9-30(wed) ASOS-姐妹情深
上個禮拜有晚睇深夜音樂節目見到呢個mv…都幾頂癮o下! 尤其佢兩個o既造型...同埋d歌詞...仲要不停咁一人一句repeat自己個名...“徐熙媛、徐熙娣, 最親愛的姐妹"…仲要當晚只係臨瞓前聽o左一次, 但首歌到第二日仲不停咁o係我腦海縈繞住...證明d歌詞有幾咁入屋仲入腦添...原來首歌係大s填詞…其實填得都唔差呀, 勝在夠簡單易明, 同埋都真係好表達到佢o地係“最親愛的姐妹~~~”囉!
(ASOS-姐妹情深)
佢兩個又真係幾鬼馬吓…o係呢d supposedly認真o既歌o既mv, 佢o地都可以好搞鬼…尤其係小s! 睇完呢個mv之後, 忍唔住o係youtube click o左佢o地好多個舊mv出o黎睇...佢兩個真係幾過癮o下...細細個已經好搞鬼!
我d朋友話覺得好奇怪…因為我居然會睇台灣歌星o既mv…無錯, 的確係好少可…佢兩個係少數可以吸引到我睇o既台灣藝人…因為除o左外形, 佢o地講o野都ok有腦…同埋最緊要係夠鬼馬!
跟住再睇埋其他十幾年前o既mv…睇番佢o地兩個細個個樣都幾得意! 同埋當時兩個都梳埋同一個髮型, 比依家似樣好多…好似一對twins咁! 小s長髮look好似靚d, 但我都係鍾意佢後期個look多d, 因為有性格d!
成日有人會比較佢兩個邊個靚d…其實論“靚”應該無容置疑係大s o既…但我又鍾意小s多d…因為佢轉數快, 鬼馬d又搞笑d...雖然大s都好似ok搞笑o既!
睇番呢jar ASOS年代o既mv, 發現無論咩認真歌又好, 快歌慢歌都好, 小s都係要搞o下笑... 不按牌理出牌…不過又係幾搶鏡! 同埋佢o地d mv都算幾好睇...雖然次次都無咩道具, 但都可以自己搞好多o野出o黎, 又好enjoy咁!
呢段又係幾搞笑…原來小s真係由細細個開始已經係口齒伶俐o個批, 同埋真係超鬼馬…
講o左咁多完全唔係我style o既台灣o野, 都要講番d香港o野…我想講係我上星期六深夜又唔覺意larp到一套重播劇…初時一開場見到又講打風又播番d香港舊片段, 以為又係亞視o個d舊o既“時事節目”添…點知睇睇o下原來係一套風水戲…又幾得意喎…
再search o下資料…原來主角有伍詠薇, 江華同鄧浩光…
“再造繁榮”故事大綱: “有為青年潘文受其祖父潘伯通之傳授, 略懂風水術數之學,算出其弟弟並沒有夭折, 尚在人間. 原來正是猛烈追求他女友舜的浮誇子弟錢日希. 希之養父錢祖祥在商場競爭中落敗, 希為了奪回所有, 不擇手段, 打擊舜父的公司, 同時騙得舜下嫁. 過程中害私通, 並導致生父入獄. 希對香港龍脈虎視眈眈, 慾佔據福地, 文挺身而出, 以他風水術數之學力圖阻止希的野心, 兩兄弟針鋒相對, 衝突一浪接一浪......”
跟住再聽o下首主題曲, 覺得有d似伍姑娘把聲…但當時亞視又唔似會俾佢唱主題曲呀, 因為o個期好興搵d前輩吸歌手唱主題曲…點知一睇片尾字幕又真係伍詠薇主唱喎, 仲要係林夕填詞! 嘩! 咁佢當時又真係已經唱得幾好喎…好似唱得仲好過“la tour eiffel~la tour eiffel~”年代添!
同埋伍姑娘o個時都真係幾靚…呢套值得追…等我下星期記住睇o下先…
(伍姑娘主唱的主題曲)
posted by 芒姐 at 11:54 下午
14 Comments:
我唔覺得佢地鬼馬，只覺得兩姊妹都好嘈！
咦,呢套呀,講起有好似有d印象喎!最記得冬叔個角色同造型都好正,好似d絕代風水大師高手咁,一出招咩野事都幫主角解決得到,不過最後都好似冇好下場;同埋呢套野深刻既地方係好少有時裝劇由開始到結束係會有四代人既角色.
[spoiler]如果冇記錯,呢套野個結局好似係咁講"五馬分屍"呢個詞[/spoiler]
小S講D嘢好鬼勁,有次佢同記者講咩上下都放MASK,老公話兩度都好滑...
溫哥華匿名人
她們初出道時係唱歌的。記得有個MV，背景裝了超過40個男廁用既兜，由地面直上廠頂。
小S既路線一直都比較狂野，她做主持的"康熙來了"，有兩集分別如此：
A)周慧敏復出初期上過一集，小S回憶當年做歌手既舊事，說當年她們的老板當面奚落她兩姊妹，歌又不是窗得好，樣子又沒周慧敏般漂亮，搞得大V極為尷尬。(有大V就有細V，那是黎瑞恩。)
B)馬英九未做總統之前上過一集。小S當著全台灣的人，整個挨在老馬身上，還要作嬌羞狀。翌日在網上挨了不少罵。
嘩,個MV好正
大S個樣完全冇變過,防腐劑人
小S好醜樣...同埋唱歌把聲好老牛 haha
芒組,
同個TOPIC無關,不過你可能有興趣去睇下.個樣真係幾似:
http://tieba.baidu.com/f?z=648513614&ct=335544320&lm=0&sc=0&rn=30&tn=baiduPostBrowser&word=%CE%E2%D7%BF%F4%CB&pn=30
溫哥華匿名人
溫哥華匿名人,
你係指吳唱k同佢隔離個人好似樣...?
C,
哈哈...我個人就prefer低音d o既聲, 唔prefer嬌聲人!
i-Joel,
小S呢隻style我幾鍾意, 唔洗扮晒玉女咁, 同埋佢轉數快, 呢樣我不嬲最buy!
溫哥華匿名人,
佢o既言論又係大膽o左d...哈哈!
van,
呢個星期六日深夜我又睇o左d"再造繁榮"...真係幾好睇喎! 唔明我當年點會miss o左!
匿名,
我反而幾buy喎~
我好中意大小S架, 係兩個都鍾意。大S係好鬼貪靚，不過佢又真係好真地公認自己貪靚, 一d都唔作狀，而且佢又真係有研究又有第一手各類美容經驗嘛。小S真的好瘋癲, 雖然佢其實都ok靚, 但又可以完全地不顧形象玩得好放，好大膽，我真的十個服字。兩姊妹都大情大性，夠放，不介意扮丑，聰明敏捷，而且好有想法，我覺得都好難得。
之前睇她們兩姊妹的「大小愛吃」節目真的好開心架，可惜現在停播了
好耐無浮上水面的桃桃
桃桃,
又的確係好耐無見你浮面喎!
係啦...樣靚又聰明o既女子...世上真係比較少! 仲要咁鬼馬...我都buy啦!
發佈留言
<< Home