10-28(wed) 再o黎富貴宮心計…
過o左去o既long weekend, 終於用o左幾晚o黎清o左前幾個禮拜合共約50集o既劇 (連“蔡鍔與小鳳仙”同好耐之前的“古靈精探b”都飛快地睇埋)...當然唔少得上個星期同步首播o既兩線重頭劇"宮心計"同"富貴門"啦…終於可以同大家同步喇...yeah!
正如之前講過n次…古裝唔係我杯茶…古裝+爾虞我詐後宮爭寵+爭權奪位我都真係好鬼怕…不過我都即管俾次機會佢睇o下啦…真係幾heavy, 睇得我好辛苦! 現實生活辦公室已經o係度爾虞我詐…放工仲要再下一城…咁我唯有又係飛快o黎睇啦!
原來我同古仔o係呢方面係friend囉…
“厭倦女人勾心鬥角
古仔一睇《宮心計》速轉台
雖然古仔忙到透不過氣，更沒有留意現在的無綫小生花旦，但他直言台慶視帝方面睇好「柴九」黎耀祥，因為一向知道他好演技，反而他對現時熱爆台慶劇《宮心計》大潑冷水，笑指最怕睇女人戲，他說：「我好怕睇咁多女人做戲，一睇到就會轉台，因為女人戲多數講勾心鬥角，睇少一集都唔知勾到邊，反而男人戲吸引啲，可以睇到佢哋點做戲。」”
楊怡可能真係之前俾人吹捧得太多, 反而害o左佢…期望大得滯, 暫時表現未見太出眾…等之後佢變奸先睇o下會唔會有驚喜! 雖然我buy楊怡多過佘佘本人好多, 但係兩個o既表現暫時又真係姣蛇好d…佢o個種踏實乖巧真係做得幾好 (我相信佢真人點都唔會係咁o卦, 所以呢d咪係演技囉~), 同埋古裝打扮o既佢又居然靚過楊怡喎…真係無得好講!
但更令我驚喜o既係杜太大塊田…嘩…真係各方面都大躍進囉! 無論係演技, 樣貌, 氣質…以前佢o係亞視 (或剛過無綫時), 都係做o下d刁蠻女子…估唔到佢呢期做呢d溫婉角色居然咁稱職 (包括o係“蔡鍔”裡面…我覺得佢搶過海味添呀~)…仲要佢個古裝扮相仲居然靚過晒d主角囉(or at least有得揮)...我又係估你唔到! 好得呀!
仲有陳豪今次呢個古代“得得o地”其實都做得ok o既…幾討好! 其實我反而鍾意睇頭兩集d小朋友做戲多過佢o地長大o左之後, 因為個個都做得幾好, 仲幾天真可愛添!
至於“富貴門”…其實論劇情又真係比“宮心計”遜色o既…咩老千認做富豪個仔, 點知又情不自禁愛上o左個哎呀阿妹, 跟住頂唔順阿妹嫁俾第二個男人, 最後強姦埋佢…呢d劇情有d…em…不過時裝長劇相對o黎講又真係我杯茶多d囉…!
呂良偉50幾歲人, 又會唔會keep得好得滯呀? 個樣好似仲後生過三哥咁…佢當年做丁力…我都唔知o係邊…但係佢依家個樣, 好似同丁力年代完全無分別囉! 三嫂就反而真係同以前個感覺好唔同…我期待睇佢o架, 但暫時覺得佢演出未太有光彩, 唔知係咪久疏戰陣…希望之後好d啦!
我當年好喜歡的車匙…請問你發生咩事呢?! 個樣真係變到…sorry, 我有d驚! 你當年o係"刑偵"時塊面包包地有d肉反而靚好多...點解會搞成咁…?! 簡直係兩個人…我可唔可以要番當年的車匙呀…"大勇~我真係咩都唔幾得呀~~~"
最好睇依然係撈家…雖然佢呢期形象麻麻, 但又不得不承認, 羅嘉良d戲, 的確係咁多個之中最好睇…講唔出點解...但就係好睇囉! 佢演起戲上o黎, 又真係可以帶動到觀眾...真係無得講, 連帶袁靚靚都俾佢帶到好有光彩...我個人最鍾意睇係佢o地加埋馬德鐘o個段“三角戀”…好懷念“流金歲月”o既丁善本添呀~~~
至於家燕媽媽…唔知點解演呢d長劇都真係有d怪…佢都係適合做“皆大歡喜”o個隻多d…:p
posted by 芒姐 at 5:11 下午
18 Comments:
我仲未睇宮心計，但係有睇關於造型服裝嘅報導。
點解阿楊怡好似。。。陳秀珠？！
你有冇同感？
嘻嘻，呢排忙緊考試，都未有機會睇。不過我又係唔鐘意古裝，呢樣嘢好早就發現同芒姐你有共鳴。
不過其實富貴門我都有少少唔想睇。唔知我嘅諗法有冇代表性。就係雖然話老人家做戲係好，但係若然成個劇都係老人家，又真係吸引力差咗少少。最好都係有返啲新血點綴下。好似家好月圓咁，其實以老人家啲戲為主，但係睇到悶又可以睇下啲後生，鬧下輕鬆下。
都係果句，好鍾意睇撈家！！！
唉，不過聽講佢拍埋富貴門就主攻返北京喇:( 唔知幾時先有得再睇佢lu.. 我真係好鍾意睇撈家拍長劇，天地豪情創世紀流金歲月等等全部都好喜歡>v<
唔知點解覺得呂良偉好唔大佬CEO feel，反而佢身邊果位馬德鐘似話事樣多ｄ，可能受酒店風雲影響-_-
你個車匙真係噢賣桔，而家有左BB肥返少少好樣返dd。想當年我都好鍾意大勇同車匙，而家？byebye～～～
講起大塊田，我鍾意佢響宮心計既演出多過蔡鍔。
p.s.: 身邊朋友個個都buy宮心計多d，但個人仍然睇好富貴門，佢應該冇宮心計咁緊湊一黎就勾心鬥角，我深信富貴門遲少少會好好睇。
老實講呀, 由於我本人好唔鍾意姣蛇, 我係唔會睇宮心計ga~~每次見到姣蛇講3好時我都頂唔順轉台!!!!!!!!!!!!!!!
好辛苦呀睇佢做戲!!!!!!!!!!!!
撈家D 戲又真好幾好, esp. 我係佢長劇的fan~~~佢d 長劇我套套睇過~~~~我係好想睇富貴門ge~~~but 我又超級唔like 馬得忠lor!~!!!!!!!!!!
馬得忠的形象, 在我心目中, 十分十分地差, 同姣蛇一樣, 佢做lee d 角色.....超級說服唔到我lor!!!!!!!!!!!!!!!!
結果!!!!!!兩套台慶劇就咁就喺我ge Agenda之中消失jor.................
講起大塊田..........我睇小鳳仙時都好好好好好好好Superised lor!!!!!!!!我竟然可以比到我咁咁咁賢淑的感覺!!!!!!!!!!
yo~~~~~你係得ge!!!
"佢"竟然可以比到我咁咁咁賢淑的感覺!!!!!!!!!!
我都想留言撐下撈家
佢私人形象點都唔會衰過陶大宇,始終係離左婚先搵第二個,時間上冇人知,不過令人跌眼鏡既係果個第二個唔係宣萱啫....
言歸正傳,劇情黎講富貴門真係兒戲左D,不過真係一有撈家就成套戲醒神晒,小奸小惡又唔乞人憎,意外地發現佢同袁靚靚勁襯仲好有FEEL添!袁影后今次角色係似佢自己,不過最緊要SHARP又有火,好過之前拍三哥啦....
其實我覺得富貴門 d 滇員好 out, 個個都又老又殘, 我小學個時都好鐘意睇大勇同 jessie, 但誼加 sorry, 我覺得我真係唔識欣賞撈家 d 演技...來來去去咪同之前個愛上貓定愛上狗個套差唔多, jessie, 家燕媽媽既演技都冇進步,仲有3嫂, 阿呂良偉,come on, 佢之前 d 戲我冇睇過, 所以更加唔想睇~~
Jessie瘦到唔恨,好得人驚.
撈家超好戲,仲有銘sir,自然到爆,睇富貴門就係為左捧佢兩個場.
丁力有d生硬,而且咬字好奇怪.
宮心計d小演員做得好好
唔得意但係好識做戲,好感動!
米雪有d煩,大公仔演得比較好.
暫時阿蛇真係好睇過楊怡
雖然我都好頂唔順佢成日講o個三好...
原本我都好期待睇宮心計的(完全係因為楊怡)，但睇睇下覺得好辛苦，好sorry地我由第四集開始停止了追看...不過值得一讚的一定係大塊田，係"蔡諤"裡面，最好睇一集一定係大塊田爆蔡諤樽的那一集!! 而宮心計...我睇得最舒服的依然係大塊田!!! 原來佢扮賢淑係咁得!! 今年最佳綠葉一定係佢!
想回一回gg，我覺得撈家的第二個唔係宣萱實在正常，宣萱又點會下嫁撈家(一直認為宣萱應該係眼角高的)。
富貴門我仍然會睇，因為袁靚靚回復以前的狀態! 同撈家n馬德鐘呢一part係最好睇! 只希望之後的劇情不要太過份!!!
我都想講....阿呂良偉keep得好到...唔似一個五十幾歲的阿伯...不過佢講野的方式真係好奇怪，好似個嘴有野癡住咁!
b.,
大塊田真係近期一大驚喜!
哈哈哈哈...你話阿呂良偉"講野的方式真係好奇怪，好似個嘴有野癡住咁!"-->你唔講我都唔覺, 講完又真係好覺...bingo!
C,
my Jessie 真係嚇死人...依家佢一出場我就有fast forward的衝動...點解, 點解佢會變成咁o架...?!?!?!?!
匿名,
哈哈...可能你比較年輕..."富貴門"係用o黎俾我o地呢d"老人家"懷緬過去o架嘛...:p
gg,
哈哈哈...咁撈家又點能夠同陶大宇比...level已經唔同o左好耐...雖然, 雖然張大勇紅得發紫時, 撈家先o岩o岩憑"徐家立"呢個奸角上位!
佢o既私生活算啦, 唔理佢, 但佢演技真係超得嘛! 佢o個段雖然劇情十分牽強, 但真係最吸引!
初级电视迷,
查實呢兩套劇, 算ok o架喇...雖然我都唔鍾意姣蛇, 但佢呢套係ok討好 (有時好得滯), 同埋其他角色都做得好好!
富貴門我想睇撈家同袁靚靚...馬德鐘形象係麻麻, 不過我都可以接受佢做戲!
christy,
撈家拍長劇真係有一手, 反而o個d小品劇咩"當狗愛上貓"真係大材小用!
哈哈..."你個車匙真係噢賣桔"-->形容得好貼切...我笑o左!
Nilly,
係, 呢套劇平均年齡都有四十幾, 又真係老o左d, 同埋家燕媽媽d戲真係有d over...一見佢出場就好"皆大歡喜"feel!
Mark,
楊怡似陳秀珠?! 暫時呢個造型我又唔覺喎!
發佈留言
<< Home