2-26(fri) 娛樂/樂壇插班生
因為上個禮拜睇完“情人眼裏高一D”…令人諗番起當年的“娛樂/樂壇插班生”…即刻上youtube搜尋o下d精彩扮o野片段…我覺得最得o既真係阿梅小惠扮sammi囉…笑死…當年未睇呢個劇之前真係諗都無諗過佢可以扮得咁似, 明明兩個人風馬牛不相及o架嘛…真係好邪~~~
仲有呢段…
今個禮拜又有新處境劇做…雖然好似已經拍好成大半年! 套“女王辦公室”出奇地幾好睇喎…個個都做得幾好! 杜汶澤做o個個浮誇sales好配合佢本人, 幾好笑! 阿姐個大秘角色都恰如其分o既...暫時最搶係吳唱k o個個巴士狂迷角色…真係好typical的電車男…做得幾好, 繼“巴不得爸爸”之後又有進步! 其他秘書仔阿長腳蟹同馬賽都做得唔錯…仲有金剛都做得好好笑!
至於9幾半o個套“老公萬歲”…都ok胡鬧! 苗僑偉同張可頤o個段主線我反而麻麻, 但係謝天華同李綺紅&曹敏莉o個段ok喎…幾好睇! 曹敏莉扮晒日本妹tone, 又要以為佢拍av o個段都幾好笑…同埋佢真係幾靚…佢個妹曹敏寶個樣又真係一d都唔似佢喎!
李綺紅o個段又係唔錯, 同埋佢真係幾有觀眾緣, 由選港姐出道到依家出番o黎都ok, 同埋個外型都算keep到…張可頤就慘d, 大病完真係殘o左! 佢當年做寶珠真係靚絕成個tvb o架嘛!
終於我真係去睇多次“72家租客”…係我繼"1996年的coca cola"之後第二次入戲院睇兩次同一套戲...真係好瘋狂! 不過頭5分鐘真係好"crucial"...又真係唔可以miss o架嘛! o係一個禮拜內睇第二次都無[界刂]櫈的感覺, 證明套戲真係唔太爛...今次仲有人拍手掌同埋成場無停過笑添...都好誇o下! 不過可以入戲院數tbb星星, 又確係盞...:p
仲有, 點解鄭艷麗同劉少君忽然會出返o黎o既…定係佢o地一直都o係呢個圈只係我無留意到呢…?!
posted by 芒姐 at 11:51 下午
16 Comments:
你有無見到官恩娜o係<72>電影裡面呢? 我同朋友都無見到...但好似話有佢...
我比較鍾意娛樂插班生.有D橋同對白到而家都仲回味,仲好啱用.好似話電視台捧小生(林家棟),佢一劇一炮而紅,但開始寸,遲到,又溝女.于是被電視台雪藏.個PART勁正!D高層嘅對白好好笑! 我完全可以想像真實發生! 真嫁...幾年前吳唱K回應負面新聞時,佢講D嘢+面部表情好似COPY劇情咁
溫哥華匿名人
哈哈，芒～～
你終于都寫娛樂/樂壇插班生啦～～
你之前總說這兩套~~
真令人懷念啊～～
YEAH，芒姐，曹敏莉係我呢近10年最鐘意嘅港姐吖！
你真係去睇多次72，呵呵。我諗我會返去買碟先睇喇，事關網上啲版本我驚唔夠清晰到我認度每一個人，HOHO
勁想tvb再拍lee d!
e家d娛聞咁爆應該大把題材
不過我好憎TBB加字幕响D本來無字幕嘅舊劇.D宇又大又唔對D對白.
溫哥華匿名人
I mean D字又大又唔對D對白
我都睇左72喇！！
真係唔錯呀！近年少有笑得出既喜劇
出碟一定要買:P 要數返有幾多粒星先 -v- 不過雖然係好多星，但真係冇反感既感覺.. 估唔到tvb今次又掂左！
p.s.: 欣宜真係好有肥姐既影子！一舉一動都演到佢媽咪既神韻，好驚喜！：）
我係笑哈哈呀,睇左啦,真係一邊睇,一邊係度認d演員,真係差不多全部都識呀,邵音音一出場,未近鏡我都已經估到係佢,仲聽到有人問佢係邊個黎呢,真係好睇,d笑位全都關於香港近期的事,好有共鳴,雖然d廣告真係多左d,好feel到好刻意,但又俾佢想到改哂入去首賀年歌又幾match喎
stephy今次真係麻麻地,王祖藍d戲簡直好唔得,可能睇完之前新年齣爛戲,開始唔係太鍾意,反而又係有黃宗澤,有比較,覺得黃宗澤仲好d,仲包裝到佢型左,雖然我記得芒姐麻麻地like bosco
"72"真係近年比較得o既賀歲片...有笑有淚, 仲連近期香港時事掟漒水都講埋, 都算幾ok o架啦...抵佢大收~
欣宜係進步o左...
至於有無官恩娜又真係考起我...印象中佢應該有份...但你問我o係邊度見到我又真係一d印象都無...我search過:
http://wapedia.mobi/zh/72%E5%AE%B6%E7%A7%9F%E5%AE%A2
呢度話官恩娜有份做老千...但我又真係諗極都諗唔到係咩老千喎...:p
tbb d字幕成日都錯漏百出o架啦...係連d意思都錯晒o個隻...
我醒起當年"插班生"系列第一套應該係"豪門插班生"...不過呢套有無射影d藝人又真係唔多記得...我個人就最鍾意"樂壇插班生"
http://www.youtube.com/watch?v=rSKhq2bmqXQ
一定要睇下
Ben de Sombra,
o下o下..."孔雀"高歌一曲...又幾ok喎...估佢唔到!
d片段見到幾個經典"華南理工"藝員, 勾起好多回憶!!
TT震講乜啫,
噢...華南理工真係90年代的回憶...!
發佈留言
<< Home