6-5(sat) 鄭伊健友情歲月演唱會澳門站
哈哈哈哈…大家又估我唔到…我居然過咗大海睇“2010鄭伊健友情歲月演唱會澳門站”....真係連我自己都估自己唔到! 無o既, 其實係忽然"戚"起條筋想去, 可能因為上次睇完o既"震撼"實在太大 (詳情請參閱: “鄭伊健友情歲月09演唱會”…又見未去過威尼斯人睇演唱會, 咁咪去吓囉…反正都好近!
咁當然, 我預咗呢d part2一定無part1咁好睇, 仲要係半年前先睇過個rundown差不多一樣的concert, 震撼力一定差一截…仲要場地唔同原來都真係會差好遠!
但原來最大問題係o係venetian舉行o既concert全部都要趕o係10:30前完成, 等d人可以撘船返香港...所以成件事係超趕囉…香港的兩個半鐘rundown, 佢cut咗某d部份, 都要好急咁o係一個鐘頭九個字內要完成, 歌與歌之間幾乎無停頓, 佢講講o下o野已經起歌, 你feel到佢真係好趕頭趕命, 連最經典的"一生愛你一個"都變成快歌咁滯...睇得人“消化不良”!
原來o係演唱會d歌星講吓廢話係必需o架…以前都唔發覺呢d廢話o既“存在價值”, 原來就係等你回一回氣, 消化一吓! 今次呢個演唱會就真係差不多半句廢話都無...但感覺好怪! 如果真係咁趕, 好心佢就7:30或8點準時開始…原來一個好趕的演唱會, 係睇得人有d辛苦o架!
同埋一向都話睇演唱會始終都係紅館最正...今次再次印證到, 不過去見識一次又無妨...同埋都係乘機去吓澳門啫…hoho!
跟住陳小春o個part無啦啦變咗林曉峰…都略怪o架喇…但起碼佢都有做過古惑仔…點知再加個錢嘉樂…變咗獎門人…有d九唔撘八! 仲有舒淇變咗mandy lieu又係趣怪!
不過咁, 唔知點解睇完呢個演唱會搞到人想睇番經典的“古惑仔”囉…話說我當年無認真入戲院睇過…又一個你估我唔到…hohoho!
另…o係網上面睇到呢張相…angelababy & William…some~time~ago~~~em…..
posted by 芒姐 at 11:50 下午
16 Comments:
邊個係angelababy? 左一定右二? 真係認唔到!
芒姐，睇完你呢篇真係想同你握十幾廿次手﹗~
上年12月個show我因為公事去唔到(嗚)，所以今次一見佢賣飛就買了，啲歌首首都係回憶，聽得好開心…係見佢10點鬆啲就encore真係超orz…我坐正喺panel後面，佢枱上面有個鐘…於是我就一路睇一路望住個時間，心諗唔係嘛…咁早收檔…唉呀…
下次都係知香港會唱既話就盡量香港唱，山長水遠過澳門其實都幾辛苦…XDDDDDDD
《古惑仔》當年細個娘唔俾入戲院睇，不過後尾睇VCD/租帶(<--好古老的行為…)睇番，我想話當年我好迷南哥…覺得佢好型﹗哈哈…同你一樣，睇完個show即刻想翻煲返123集古惑仔…
仲有我心思思想睇番《笑看風雲》，松松和伊麵哥哥真係好襯呢~
我都覺得伊面同松松係九十年代最襯既熒幕情侶~
最近談說案見到有個大配角係咪區凱玲?
angelababy以前個樣同而家,HM....
溫哥華匿名人
angelababy以前個口真係好......大!
佢就好啦, 宜家咁靚女, 我都想整到佢咁靚, 不過冇錢
錢嘉樂都有拍過古惑仔架~所以佢黎都唔係唔關事既~
以前個口大? 咁即係右面第一個係angelababy?!
請問邊個係佢?
其實BABY個口而家都大架（嘩我會唔會得罪哂D FANS？）不過箍完牙真係好樣好多。
PS: 好耐冇見喇芒姐!! :D
《天地豪情》播左差唔多一半啦，好想睇到芒姐既劇評
左一係baby...我覺得又未至於認唔到, 不過差好遠囉 (當然, 我唔知d網友有無o係呢幅相做過少量手腳, 不過我有個frd話當年有睇呢個迪士尼節目, 證實佢當時的確係咁o既樣)...哈哈, 佢個醫生真係得...佢係娛圈咁多個算整得最正的一個!
Domotoiceko,
哈哈...握十幾廿次手會好攰...hoho! 澳門個場同個show都唔得...不過乘機去吓澳門又無妨o既...一次咁多啦!
"談情說案個大配角係咪區凱玲?"
-->邊一集?! 我睇到頭幾集咋...sorry!
christy,
係...好耐無見...呢期比較忙!
《天地豪情》我都係呢個禮拜先睇番, 有d位都唔記得咗follow唔到...等我再溫一溫習先...
發佈留言
<< Home