11-2(mon) 二十出頭

話說上個禮拜又去睇o左上次勁勁勁推介o既"勁金歌曲"o既姊妹劇“二十出頭”...可能因為上次覺得“勁金”太好睇, 所以今次懷住好大期望, 反而有d失望囉…雖然係講同一個年代, 但我覺得今次講o既o野唔夠到肉, 共鳴位真係少o左好多 (其實幾乎係無咩…除o左係佢o地扮“足球小將”戴志偉跑足5集o個part比較有心思同埋好笑之外, 其實我覺得無咩笑位/共鳴位…不過我o地前面有位女子一路無停過咁笑到人仰馬翻, 我同d friend就真係O晒嘴囉…!)

上次“勁金歌曲”講o個d每日準時捕o係收音機旁邊聽節目, 打去點唱, 跟住收音機播o既歌抄歌詞, 又或者跟住唱, 錄歌落cassette帶…當side A轉去side B時本來想錄一首歌, 但首歌會令side A剩番15秒, 咁樣轉去side B時會剩番好多時間, 令個flow唔夠流暢, 要錄過第二首剩少d時間o既…真係全部中point…好有共鳴! 仲有hi-fi“auto reverse”個function…, 參加新秀, 去海濤恤髮, 張國榮同譚詠麟歌迷的惡鬥…再到90年代o既家駒之死, 翻版cd o既出現, 香港樂壇光輝年代o既“沒落”, 商台o既“無人駕駛”時段, even廚房宣言都有…但係今次“二十出頭”, 我又真係舉唔出超過5個呢d例子!

仲有我諗最重要係今次呢個舞台劇唔係d主角現場唱歌, 而係改為播歌, 個感覺真係差好遠囉!

今次做校花o既董敏莉, 真係差d唔認得佢! 雖然我一早知道佢有份演出, 但頭一幕佢一出場我係完全認唔到佢囉...個樣好似唔同o左…不過佢真係幾靚o既! 我個friend話覺得佢今次個look好似stephy…我有二十個認同囉! 哈哈!

仲有話黃子雄因為拍“同事三分親”結識o既女友夏竹欣, 佢演舞台劇都演得唔錯喎…但點解“畢打”好似無見佢咁o既…?!


(今次套舞台劇本身麻麻...但D紀念品又真係幾得喎!!!)

呢排tvb為o左賀台慶, 逢星期一7點有個叫“由1967開始”o既節目…好得囉! 事關大家都知我最鍾意睇呢d懷舊+講歷史o既半documentary形式電視節目…好似前兩年o既“光影流情”o個隻, 我一向最buy! 今次由1967年開始講…正呀!

至於兩線台慶劇, 我當然繼續有追…依家連"宮心計"我都有集集睇…劇情o黎講佢又真係緊湊過“富貴門”好多! 同埋d劇情又真係好反映到每日o係辦公室遇到o既鬥爭…所以幾有共鳴, 幾好笑o下! 仲有d演員真係做得幾好, 尤其係阿太皇太后謝雪心真係好得...好有威勢...同埋佢講對白好有節奏, 好似唱大戲咁, 時高音時低音, 比起上次菊姐o係“家好月圓”鬧人更有節奏...勁! 同埋d劇情真係去得好快, 好似古天樂話齋, 唔睇一集真係已經跟唔到!

“富貴門”o既家燕媽媽…真係有d over…唔知點解佢演呢d長劇都真係有d怪…一見到佢就諗起“hey ya hey ya hey ya hey ya hey”或者“笑聲笑聲滿載溫馨”囉…同埋佢個角色又會唔會好人+大方得滯呀? 雖然話佢想達成佢老公o既遺願, 但係佢對一個情敵所生o既仔好到o既地步, 真係有d令人覺得….oh….

仲有o個d“歲月風雲”式廣告雜誌又o黎喇…大平館o個part已經好over, 恒生銀行o個part就更加令人反感, 成日無啦啦走出o黎好詳盡咁介紹佢個銀行d plan…我相信任何一個人睇完都會更加反感, 更加唔會想去加入佢任何一個plan囉…真係錯晒!