2006年5月31日星期三

5-31(wed) 巴士阿叔

幾個禮拜前post過一段網上勁流傳o既 “巴士阿叔”片段, 估唔到過o左幾個禮拜個熱潮不單無減退, 仲愈煲愈勁…d什麼“你有壓力, 我有壓力”, “未解決”成為o左呢期潮語 (我諗我都要重溫過呢段片…因為呢期我都好“有壓力”同埋好多o野“未解決”!)…未睇過呢段片彷彿“背”o左…好彩我o地呢度都唔算太“背”!

而片段中o個幾位仁兄 (包括個攝影師) 都相繼變o左新聞人物, 新聞又播, 電台又講, 連外國報章都有報導…有無咁勁呀?! 最騎呢係d主角紛紛走晒出o黎接受訪問, 慌死人唔知係佢咁…俾著我真係“柄”埋唔見人! 最更騎呢係個“攝影師”居然走去搵個四眼仔“道歉”…odd到爆! 兩個都係搏見報囉! 而個四眼仔仲好似好威咁話自己因為工作上成日遇到唔同種類o既人, 所以”早已學懂怎樣忍耐”…報導仲話佢“冷靜處事”添…嘩! 我又真係一d都唔覺囉...我個人認為佢o既表現仲失禮過個阿叔! 唔睇報紙我仲以為佢係d十幾歲o靚仔添…一d都唔覺佢處事成熟囉! 仲好十下十下但又要扮型又要懶寸, 明顯“餚底”又要死撐, 拗唔過人又要執番身彩口o翕o翕…好心你見唔對路落車咪算囉…死雞撐飯蓋即刻cheap晒! 反而個阿叔仲型d!

(不過話時話, 其實到今時今日, 我依然覺得段片好假!)

太陽報報導:

「巴士阿叔」主角 握手再顯風度
四眼仔與攝影師喜相逢


充分表現都市壓力的一段網上短片掀起全城熱話,「四眼仔」真實身份昨日揭盅,年約二十三歲的何銳熙與朋友開設地產公司,以手機拍攝此片的?仔昨晚特別到何的公司,為短片上網引起全城轟動致歉,兩大主角相見,引來大批傳媒採訪,何銳熙對追訪甚感不耐煩,但仍如與巴士阿叔握手般,與恆仔握手接受對方致歉。身份曝光後,何銳熙「壓力」料必再增。

地產東主僅23歲
昨晚八時多,二十一歲的方穎恆到旺角廣華街一地產公司,拜訪短片男主角何銳熙。兩人近日分別接受電台訪問,講述當日事件,昨日見面後,恆仔隨即向何表示:「唔好意思,段片唔係有心擺上網,係朋友放上網的。」何銳熙對恆仔到來一度甚感突然,但在記者要求下,兩人很快握手示好,何稍後更返回公司工作。恆仔解釋,今次特別找何銳熙解釋,一方面是關心對方,也希望對方明白上網的原因。

在短片中一直以側面亮相的「四眼仔」何銳熙,今年只有二十三歲,但已身為一地產公司東主,在短片中冷靜處事的何銳熙,真人亦十分成熟,他笑言以往的工作,讓他遇上各種不同類型的人,甚至有人惡過「巴士阿叔」,故此早已學懂怎樣忍耐。

不想再遇「阿叔」
他更稱,當日與「巴士阿叔」對話中,從來沒有感到發怒,事發後,亦只是匆匆回家睡覺,沒有將此事告知家人,彷彿這件事只是擦身而過的一件小事。何銳熙更稱,他與巴士阿叔握手,只是想盡快解決事件,但他亦稱:「不希望再在巴士與阿叔相遇。」

一個深宵相遇,竟然掀起香港全城壓力熱話,甚至成為外國傳媒報道的事件,何銳熙怎樣看「你有壓力,我有壓力」呢?他表示,可能對方當時真的有壓力,但無論如何,此事令他明白日後要更加努力工作賺錢,只有賺到錢後,才不需要在深夜搭巴士返家,言下之意,事件對他似乎仍是「未解決」的煩惱。” (芒按: 最尾呢句幾抵死!)



(巴士阿叔之remix版…煞科!!!)

o係“勁歌”聽到英皇o個十個“夢幻組合”現場唱佢o地呢隻世界杯應節歌…難聽得好緊要, 尤其係d女聲, 簡直聽到毛管棟…想學當年“火熱動感la la la”, 應該可以慳d!

又睇到kellyjackie隻“新歌” (唔知仲算唔算新?! 但係難聽過佢隻“迪士尼”好多)“princess diary”個mv, 唔明佢點解咁細個, 成日都打扮到成個師奶咁…究竟佢有無形象指導o架?! 定係佢個形象指導覺得佢扮到成個阿姑咁好煞食呢?!

10 Comments:

Anonymous 匿名 said...

「最更騎呢係個“攝影師”居然走去搵個四眼仔“道歉”…odd到爆! 兩個都係搏見報囉! 而個四眼仔仲好似好威咁話自己因為工作上成日遇到唔同種類o既人, 所以”早已學懂怎樣忍耐”…報導仲話佢“冷靜處事”添…嘩! 我又真係一d都唔覺囉...我個人認為佢o既表現仲失禮過個阿叔! 唔睇報紙我仲以為佢係d十幾歲o靚仔添…一d都唔覺佢處事成熟囉! 仲好十下十下但又要扮型又要懶寸, 明顯“餚底”又要死撐, 拗唔過人又要執番身彩口o翕o翕…」

Yeah !!! 十萬個同意 !!!
有緣路過此地,忍唔住要講返兩句~ 第一次見到有人批評個四眼仔,好有知音人的感覺!!!

一路都覺得個四眼仔根本就無料到,瘀到爆,上到電台都仲要死撐話自己見慣大場面,「佢想?彩咪俾佢?囉」(Youtube 有得聽個錄音),完全係「兜」緊啦,未見過大場面既表現!!! 但完全唔明白點解個個都只會話阿伯反應過激,戥阿四眼仔無辜云云... 四眼仔既反應好明顯 show 到佢只係個唔識反應既靚仔一名,又唔敢鬧返阿叔/落車,當然如報導咁講「沒有將此事告知家人」啦,佢咁「囉」爆 !!!

成件事根本就係鬧劇一宗!!! 香港地,惡人大把啦,令誇張既嗌交更多,只不過呢件被人影到姐!!

10:54 下午  
Blogger 芒姐 said...

哈哈哈哈...grace, 真係好喇, 又有人俾個"五"我!
個四眼仔真係好流, 好時下o既死o靚仔, 又要死撐, 又無料到, 又餚底, 又要死充...真係好失禮...最弊佢仲要大義凜然咁走出o黎! 其實睇睇o下阿叔都幾慘...最多事都係個影低段片仲要放上網o個個o靚仔!

12:55 上午  
Anonymous 匿名 said...

芒姐,非常同意你跟grace 的見解。 其實事件曝光後不久,陶傑在他的電台節目已經嚴批過四眼仔, 他指四眼仔無料到,用有限的詞彙去跟阿伯頂,簡直是香港年青人之恥 or something like that,然後再帶出香港年青人文化水平低的問題。他的評語非常好笑!

1:30 下午  
Blogger 芒姐 said...

Moo,
hoho, 陶傑真係咁講?! 咁實在太到肉喇...如果話個阿叔克人憎, 個四眼仔某程度上更面目可憎...佢又要繼續懶死串咁o既態度, 但又要詞窮, 又要死撐...好可笑! 最慘佢擺出一副好有容人之量o既款...實在唔知講咩好! 反而阿叔貫徹始終地騎呢仲好d!

1:18 上午  
Anonymous 匿名 said...

極度同意呀!!我睇套片時第一個反應都係憎個o靚仔多d!!但唔知點解身邊朋友都係憎個阿伯多d。

12:59 上午  
Anonymous 匿名 said...

可能因為阿叔爆粗掛?但我又唔覺得佢爆粗有咩咁大件事,我只係覺得佢唔係好識鬧人姐……谷氣谷到上腦但又唔係口齒伶俐,所以唯有爆粗發洩。謹此而已,未至於咁罪大惡極……
同埋比較可憐佢,佢似乎真係好大壓力所以咁岩篤到佢先會爆發…
但好記得死o靚仔果下突然舉起個手臂,真係非常極度「死雞撐飯蓋」feel。難為佢仲話係「忍耐」,連個阿媽都出埋黎講野,真係頂唔順,好心你教下自己個仔啦仲話人地。
不過我冇乜點聽電台果d訪問,間唔中望下一兩篇報導已頂唔順,好難頂。

1:02 上午  
Blogger 芒姐 said...

我覺得一開始睇憎個阿叔多d係好合理o既, 因為佢聲大夾惡, 又講粗口, 又無無聊聊咁...但同時亦都覺得個四眼仔唔抵可憐, 同埋最反感係佢後來以自己表現"忍讓", "見得大場面多"o黎自居...真係唔該晒! 你出少句聲反而型好多!

不過我最欣賞d香港人o既生意頭腦...又出"巴士阿叔"金句t-shirt, 個o靚仔攝影師又出價賣段"巴士阿叔"下集片段, 仲話有人即係reg左個"busuncle"o既domain name...真係唔到你唔服! 個腦轉得快, 香港地真係商機無限囉!

3:06 上午  
Blogger Ling said...

Hahahaha... The remix is funny! =)

1:33 下午  
Blogger 芒姐 said...

ling,

yes...there're still many funny remix version on the net! search on youtube if you are interested!

1:25 上午  
Anonymous 匿名 said...

Of all the remix on this video clip, the best one is still Sammi's version of 煞科. The lyric fits the video perfectly.

3:44 下午  

發佈留言

<< Home