4-20(tues) 鐵馬尋橋+金像獎2010
金像獎終於又去番亞視播, 無綫就用做o左n年, 睇到我都有d悶o既“獎門人”同埋“鐵馬尋橋”大結局去對…“鐵馬尋橋”呢d劇種+民初背景其實真係完全唔係我杯茶…但睇落又出奇地ok (雖然我係飛快地睇), 身邊仲居然有好多朋友都有睇…結局仲有43點收視, 都真係勁! 最討好算係馬國明同李詩韻o個pair…其實做李詩韻個妹o個個小妹妹都幾得意o既, 唔知咩人o黎o既呢?!
至於最威就當然係阿小紅姐啦, 贏完收視又贏埋獎! 今年o既金像獎賽果同舊年一樣都算合理又稱心…賽果呢家o野, 最緊要o岩你心水就ok o架啦…尤其當我從來都唔係點著緊金像獎或者任何電影頒獎典禮, 當一個普通show睇o下咪算囉!
惠英紅做影后, 任達華做影帝都好合理呀, “歲月神偷”又真係好睇喎…阿大哥李治廷都真係算做得幾好, 攞新人獎都好合理…但又真係見佢平時o係樂壇頒獎禮都無唔覺咁出色…反而佢聲稱無咁擅長o既演戲令佢一炮而紅! 世事呢d o野真係成日都估佢唔到! 而做細佬o既鍾紹圖就真係好精靈好得意…佢攞唔到個獎個樣好真情流露, 好失望咁囉…:(
至於男配角霆鋒我無咩preference…女配角係我曾經好欣賞o既葉璇, 不過佢離開o左無綫之後真係聲勢大不如前…所以tbb咁寸又真係有佢道理o既…畢竟你要入屋又真係要靠佢! 哎…!
但係點解“歲月神偷”會無“最佳電影”o既?!
不過話時話, 記憶所及, 每次亞視負責搞金像獎都搞得好過無綫…其實以後亞視搞咪好囉!
近期咁o岩搵番經典的"今生無悔"特刊...梗係要同大家分享吓啦…
嘩…原來當年要成HK$38大元一本o架~~~!!!
金句王老黎...當年的確係冧死女...:p
四個主角都咁正 (雖然我當年睇“今生無悔”係最鍾意文薏…後來n年後睇重播的“我本善良”又迷上o左邵美琪)...依家睇番依然係正...:p
好detailed的人物關係圖...當年我真係背熟晒o架囉!
posted by 芒姐 at 11:44 下午
25 Comments:
老實說，鐵馬尋橋是挺好看的，尤其是最後兩個星期～～
很開心唐詩詠終于有一個角色受大眾主意，她的外表真給了她一個限制～～她28歲了，在tbb很多年啦，如果再沒有好角色（再當主角妹妹）的話，很容易淹沒在tbb花旦中...
金像獎...老實說，影帝應該是王學圻的...算了吧，都以經塵埃落地了...
還有，亞視沒有tbb那麼不可一世，可以原汁原味的把整個節目放出來，得獎者又可以暢所欲言...唯一不好的是...在
亞視播一定少了觀眾
話說我以前從來不知道有金像獎，直到金像獎在tbb播！！！！！！！！！！！！:P
做李詩韻個妹o個個叫蔣嘉雯,係同一蚊雞master joe 一齊推果批新人中唯一女仔(TVBBuddy?)果批新人除佢同一蚊雞外,其它都唔記得係邊的,好似係15/6歲就入行果的.成日都見佢做妹妹仔,女同事等既小角色
睇到本今生無悔相薄，都有衝動想重溫下。海味當年果然好省鏡。再睇番老黎個髮，好似好鄉下咁。。。時過境遷
OH 今生無悔! 當年程朗係台北落電單車除頭盔"FING"頭髮個吓我勁REWIND睇完再睇!每一個角色都係經典!
溫哥華匿名人
係蔣家旻同TVbeople呀！
TVbeople係一個招募計劃，而TVBBuddy係一隻mascot來的，兄弟！
《鐵馬尋橋》係一套好劇，觀眾唔睇，係觀眾的損失。
茵:
嘩!!!!!!!今生無悔!!!!!!!!賣飛佛!!!!!!!!!!
我次次同人地講起黎明既劇(有陣時我一時諗唔起今生無悔呢個名),十個有十個都剩係記得原振俠。even有時我講得出今生無悔,都唔係個個記得。但其實我鍾意呢套多過原振俠好多啊!!!
我早幾年番睇返,劉兆銘d戲真係一流!!好記得有一幕係話送機,唔記得係送黎明定係送黎明個仔走,一場咁既戲都搞到我喊啊!!!!!
講起原振俠,我又諗起細個有時會將關禮傑果套龍影俠撈亂,因為個名有dd似。哈哈~
“歲月神偷”某程度上只是導演個人的感情投射，看得有共鳴的，便覺得電影很好看，但好看也不一定就是好電影，事實上，也有好些影評對“歲月神偷”並不怎麼讚賞。我覺得“歲月神偷”很好看，也認為它是一齣好電影，但說到“最佳電影”，恐怕它還未到那個級數吧。
匿名,
咁“歲月神偷”改篇自真人真事, 劇本又係無咩得大發揮...不過我個人認為多人欣賞同有共鳴都算得上係一個好好o既電影..."最佳電影"其實又無咩特定o既準則...不過我無看過"十月圍城", 唔可以下定論...
茵:
我當年 (直至依家) 又反而一d都唔buy原振俠...連睇都係飛住咁睇...!
今生無悔就真係經典, 好好好好睇...even人在邊緣都好睇過原振俠好多...係呀, 劉兆銘d戲真係好好...仲有黎明個仔英麒 (戲裡面係咪叫子洋?)都做得好好!
匿名,
哈...連TVbeople呢個名同有咩人你都記得...勁!
溫哥華匿名人,
哈哈哈...老黎當年的確係幾型仔...仲有呢排唱k d舊歌成日見到做佢老婆o既張靜!
匿名,
呢套戲其實成日都有重播o既, 有次我o係網上都搵番想睇的片段o黎重溫! 係呀, 海味後生的確幾吸引...男女都吸引到!
javaer,
李詩韻個妹做呢d阿妹角色的確幾稱職...不過就無咩主角甚至第二女主角格囉...
初級電視迷,
亞視做金像獎其實一向做得比無綫好...不過佢o地輸慣性收視囉!
點解o既?! 內地唔係都收到亞視o既咩?!
制服
芒姐, 亞視播金像獎無咩廣告位係好好, 但節目之前有段類似賽前分析的東西真係唔多掂呀。因乜解究要搵個溫水師出黎俾下意見呢？加埋班主持人太吹水feel，令人覺得成件事好似好兒戲，同個頒獎典禮本身唔多挾loh... 睇完之後真心覺得亞視倒自己米，難得有得播金像獎都唔做好啲.
《今生無悔》!!!我最鐘意的其實是邵美琪(展翹?)移民完返來追返程朗,到意外失憶,到暗地恢復記憶逼迫程朗拍婚紗相然後為佢擋槍的那一段(其他劇情都面目模糊...)
曾幾何時(中一至中四)我都曾經是黎天王fans, 仲曾經拿過他的簽名!(因為他在我家門口拍小男人週記)我到現在都覺得那個時候的黎明好迷人!
《原振俠》其實到而家我都覺得是一套爛劇集,人的而且確是靚爆,但當年我作為原著原振俠的fans 兼黎天王的fans,實在覺得人生好矛盾.小說太好睇,黎明又太靚仔,但係點解套戲會咁樣呢,唉...
我是桃桃
猶,
係...o個part十分唔該晒...賽後都有檢討添...直頭好似賽馬咁...不過都唔緊要, 一見到o個part即刻飛啦!
Crystal,
"原振俠"除o左首歌係ok之外, 無一part吸引到我...我同意是十分爛的!
"今生無悔"成套都好好睇...但我o個時係支持文薏, 所以唔鍾意展翹...查實高天俊都幾型囉!
班衫
芒姐,
how about 馬國明 in the 鐵馬尋橋, how is his 演技 ? could you give us some thoughts ? even that you do not think his acting is good , does not matter , just like to hear what do you think ?
I believer he is betten than
Kevin Chang for sure
芒姐,
how about 馬國明 in the 鐵馬尋橋, how is his 演技 ? could you give us some thoughts ? even that you do not think his acting is good , does not matter , just like to hear from you what do you think ?
I believe that he is betten than
Kevin Chang for sure
oh, 我對馬明改觀O左好耐啦...佢雖然真係唔算好有主角格 (近年好O左), 但佢人緣好態度好...呢樣我欣賞! 演技都OK呀...大家都話"鐵馬"其實佢先係男主角而唔係鄭嘉穎! 呢套戲之後我身邊好多朋友都好鍾意馬明...而其實我認識馬明一個"親戚", 所以我已經親口同阿"親戚"讚賞O左...:P
鉄馬尋桥都ok的, 我比向佐個样嚇呆了; 太奸險.. 林嘉華做奸戲不錯, 但做哭戲男角始終發揮得可再好;
電影頒奬有張家輝, 劉青雲都好笑; 話吳鎮宇在荔枝角監房... 但我始終都喜歡看阿旦and阿kay懷念一班台前幕後電影工作者 also 李小龍那part... 蕭敬騰好濃妝.... 因我喜歡看lmf唱<1127>"有佢教曉我哋唔係東亞病夫黃皮肤"...
dolphin,
林嘉華做得好好, 好奸險, 好猙獰! 向佐初段d戲真係...好生硬...後段有進步!
金像獎lmf唱"1127"o個段係幾好氣氛...唔錯!
發佈留言
<< Home