8-22(sat) Miss HK Pigeon 2009
仍然係阿阿叻+志偉仲有amigo, 仍然係由阿叻去朗讀英文o個part…唔係要你讀得好好聽, 但都唔洗每年都係”Miss HK 乳鴿”一番o卦?! 太趣緻!
今年都有好多個位好趣緻…例如史無前例地冠軍並唔係由上屆冠軍加冕…係36年來第一次…不過咁樣仲正! 77年冠軍朱玲玲, 點睇都靚過上年個廢爆冠軍張舒雅多多聲…呢d真係風韻猶存囉~~~
仲有今年被喻為“淪陷”o既佳麗質素…又係趣緻o既! 但最趣緻o既係…居然可以o係3個月內improve o左咁多…唔係話變到好靚…但對比番佢o地3個月前o既樣…又真係有大躍進喎! 連身材都fit o左好多…睇得出佢o地真係有下過一番苦功! 尤其係我最buy o既8號“鬚根舒淇”…佢真係得呀! 所以話女人o既外貌3分係天生7分係靠打扮囉…今屆港姐係最佳o既例證!
(5 winners)
咁多個之中, 8號熊穎詩又的當係最有格…仲要臨比賽前呢幾個禮拜狀態大勇, 走勢好凌厲…我仲以為佢可以攞埋冠軍添…太可惜! 冠軍4號阿林敏俐表妹劉倩婷唔係唔好, 四平八穩個樣同對答都ok, 只係我個人係鍾意8號o個隻有sty le多d o者!
不過亞軍10號李姿敏又的確係爆大冷, 雖然我睇完之前每個星期六做o個個節目”美麗告白”之後, 都覺得佢感覺幾pleasant…鬼妹仔談吐都幾大方…但佢又真係平凡過平凡, 估唔到佢會贏! 不過我個人對佢觀感到ok…總好過1號o個位佳麗“油浸梁安琪”…佢個樣真係好“事非精”格…唔怪得知咁多負面新聞…再聽埋佢講o野…真係覺得相由心生呢d o野好少死錯人:p
同埋唔知點解聽聽o下10號講o野時有某d位幾似我曾經好喜愛o既周嘉玲囉…
10號件泳衣特別係特別, 仲可以遮到佢o既缺點…但又真係唔多似泳衣囉! 不過就總好過號3號鄭寶源o個件白色內衣…呢件擺明係似內衣多過泳衣…我唔明佢點解會揀件咁o既泳衣? 又凸顯唔到佢身材優點, 只係覺得好鬼怪…原來自選泳衣環節真係會出事…同埋真係會睇到一個人的品味! 3號一開始時係大熱門, 又話咁多個佢最靚實贏硬云云…不過呢d通常最後都會輸到離行離列…好似當年o既何傲兒咁! 同埋佢對答, even咬字都好唔得…輸得有理o既!
冠軍4號件泳衣又係揀得幾好, 顏色sharp, 剪裁特別, 又真係可以凸顯到佢條腰瘦…令人留下深刻印象!
(3號+4號+5號)
話5號同8號撞泳衣…其實睇真d又唔係完全一樣o者…同埋就算真係撞…又有無差咁遠, 一個28分一個37分呀…?! 雖然我buy 8號, 但我又真係唔覺得5號咁差喎…至少一定好過2號條粗金鏈同埋3號件內衣囉!
(5號馬詠恩 vs 8號熊穎詩)
2號“女版許愿”林潔瑜, 決賽前一個禮拜因為網民捧為女神而紅o左…佢個樣係麻麻…但係對答真係咁多個之中最ok…睇過佢個blog兩下…寫o野都幾好喎…不慍不火! 明知俾人玩, 仲可以keep到呢個“風度”, 我覺得算係咁o架啦…d現場觀眾又係擺明玩o野, 佢一出場就勁叫囂…真係俾佢o地玩死!
(2號的粗金鏈泳衣…係問inspired by八両金o架?)
至於個樣其實算係幾省鏡, 吳君如提名o既9號袁嘉敏…我以為佢都會入到三甲添…莫非係個樣太似亞姐黎淑賢?! 不過其實我覺得佢最大問題係恃住自己牙尖嘴利, 有少少“得勢不饒人”… 同上年o既大熱門姚婷芝犯o既錯誤一樣! 我知你”著一件頭可凸顯港姐o既貴氣”…講o左一次咪算囉…聽到o架喇…短短一分鐘內重覆n次…講來講去都係呢個point…呢個就係唔識見好就收o既結果喇!
(9號那件能凸顯港姐貴氣~能凸顯港姐貴氣~能凸顯港姐貴氣~的一件頭泳衣~~~)
至於6號黃嘉麗, 又係睇完“美麗告白”佢講o野幾ok…但個人又係平淡o左d同悶o左d…但都不失大方得體呀! 我又係以為佢有機會入三甲添…不過攞“國際親善小姐”都唔失禮! 同埋又係唔知點解睇睇o下, 覺得佢有d似葉璇囉!
至於7號鍾溥敏…又係睇睇o下有d似87年季軍林穎嫻, 咁但係當然係林穎嫻參選時靚好多啦!
賽前最後關頭傳媒話“一致認為8號熊穎詩是頂頭大熱，其次是5號馬詠恩、4號劉倩婷及9號袁嘉敏。”…係唯獨我睇星島真係tip中晒三甲…勁喎! 咁都俾你tip中! 以前永遠係明周先會貼中晒港姐三甲之嘛!
(2009年度港姐三甲)
其實今年d環節算ok, 起碼無d騎騎呢呢, “醜人多八怪”環節…opening仲搞得幾grand添…同埋d晚禮服 (定婚紗?!) 都好靚…呢個環節我覺得最得! 泳裝環節都ok…係bosco個咩thai boxing環節就真係唔知想點喇…cut o左佢好過啦!
至於表演環節居然變o左一班“超級巨星”參賽者表演, 都算慳水慳力…但尚算幾好睇! 反正依家港姐show唔同以前, 唔係每年一度大眾期待的盛事…依家大家都無咩期望…所以反而無咩失望囉!
香港小姐@芒姐再現:
2008香港小姐
港姐回顧
2007年度香港小姐
2006香港小姐
2005港姐謝師宴
2004香港小姐
2003給香港小姐
1994年度香港小姐選舉
1993年香港小姐
1991香港小姐選舉
posted by 芒姐 at 11:57 下午
11 Comments:
我真心覺得佢地3個月levelup左勁多！
8號好有性格好unique 我好buy佢
但係太fashionable 唔係好多人欣賞
不過4號會係大眾都最接受最buy個種
同埋個show d環節回歸正常我覺得好好呀
起碼d衫件件都幾靚！
講真 佢地個樣逐個逐個決賽睇都無話超樣衰
只係無一個靚到搶眼個d(我覺得8號最接近)
同埋2號超得呀eq！tbb 應該簽佢
5號可能太瘦，但8號身影標準D，望起上黎較健康，可能就係因為咁著同一件泳衣8號會高分D。另外氣質都係一個因素。
我都係係果個問答環節對袁嘉敏扣晒分...好煩.....本身佢講話一件都可以性感都okay,但係咁強調「唔駛露太多肉囉」就over晒~ 當堂覺得好煩,同埋都係覺得「得啦聽到喇唔駛重複咁多次!」
茵
芒姐，我miss咗今年個show啊，不過都覺得冇咩遺憾，因為港姐對於我哋嚟講，真係今非昔比囉。
我想講兩樣嘢，雖然4號係得，不過我點都覺得因為佢揾“uncle”，即係唔係話佢唔好，而係佢有返咁上下，又有uncle照住，佢就更有信心咁又表現更加好。其實我知道佢係林敏俐個表妹嗰時就知道佢會贏囉。
跟住我順住你個link去睇咗你寫之前港姐嘅post，睇度嗰個徐淑敏，你講得真係好一針見血，事關我頭先睇度東張西望訪問佢話嫁俾個咩金融才俊，一講起人哋啲身家嗰時佢嗰個興奮又要掩飾嘅樣，真係頂佢唔順，好Naive啊……
仲有啊芒姐，等緊你篇LAUGHING GOR ga!!!
而家港姐無論D女仔質素,節目PRODUCTION,表演嘉賓都今非昔比.好懷念91年,响瑞士雪山外景,有LEON同城城.有冠軍郭藹明.仲有92年埃及THEME同四大天王表演!
溫哥華匿名人
溫哥華匿名人,
嘩, 91年瑞士雪山外景又真係最經典...當年錄o左睇o左n次...依家o個d節目質素同佳麗質素點可能同以前比呀...今年o係無期望之下, 我覺得個show都算係咁o架喇!
Nilly,
re: "LAUGHING GOR"...快喇快喇...就去睇!
今年港姐show係近幾年我覺得算係做得比較好o既一次...至少佢返璞歸真, 反而無咁難頂!
經過幾年後, 我反而對徐淑敏改觀o左, 覺得佢算幾ok喎, 起碼演技可以接受, 同埋做飲食節目係豁出去係咁食, 咁多個女主持最唔造作反而係佢...估唔到!
茵,
咪係, 好心佢見好就收啦...本來o係個個都答非所問之下, 佢算係答得比較好o既一個...但係唔識見好就收, over晒!
匿名,
之前講到8號又有肚腩身型又唔得云云, 不過經過三個月佢真係fit o左好多, 下過一番苦功! 但我又唔覺得5號身型太差喎...同埋即使係氣質差過8號, 都唔洗相差成9分, 一個最高分一個最低分...真係慘!
匿名,
係...真係level up o左好多好多添啦...睇番8號第一次見傳媒張相...真係嚇到呢!
"同埋個show d環節回歸正常我覺得好好呀
起碼d衫件件都幾靚！"-->完全同意!
2號eq真係得...唔做呢行o徙o左佢!
發佈留言
<< Home