9-11(fri) 愛者有其屋
噢...尋晚唔覺意睇到節目表, 居然發現亞視深夜4:40重播我當年好鍾意睇o既"愛者有其屋"!!! 哎…咁辛苦等到佢重播我又miss o左頭幾集, 真係激死人啦啦啦啦啦~~~~~!
呢套劇相信無人睇過, 比較冷門…當年好似係下午1點幾首播o個隻…咁o岩o個時考試早放,所以先睇到! 可能因為真係太冷門, 所以網上完全搵唔到...想睇番都無得睇! 亞視咁鍾意重播又重播d劇集, 但又好少重播呢一套, 依家等到佢重播, 我又miss o左頭幾集…需知道其實第一個單元 (蔡濟文+葉靖怡o個個) 係咁多個單元之中最好睇o架嘛…天意實在太弄人喇!
“美女廚房”悶ｏ左好多集, o岩o岩上個禮拜楊千嬅+王菀之o個集終於好睇番…可能因為佢o地o既身份, 同埋因為佢o地本身都係玩得之人! Um…我知係完全唔關我事, 但我依然覺得楊千嬅真係同鄭中基最襯囉…haha:p
“古靈精探B”就快播完, 但我真係幾乎未睇過…so sorry! 我諗其實呢套都應該ok好笑o既…但真係未有時間追番! 至於“有營煮婦”, 當然都只係larp 過兩三分鐘…其實呢套又係想走咩路線o架呢?
posted by 芒姐 at 11:12 下午
15 Comments:
芒姐，經你提醒，我覺得亞視以前1點鐘做嘅戲真係有好多好嘢，唔知你有冇印象？我記得有，鳳凰傳說（好似係文頌嫻劉玉婷），冬日驕陽（講開齋鋪，斑斑），新朱門怨（好似有翁虹樂蓓，幾大卡士下），呢啲都幾好睇咖！
其實我真係覺得以前亞視都唔係太差啊，不過睇張家輝嘅志雲飯局，聽佢講以前，亞視有真係幾陰功嘅。
以前一點重播仲有還珠格格，
仲要尋晚播完，第二日即刻就重播多次
果陣既還珠格格實在太勁喇！
“古靈精探B”ok , 有d位都幾好笑, 但開始有 d 頂唔順胡定欣, 首先佢個頭唔知想點, 其次佢個眼袋唔知點解大左咁多, 個個 shot 對眼都好似腫到 arm arm 喊完咁, 同埋佢條頸點解好似皺左咁多咁? 不過我最怕都係佢扮天真少女, 不停吱起把聲係咁“正義哥、正義哥”, 好煩啊! 查實佢都唔係少女好耐啦, 之前做“銀樓金粉”、“巾幗梟雄”果 d 惹艷女子做得幾好丫, 依家做天真少女就略嫌作狀左 d , 太刻意喇, 我一路睇一路諗起胡杏兒, 點解姓胡嘅花旦個個都越做越退步架?
我剛剛响溫哥華見到胡定欣,佢真人好細粒嘅
溫哥華匿名人
你地講開，我又開始覺得胡定欣稍微誇張的演繹同佢果句“正義哥、正義哥”有少許刻意，唔‧‧‧要扣分！
有營主婦 真係唔知想點.衰d講,真係冇個似係女主角. soly我唔識講 :bbb 唔係話佢地擔唔到大旗, 係佢地戲內...真係唔知想點.
soly廢up一輪 :b
古靈精探B還可以, 有營主婦就... 真係零興趣!
匿名,
"古靈精探B"同"有營主婦"都唔多吸引...好懷念"絕代商驕"!
moon,
同埋其實我唔知"有營主婦"想走咩路線..."真情"o個隻溫情呀, 定係"家好月圓"o個隻呢? 睇落又兩者都唔係...好怪咁囉...
傻Keong&溫哥華匿名人&匿名,
我無咩睇過胡定欣o係“古靈精探B”的演出...唔知胡定欣演成點...不能評論添...
匿名,
"殭屍2"當年都係一日播幾次, 學埋有線咁...到星期六日又重播...真係想miss都幾難!
Nilly,
"冬日驕陽"我前幾年朝早五點幾重播有睇過...算幾好睇o個隻...呢期重播o既劇成日都見到劉玉婷...原來佢當年都擔好多戲!
剛剛search "愛者有其屋", 就找到這裡.
我是無意中(4點幾)睇左一集,覺得好好睇, 就後就集集都錄起慢慢睇.
不過我都miss左開頭, 一睇就講蔡濟文識左個dj.
其實小時候屋企都係睇tvb, 都冇機會睇atv d 劇, 而家睇番,我覺得仲好睇過d新劇~!
匿名,
係呀, 呢期亞視4點幾重播的劇全部都好好睇 (至少係我杯茶啦)...希望快d有人upload頭幾集"愛者有其屋"上網啦!
依家播緊"我係tuna fi"都幾得意o架!
"我係tuna fi" .. 個女主角好熟口面... 叫何x婷 ? 我睇左少少就冇睇lu
發佈留言
<< Home