6-17(sat) 情陷夜中環2
睇o左十集“情陷夜中環2”, 都可以o既…不過同"情陷1"差好遠! 劇情無咁精彩, 仲要葉璇同張文慈兩位明顯不是善男信女o既女藝人要扮純情, 真係演技大考驗! 張文慈仲要扮虔誠教徒, 再俾佢唱埋主題曲…真係睇+聽得人好難受!
不過最難受都係謝老四個mk牛仔look…都有二百個難受…直頭嚇死人! 佢仲要同阿金燕玲姐姐打情罵俏...編劇真係考緊觀眾o既忍耐力!
唔知點解葉璇做戲好似反而無o係無線時咁自然…而阿百萬富翁陳啟泰做戲真係有d怪, 唔該佢做番主持好d! 不過佢都總好過林韋辰o既…咁多個所謂“小生”, 我最唔buy佢! 袁文傑做主角, 又係唔多掂…仲有無啦啦見個“青蛇”王美芬又出現番, 但係已經由“殭屍”其中一個主角變成管家…!
同埋唔知點解呢套劇每一次都要有天台跳樓戲, 成日都o係個個天台度拍…唔知係邊幢大廈o既天台呢?! 可能係為o左要show中環個美麗夜景o卦?!
其實d女角未免太多新聞…有是非係可以當宣傳, 但今次未免太多太煩, 人人都o係度互寸…抵到好悶! 套戲本身亦都睇到有d煩, 最煩當然係羅家英一日o係度鬧人, 仲有謝雪心都好煩…成套戲整日家嘈屋敝, 上一輯好睇好多囉! D咁o既劇情睇到個人由無身已經煩變o左再煩多兩倍!
深夜o個套翡翠首映“心慌心郁逐個捉”…又larp過少少, 都幾唔吸引o下! 唔知係咪想學廿幾年前o個套經典劇集“逐個捉”呢? 但人o地好睇好多, 懸疑好多, 精彩好多囉…! 我細個時好鍾意睇o架!
posted by 芒姐 at 12:23 上午
8 Comments:
本來作為無記fans?我，對於討論亞記?劇，兼實無咩好講，但呢套我又係咁意睇?少少，真係好少第一集?半集咁多，都可以傾兩句喎。我覺得葉璇?戲，現實仲好過做緊劇果陣喎，要佢扮靚妹，簡直?觀眾命。仲有謝雪心，其實你唔駛知道佢?角色係點，都知道佢永遠都係做果種縰?仔女唔駛本，日日嘈嘈閉?阿媽，煩呀。我無詳細睇過套劇，好難話邊個演得好，但有一個人我比較欣賞，就係做鵬哥果仔?陳寶猿，唔知點解對佢比較有好感。
芒姐，等我報告收費台?情況先。尋日返工前竟然播大時代，睇到我唔捨得出門口，好彩放工返到，又重做中，終於睇到今朝4點幾至上床。今日放假無出街，又睇。點之今日做「孖仔孖心肝」，正!!仲有仲有，今日睇?套「相見好」，有李琳琳同(於)洋做夫婦，另一對係盧david同---珍姐曾勵珍呀，本來呢，我唔諗住睇，點知見到字幕有珍姐果名，即睇。
敏兒,
嘩! 珍姐都有做戲?! 真係未睇過...原來無線d高層個個都係藝員/dj出身, 已經唔再係齋管理層咁簡單, 個個都親自落過場!
"大時代"/"孖仔孖心肝"o個d無記本身都重播過好多次, 唔知佢o地之後會唔會揀d無咩點重播過o既呢?
套"情陷2"其實令我幾失望, 講來講去三幅屁, 又講單純女子因被逼害就變成不擇手段..."火玫瑰"式復仇戲, 仲要張文慈個角色叫"海潮"咁抵死!
哎...套戲幾係悶, 葉璇演技大倒退...又或者個角色根本唔o岩佢! 如果大家有睇開呢度都知我其實係好buy葉璇o架(雖然無人認同我, 尤其係女仔)...特別係"再生緣"時...但係呢套戲真係好唔得囉..."情陷1"都好好多呀!
Mon Jeh,
TVB收費台（經典台）is airing 《薛剛反唐》. Here is the link : http://www.tvb.com/tvb_classic/drama/destinedtorebel/index.html
（敏兒，are you watching it?)
The casts are 劉青雲, 劉美娟, 關禮傑, 吳鎮宇, 邵美琪.
Interesting comment from TVB : 此劇乃香港首播，亦是劉青雲首部擔正為男主角的劇集。
I remember watch this video 十幾年 ago. But now forget the whole plot already.
shaw_mag,
我知有呢套戲呀，不過無睇到，感覺好似其他?薜劇系列，興趣不大。
芒姐，
「相見好」好耐好耐，珍姐果頭係ｂｏｂ頭黎架，（希望無形容錯），佢係李琳琳?ｆｄ，叫貓骨，我估應該係叫maggie，睇?兩集，唔係有好多對白咁喎。雖然你講果兩套劇都播過n次，但都好睇喎，特別係「大時代」頭個幾集，秋官?癲狂，簡直勁，星期六果晚又剛好播「九品芝麻官」，又係播n次，咁樣，我寧願揀「大時代」。
Dear Mon Jeh,
Long time no chat! This is your big fan, CC! I always read your updates.....just haven't leave any message!
I wonder if you like old TV commercials (I bet you will love it)? Please have a look at the following website....visual quality may be not so satisfactory, but they certainly remind us of our childhood days!
http://come.to/hkad
Big Fan,
CC
哈哈...cc, 的確好耐無見! 好彩你得閒留個言俾我o者!
廣告我都ok好o既, 不過當然同電視劇/大show無得比啦...我得閒走入去睇o下你推介個site先!
shaw_mag&敏兒,
《薛剛反唐》我真係未睇過, 其實係聽都無咩聽過添...點解當年o係香港拍o左又唔播呢?! 係咪cast問題?! 當年的劉青雲, 又的確不太有號召力!
查實"薛剛"係邊位呢? 薛仁貴個孫?!
珍姐ｂｏｂ頭又好似有少少印象, 可能無記得閒會播o下d片段! "貓骨"...我諗即係=margaret...
敏兒,有些事想向你解釋:
「仲有謝雪心，其實你唔駛知道佢?角色係點，都知道佢永遠都係做果種縰?仔女唔駛本，日日嘈嘈閉?阿媽，煩呀。」
其實謝雪心(心姐)係一位好有教養ge媽咪,預科畢業,國際游泳健將,又係粵劇名伶,佢囡囡珈潁亦都係好有教養的人...
而家佢係做戲喳,你應該要有些判斷能力?我諗你連謝雪心有咩成就都未知吧?唔知唔係問題呀,最大問題係假定左一個人ge地位同埋貶低左心姐的人格!
唔怕同你講,我係識得atv好多演員,包括大方斯文ge心姐...我對於你假定佢係一個日日嘈嘈閉ge阿媽感到極度不滿!
我找到佢網站,你即管可以睇下佢ge資料..你會對佢改觀。
http://hk.geocities.com/star_tss/
發佈留言
<< Home