7-29(thur) 法網群英
尋晚終於有機會larp咗少少“法網群英”…係幾型, 仲真係好~~~~“壹號皇庭”…但更似鄧特希十年前o係亞視拍o既“俠骨仁心”…尤其係個tone, 同埋成輯o野都好暗…拍到黑孖孖咁…成個感覺都好似“俠骨”! 有d朋友就嫌佢太“壹號皇庭”, 直頭係好九十年代喎…但我同一d愛懷舊的朋友當然ok啦…“回憶返埋o黎”呢家o野我o地最鍾意o架嘛!
又陳秀雯, 又吳啟華, 又蘇永康, 又蘇杏璇…仲唔係“壹號皇庭”? 係欠咗歐陽波比…唯有8:30睇住古裝版o既“施公2”先囉 (btw, 前幾日睇“東張西望”唐寧同陳山聰話o係呢套劇做一對o既感覺有d怪…事關佢o地對上一次合作時, 陳山葱(當時仲係”葱”唔係”聰”)仲係睇住做緊童星o既江麗娜做功課…當時佢係做佢唔知阿叔定舅父仔…點知依家就變成情侶! 我諗佢o地係講緊“男人四十一頭家”? 佢唔講番我都唔記得當時做緊歌星+唱緊“abcd”o既陳山葱原來有份拍呢套劇!)
陳秀雯真係好“1號皇庭”feel…但最“1號皇庭”感覺o個個我覺得係蘇永康…尤其係佢o地幾個律師閒談時o既語調同埋節奏…令我覺得好“1號皇庭”囉! d對白係依然抵死o既…可惜無咗余在春, michael同埋周文彬幾個一齊吹水…個化學作用都係差d! 不過算啦, 能夠重拾少量“壹號皇庭”的感覺已算唔錯! 仲要加埋亞記我最鍾意o既劇集“殭屍”o既馬小玲…雖然萬綺雯o係呢套劇d法庭戲講對白有d唔夠自然…佢都係做番馬小玲最酷爆…但我buy佢, 無辦法…所以呢套劇都要加分! 仲有由廿年前“中環英雄”, “大提琴與點三八”, “勝者為王”到十年前o既“俠骨仁心”我都幾buy o既呂頌賢 (而佢同谷祖琳o個段“無間道”都好似ok!)…仲要有埋兩年前重播o既陳年舊劇“變色龍” 裡面我好buy o既潘志文 (ok…好九唔撘八…我知…哈哈!)…成件事都係好“情意結”feel…所以感覺係得o既!
陳啟泰做律師都幾好, 佢講對白真係好抑揚頓挫…好清晣! 張文慈我就真係麻麻喇…佢以前講o野已經一舊舊, 依家d黐脷筋好似再嚴重咗! 仲有呂晶晶係幾靚, 但佢d廣東話真係聽得人好辛苦! 哈哈…同埋林雪做電視劇個感覺都有d怪!
上個星期第一集改革版“勁歌金曲”終於睇咗…仲要係睇高清台o既一小時足本…呢集唔錯喎, 有羅敏莊 (可惜無唱“挑戰者”!!!), 仲有一眾“名曲滿天星”秋官, 張德蘭姐姐, 同埋明哥…又有得睇番秋官唱/跳“笑看風雲”的經典舞步…仲有money姐講番蔡楓華“刹那光輝事件”來龍去脈…又有好多舊片段睇, 好多舊歌聽…勁歌應該繼續係做就o岩啦…反正都無咩現役歌手可以上去, 繼續食老本咪最好囉…從來呢條橋都係最work o架啦…但我睇第二集o既預告就好似麻麻喇…keep唔到個勢!
(勁歌金曲 – 秋官“笑看風雲”)
噢! 原來呢個禮拜日就選港姐…真係完全無follow, 唔講開差d miss埋添呀! 點解…點解我細個時係全港盛事o既一年一度香港小姐大show會搞成咁?!?!?! 完全無人理, 又搞唔起, 唔知想點, 但摺咗佢又唔得…簡直係食之無味, 棄之可惜的佼佼者!
嘩哈哈…呢期睇d討論區成日見到有人討論“認字特警”李天翔哥哥 (我個年代佢應該係叫李志偉哥哥先o岩!)…哈哈哈…佢做奸角又真係做得好好…應該再上位呀! 我都撐你呀!
![](https://blogger.googleusercontent.com/img/b/R29vZ2xl/AVvXsEjLJXMv8k3pz291T1UxhO955FOziBrueV-g_qrHA2oclzkWjpoCCmZfFKsffwDe70P2EU9UEJrZZfXyltSOps_elvun0Kwraz2WRP0iXedC12YNaoVNmG6OowtH1X3zfd4pBEKlcg/s400/Word_police.jpg)
8 Comments:
冇左"賤春"同Michael哥,套劇明顯地冇壹號皇庭咁輕鬆。雖然有林雪搞下笑,但係由於套劇個tone好陰沈,忽然彈0的gag位好似有0的怪。
仲有燈光方面。其實其他地方暗都可以接受,但連個lab都咁暗實在唔係好合理。
而且大概因為版權問題所以陳秀雯同蘇永康唔可以做返壹號皇庭0既Michelle同Raymond,令我難以適應。但奇怪係蘇杏旋可以做返Laura姐...
妳睇多D後,可唔可以comment下的律師戲.
港姐你冇follow...咁今年會唔會有預測啊???
我啱啱同芒姐你相反...今年留意咗....因為我都真喺覺得質素高咗....我記得我對上一次喺電視機前睇足全程已經喺06年嘅事咯....今年我將做一件冇咗4年嘅事...O(∩_∩)O哈哈~
PS..今日我搵倒芒姐你嘅Weibo...原來你好耐冇update咯...
我覺得法網好好睇呀!
好認真的製作!
有一點有些好奇想問芒姐,芒姐對於法庭戲咁多年都係用中文有咩感覺呢? 有冇覺得好唔真實而反感呢?
我細個時睇壹號皇庭真係以為現實中律師係用中文的,到大大下先時唔係...
b.,
法網的確係近期少有的高質素劇集...
其實我覺得法庭戲用中文好合理...即係好似d人話某d劇裡面o既日本人全部講中文好奇怪...咁但係依家擺明係做戲, 如果講晒日文根本無人明, 係無意思o架嘛...法庭戲亦一樣!
同埋其實依家好多案件都係用中文審訊...
匿名,
哈哈...微博真係好耐都無掂lu...完全唔係o個回事...如果係明星就話想多d宣傳, 或者透露吓行蹤等d fans可以follow, 咁先成日去update, 同埋佢o地d明星圈子又個個都玩, 好互動咁...但我update我的行蹤同食咗咩俾大家聽把鬼咩...所以都好耐無玩...
今年港姐質素其實上升咗...不過近年呢個show真係做唔起喇...
javaer,
我依然係睇咗三集倒...d律師戲我覺得都做得唔差呀...不過你話寫實就一定唔寫實...因為從來都無寫實過, 現實的法庭"戲"係悶到不能相信...大家可以得閒搵日走入是但一個open court聽半個鐘就會明我講咩...
匿名,
蘇杏璇個laura姐雖然同名但應該係另一個角色來的...整體o黎講我覺得成套戲算係好ok, 不過咁暗我真係唔多接受到, 睇得有d辛苦...:p
發佈留言
<< Home