2-20(sat) 情人眼裏高一D
接“畢打自己人”播o個套賀歲劇“情人眼裏高一D”幾好睇喎…輕輕鬆鬆笑o下咁其實幾適合新年…可惜只係得六集! D人話佢抄“反轉豬腩是王子”…其實都無咩所謂呀, 我成日都話, “天下文章一大抄”…最緊要抄得出o黎個end product係好睇就得! 同埋個idea係好o既, 宣揚樣貌並唔係最重要…雖然成效有幾大就……
呢套幾好笑…亦都有少少“娛樂/樂壇插班生”成份…呢隻劇種我一向都鍾意睇! 最得係艾威扮mark lui囉…仲有“超Cup巨星”o個jar評判都係好笑!
呢期真係捧王祖藍捧得太勁…正如之前所講, 電影/電視/主持/勁歌咩都有…又係over o左…有少少弄巧反拙, 本來ok buy佢都覺得太膩! 呢套直頭好明顯係為佢度身訂造…咁佢唱歌又真係好得…尤其係第一集最好睇, 成個鐘裡面俾佢唱o左3, 4首歌…但又真係好好聽…成個音樂特輯咁!
佢唱得最最最好聽係翻唱許志安+胡杏兒主唱o個隻“肥田囍事”主題曲“醜得漂亮”…本身當年聽呢首歌已經覺得幾好聽o架喇, 但佢呢個version仲好聽多百倍! 我好少聽一隻歌聽到覺得好感動…但第一次o係宣傳片到聽到祖藍翻唱首歌…雖然得一段…但正如有網友留言…”聽到首歌個陣堅係有touch到我”…我居然有同感…佢演繹呢首歌真係特別得…聽到人毛管有d棟! 王祖藍唱歌的確感動到人…應該唱多d歌rather than演戲添!
佢o係第一集仲唱o左“幾分鐘的約會”同“為妳鍾情”…都係好得, 但唱“醜得漂亮”係最得…點解得一段仔…有無成首可以聽?
其實許志安同胡杏兒個version都唔差o既…但一有祖藍個version對比, 又係兩回事…
仲有“肥田囍事”裡面有首成日唱o既“豬小姐” (改許志安的男版“豬先生”)…又係幾好聽…
不過其實王祖藍又唔駛再特登整醜d喇o卦…而mk wong又係咪真係形容到咁咁咁靚仔?! 你設定到個角色咁令人一見傾心簡直係玩佢! 不過最玩死佢都唔係呢樣, 而係“監製黃偉聲表示開拍該劇主要原因，是想在新年期間帶歡樂給觀眾，而王祖藍及黃宗澤都是適合人選：「佢哋係歌手，喺劇入面都會一展歌喉，呢套係一套輕鬆又開心嘅歌舞劇。」”
Em…阿監製佢真係講得出做得到…俾好多機會mk wong同徐子珊一齊展示歌喉...咁仲唔係玩死佢o地?! 唱歌係佢o地o既最弱項, 仲要有王祖藍豬肉在前做對比, 加上每次都俾佢o地唱成隻…第二集講佢o地o係“超Cup巨星”唱首從未聽過o既合唱歌…簡直係要佢o地自暴其短, 仲要首歌本身真係好好好難聽仲要好悶o個批…咁樣搞佢o地反而令人更反感…仲要集集都要佢o地唱兩嘴…都ok難受o下! 所以我相信呢套劇o既第一男主角一定係王祖藍, 並唔係咩雙生雙旦…直頭係要曲線映襯佢唱得幾咁好!
同埋呢套劇d演員同“美麗高解像”加上“72家租客”都好重疊o下!
苟芸慧又真係幾靚喎, 靚過當年又係講到“驚為天人”咁, 同樣地係華裔小姐出身o既鍾嘉欣…不過鍾嘉欣d廣東話好d…苟姑娘有時直頭唔知佢講咩…好彩呢套劇有配音!
同埋呢套劇係咪港鐵sponsor??!?!! 駛唔駛咁多場口都o係港鐵拍...真係 “地下鐵碰著她~~~”喇! 第一集唱”幾分鐘的約會”o個part我覺得都仲可以接受, 但之後開口埋口都要去撘港鐵, 六集裡面著o左幾集都要去感受o下明星撘港鐵的感覺…又係over o左…:p
“醜得漂亮”full version搵唔到, 不過有第一集“為妳鍾情”…都係好正…
posted by 芒姐 at 11:49 下午
16 Comments:
王祖藍今次終於有特破 la
mo gum 浮跨
by the way, 套老公萬歲d演員同絕代商驕jo多重疊 又有謝天華、李綺虹、曹敏莉、梁烈唯、雪 妮,羅 莽, 夏 萍 同 胡 楓
我都係最鐘意"醜得漂亮",有日唔知係邊度聽到呢首歌,o個時估唔到係王祖藍唱囉...後尾上youtube睇先知係佢唱...因為咁先至睇咋.
成套戲最正都係第一集超CUP巨聲,我o個時仲諗tvb應該搵蔣志光客串用評判搞下gag(點知蔣生最後一集真係做佐評判...)
MARK LI真係好正,其它評判講野都好絕,唔知點解覺得套係現實既祖藍都好啱...睇呢套野都知,第一集之後就變bosco狂唱新歌,老老實實,我真係想bosco專心拍戲,tvb唔好玩佢啦!我阿媽睇睇下話:做變靚仔佐之後o的歌難聽佐咁多o架...之後仲轉埋台,搞到我要上mytvb睇返...
所以呢套野,個故事就話唔好以貎取人,但係成件事本身就係一個反面教材.無咁靚仔既祖藍,把聲好都係唔會夠bosco受歡迎...
超CUP巨聲片段都有,竟然無地下鐵o個part!
http://www.youtube.com/watch?v=SN_-lvwyY4M
不過話時話,我覺得bosco真係做得幾好,佢做到o個種天真既感覺..同埋祖藍今次又真係無以前咁浮誇,好鐘意佢最尾o個集係超cup巨聲講野!好touching啊~
同絕代商驕jo多重疊?
what does "jo" mean?
"情人眼裏高一D" 我覺得短短的六集唔錯! 至少冇拖劇情，去得頗明快!
而入面我最驚喜的是楊仙嬅! 覺得幾靚女，以新人黎講演技唔算差! 但我唔識寫同讀佢個真名...
王祖藍我覺得佢唱歌絕對OK，但我都覺得佢唔駛專登整到個樣咁...! 不過諗諗下佢唔整到咁醜...又點樣突出到黃宗澤靚仔呢????? 我一邊睇就一邊r頭，乜得黃宗澤係靚仔黎架? 除左D衫唔錯之外，我真係搵唔到佢靚左去邊......
仲有徐子珊同黃宗澤合唱時，我真心地諗...做乜唔搵配音呀? 其實佢地演技越來越好，但拜託唔好再唱歌!
我又覺得黃宗澤幾靚仔同幾有型喎, 個人意見啦.
王祖藍都唔係真係好醜嗟, 佢又冇豆皮又冇毀容, 亦唔係賊眉賊眼殺人犯樣丫... 不過都係個人意見啦.
芒,
其實我覺得，讓一個藝人常曝光是一件好事,對一個藝人來說是一個很好的機會！
你覺得這樣會害了他們，可能是因為他們（如鄧健泓。。。）本身的形象不是太好，但是王祖藍的形象挺好，他本身亦有才華，所以對他來說，常曝光是一件好事，并不會害了他。
b.: 仲有徐子珊同黃宗澤合唱時，我真心地諗...做乜唔搵配音呀? 其實佢地演技越來越好，但拜託唔好再唱歌!
我都係咁諗！！！
個劇其實可以當BOSCO淨係變樣，但係把聲無變（繼續做祖藍把聲），咁反而更加突出到個主題：明明係同一把聲，但係變樣後就99.99，變樣前得15.xx。不過依家個主題仲強烈，就係變樣之後把聲差佐都可以做萬人迷，最絕係一個評判話：如果你無奬，我可以話香港樂壇係垃圾。我真係諗：如果你咁都有奬，香港樂壇就真係垃圾。其實tvb係咁真係想捧bosco同子珊㗎，我覺得似玩佢地多d...bosco仲要叫勤力迅，想唔記得佢之前唱K歌之王都唔係啦....
我唔係任何一個演員FANS，但係我堅覺得祖藍代子珊唱女聲都會好過呢家...
其實lee套真係幾好睇
夠明快同好gag
王祖藍響72家同lee部都幾討好
無左d浮誇樣同唱歌堅係掂
bosco子珊唱歌就算吧啦
(不過子珊唱快歌其實幾型)
子珊d戲真係ok我覺得...
佢同法拉都算係有potential
楊仙華真係幾靚，係氣質個種
同埋markli真係好正
老實講 我覺得應該搵阿陳智燊做萬人迷
黃宗澤做咸豬手
然後王祖藍"幕後代唱"(變身後)
同埋黃宗澤邊有咁靚仔呀
我真係百思不得其解lor
求其samuel chan, kenneth ma, ron ng 都好樣過佢la 下wa.....
同絕代商驕jo多重疊?
jo= 仲
好唔好樣好主觀, 各花入各眼啦, 都係做戲而已, 不必太認真。
王祖藍唱歌係掂既，佢做戲平實D嘅時候感覺都唔錯。
靚唔靚係好主觀，不過MK Wong同徐子珊唱歌難聽就真係好客觀嘅事實，tvb捧人都要關顧吓觀眾嘅感受。
mk wong我真係由佢十年前做音樂節目主持時已唔buy...不過講佢公道說話, 佢呢幾年演技係進步o左, ok o既...但係唱歌...真係免喇!
徐子珊的舞台表演好好睇...不過又係...請不要唱歌!
歌藝呢d o野係可以鍛練, 但都要講少少聲底同埋天份...所以, tbb應該安排佢o地做更適合佢o地o既工作, rather than要佢o地獻醜!
"個劇其實可以當BOSCO淨係變樣，但係把聲無變（繼續做祖藍把聲），咁反而更加突出到個主題：明明係同一把聲，但係變樣後就99.99，變樣前得15.xx。"
-->呢個idea十分好!
"bosco仲要叫勤力迅，想唔記得佢之前唱K歌之王都唔係啦...."...依家youtube已經即刻有段"陳奕迅 VS 廑力信"惡搞番上次k歌之王事件...都咪話tbb唔係玩佢!
um...我就覺得王祖藍係有talent, 俾佢爆光都係好, 但每一個節目都係佢就真係over o左...當然個效果就無當時王貽興或者鄧健泓咁慘o既...但over exposure對任何人都係好事...
um...我就覺得王祖藍係有talent, 俾佢爆光都係好, 但每一個節目都係佢就真係over o左...當然個效果就無當時王貽興或者鄧健泓咁慘o既...但over exposure對任何parties都唔係好事...
發佈留言
<< Home