其實都ok o既, 至於2002年港姐冠軍林敏俐作為新人都唔錯, 雖然佢唔算靚, 但佢選o個時我已經幾buy佢, 因為個感覺幾大方, 幾有大將之風…但係佢個拍檔阿王喜先生真係好爛面囉!



又睇到報紙話鄧萃雯因為“女人唔易做”而得到好多師奶捧場客…“無線遂於本月底開拍一部以師奶為題材的輕鬆喜劇，暫名為《師奶兵團》，劇中雯女除與葉童大鬥演技外，還 會 與《女人唔易做》的「賤Man」謝天華飾演夫妻，再續前緣。至於葉童與郭政鴻，以及商天娥和艾威亦分別扮演夫妻 。”

o下?! 葉童同郭政鴻做一對?!??!?!?!? 我無睇錯呀嘛?

呢幾日成日見到黃德斌出席唔同function晒胸肌…不過算啦, 佢有機會紅o下都好, 應該好好珍惜! 唔知點解睇睇o下, 覺得佢個笑容同埋講o野時個樣有d似周潤發…sorry呀發哥, 但我真係咁覺得!

睇報紙見到“情陷夜中環2”個男主角陳啟泰話唔知“火舞黃沙”有咩好睇…影到d女角黃gum gum, 又話唔知成套戲o係度爭咩? 你話宮廷戲都要權力鬥爭o者, 依家o係條村度爭舊泥咩? 哈哈哈! 雖然佢咁樣踩打對台套戲係小家d, 不過又講得幾有道理幾好笑囉…!



仲有咁o岩o係網上睇到一篇唔開名爆料報導, 又係幾搞笑o下…

“三 色 箱 「 白 馬 王 子 」 因 為 同 「 紅 豆 嬸 」 半 夜 傾 公 事 ， 所 以 俾 三 色 箱 力 捧 。 其 實 受 三 色 箱 高 層 特 別 照 顧 ， 除 「 白 馬 王 子 」 之 外 ， 「 矮 仔 康 」 都 不 相 伯 仲 。

圈 中 一 直 盛 傳 司 儀 界 坐 直 升 機 「 矮 仔 康 」 係 三 色 箱 高 層 「 靚 聲 王 」 契 仔 ， 懷 疑 佢 搞 斷 背 ， 不 過 另 一 方 面 ， 「 矮 仔 康 」 又 同 二 線 女 角 「 糖 黐 豆 」 出 雙 入 對 。 到 底 佢 乜 關 係 ？

原 來 大 家 一 直 誤 中 副 車 ， 同 「 靚 聲 王 」 搞 斷 背 ， 唔 係 「 矮 仔 康 」 ， 而 係 「 矮 仔 康 」 大 佬 。

話 說 「 靚 聲 王 」 同 「 矮 仔 康 」 細 婆 台 噴 口 水 陣 ， 「 靚 聲 王 」 的 而 且 確 係lum 「 矮 仔 康 」 ， 不 過 「 矮 仔 康 」 就 拗 極 都 唔 攣 ， 加 上 佢 食 過 夜 粥 ， 「 靚 聲 王 」 就 唔 敢 亂 。 有 一 次 ， 「 靚 聲 王 」 陪 「 矮 仔 康 」 探 佢 開 時 裝 店 阿 哥 ， 「 靚 聲 王 」 一 見 就 嗒 糖 ， 咁 「 矮 仔 康 」 大 佬 又 係 斷 背 一 族 ， 兩 個 人 一 拍 即 合 。 「 矮 仔 康 」 亦 因 為 咁 關 係 ， 得 到 「 靚 聲 王 」 特 別 關 照 ， 從 此 扶 搖 直 上 。”

…睇完之後, 大家又對唔對到號入座呢?!