7-19(sat) 2008香港小姐

各位, 又好耐無見…基於前三個禮拜私事繁忙, 再加上返到屋企仲晚晚睇“變色龍”睇到三點…我終於o係私事繁忙之後再次病到九彩, 同兩個月前的情況一樣, 又係首先喉嚨痛, 然後發燒發熱發冷頭暈企唔穩, 不過今次好o左d, 至少無失到聲…只係變o左小鳳姐聲同埋勁咳…但仲有番把聲o係度已算萬幸…我已經好感恩!

不知不覺間, 原來“變色龍”7月23日晚就會做完…終於可以早d瞓…但佢又確實係好睇, 反而“衝上雲霄”進入中後段唔多掂, 我有時都無咩點睇喇!

一年一度港姐選舉, 今年真係幾乎miss o左都唔知道…其實今年d港姐算係近幾年最好樣o個屆, 但唔知點解, 呢個活動真係已經完全做唔起…無人談論無人知, 唔覺唔覺做完埋! 好彩臨尾o個日我都記得錄o黎睇o下!

三甲我都無咩意見…冠軍張舒雅都ok, 某d角度幾靚, 某d角度又好一般…幾fluctuate! 不過佢係高頭大馬得滯, 反而無咩冠軍格…似亞軍多d! 同埋真係太瘦…上鏡都咁樣, 真人我諗真係會得排骨! 事關我成日都話o係街撞到廖碧兒, 佢真人一d都唔肥, 仲好fit添! 亞軍陳倩揚都ok, 季軍馬賽都唔錯! 其實仲有好幾個都幾好…是但一個舊年或前年選, 都應該贏o左!

但我真係一路都唔知7號梁雅琳係大熱門喎…對上一次睇d報導時, 仲係講緊馬賽, 張舒雅, 姚婷芝, 高海寧o個d…係見佢比賽o個日表現幾淡定, o係辯論環節又出到位, 話男人o既壓力係唔知個bb生出o黎係仔定係女…都算係當日o既笑位o黎o架喇…邊有以前李綺虹咁entertaining, 令到94年港姐選舉幾乎笑足全場! 同埋唔知點解睇睇o下佢個樣有d似葉璇…話好靚又唔係, 但淡淡定定都算幾kum睇! 點知到後來睇番呢幾日d新聞, 先知道原來佢成為o左熱門, 又大熱倒灶咁話! 反而姚婷芝口才係好, 但係過份牙尖嘴利反而唔討好, 害o左佢! 至於高海寧…唔知點解睇睇o下佢個樣有d似去睇show o既賭王三房何超雲…可能係大家都有d肉地o卦?!


港姐回顧


2007年度香港小姐


2006香港小姐


2005港姐謝師宴


2004香港小姐


2003給香港小姐


1994年度香港小姐選舉


1993年香港小姐


1991香港小姐選舉