6-16(fri) 我不是鳳凰…譚小環

前排講開“飛短留長”入面“走樣二人組”裡面o既“走樣一號”松松姐姐…今回輪到另一個更令人吃驚o既信和賣相天后/1994年港姐冠軍…譚小環小姐!!!

早前有一篇日記都有講過少少“譚小環的坎坷”…佢由選港姐時o既信和賣相皇后 (可以話係“前無古人, 後無來者”, 因為從來都無候選港姐受歡迎成咁, 往後亦更加唔會有, 因為依家連邊個當選都無咩人關心!), 到依家o既三線配角, 真係一個好大o既起伏! 分分鐘連當年落選o既康華, 依家擔戲都重過佢!

呢篇訪問我其實o係忽週睇過, 點知近期咁o岩又o係網上再睇到, 想post出o黎分享o下!



************************************************************

我不是鳳凰 譚小環

有 一 個 夢 ， 維 持 了 三 十 多 年 ， 每 年 都 有 無 數 少 女 衝 ? 這 個 夢 而 來 ， 但 求 一 朝 飛 上 枝 頭 ， 從 此 改 寫 人 生 。

但 ， 飛 上 枝 頭 後 ， 真 的 可 以 變 鳳 凰 嗎 ？

好 命 的 ， 找 個 愛 惜 自 己 的 男 人 ， 足 以 暗 暗 開 心 。

沒 那 麼 幸 運 的 ， 最 終 可 能 變 回 山 雞 ， 在 森 林 打 拼 ， 想 飛 ， 怎 樣 也 飛 不 高 。

九 四 年 香 港 小 姐 冠 軍 譚 小 環 ， 拍 過 電 視 ， 做 過 玉 女 歌 手 ， 就 差 那 麼 一 點 點 ， 就 可 以 變 成 鳳 凰 。

不 過 ， 她 寧 願 做 隻 被 男 人 照 顧 的 小 鳥 。

人 各 有 志 ， 無 可 厚 非 ， 女 人 心 願 ， 不 過 如 此 。 只 可 惜 ， 男 人 又 怎 會 為 一 隻 平 凡 小 鳥 放 棄 整 個 百 鳥 林 ？

譚 小 環 再 回 來 時 ， 才 發 覺 珍 禽 異 獸 到 處 是 ， 自 己 羽 翼 未 豐 ， 何 以 立 足 ？

「 我 知 ， 做 主 角 一 定 無 我 份 ， 咪 做 住 配 角 先 ， 做 奸 角 都 唔 錯 ， 愈 多 人 鬧 就 愈 多 人 睇 ！ 」

譚 小 環 在 《 謎 情 家 族 》 穿 紅 衣 扮 女 鬼 上 身 ， 觀 眾 投 訴 ， 她 就 見 報 。
女 鬼 不 可 怕 ， 無 錢 開 飯 才 可 怕 。

不 到 我 揀

先 撇 開 《 謎 情 家 族 》 收 視 ， 也 別 斟 酌 故 事 的 瘋 狂 ， 單 是 譚 小 環 變 性 做 黎 耀 祥 這 一 招 ， 相 信 比 她 扮 女 鬼 更 驚 嚇 。

譚 小 環 只 是 笑 挖 苦 自 己 ： 「 如 果 真 的 有 一 天 變 性 變 到 似 黎 耀 祥 ， 這 個 整 容 醫 生 一 定 不 能 幫 襯 ！ 」

慣 了 ， 甚 麼 都 慣 了 。

有 話 題 ， 總 好 過 無 。 最 怕 是 無 聲 無 息 的 上 畫 落 畫 。

之 前 有 套 更 深 入 民 心 的 《 妙 手 仁 心 Ⅲ 》 ， 譚 小 環 是 個 更 不 討 好 的 才 女 ， 拍 ? 人 人 喊 打 落 水 狗 的 吳 啟 華 身 旁 ， 精 神 面 貌 居 然 比 吳 還 乞 人 憎 。 照 計 ， 應 該 叫 成 功 了 吧 ？

「 那 次 真 的 衰 到 自 己 都 覺 得 自 己 討 厭 ， 最 記 得 拍 我 ? 棺 材 那 天 ， 剛 巧 是 我 生 日 ， 一 面 覺 得 自 己 抵 死 ， 一 面 又 替 自 己 可 憐 … …

「 做 奸 角 都 好 ， 衰 衰 ? 都 起 碼 是 一 條 路 ， 令 人 印 象 深 刻 。 我 做 奸 人 都 有 擁 躉 ， 出 到 街 有 師 奶 望 望 我 之 後 跟 我 說 ： 『 阿 譚 小 環 ， 你 真 人 都 唔 係 咁 乞 人 憎 ， 點 解 成 日 揀 ? 衰 人 做 ？ 』 佢 點 會 知 ， 其 實 根 本 不 輪 到 我 揀 。 」


(哈哈…我的94港姐雜誌珍藏…佢當選o個日, 的確係靚喎…只係唔知點解跌watt跌得咁勁o者?!)

港 姐 包 袱

眼 前 的 譚 小 環 ， 曾 是 一 九 九 四 年 港 姐 冠 軍 ， 當 年 的 信 和 賣 相 天 后 。 據 說 譚 小 環 選 美 那 輯 泳 裝 照 ， 銷 量 大 大 拋 離 同 期 的 四 大 天 王 。

「 靚 過 我 的 人 大 有 人 在 ， 可 能 我 這 份 人 ， 向 來 有 點 運 。 小 時 候 好 單 純 ， 有 新 水 壺 都 不 敢 用 ， 跟 同 學 說 是 舊 的 ， 怕 人 說 我 出 鋒 頭 。 中 學 讀 香 港 仔 嘉 諾 撒 培 德 ， 覺 得 修 女 好 神 聖 ， 曾 經 想 過 做 修 女 都 唔 錯 。 畢 業 後 考 空 姐 ， 戇 居 居 又 考 到 。 同 事 幫 我 報 名 選 港 姐 ， 她 們 興 奮 過 我 ， 面 試 時 見 到 活 麗 明 同 李 綺 虹 ， 人 家 外 國 讀 書 ， 我 立 刻 被 比 下 去 ， 心 想 入 到 圍 都 夠 交 代 了 。 」

沒 有 壓 力 ， 甚 麼 都 得 來 很 易 。 鄰 家 女 孩 飛 上 枝 頭 ， 前 途 無 限 。

九 六 年 ， 譚 小 環 首 次 拍 電 視 劇 《 殭 屍 福 星 》 ， 跟 同 樣 幼 嫩 的 陳 曉 東 一 對 ， 當 時 還 有 剛 加 入 電 視 圈 的 元 華 ， 飾 陳 曉 東 師 傅 。

九 七 年 還 做 了 歌 星 ， 還 記 得 那 首 與 鄭 伊 健 合 唱 的 〈 如 果 天 空 要 下 雨 〉 嗎 ？ 那 時 候 ， 一 個 是 當 紅 蠱 惑 仔 ， 一 個 是 新 晉 玉 女 歌 手 ， 兩 個 都 是 當 頭 起 。 九 八 年 的 「 叱 ? 」 與 「 港 台 」 頒 獎 禮 ， 譚 小 環 更 奪 過 兩 個 新 人 獎 。

只 是 ， 後 勁 不 繼 。 二 ○ ○ 五 年 ， 《 水 滸 無 間 道 》 ， 陳 曉 東 固 然 不 知 去 向 ， 譚 小 環 卻 「 升 格 」 做 了 元 華 情 婦 。

歲 月 不 饒 人 ， 尤 其 是 女 人 ， 不 得 不 放 下 身 段 。

「 說 不 介 意 ， 一 定 呃 你 ， 連 元 華 都 接 受 不 到 我 做 他 情 婦 ， 惟 有 呃 自 己 ， 情 婦 年 齡 可 以 好 細 。 這 幾 年 ， 慢 慢 克 服 了 很 多 。 初 頭 做 奸 角 、 做 人 情 婦 還 好 ， 去 年 《 秀 才 遇 ? 兵 》 中 還 有 個 五 歲 的 仔 ， 雖 然 我 生 得 出 ， 但 實 在 接 受 不 到 。 經 常 問 自 己 ： 『 使 唔 使 呀 ？ 』

「 不 否 認 ， 『 港 姐 冠 軍 』 這 個 名 銜 ， 一 直 是 我 的 包 袱 。 港 姐 喎 ， 做 反 派 觀 眾 會 不 會 覺 得 我 很 ？ 一 直 放 不 低 昔 日 的 燦 爛 。 後 來 覺 得 ， 做 人 始 終 要 面 對 現 實 ， 難 道 有 工 不 做 ？ 有 錢 不 搵 ？

「 現 在 大 陸 有 人 找 我 登 台 ， 不 是 因 為 我 拍 了 甚 麼 劇 集 ， 依 然 介 紹 我 是 『 香 港 小 姐 』 。 既 然 是 不 能 改 變 的 事 實 ， 毋 須 給 自 己 太 大 壓 力 。

「 可 能 因 為 想 通 了 ， 現 在 很 多 奸 角 都 放 膽 去 做 。 阿 Q 地 想 ， 做 這 些 二 線 角 色 演 藝 生 涯 會 持 久 些 ， 可 以 慢 慢 一 步 一 步 往 上 爬 。 如 果 長 期 做 一 線 ， 往 下 滑 落 便 很 痛 苦 。 無 辦 法 啦 ， 鬼 叫 當 年 不 懂 得 珍 惜 機 會 ， 自 我 放 棄 ？ 」

大 概 ， 譚 小 環 最 「 痛 苦 」 的 ， 都 經 歷 過 ， 現 在 拍 戲 是 不 是 女 主 角 ， 根 本 不 算 甚 麼 。

譚 小 環 當 年 很 聽 唱 片 公 司 話 ， 為 了 減 淡 電 視 味 ， 索 性 不 拍 電 視 劇 。 之 後 遇 上 排 舞 師 Sunny Wong ， 譚 小 環 瘋 狂 戀 上 ， 事 業 開 始 無 心 戀 戰 。

錢 銀 自 尊

譚 小 環 的 轉 捩 點 ， 就 是 關 於 這 個 男 人 。 「 我 這 份 人 ， 其 實 好 蠢 ， 不 懂 得 為 自 己 打 算 。 小 時 候 ， 甚 麼 事 都 是 爸 爸 媽 媽 跟 幾 個 家 姐 幫 我 決 定 。 識 到 男 朋 友 後 ， 就 交 由 他 為 我 拿 主 意 。 我 是 那 種 出 街 希 望 他 開 車 、 燈 膽 壞 了 明 明 自 己 懂 得 換 也 不 換 的 人 。

「 以 前 拍 拖 ， 好 黐 男 朋 友 ， 愛 情 放 第 一 位 。 那 時 真 的 視 他 為 結 婚 對 象 ， 基 本 上 所 有 工 作 都 停 了 ， 只 是 偶 爾 返 大 陸 登 台 ， 剛 剛 夠 自 己 使 就 算 ， 以 為 真 的 有 情 飲 水 飽 。 」

這 樣 的 日 子 過 了 五 年 ， 譚 小 環 愛 靜 ， 男 友 好 動 好 蒲 ， 加 上 間 中 又 與 其 他 女 星 傳 緋 聞 ， 譚 小 環 這 個 「 正 印 」 地 位 始 終 保 不 住 。 雖 然 保 不 住 愛 情 ， 但 至 少 保 得 住 自 尊 。

「 分 手 時 要 生 要 死 ， 好 痛 好 痛 。 現 在 已 康 復 ， 差 不 多 可 以 完 全 忘 記 當 時 傷 心 到 點 … …

「 唯 一 慶 幸 的 ， 是 跟 他 一 起 五 年 ， 我 和 他 經 濟 完 全 獨 立 ， 我 從 不 曾 開 口 問 他 要 錢 。 我 那 時 無 錢 ， 就 不 出 街 食 飯 ， 不 買 衫 ， 不 花 費 。 我 一 直 是 慳 妹 一 名 ， 從 前 做 空 姐 ， 飛 了 十 幾 個 鐘 回 來 都 是 搭 機 場 巴 士 返 家 。 做 女 人 ， 一 但 開 口 問 男 人 要 錢 就 要 看 人 面 色 。 經 濟 獨 立 才 有 自 尊 ， 才 有 選 擇 權 。 」

搵 錢 第 一

○ 一 年 ， 譚 小 環 復 出 拍 電 視 劇 ， 她 在 上 一 世 紀 的 光 輝 ， 已 沒 有 人 再 提 。

「 走 位 都 錯 ， 還 差 過 新 人 ， 好 驚 ！ 晚 晚 在 家 看 碟 惡 補 演 技 。 」 譚 小 環 想 重 新 在 娛 樂 圈 佔 一 席 位 ， 配 角 、 奸 角 、 閒 角 甚 麼 都 要 做 。 回 頭 已 是 百 年 身 ， 找 她 做 元 華 情 婦 ， 其 實 也 不 無 道 理 。

「 當 然 有 後 悔 ， 我 都 叫 光 輝 過 ， 但 不 懂 得 把 握 。 因 為 一 個 拍 拖 的 決 定 ， 人 生 就 兜 了 好 幾 個 圈 ， 行 了 好 一 段 崎 嶇 的 路 ， 最 終 不 過 返 回 起 點 。 惟 有 安 慰 自 己 ， 沒 有 之 前 的 經 歷 ， 又 怎 能 演 得 好 現 在 的 角 色 ？ 當 買 個 教 訓 吧 。 」

譚 小 環 學 精 了 ， 不 再 把 雞 蛋 全 放 在 一 個 籃 子 。

「 男 人 即 使 親 到 自 己 老 公 ， 信 他 七 成 好 了 ， 外 面 誘 惑 太 多 ， 你 不 知 他 幾 時 會 變 。 再 揀 男 朋 友 ， 一 定 揀 個 鈍 鈍 的 ， 老 老 實 實 才 信 得 過 。 近 年 都 試 過 有 曇 花 一 現 的 ， 但 相 處 了 一 陣 之 後 發 覺 夾 不 來 ， 便 沒 有 繼 續 ， 不 想 浪 費 時 間 。

「 現 在 對 我 來 說 ， 搵 錢 行 先 ， 有 錢 傍 身 才 有 安 全 感 。 當 然 希 望 追 番 自 己 當 年 蹉 跎 了 的 時 光 。 好 在 我 一 向 樂 觀 ， 只 要 間 中 被 人 讚 句 演 得 好 ， 已 經 覺 得 值 。 」

娛 樂 圈 的 浮 名 ， 向 來 是 鏡 花 水 月 。 譚 小 環 九 四 年 獲 選 港 姐 冠 軍 時 ， 曾 獲 一 幢 深 圳 別 墅 為 獎 品 ， 豈 料 獎 品 多 年 來 還 未 到 手 。 「 當 年 層 樓 係 樓 花 ， 後 來 地 產 商 轉 了 手 ， 如 今 的 地 產 商 又 不 承 認 ， 唉 ， 好 麻 煩 。

「 算 了 吧 ， 有 時 命 運 是 整 定 。 好 彩 我 向 來 樂 觀 ， 如 果 還 執 以 前 ， 相 信 一 定 發 癲 ！ 」 她 笑 說 。

褻 衣

要 重 拾 光 陰 ， 當 然 要 加 把 勁 。

早 前 ， 譚 小 環 任 Bella 代 言 人 ， 繼 港 姐 之 後 首 次 再 穿 三 點 式 泳 衣 示 人 。

今 次 訪 問 前 ， 廣 告 公 關 說 ： 「 她 可 以 性 感 少 少 都 無 所 謂 。 」

我 亦 順 理 成 章 借 齊 低 胸 裝 、 deep V 裙 、 甚 至 褻 衣 。

可 能 大 家 都 認 為 ， 已 三 十 三 歲 的 譚 小 環 ， 需 要 搏 。

譚 小 環 的 確 肯 搏 ， 夾 胸 露 背 都 做 齊 ， 唯 獨 抗 拒 穿 褻 衣 。

「 雖 然 睇 唔 到 乜 ， 但 意 識 唔 好 ， 無 必 要 ！ 」

我 看 見 一 個 女 人 捍 衛 自 己 的 最 後 尊 嚴 。

因 此 ， 我 尊 重 譚 小 環 。