6-3(sat) 對不起我愛你
自從上次講番“今生無悔”之後, 令大家憶起無數“童年回憶”…我亦都因此睇番好多91年o既節目同埋雜誌!
1991年係我喜愛+懷念o既一年, d電視節目好睇, d歌好聽, 亦可能又因為適逢六年級…特別他條, 特別開心, 個暑假又特別長…一切都好美好!
早前重溫o左一個91年最最最經典o既節目, 亦都係我咁多年來都時不時都提起o既大show…1991年華東水災籌款show-演藝界總動員“忘我大匯演”…比起上年海嘯o個個 “愛心無國界演藝界大匯演”更盛大百倍!
愛(上)
愛(下)
如果大家由早幾年開始已經有睇芒姐日記, 都會記得呢個show對我o既“重要性”…當年因為錄影機壞o左而錄唔到呢個節目 (o個期仲要一連幾日都有好多超精彩節目, 包括我最鍾意睇o既“浪族闊少爺”大結局…個錄影機揀正呢個時候壞, 真係同我好過唔去…當時真係sad到?唔著覺添呀…係! 我認我係好瘋狂o架!), 更加miss o左最經典o既黎明走音版“對不起我愛你”片段, 十多年來引以為憾!
好彩十年後居然俾我搵到有大學同學有錄起仲有keep住呢個節目…真係踏破鐵鞋無覓處! 好感動, 好驚喜…抵我當時封呢位同學做“愛妃”…雖然後來佢“爛”o左! 哈! 不過十幾年後能夠搵番呢個搵o左好耐o既“失而復得的節目”, o個種感動真係無法形容, 所以特別珍而重之! 同埋愛妃爸爸真係錄得好好, 無線亞視兩邊錄, 一有廣告就轉台, 好pro囉!
呢個節直係咁多年來我最鍾意睇o既籌款show…至於喜愛呢個show o既原因, 我諗唔洗我多講大家都會知…又係因為“眾志成城”+“萬眾同心”o個d啦…大家有睇開呢度都會聽我講過, 所以唔再elaborate喇!
成個節目都好好睇, 首先由當年紅極一時o既草蜢做開場表演…呢件事又係曾經講過, 唔再repeat喇…總之就係“近”啦…十幾年後o既“愛心無國界演藝界大匯演”都係由佢o地打頭陣, 但情況係完全兩回事:
“最騎呢係見到4:00 o個part由草蜢打頭陣囉…仲要只係得蔡一傑同蘇志威! 事關當年“忘我”又係佢o地打頭陣, 但係當時佢o地係因為大紅大紫所以有得o係呢個有利時間表演, 今次就好明顯因為係禮拜5, o個個時間大部份人都未放工放學, 擺明係因為佢o地已經風光不再, 所以要放o係“新人/3線歌手”時段度! 關淑怡反而可以o係黃金時間演出…不過佢又真係唱得幾動聽o既!”
關淑怡當年又真係好吃得開, 有得擔好多part, 但係依家出返o黎反而撈得唔多掂!
仲有一眾當年o既新人 (包括我當時好喜歡o既sammmi) 唱o既medley...十五年人事幾翻新...你又認得佢o地之中幾多個呢?
經典場面就當然要數柯受良飛車過由十幾個藝人組成o既人牆…仲有劉華o既“心口碎大石”, 然後咬血漿扮嘔血…嚇到d妹妹仔fans半死! 佢又確係識得搞氣氛o既!
經典重現1-華仔“大石碎心口”片段:
跟住有一part係當時兩大紅人華仔+黎明 (直頭係全城最紅添啦…當時個個都將佢o地同八十年代o既譚詠麟+張國榮比較…因為張學友走實力派路線同佢o地完全唔同, 而城城o個期先o岩o岩o係台灣走紅, 仲未有“四大天王”呢個term!)…佢o地仲要唱晒當年最hit o既歌, 包括“對不起我愛你”, “愛不完”, “相逢在雨中”, “可不可以”, “如果這是情”, “再吻我吧”…嘩! 真係超經典呀…尤其係15年後o既今日再聽番…事關大家都知我個人幾咁懷舊o架啦!
佢兩個o個期d歌真係好好聽…可能真係有競爭先有進步啦! 劉華o個d好聽, 但leon o個d係更好聽 (我指d歌曲本身…兩人o既唱功就…是但啦!)…唔知點解後期無晒呢d好歌?! 所以我唯一一隻買過o既黎明盒帶, 就係佢隻什麼“傾城之最”…因為精選晒佢90-92年o既好歌…隻隻都咁好聽! 不過我相信大家都估唔到…咁多隻之中我最鍾意o既係…“夜夜夢中見”! 當時真係覺得好好聽…chorus有句係“song for you, song for me…”, 唔知點解我咁多年都係聽到“some for you, some for me…”?! 當時我覺得, 好鬼死似小學教人分餅食咁…好趣緻!
(當然如果四大天王之中你真係要我揀一個, 我係會揀張愛友…因為由細到大都唔多buy偶像派…我係咁騎呢! 克勤唔知算唔算偶像派呢?! )
而講得“忘我大匯演”, 當然唔可以唔同大家分享埋當中最最最令人難以忘懷o既老黎走音版 “對不起我愛你”啦! 今次post呢段片出o黎, 唔係想恥笑佢, 反而係想o係十幾年後幫佢o黎個大平反…雖然我不嬲都不太buy黎明 (除o左“今生無悔”o既程朗)…一直都覺得佢做戲係好過唱歌好多! 佢唱歌, 只可以形容為“無咁大個頭戴咁大頂帽”…佢好彩在搵o岩形象, 遇到勁多好歌…但佢o既歌藝, 我真係不敢恭維!
不過話雖如此, 佢呢次走音, 又真係情有可原…做歌手走音係樣衰, 但試問有邊個未走過音呀? 就算係經驗老到o既歌手, 都有失手o既時候…何況佢o個時只係一個新人, 仲要係話明俾你聽唔sell歌藝o既新人! 再加上當時o既情況係佢已經表演完自己o個part走o左, 點知闊太(劉)寶詠琴捐五十萬叫佢獻唱o個期最hit o既“對不起我愛你”…50萬善款喎, 走o左都俾人call番佢返o黎啦! 咁佢趕頭趕命返到o黎, 又無準備又無rehearsal, 後面隊樂隊求其開個key俾佢, 點知唱到中途走走o左音…o係咁o既情況下, 我覺得情有可原囉! 同埋為o左做善事, 點知換o黎第二日報紙娛樂版頭條俾人狠批, 笑足幾十日…十幾年後, 大家提起“對不起我愛你”, 除o左記得呢首歌好經典, 亦會記起呢件經典事情…情況可以媲美蔡楓華o既“?那光輝”事件咁可歌可泣!
睇番片段, 見到佢當時真係好尷尬, 直頭要搵窿捐囉…其實咁多年, 佢都受夠啦! 同埋我好欣賞佢o係呢件事上懂得自嘲…我記得幾年後佢有個音樂特輯叫“情深說話盡情講”…走d齋talking路線…佢o係個特輯講番呢件瘀事, 仲話當年“走音事件”後有套演藝界總動員籌款電影“豪門夜宴”, 居然問佢介唔介意o係套戲入面重演番呢一幕? 於是佢就一邊炒[食送]一邊唱呢隻走音歌…我好欣賞佢呢份豁達…比起佢平時一貫o既“手掌係肉, 左手又係肉”說話方式, 討好好多!
經典重現2-黎明“走音版對不起我愛你”片段:
就讓我o地一邊睇片, 一邊一齊跟住唱呢首咁經典o既歌:
對不起、我愛你
作曲：盧東尼 作詞：向雪懷 編曲：盧東尼
多麼想用說話留住你 心中想說
一生之中 都只愛你 為何換了對不起
* 今天分手像我完全負你
這傷痛盼望輕微 望你漸忘記
我每日也想著你 靠在這街中等你
遙遠張望 隨你悲喜 視線人浪中找你
行近我又怕驚動你 我又怕心難死
立定決心以後分離
一生裡頭 誰是我的心中最美 往日的你 *
Repeat *
posted by 芒姐 at 1:52 上午
16 Comments:
Hey, you haven't mentioned anything about 情陷2. Did you watch 情陷2 the past week.
看了一esp.,
theme song 沒甘容易入口.
配樂好唔惦, 有D位沒用到
四哥做得幾好,好低死!
Hello! 好耐無o黎呢度喇!
91年o既"忘我大匯演"我都睇得好投入(睇阿蜢嘛), 不過在此之前仲有一個籌款show都一樣咁大型(好似都係由早播到晚), 呢個之唔係曾蔭權死唔認有出席過o既"民主歌聲獻中華"o羅! 其實我對呢個show o既印象已經好模糊, 但我好記得當年睇o既時候的確好有o個種"眾志成城"feel(雖然當年o既我根本唔係好知發生咩事)...據說有份搞呢個show o既人之後俾人列入黑名單, 到兩年後華東爆發水災, 當年o既搞手再次組織同樣o既音樂會籌款, 由於賑災有功, 一干人等先得以脫離黑名單(不過都係唔好o係呢度講d咁敏感o既話題, 我驚會連累你個blog俾人封殺)。到o左兩年後o既"忘我大匯演", 我已經變成草蜢fans(當年o既樂壇好蓬勃, 有好多新人, 個show好熱鬧), 整天都好忙碌咁睇加錄阿蜢, 忙得好興奮!
至於海嘯o個個"愛心無國界演藝界大匯演", 我只係夜晚返到屋企先睇, 所以missed o左兩隻蜢o既表演。據聞根據原本o既rundown, 草蜢應該遲d先出場, 打頭陣o既本來係內地唔知邊位紅星, 因為佢耍大牌臨時扭計唔肯出場, 所以大會先叫阿蜢頂住先, 亦因為咁, 所以先搞到得番兩隻蜢。其實睇呢個"愛心無國界演藝界大匯演"都感覺好warm(雖然已經情懷不再), 因為個海嘯真係好震撼, 真係令人覺得人生好無常, o個時真係好想盡一己綿力, 幫得人家幾多得幾多。成個show最令我不滿o既係有太多普通話但又唔配subtitles, 我知直播節目無可能即時配上subtitles, 但都唔該搵人做o下翻譯o丫, 我呢d國語白痴好難follow o架嘛!
sandy,
哈哈...你居然o係度講"six-four"...我好緊張...講笑o者! 唔會俾人封殺o卦?! 但我覺得齋講"好睇"程度, 89年個"民主歌星獻中華"同"忘我大匯演"差好遠...可能因為"民主"比較敏感, 同埋不停咁唱d"愛自由", "血染的風采"等歌曲...無咁warm囉! 仲有太多內地歌手好聲嘶力竭咁唱佢o地d歌 (雖然"忘我"都有唔少)...哈哈...所以我你然最buy"忘我"!
pit開情意結呢一part, 個show本身真係好好睇...好人才濟濟, o個期又多新人...我記得我都有o係度"捕"sammi, 但佢只得一part新人大大大合唱! even好多2,3線歌星都係得好少air time! o個期真係好忙碌咁追睇所有賑災-related shows!
tv fan,
係呀, 未有機會講"情陷2"...其實我都係今日先有時間追番呢個禮拜o個五集...睇o左第一個禮拜, 感覺無"情陷1"咁好睇...d劇情無咁精彩! 葉璇同張文慈都要扮純情 (後段應該會變到好攻心計o卦?)...好難受! 同埋四哥個mk牛仔look都好難受!
芒姐，你提到華東水災，我都好有印象，我鍾意你果句「劉華o個d好聽, 但leon o個d係更好聽 (我指d歌曲本身…兩人o既唱功就…是但啦!)」我buy 你話劉華好架(利益申報，我係super 劉華 fans)，但leon d 歌又真係好架喎，係旋律同詞都好，曾經因為leon既歌，我鍾意過佢一段時間架。
前幾日睇now，無啦啦睇左一粒鍾leon既crazy in classic演唱會，唱好多舊歌，正爆呀，有我最鍾意既「對不起，我愛你」、「相逢在雨中」、「我的親愛」，其他舊歌我都鍾意架，好似「兩心知」(果個係沙灘拍既mtv，正)「傻痴痴」「每次聽就會諗起都市的童話既叮噹」「無明份的浪漫」「如果這是情」。
芒姐，呢排我勁煲收費台，遲d 有「我們的劉青雲」系列，有大時代同孖仔孖心肝，歡呼呀!!
Mon Jeh,
I had the '91 Leon's album. It contains many 今生無悔 songs. Too bad, I am not a good collector. The album must be somewhere in the attic of my parents' house.
Oh..., I miss those songs.
Hi 芒姐﹐
我承認我好衰﹐不過黎天王既“對不起﹐我走音”到而家都仲係我既鈴聲﹐用左成半年有多﹐樂此不疲﹐哈哈﹗我同d friends去K試過﹐黎天王走音個key﹐其實唔難唱/入﹐起碼今時今日既則田一定入到﹗
多謝你!!!
當年 miss 左黎明呢個走音片段,攪到同身邊既親朋戚友之間既 hot topic 脫晒節,好遺憾!15年後既今日,估唔到機緣巧合睇得返:「哦!原來係咁!」好似搵返一段失落左既童年回憶!你好犀利呀仲 keep 住條片...俾個「叻」你!
By the way,上一篇 post 入面,「林敏聰」個「聰」應該係「驄」先0岩呀(馬字邊),唔知我有無記錯呢?
"忘我大匯演"我也有印象,當時台灣也有轉播.記得明星真的很多,之後那些明星也紛紛來台灣發展.
1991年真的有許多難忘的港劇,那時我升中一.開始喜歡追劇.印象中就有"人在邊緣","今生無悔","老友鬼鬼".那時候似乎流行煽情劇,所以很多如"灰網","怒海孤鴻"(!我居然還記得,林文龍,黎姿還有劉錫明演的)等時裝劇.
還有部叫好不叫座的"怒劍嘯狂沙".
我自己叫喜歡"人在邊緣",不知它當時在香港的收視怎樣?
ljc,
原來你是台灣人啊!
其實"忘我大匯演"也有很多當時很紅的台灣藝人出席...
"怒劍嘯狂沙"是台慶大製作...不過唔係我杯茶!
"人在邊緣"當時應該很受歡迎, 但收視紀錄真係唔記得喇!
grace,
miss左老黎呢個走音片段, 的確係要引以為憾...我都係幾年前得一個同學仔"幫助", 先有機會睇番呢段經典片段...所以當然要公諸同好, 等一眾miss左呢個片段o既朋友重拾失落o既童年回憶!
唔係我犀利, 係我個同學仔犀利o者...我幫你俾個「叻」佢!
「林敏聰」個「聰」好似真係「驄」, 多謝你提醒我!
G Armani,
我覺得你唔衰呀, 你係坦我o者! 坦白講, 我都有笑過黎天王走音, 仲笑o左好多年...我亦相信大部份人都有咁做過, 因為的確幾好笑! 只係objectively, 佢又係慘o既...但係笑呢件事, 我又唔覺得係太太太衰...哈哈!
話分兩頭, 又不能用側田同佢比o既, 事關側田sell歌藝, 而老黎擺明唔係sell歌藝o卦...唔好嚇我?!
shaw_mag,
黎明呢盒帶仲o係我身邊...但好耐無聽過囉...要得閒拿番出o黎聽...唱o下"some for you...some for me"喇!
敏兒,
leon同劉華o個期d歌, 真係好好聽...其實學友同城城o個d都好得...唔知點解o個期d歌好聽過依家咁多...真係好令人懷念90, 91,92年!
leon既crazy in classic演唱會??? 係咪上年o個個? 本來都因為佢話唱好多舊歌而想去睇o下...但係佢本人真係不大吸引, 仲要係依家o既佢更加唔吸引, 所以最終都係無去到! 寧願去k唱多兩隻佢d舊歌, 睇多幾隻舊mv...你講o個d舊歌全部我都好buy呀...不過咁多隻最得依然係"some for you, some for me"啦!
連「我們的劉青雲」系列都有?! 咁得意?! 唔係話佢唔好, 但又好似未去到呢個level...下次會係邊個呢?
hello 芒姐,
我們這輩台灣人小時候幾乎都看香港的電視電影,後來才逐漸被日劇韓劇所取代.
我小時候喜歡的明星都是香港明星,本地的反而沒啥印象,哈!
你提到"傻癡癡"這首歌,我也有印象.因為當時也有看"都市的童話",這部在台灣真的超紅的,後來朱茵可在台灣出唱片也是拜這部戲(或者還有原振俠)的緣故.
想到"都市的童話",又聯想到"它來自天堂",你應該也有印象吧!
ljc,
"他來自天堂"當然有印象啦, 最記得隻主題曲"紅日"...套戲其實我又不是特別喜歡!
至於"都市的童話", 我知道好多人都好喜歡...我又係ok啦, 但一向都不太buy朱茵...由佢做兒童節目"閃電傳真機"已經唔鍾意佢! 更加希望佢有d自知之名唔好去唱歌囉!
發佈留言
<< Home