8-12(wed) 劉小慧
上個禮拜六無啦啦播o左一集“四葉草之南華夢飛翔”…今輯d宣傳好似比之前幾輯弱o左好多…本來以為好似之前o個d “四葉草”系列咁有十幾集, 每個禮拜播一集…點知睇睇o下到第二個鐘, 已經係就完o個隻feel…先知原來係電視電影…真係好無聲無息!
同埋, d演員真係一個都唔識…不過作為新演員佢o地都算演得幾ok! 最頂癮係臨尾無啦啦crossover上個禮拜南華vs熱刺o個場波…真係影佢o地落場同d球星影相…好明顯係bma的宣傳手法…ok喎!
“王老虎”大結局…反而都ok好笑, 胡胡鬧鬧勁無聊咁…但唔洗用腦白白痴痴又睇得人幾開心, 好有粵語長片o個隻“齊歡唱~~同慶賀~~”feel…最深刻係之前有一集講劉玉翠搽到塊面白晒, 跟住忽然拎個頭過o黎嚇o左蘇玉華一驚, 然後同蘇玉華講, 話係得佢相公 (即李國麟) 先會見到佢咁o既樣仲好淡定咁讚佢飲得杯落…o個幕幾好笑!
嘩…o個個“烈火3”真係愈做愈爛…真係好夾硬搵戲o黎做…悶到呢! 王喜失憶唔記得晒d o野, 你做咩要逼佢記番呢? 既然都同o左鄭嘉穎一齊咯! 夾硬要搞o下三角戀…太搵戲o黎做! 跟住仲要講王喜無o左隻腳…會唔會太刻意煽情o左d呀, baby?! 搞到我由上個禮拜開始要勁fast forward o黎睇! 仲有, 點解陳展鵬返番無綫之後個樣奸o左咁多? 同埋好似無以前咁好樣! 曾幾何時佢都算幾靚仔+正氣o架嘛~~~!
嘩! “laughing gor之變節”終於都上畫喇…真係估唔到一個電視角色可以搞到咁勁…真係奇蹟! “學警”拍o左咁多輯…反而紅o左個非主角…有時呢d o野真係時也命也…天時地利人和真係無得講!
前幾日o係youtube睇到林珊珊主持o既“Have a nice day”其中一集, 嘉賓係劉小慧同蘇志威! 嘩…幾好睇喎! 同埋劉小慧真係好靚, 到呢個年紀都keep得咁靚先真係算靚o架嘛…!
wow…呢個廣告連我都無咩印象喇…但見到呢個樣o既劉小慧, 即刻令人諗起"成功路上"o既佢…
仲有呢首第一 (定第二?!) 首派台o既歌…“望星星”…都真係幾好聽! 唔睇都唔記得係李克勤填詞o架喎!
真係你估我唔到…我居然有劉小慧第一隻碟 (正確o黎講係盒帶)...我都唔記得自己有鍾意過佢?! 即係其實一路都ok佢, 但又唔覺得鍾意到要買佢第一隻碟囉...仲要bear in mind佢當年o既歌藝.....可能因為我真係好鍾意睇“成功路上”, 又或者好鍾意聽“留住這一刻”同“初戀情人”啦...當然, 呢首“望星星”亦都好得...
(黃凱芹+劉小慧…望星星)
posted by 芒姐 at 11:14 下午
11 Comments:
烈火3越睇越火滾，好似你話齋人家才醒番就逼人地接受自己拍拖…唉呀…不過情意結，忍不住不看，卒之skip咗12-22中間10集，23集開始邊睇邊鬧﹗(仲有幾日捱咋~)
太拖拉和悶人，我掉轉頭睇番第一輯囉，哈哈…
但我由細到大都覺得劉小慧個咀好唔順眼, 呢樣野佢同蘇志威算幾有夫妻相。
Hi,Monjeh,
Try to watch Wayman's interview by Saan Saan, very interesting. While they were working for CR2, I was a CR2 fans. Wong Hay used to be a CR2 DJ.
Gor Gor fans
Sorry, the name should be Wyman.
芒姐，我都鐘意睇成功路上啊！亦係因為成功路上好鐘意劉小慧！我記得佢個名叫紫珊，後嚟同咗撈家嘅，係咪？譚炳文係佢阿爸，林嘉華係佢阿哥。
哈哈我喺銅鑼灣見過劉小慧真人咖，一齊買魚蛋添！嗰時佢已經淡出喇，同個賓妹一齊，戴住副超。都OK啦，不過兩邊面嘅黑斑都頗為嚴重下。
我之前覺得韓國既全知賢响「我的野蠻女友」個樣好似劉小慧ga
匿名,
"我之前覺得韓國既全知賢响「我的野蠻女友」個樣好似劉小慧ga"
-->bingo! 我當年睇「我的野蠻女友」有同一個想法!
Nilly,
係呀, 雖然睇"成功路上"我最鍾意海味做o既"童瑤"同郭晉安...但係劉小慧o既清純形象都好出!
Gor Gor fans,
好, 我得閒聽o下先...我o係wyman年代都係聽商台o架...都幾鍾意聽"係咪玩o野"!
匿名,
um, 劉小慧個樣唔係美若天仙, 但都算幾唔錯o下...我同意初時都覺得佢個嘴有d似"唐老鴨", 不過整體係幾ok!
Domotoiceko,
我反而由王喜醒番之後無咩睇...因為真係太過刻意煽情, 我頂唔順!
發佈留言
<< Home