2009年10月21日星期三

10-21(wed) 宮心計+富貴門

今個禮拜開始上兩線台慶劇, 禮拜一搞首播好似好勁咁喎, 又n個地方現場直播第一集, 又搞42周年亮燈儀式…好多朋友都問我係咪要追兩線劇追到好忙, 又問我對劇情點睇…事實係, 我一集都未睇, 頂多係尋晚經過larp o左兩larp…真係你估我唔到呢?!

如果兩套重頭劇要我揀, 我一定係buy“富貴門”多d…事關眾所周知我麻麻地古裝劇, 仲要係宮廷鬧爭劇我最怕…完全唔係我杯茶! 即使當年全世界都熱捧o既“金枝慾孽”我都無睇…人人都話我out, 但我又真係從來都唔會理人點睇我…我唔鍾意睇無理由因為要懶in而夾硬逼自己睇o架?!

今次呢套“宮心計”應該好少少…因為我一向都支持楊怡o既, 所以都會因為捧佢場而睇o下…但係今日蘋果篇“宮心、富貴出閘脫腳”話d網友意見係:

“不少網民認為楊怡火喉欠奉未能「奸到出汁」,令他們大失所望,反而皇太后謝雪心甫出場即有壓場之效,不過也有人批評劇集路數不離勾心鬥角欠缺新意。”
…我未睇唔知啦…不過都係o個, 未播之前講得太勁, 又話楊怡會憑呢個奸角上位攞視后, 個風吹到咁勁, 大家自然會有太大期望…咁反而會害o左佢!

“《富》劇恩怨情仇陸續上演,不過角色設定難令人信服,如薛家燕與戚美珍的婆媳關係,驟眼看兩人的造型,年齡似乎相若。”
…三嫂再現電視螢幕係老o左好多…但咁樣形容又未免誇張o左少少呀嘛…!

“另外,結尾呂良偉收到保險箱一幕,那道具箱輕飄飄、裏面的表面發黃舊照(圖),相底全都白雪雪,令人失笑。”
…呢d又太過為鬧而鬧呀嘛…老細!

其實“富貴門”我係想睇卡士多過睇劇情…因為好多個主角都係好耐無睇過佢o地拍劇…羅嘉良做長劇一向吸引 (上年套“當狗愛上貓”就真係大材小用), 郭可盈都好耐o係tbb劇見到佢, 家燕媽媽我又真係無咩睇過佢拍長劇, 印象永遠停留o係d處境喜劇度…而對袁詠儀o既印象又係停留o係近廿年前o既“我愛玫瑰園”年代 (sorry, 我知佢舊年同三哥拍過一套tbb劇, 但我幾乎一集都無睇過…)…但最吸引我o既係呂良偉同戚美珍囉…對上一次睇佢o地拍電視劇, 真係o岩o岩入小學o既年代…久遠到差d唔記得o左…所以係有d期待o架!

除o左兩線台慶劇, 夜晚12點幾重播完“律政1”又重播“律政2”…呢期官恩娜hit呀…點都要重溫o下啦~~~

8 Comments:

Blogger Unknown said...

我係古裝片fans,主打會睇《宮心計》…謝雪心一出場真係好有氣勢,唯獨係個角色設定太似《根葛hill雄》既大奶奶啦﹗
其實而家兩集都楊怡都係得第一集既頭場係奸既,又好難睇得出佢係咪奸得出汁既…
《富貴門》我無乜點睇…係覺得點解家燕姐做到呂良偉阿媽囉…家燕姐大佢幾年之嘛…

5:55 下午  
Blogger moon said...

hi~ 我又講下宮心計.初初睇呢出戲o既廣告,楊怡個妝+神情,真係以為好得.但第一集倒敍番楊怡o既奸戲,我真係有d失望,真係可能俾人吹得太勁,又或者...我睇到後期,入戲d,先至會覺佢o既奸戲掂掛~ 不過,佢同謝雪心真係冇得比,謝雪心做呢d真係好得,我自巾國hill雄已好鐘意大99!!!!
好多人do話3嫂老左好多, 我do 好覺呀~ 成個亞呂個家姐咁!(soly)
呢兩出真係好得!攪個咁誇啦啦o既首映,我以為毛記要光榮執笠! XDDDDDDDD

1:46 下午  
Anonymous i-Joel said...

Monjeh,
有冒去過這位仁兄的blog?
http://hk.myblog.yahoo.com/listerchan/
他是無記的幕後人,拍過很多劇。《宮心計》他亦有拍攝部分集數。入行約20年,去年開始寫blog,除了幕後生涯的苦與樂之外,也有談及與不少藝員的逸事與交往。
芒姐去看看吧,保證妳有收穫!

3:22 下午  
Anonymous christy said...

芒姐!:D

我都係期待富貴門多D:) 因為卡士我真係幾鍾意,好鍾意睇撈家拍長劇!而且成個配搭好新鮮呢。同埋我到而家都未完全估到哂呢套野想講咩,所以我諗我會有心機追黎睇,哈哈。

有記憶中我第一次睇三嫂做戲呀!! :D 不過我覺得以佢咁多年冇拍劇黎講算演得OK呀(你知啦,有D好耐冇拍劇一出返黎既演技真係好唔掂),好期待睇佢啦呂良偉同郭可盈果段三角戀。(題外話:郭真係好瘦)

宮心計其實都會好睇既,我估。不過睇左幾集,我真係覺得好大長金呀!見到阿佘就覺得好似見到長金咁-_- 拍勾心鬥角唔係唔好睇既,不過次次一講到好「厲害」既劇集都係用呢招真係有點膩。

BTW,芒姐有冇覺得捧楊怡做視后呢個風突然吹得好誇張地勁呢?唔知點解硬係形住係TVB既招數...:P

P.S. : i-Joel介紹個blog有十個正呀! thx! :)

12:47 上午  
Blogger 芒姐 said...

christy ,

我都係主力睇"富貴門"多d...撈家做戲, 又真係唔知點解有仲魅力...好吸引...我最中意睇佢o個段...

my beloved車匙郭可盈...直頭變o左第二個樣...好驚!

捧楊怡做視后個風又真係誇o左少少...劇又未播d人又未睇佢o既表現...咁快就話佢得...可能真係用來打壓雯女...唔知...未到12月都有好多變數o既...

5:05 下午  
Blogger 芒姐 said...

i-Joel,

多謝介紹, 我睇o左少少, 資料好豐富, 等我有時間再睇o下...

5:07 下午  
Blogger 芒姐 said...

moon,

今年d台慶劇真係好劇力萬鈞呀...楊怡暫時睇o左幾集未見有咩突出表現...吹呢個風出o黎的人似乎想玩佢多過捧佢...

5:08 下午  
Blogger 芒姐 said...

Domotoiceko,

大奶奶係做得幾好, 全部auntie都ok, 雖然惠英虹同呂珊就有少少唔知想點咁...:p

家燕姐雖然現實係大呂良偉幾年...但阿呂又真係保養得過份地好, 我又反而覺得佢做佢阿媽ok, 只係家燕姐做呢d劇有少少唔ok囉...:p

5:10 下午  

發佈留言

<< Home