2010年2月12日星期五

2-12(fri) 黎明金句encore!!!

雖然post過好多次leon的金句...但又一次見到, 點都要再post吓...:p



老黎呢d先係真正的金句王, 藍奕邦之輩真係要行埋一邊! 查實我真係唔覺得leon係廢o翕喎...每一句都係深思熟慮…我衷心覺得leon是充滿智慧的...只係世俗的人唔識欣賞...:p

從前我最多只會欣賞佢俊朗o既外表 (主要係“今生無悔”的程朗), 現在, 我係欣賞佢o既智慧囉…我最鍾意"原則會取締默契, 默契會產生更多議題"...押埋韻添呀! 勁!

查實我覺得當年佢爆出"手掌又係肉, 左手又係肉"只係一時口快講錯o左 (雖然我o地當年都笑o左好耐)... 點知錯有錯著, 發覺呢個先係應對傳媒的最佳方法...又唔會得罪人, 又可以搞o下笑, 又唔駛直接答記者d問題, d記者又可以有o野寫…一舉幾得, 何樂而不為...呢d先係真正醒! 成個娛樂圈最高EQ可算係佢囉…:p


去k又唱多一次Raidas呢首勁勁勁勁歌“傳說”…真係無論點都無辦法可以一字不漏咁唱晒…邊個可以唱到, 我直頭願意請佢去唱k呀…!

以下呢個陳德彰live版本, 好似已經慢過原裝版少少…不過佢都係勁!



嘩, 呢期“人間蒸發”一晚做兩集…搞到我晚晚追到至少兩點幾先瞓得…都幾精彩幾緊湊喎! D case都幾好睇…係“兩個吳美珩”o個part有d爛…不過都有少少估佢唔到! 我完全唔明點解上次d“中產”朋友話tbb播呢套“人間蒸發”真係令佢o地“蒸發”o左…?! 恕我膚淺…我覺得呢套幾好睇囉! 仲有, 05年的廖碧兒真係幾靚!

8 Comments:

Anonymous 初級電視迷 said...

Help!!!!!!!!!!!!!!!!!!!!!!!!!!!!

THANKS!! 芒芒!!!

我看到MR. Lei 的金句時笑到完全停唔到!!!

雖然已經睇過好多次, 但係依然咁正!!!

THANKS!! 芒芒!!!

7:03 下午  
Blogger Venuswaiyee said...

佢既金句好正,絕對唔係廢喼!

不過我唔明 核心嘅外圍係核心嘅內圍。

哈哈!
以前只係記得佢同周海媚卲美琪拍了電視戲,仲有套同松松姐姐拍天涯歌女(郭天王當時都只係做小角色)!同埋賬災表演到走音外就冇咩特別印象。
反而而家好有性格,好有原則!做埋老闆,好識打算。

最鐘意豁達o個句。如果佢冇得閒度下儲下D金句,黎生D急才真係勁!押韻得黎有含意!我鐘意!反而而家個Image 仲真!!!

9:23 上午  
Blogger Nilly said...

新年進步啊芒姐!

我以前都幾唔鐘意黎明,覺得佢歌藝不及張學友,靚仔不及劉德華,舞技不及郭富城。
但係,越嚟越覺得佢有智慧,佢對衛詩件事嘅回應同態度,都幾欣賞!

10:17 上午  
Anonymous 匿名 said...

從來都好鄙視黎明既演技同歌藝
但係佢愈爆金句我愈佩服佢!

唔係得啖笑 回應到問題又唔會得失到人
簡單超高招!我唔會空肚食早餐真係勁經典

另外mon姐有無睇72家租客
我覺得真係唔錯幾好笑
同埋係少有好local既電影

3:39 下午  
Blogger 芒姐 said...

匿名,

睇o左"72家租客"...絕對係意外驚喜...幾好睇噃!

4:55 下午  
Blogger 芒姐 said...

Nilly,

大家咁話...虎年快樂!

leon係有d計o既...如果唔係點o係呢個圈生存o左咁多年, 仲做埋老闆添!

4:56 下午  
Blogger 芒姐 said...

Venuswaiyee,

老黎老o左之後反而型o左...講o野有深度得o黎又可以唔駛得失d記者...四両撥千斤!

4:57 下午  
Blogger 芒姐 said...

初級電視迷,

唔好客氣...好o野當然要再次分享!

4:58 下午  

發佈留言

<< Home