1-16(sat) 2009年度十大勁歌金曲頒獎典禮
今年o既勁歌總選, 係芒姐 (亦都相信係大家) 睇過最令人尷尬o既十大勁歌金曲頒獎典禮!
個cast弱過d咩"禁毒滅罪耀北區"之類的細show…真係前所未有! 以前細個勁歌總選係一年一度最期待的大show中的大show, 感覺勁grand, 直頭要推晒所有約會捕o係屋企睇! 一到宣佈最受歡迎男/女歌星, 直情要企o係電視機旁一邊叫囂…個心仔差d跳埋出o黎咁滯!
雖然近十年都已經唔係o個回事 (廚房宣言o個年算係近十年比較好睇的一屆)…但都未至於去到一個咁肉酸o既地步! tvb同hkria的鬥爭…真係兩敗俱傷囉…雖然某程度上, 我覺得tbb傷多d添…今次呢個一年一度大show搞成咁已經係最大例證!
都唔好講話好似80/90年代咁grand喇…呢幾年總選直頭係星光暗淡…但係都未至於人丁單薄成咁囉! 少人到有d尷尬…成個show氣氛都好沉悶, 唔知點咁! 無論係tbb, 司儀, 或者d歌星都好尷尬! 仲要鏡頭一影過去, d吉位多到呢…連胡杏兒都坐第一排 (雖然我都ok buy佢但都係咁話)…我戥tbb好尷尬!
今年最大o既回響…莫過於林峯攞亞太區最受歡迎男歌星獎啦…哎! 我一睇到都心諗…今次無綫真係玩死佢! 直頭係連舊年安排黃宗澤同陳奕迅合唱o既“愛佢變成害佢”都唔係喇, 今次直頭係齋玩佢多d! 雖然你話among今年有份出席o既男歌手之中, 唔俾佢又真係唔知可以俾邊個...咁我寧願你俾十級作狀的古巨基起孖, 又或者頒俾屬於hkria o既tbb契仔克勤or even陳奕迅以彰顯風度都好過咁樣害自己個親生仔!
稍為有腦o既人都會諗到o係今年咁o既情況之下, 你頒個咁大o既獎俾佢會換o黎一個咩o既結果…反正今年任何人攞任何獎都係勝之不武o架喇, 真係唔攞好過攞...尤其係"親生仔"更加應該要避嫌呀嘛...哎! 佢都好慘…正如討論區都有人都講中話佢都係俾人擺上枱, 係tbb同hkria鬥爭下o既犧牲品! 無啦啦又要俾網友話「亞太」=「亞皆老街至太子道西地區」(雖然你又真係不得不讚一下網民的創意...:p)…tbb咁害自己d藝員又為咩呢?
不停收到d sms話今年個頒獎禮真係好爛…tbb真係玩大o左等! 哎, 一個頒獎禮搞到咁肉酸…今年應該cut鬼o左佢好過啦! d人話變成“2009年度英皇十大勁歌金曲頒獎典禮”都真係不無道理~
個賽果就一定係具“爭議性”o架喇…有一半人無玩…你就算俾我考第一都無意思啦!
四台聯頒歌曲奬居然係”地球很危險"!!! 一聽到呢個賽果...我真係覺得地球很危險囉!
連鍾嘉欣都有傑出表現獎, 其實點解又唔分個俾陳總新寵張繼聰呢? 佢o係咁o既情況之下都分唔到半個獎, 都真係好唔俾面!
同埋既然好似鄭融隻歌唔算太hit都有金曲喇, 容祖兒仲要破例有兩隻添…咁應該俾埋金曲獎chi lam啦, 反正佢隻“妳太善良”都ok hit呀!
同埋容小姐件衫…真係恕我又再一次唔識欣賞喇!
亦都估唔到tbb真係咁憎容姨, 勢死要阻止佢破梅姐紀錄攞六連霸…連續兩年無論點玩都係唔俾佢…連今年無晒人之下都勢死唔俾佢! 不過呢part亦都係我所有朋友一致認為最大快人心的, 事關10個朋友之中, 有11個都唔buy佢…佢係唱得好, 但觀眾緣真係差…楊千嬅唱歌係有d危o架喇…但即使唔buy千fa o個d都話好開心佢攞喎!
唔知點解今次頒獎禮個個都唱得差過平時好多, even平時表現好穩定o既容祖兒同王菀之都係咁! 至於呢期好紅o既鍾舒漫…佢以前唱功係ok o架喎, 唔知點解近期有首hit歌成日有得唱, 反而唱得差o左咁多, 每次聽佢live唱“給自己的信”, 把聲都震過貓王, 仲要勁flat…已經唔係要求佢好高standard o架喇…但佢呢幾次o既表現係即使參加“超級巨聲”都會俾人foul o個隻囉…佢搞咩呀?!
同埋我都唔明, 既然都無晒人參加喇…咁應該更加要俾多d機會有出席o既歌手發揮呀…點會仲係每人唱得o個半首歌?! 實在太奇怪!
今年d新人真係超弱雞, 基本上大部份都無人識…徐子珊根本係攞硬, 不過佢又真係唱得異常難聽! 如果要我揀, 佢都係做番高青或者齋跳舞都ok…但千萬唔好唱歌, 佢o既歌藝真係僅僅好過yumiko或者陳文媛等人! 同埋佢話驚無獎攞d dancers會收唔足錢o個part都幾好笑…最好笑係曾志偉窒得佢好應…以為佢有成班dancers啦, 原來得兩個咁大把! 仲有, 佢d fans整o個個橫額有隻tvbuddy都好頂癮o下! Hoho!
基本上今年成個show都好蝦碌, 大家好求其hea過佢就算咁…好流水作業! 係d嘉賓比較吸引!當然, 全晚最最最精彩係草蜢o既演出啦, 係我唯一放低手上o既o野全神貫注睇住電視o既一刻…佢o地o既演出完全同成個節目o既yim悶氣氛形成好大對比…但真係好戥無綫擔心, 無晒現役歌手, 平安深夜show又係咁, 今次又係咁…次次都要靠草蜢出山…靠得幾多次?!
同埋我唔明, 既然都請得太極o黎…點會唔叫佢o地表演番o下?! 實在太浪費!
《 2008 年 度 十 大 勁 歌 金 曲 頒 獎 禮 》 得 獎 名 單
2009年度十大勁歌金曲頒獎禮得獎名單
最受歡迎男歌星：古巨基
最受歡迎女歌星：楊千嬅
金曲金獎：《搜神記》容祖兒
亞太區最受歡迎香港男歌星：林峯
亞太區最受歡迎香港女歌星：容祖兒
最受歡迎新人獎
金獎：徐子珊
銀獎：王梓軒
銅獎：樂瞳
最受歡迎組合獎
金獎： RubberBand
銀獎： 農夫
銅獎： HotCha
最受歡迎唱作歌星
金獎：王菀之
銀獎：側田
銅獎：藍奕邦
傑出表現獎
金獎：鄧紫棋
銀獎：蔡卓妍
銅獎：鍾嘉欣
四台聯頒音樂大獎歌曲：
歌曲：《地球很危險》
作曲： John Laudon
填詞：林夕
主唱：古巨基
最受歡迎華語歌曲獎
金獎：《寂寞先生》曹格
銀獎：《這就是愛嗎》容祖兒
銅獎：《明天以後》林峯、泳兒
最受歡迎改編歌曲獎
金獎：《給自己的信》鍾舒漫
銀獎：《開動快樂》容祖兒
銅獎：《今天終於知道錯》陳偉霆
最受歡迎合唱歌曲獎
金獎：《我的回憶不是我的》泳兒、海鳴威
銀獎：《一刀了斷》張智霖、胡杏兒
銅獎：《戀愛令人痛》鍾嘉欣、韋雄
新人薦場飆星獎：余翠芝
最受歡迎廣告歌曲獎：《雙冠軍》容祖兒
幕後大獎
最佳作曲：雷頌德《就算世界無童話》
最佳編曲：張美賢《如果時間來到》
最佳填詞： Jonny Yim《如果時間來到》
最佳歌曲監製：雷頌德《 Where did you go？》
十大勁歌金曲
《給自己的信》鍾舒漫、《搜神記》容祖兒、《如果時間來到》林峯、《金剛經》何韻詩、《地球很危險》古巨基、《 Here we are》吳雨霏、《二缺一》蔡卓妍、《借》鄭融、《原來過得很快樂》楊千嬅、《可歌可泣》容祖兒
十大勁歌金曲飛躍舞台大獎：草蜢
勁歌金曲@芒姐再現:
2009-1-13(mon) 2008年度十大勁歌金曲頒獎典禮
2008-1-14(mon) 2007年度十大勁歌金曲頒獎典禮
2007-1-13(sat) 2006年度勁歌金曲頒獎典禮
2006-1-18(wed) 2005十大勁歌金曲頒獎禮 (下)
2006-1-17(tues) 2005十大勁歌金曲頒獎禮 (上)
2005-1-29(sat) 2004頒獎禮
2004-1-16(fri) 大迷信, 大迷信, 大迷信1993/2003?!
2004-1-11(sun) 勁歌後記
2004-1-10(sat) 2003勁歌總選
2003-1-5(sun) 2002年度勁歌總選review
2003-1-4(sat) 勁歌總選前奏
2006- 3-26(sun) 時光倒流12年...1993樂壇頒獎禮回顧
posted by 芒姐 at 11:21 下午
55 Comments:
我很喜歡林峯...很為他心痛=[[
同意你所說，既然唔俾得陳醫生和李克人，不如俾古巨基拎晒佢，一係頒番俾劉華啦…雖然佢唔到…
雖然林峰唱歌係ok…但又真係未紅到會拎亞太區吧？而家似玩佢多過鼓勵佢囉…
我也覺得無線玩林峯，真為他心痛，頂著這个名銜，以後多大的压力。就像去年五，六月，拍劇、出唱片和演唱会一齊來，十足十收買人命！
林峯好無辜，無端端俾擺上檯， tvb D高層係咪有病架!
不過算喇，網民好快又會搵到新話題自娛一番。
講真
tbb唔俾容祖兒係岩架喎
容祖兒點比都比唔上梅姐拉
仲話破梅姐紀錄喎= =
呢條友真係未夠班
只係因為樂壇青黃不接
d後生唔掂又上唔到位
衛蘭又越尼越似盧x茵
謝安琪而家唱歌又唱到無氣咁
kelly又掛住玩仔
所以佢至無對手o者
不過林峯仲慘
我聽到亞太區最受歡迎男歌星係林峯
即時o 哂咀
然後心諗
tbb今次玩到咁大呀
害死林峯...呵呵
見到林峰由宣布獲獎那種震驚茫然的表情,到上台既尷尬又無措的感言,真的很替他感到難過,看到有的評論說他驚喜到哭,我覺得是尷尬到哭多點。覺得他的性子實在是太乖了,又是自己的親生仔,從不違逆,tvb點舞他都可以,以往那些台慶為男角製造話題擺他上台(雖然我覺得他在年輕一輩中實在是最有實力的一個),到今次這個,玩得太大了吧。
而且在宣布果一刻,實在見到d人性,基仔同阿sa就好愕然地mark大了口,容祖兒望著林峰個樣好質疑,沒拍手;何韻詩則是很敷衍的拍,後排掃過去時,徐芷珊妙著嘴,我只是想不到連鍾嘉欣都是一臉看好戲的樣,反倒是胡杏兒笑住在拍手,chilam在旁邊也很開心地拍,最欣賞千嬅,開始有點驚訝,然後就笑著拍了拍一臉不可置信的林峰,再用力咁拍手,林峰喺台上講嘢時,又大喊林峰我愛你,喊低佢果種無措。
我鍾意chilam果部分啊,佢什麼感謝詞都唔講,剩係調侃咁講咗句:「多謝黃宗澤唔呷醋」,然後好優雅咁向全場說了聲多謝,好好笑,好搞鬼啊。
見最後宣布男歌手時,主持人問佢髮型好特別,今晚好有信心啦?佢踏前一步,閉眼點點頭:「有毛有翼,曉飛添啊」,chilam有種雅痞,有種好悠閒自信的感覺,雖然勁歌頒獎禮呢d場合並唔係佢的地頭,但都可以咁有自信咁開玩笑。
然後就見到鏡頭時不時掃到佢同千嬅笑到顛咁,有時chilam講了句話,千嬅拍拍手就彎身笑,佢地兩個有合作過的嗎?點解好似好熟咁架?想起謝天華blog果句形容chilam的話:「佢真係超friendly啊」,chilam果種性格真係好玩得起的人。
其實我好想千嬅同eason一齊攞最受歡迎男女歌手架,雖然今年未必會頒給e,但係千嬅仲可以有幾多機會好似呢兩年咁攞到呢?
雖然我好想佢攞,唔想容祖兒或其他攞,但就好似芒姐你講,千嬅係有點危架。所以e今年無黎,好可惜,最鍾意就係見到男女歌手部份有佢地兩個。
好似叱吒佢地兩個攞我最喜愛男女歌手,最眾望所歸的獎,見到佢地係台上真誠咁一個擁抱,好warm啊,一個唱歌時另一個又幫對方揮手,千嬅唱歌時eason又會走埋黎做布景,好好攞。
我見千嬅宣布得獎時,容祖兒都無拍手,反而容得亞太時,竹嬅拍佢膊頭鼓勵佢,又識得唱搜神記。
我都想千嬅同eason一齊攞最受歡迎呀~~
如果唔係四大反面,今年一定係EASON同千嬅攞!!
SAD D講句, 容小姐唱得再幾好幾PERFECT都無用, 因為最受歡迎果個永遠都唔係佢!
芒姐,
TBB呢鋪玩林峰玩得太大啦.佢平時"太山崩于前都無反應"(連王祖藍响台上都窒佢講嘢慢半拍).今次都旱有地表現如此震驚,我諗佢當時真係驚到哭.AIYA...峰峰好可憐.
胡杏兒同千嬅真係FRIEND.chilam都好風度,其他就係人係鬼一眼就睇出.
溫哥華匿名人
就因為今次林峰宣布果刻,所見到的眾生相,我真係覺得有時什麼的乖乖女原來都係演出黎架,鍾嘉欣令我好失望羅,唔怪得林峰同佢唔CLOSE,想起以前有次台永慶楊怡握住峰的手鼓勵佢,其實林峰的性格應該係謹戒認真帶點緊張的,楊怡呢D先係真朋友。
徐芷姍果個表情真係好似最近佢果套電視劇果種表情一模一樣,挑眉不屑咁。
反而胡杏兒,其實本來最唔鍾意佢D戲,但係唔知道係佢本性真係唔錯,定還是呢排時時同CHILAM工作的關係,近朱者赤,(我覺得CHILAM的性格係真係唔錯果種,真摯)當時就係見到佢兩個笑住拍手,好正常的表現咁,即時覺得胡都唔錯啊。
我都覺得林峰係驚到喊,全場都以質疑的目光望住自己,想淡定都好難,曾經見過林峰一D FANS聚會的片段,覺得佢好淡定好隨性架,FANS隨便點歌佢唔駛點準備都可以唱得好好,呢次TVB的做法,直程覺得佢果晚會唔會發惡夢啊。
佢唱歌係真係唔錯架,而且好受內地歡迎,但都唔係咁做法架。就好似EASON所講羅,記得以前亞太區最受歡迎香港男歌手,係無香港兩個字的,TVB我諗除咗啱啱過去的台慶,而家都無邊個頒獎禮有公信力啦。
芒姐,我係林生粉絲,呢次勁歌我真係睇到個心拿住痛,直頭想燒左電視城. 問心佢係亞太區受歡迎程度同古生有得揮,今年林生係東南亞開左好幾次演唱會,人氣分分鐘有過之而無不及~ 但明知會害得林生受千夫所指都仲要頒俾佢,好無良,枉林生係tvb任勞任怨左十一年
有路人講開班歌手既眾生相,千嬅呢次真係好抵讚,睇得出佢有心幫林生解圍,緩和當時氣氛,呢d真係叫做朋友
至於突登要影一影既緋聞女友鐘嘉欣,從佢個食花生樣就知佢兩個完全唔熟
我都承認容祖兒唱歌好唔錯,但係一D都唔想聽佢LOR。
好似搜神記,本來對呢個歌名好有興趣,好彩EASON都有唱過,於是去聽E的版本。
人真係最緊要夠真,好似千嬅EASON果種,會好想聽佢地講嘢,而且覺得千嬅D說話真係好水瓶座啊,好幽默好有智慧。
林峰攞獎果陣,TVB高層果D人都唔係高興既表情,而係一派睇好戲既表情,陳生同樂小姐,真係唔知佢地當林峰係咩LOR。
仲有千嬅真係唔話得,上台攞女歌手時,仲替林峰講話,話呢D反應好正常架,佢真係個好人。
仲有,點解你太善良冇十大架?
林峰一個咁低調既人,競競業業的,俾TVB推上傳媒焦點,成為話題,論為笑柄,人善真係被人欺。
好彩TVB冇再頒男歌手的獎俾佢,見到問到林峰時佢即刻灑手拎頭,驚到,如果結果係雙料那就真係嚇人,TVB做事完全唔顧及人的感受。
奷嬅同林峰係咪一齊拍過劇(美味情緣)所以都好fd?
林峰得獎, 以楊千嬅同容祖兒既反應, 就知邊個人品好啦!
所以抵楊千嬅拎最受歡迎女歌星獎既!
好!撇除tbb既偏見
咁叱吒即時投票都可以證明到:
d人投楊千嬅做最喜愛都唔投容祖兒啦!
林峯一向低調謙虛加努力，看到他這样被攞上台，很為他痛心。以後的路多難行。很喜欢千嬅，是真性情的人。喜欢她唱小城大事，很有韻味。
不喜欢鍾嘉欣，很假！
我都好为佢心痛，点解啲人可以咁样去攻击一个低调、谦虚、努力做好自己工作嘅人，奖又唔系佢争翻来嘅，啲人将怨气发泄系佢身上根本唔公平。而且佢唱歌真系好好，是一个好歌手！！
奖都已经给林峰了。我只知道林峰是一个歌手，在内地好红。足够。
我諗就算EASON坐係度,而個獎真係頒俾林峰,都唔會見到果日鏡頭前既果D嘴臉,好多人就真係當睇好戲咁睇。
高鐵669億撥款咁大是大非嘅議題都尚且有人贊成有人反對, 區區一個電視台巧立名目嘅咩亞太歌星獎, 點解唔可以有人唔認同林峰? 點解聽到林峰得獎而表現錯愕、懷疑甚至不屑嘅人, 就一定有問題, 就一定係不安好心嘅人?
千嬅d碟做得幾衰.d歌唱到錯哂走哂音都好啦...好多人都會繼續包容佢.最多怪都係怪阿黎生~呢d先係真正既觀眾緣.講真.阿容天后呢d...時勢造英雄唧.如果佢呢幾年先出道,睇下會唔會咁多人show佢...當年佢出道d新人舊人又好.有幾多個係識唱歌架...睇返d片先記得.當年同佢爭新人既係張柏芝囉...哈哈~~難怪!!!
千嬅令女歌手.真係好登佢開心.祝佢快d可以離開金句王!俾金句王多d時間搞下模art.又教下衛蘭玩雜技算吧啦~
其實賽果讓人認唔認同是一回事,但一個人的品格怎樣透過舉止與即時反應表現出來,是另一回事。
基仔阿sa愕然,很正常,這賽果沒有誰不愕然,但他們並沒有表現厭惡不屑等等的反面情緒。千嬅最初也驚訝啊,但她還是很盡她的努力,去鼓勵林峰。
在對方茫然無措時候,是否能雪中送炭?還是只是漠然蔑視?在一瞬間反應都不及調整掩飾的時候,是很能反映一個人的品格的,尤其這人跟自己並沒有太親厚的感情,甚至乎只是普通相識之人。所以,為什麼說眼是人的靈魂之窗?
當看到一個人處於尷尬處境時,你是否能有惻隱之心,關注他人的情緒,心生出同情心想幫忙一把,還是只重在這賽果附不附合這身外名之上,反應就能表現出這人的想法個性。
係啊,千嬅就算唱歌點差都好,我都想佢黎頒獎禮想佢坐係度想佢攞頒,而唔想將果d女歌手獎俾容祖兒或者其他人攞,合眼緣受歡迎呢d野都唔係無因由架,千嬅既人夠真啊。
記得上年有篇報導,都係頒獎禮,eason攞男歌手,跟千嬅擁抱祝福既時候,係好誠心好心照不宣果種表情,跟容祖兒果種,對方可能太急啦,撲上黎,仲撞親eason下巴添,我時時覺得容祖兒果種係懶親切羅。
今年叱吒千嬅攞最受歡迎女歌手,見到eason抱佢祝福佢,拍拍千嬅膊頭,然後輕推佢出去攞獎,果種好朋友係身旁好warm既感覺,好令人感動。
好彩仲有個叱吒的最受歡迎,唔知呢個獎係100%由全場觀眾選既,定還是只有部分票數係?我覺得所有獎項裏面,最期待睇的就係呢幾個最受歡迎既,比較公平d。
從來都唔認為叱吒有幾公平，自我標榜嘅專業，其實都只系一個電臺自己巧立名目的頒獎禮而已！！
要同情, 都同情應該獲獎而最終冇獎的人。
"反應就能表現出這人的想法個性" <- 對得不得了! 著重賽果是否合理的人, 是追求公平公義的人; 只在乎別人有沒有溫言鼓勵林公子的人, 自然是腦中眼中心中以至整個世界都只有林峯的人。
你又怎知林峯當時真的是茫然無措？別忘了，他是演戲的，你們不是常說他演技好嗎？
其實要不屑賽果係自由,雪中送炭係人情,唔做亦無不妥,睇交情而已...特別係唔同公司甚至無同林生合作過既歌手,唔撐林生係正常過正常.
只係某幾位tvb藝員,都同林生曾經朝夕相對一起拍劇,大家係電視城撞口撞面,分分鐘下一套劇就係同林生拍,但都如此冷眼旁觀,有點意料之外...可能係林生無人緣,可能係佢地夠真,點睇就大家喜歡...呢d頒獎禮既人情冷暖,無絕對的誰是誰非...
近期風頭火勢,討論區真係笠笠亂,見到都驚...我作為支持林生的人,只希望事件快點平息,讓林生回歸平靜,專心做好本份
不是峰迷,也可以覺得林峰慘的,我就不是峰迷。在此處留言也不會每個都是峰迷,但大家不約而同有這種感受。只是看到樓上有位路人的說話,想回應一下而已。
看到一個人處身尷尬時刻,自己有沒有覺得不忍或者同情,真的是因人而異,有的會讓人很欣賞,沒有的不強求,但會想疏遠這樣的人,會讓人覺得很心寒,當看清這份真面目而跟這樣的人相處,真的不知對方口上跟心裏說的話是否一樣。
在這裏留言的,真的不是每一位都是「腦中眼中心中以至整個世界都只有林峯的人」,這位留言者也許並不能理解那種,人皆有惻隱之心,的心性。知道,這樣的人不多,因止當見著了,就會更欣賞,就這樣而已。
能只關心自己身邊親友的,那很好,能推己及人,關懷每一個遇見的人以及見著的不平事,那更好,每個人能做到的程度不同,無他。
你講到自己咁有惻隱之心, 請問你捐左錢俾海地災民未? 世界咁多窮人, 你對佢地又如何展現並發揮你嘅惻隱之心?
因為唔認同林峯得獎, 就要俾人定性為品格差、冇惻隱之心, 甚至"讓人覺得很心寒"的人; 因為唔認同林峯得獎, 就要接受你地站於道德高地而進行的道德審判... 而家究竟係邊個"讓人覺得很心寒"呢?
換轉今次被擺上台的是你們很討厭的容祖兒或鍾嘉欣, 唔知你地對於當事人又幾有惻隱之心呢?
你話你唔係峰迷, 你話lor, 我都可以話我係峰迷格, 話之嘛!
真正覺得林峰的,其實係香港普羅大眾,國內的峰迷,都不知幾高興,一d都冇香港觀眾呢種想法。見到28樓咁講,有d愕然。
果日就算唔係林生,係隨便一個俾tvb擺上台的攞呢個獎,都會好同情,人的同情心,唔單止對親人架,仲可以對唔熟的人,甚至係陌生人。
"果日就算唔係林生,係隨便一個俾tvb擺上台的攞呢個獎,都會好同情"
係咩? 冇發生過嘅野, 你點講都得架啦!
"見到28樓咁講,有d愕然"
見到林峯得獎, 再見埋唔認同林峯得獎嘅人點樣被人上綱上線label為品格差、冇惻隱之心、"讓人覺得很心寒"的人, 我仲愕然!
"亞太"D人話係"班闊太"XDDDD 林峯主要受D師奶歡迎嘛
利益申報, 我自認100% 峯迷, 翻查我以住留言就知. 明知自己個偶像係”惹火尤物” 好多嘢我盡量唔講, 免得麻煩芒姐回覆咁多.
我唔覺得容小姐, 鍾小姐等人反應有何不妥之處, 講到"惻隱之心”....是否言重了.
峯迷們: 輕鬆D啦, 今次件事對網民黎講只係茶餘飯後”趣聞”一則.
路遙知馬力, 說不定三五七九年之後, 今日嘲笑林生班網民方知自己”年少無知”.
邊啲系朋友，邊啲只系點頭之交，林峯自己清楚就已經足夠，個啲人有咩反應更加唔系自己可以控制，冇必要放系心上。講到惻隱之心嚴重左小小，況且林峯都唔系需要人地嘅同情。可以不鍾意佢，但希望可以尊重佢！！
佢真系好有實力，而且一直都好努力，實在唔應該受到咁唔理性嘅攻擊！！我支持佢咖！！
好好地既討論,點解會變成咁?
點解要歪樓?
點解要辛苦芒姐?
成層本來睇得好歡,見到28樓到32樓(冇數錯掛?)D話,真係好唔舒服,不理對或錯,都只係大家的感受,無需要咁樣講說話法啊,人同人都係互相尊重啫。
其實,我覺得林峯自己,果一刻可能好震驚,但係事後慶功,我見佢係HANDLE到架。
而家希望最後一個睇完,各位歌手快D開始新一年。
係邊個批評基仔/阿sa/容祖兒/何韻詩/徐芷(子)珊/鍾嘉欣等等被認為沒有替林峯高興或沒有鼓勵林峯的人冇品在先? 你地又有冇尊重過其他人? 睇到你地咁樣話人又冇品又冇惻隱之心, 我都真係好唔舒服lor! 點解你地人身攻擊你地唔喜歡嘅容祖兒、鍾嘉欣, 就叫做理性討論或者只係講下大家的感受, 人地因為聽到林峰得獎而表現錯愕、懷疑、不屑, 就係又冇品又冇惻隱之心? 28樓到32樓指出你地上綱上線就係唔理性嘅攻擊? 28樓到32樓嘅留言之中, 有邊一句係抵毀過林峯? 張大你地對眼睇清楚, 人地一直都只係話緊你地班自以為好持平嘅林峯fans上綱上線數人冇品, 從來都冇人身攻擊過你地心愛嘅林峯! 當然, 如果你地認為人地唔認同林峯得獎就等於唔理性地攻擊佢, 咁我真係無話可說!
我真係真係唔係峰迷, 對佢無特別感覺 (我知, 我話之嘛!你唔信可以唔信, 反正我唔係你"格硬"要話我係都無所謂), 但係我覺得人地囉獎又唔關你事, 你錯愕or唔認同都好,你唔使扮替佢高興或鼓勵佢, 但唔需要表現不肖lor
使唔使咁激動啊？話其他人系林峯fans，對某些人上綱上線，咁某啲人都系一樣嗟，何嘗唔系對其他人上綱上線？你會因為自己嘅偶像俾人批評而心痛、憤怒，咁樣其他人都可以因為林峯受到唔公平嘅對待而心痛、憤怒咯。
將心比己，都唔難明嗟，而且理唔理性其實大家都有眼睇嘅。
成班都係kai子! 為左個藝人不停互相攻擊, 何必呢? 真係寧得罪小人, 莫得罪fans!
好..多..人...呀.
點都好
我覺得林峰咁多年黎既"底"應該頂得住佢今年又俾TBB擺上"木台"。
四台聯頒歌曲係古ＳＩＲ拎真係冇話可說。至今仍然認為呢個獎同金曲金本應係EASON拎既呢。
芒姐，聽講港台個頒獎禮TVB唔可以CUT一定要播哂呀。換句話說那係我終於可以聽EASON唱歌喇:)
P.S.: 幾難追都好，仍然想EASON拎傳媒大獎。
P.S.2: 其實我(都係)最鍾意睇千嬅同EASON一齊拎最受歡迎:)
看到這裏,我有點感慨...
不相信別人,也許就是都市人的通病吧...
意見可以不一致,但我希望看到是通過有理由的辯論,去表達自己的想法,而不是冷嘲熱諷,或者強按的罪名。
其實一直看芒姐的博,覺得意見很公平,就是欣賞這種風氣。
不希望看到一些,人家說了不是,還強說人家是。或者讓別人去捐錢來表達同情心(??)的這類說辭,這不成理由,也毫無意義。
其實不是親友,只在虛擬世界裏的陌生人,信任是很難的,猜疑也是無可避免的,但我個人而言,也許較理想主義,我還是願意看到大家以善意出發,好好的理論。
最近曾經看過一個對影迷質素的討論節目(不是在香港播出的),談到了形形式式的眾位演藝工作者的影迷。其中提到,主持人覺得鍾漢良的影迷素質高,給予的其中一個理由,就是她們在討論或持反對意見時,是以理由去支持意見,絕少謾罵或不成理的人身攻擊。
不好意思芒姐,說了很多辭不及意的說話,也沒有點題到這篇博文上。
不過,我是很有興趣看大家對香港觀眾自己對影視娛樂的意見的,就算有意見的不合,我也希望能看到公開的討論,但是是建基於有論據的討論上。
打擾芒姐了,謝謝你。
人地聽到林峰得獎而表現錯愕、懷疑、不屑, 就話人又冇品又冇惻隱之心, 難道這就不是謾罵? 難道這就不是不成理的人身攻擊? 你認定這是很成理由, 很有意義, 並且是建基於有論據的討論上?
我從來沒有抵毀過林峯, 即使我唔認同佢得獎, 但我沒有說他醜, 沒有說他人品差, 沒有說他不受歡迎, 沒有說他不努力, 沒有說他唱功差, 沒有說他扮乖乖仔, 更沒有說他是鬼。我從沒有意圖, 也毫無興趣同你地周旋於"林峯應唔應該得獎"呢個議題, 由始至終, 我只有一個point: 沒有替林峯高興或沒有鼓勵林峯的人不應被道德審判, 不應批評為冇品又冇惻隱之心兼讓人覺得很心寒!
自己寸人, 就只係分享下自己的感受, 到唔夠人講, 就彈出一句"使唔使咁激動啊"黎幫自己落台, 你地呢d算係咩討論? 連小學生辯論都未夠班!
說到這裏, 我比你更感慨, 原來大中華的80後90後真的是這麼糟糕!
我都利益申報先, 我偶像唔係林峯, 亦唔係今次頒獎禮任何一個參賽單位, 而係O係頒獎禮上被捧上神枱O既草蜢。
公平D講句, 某D留言者動輒將某D歌手O既反應扯到道德層面, 的確係言過其實, 不過睇真D, 其實都唔係個個林峯FANS都咁講呀, 好似poutine同P下面果位都好正常呀, 又唔洗一竹篙打晒一船人O既。
奉勸D林峯FANS唔好太敏感太DEFENSIVE, 我明白你地作為FANS, 會好想撐你地偶像, 但有時太急於撐偶像, 就會變成為撐而撐, 既不能說之以理, 更不能動之以情, 最終只會俾位唔鍾意你偶像O既人踩多幾腳。
首先,我是很喜歡林峯, 而一直很喜歡看芒姐的blog, 因為基本上自己也是一個電視精, 而且很多時覺得芒姐的見解跟自己好相似。其實一直很想芒姐寫多點有關林峯的任何「事」, 但知道芒姐有點怕寫林峯, 因為每次一寫,就會變成現在的情況....
看了各位的留言, 其實我第一個反應是....乜台下有那麼多「眾生相」咩? 我反覆看了幾次林峯領獎的片段, 我真的不能在短短的一、兩秒間, 便看出別人的內心看法和感受。我看到的....只有感動, 感動不是因為林峯得獎, 而是他的表現, 我「覺得」他也是很激動, 但很努力的平伏自己的情緒, 就是欣賞他這樣「不出風頭」的性格, 這樣跟我另一個喜歡的人--「李克勤」很相似, 他第一次得男歌手, 也沒呼天搶地, 我覺得, 激動不是做給別人看的, 就是喜歡這些平實的人。
其實如果有留意林峯的, 便知他在亞洲,甚至華人市場是很受歡迎, 特別是今年的情況,所以他得「最受歡迎亞太區香港男歌星」, 我覺得一點問題也沒有, 只是, 他仍未到那個地位, 所以值不值/應不應, 就是大家對這個獎的看法和定位。
題外話, 當天林峯得獎, 我媽媽看到樂小姐在台下的反應說:「樂亦玲真係當林峯好似佢個仔咁, 佢攞獎, 你真係睇到佢好開心!」或許, 有時人心中想甚麼, 便會看到甚麼吧!
cheery
我都唔係峯迷,只係睇咗佢幾套劇,聽了些歌,至於DVD,CD,演唱會,新聞等,通通都冇留意,只係覺得佢唔錯,應該不算是峯迷吧?應該可以發言吧?
其實每年的頒獎禮可以既話都有睇,因為主要想睇EASON,但我也不是他的FANS,所以今年亞太呢個獎,有睇,林峯果PART我都覺佢尷尬啊,而且真係見到唔同人唔同反應囉,所以會更加喜歡千嬅。
容祖兒何韻詩,仲有徐跟鍾的,其實果鏡頭係快架,但係都見到各人的反應,一個人的心係點,睇得出架,尤其是太無防避之下的即時反應。我見到樓上成層的留言里頭,有留意到呢幾秒鐘唔同人表情的,其實唔少。
仲有,唔知點解,EASON呢次冇黎,我反而更加想聽佢D歌,本來演唱會無打算去,而家竟然D有心動,唔知係迷反效果呢?
林峯都唔知道系乜命，佢啲fans亦都唔知道系乜命，總系有打唔完嘅戰爭，辛辛苦苦打完紅館個場，點知轉個頭又俾人推到風口浪尖，無論講一句話，定系做一件事，都俾人咁樣關注法......唉......
不過無論點都好，撐落下，繼續加油努力，總有會俾大家睇到，所以無謂嘅攻擊都系浮雲！！
唔好意思啊，打錯字，修正一下錯字部份：“不過無論點都好，撐落下，繼續加油努力，總會俾大家睇到，所有無謂嘅攻擊都系浮雲！！”
峯峯乃當今最優秀的藝人，不喜歡他的人是愚昧的，攻擊他的人就是蠻不講理！請你們別再到這兒搗亂，芒姐也喜歡峯峯，為何要在這兒侮辱她的偶像？
峯峯，繼續努力加油，你一定要撐下去，證明給全世界看，懂得欣賞你的人是有福的，作為你的粉絲，你做什麼，我都會支持你！
I love you forever！
點解d撩火頭的人永遠係匿名嘅?
夠膽講,唔夠膽留名(作都好呀~)
上面自稱林峯粉絲, 並稱林峯為峯峯哪位, 我諗林生聽你咁叫佢都會打冷顫, 好明顯你對"你的偶像"低調謙厚慎言的作風一無所知.
哈哈哈...林峯果然係好"惹火"...真係每次有關於佢o既post都會有幾十個留言, 萬試萬靈...搞到我以為我個blog好受歡迎添...hohoho!
我要講o既已經o係篇文度講晒, 歡迎大家繼續討論, 但用語記住要溫和d! 謝!
I have reviewed the TVB 2009年度十大勁歌金曲頒獎典禮 clip. I don't find any problem with the reaction of the other artists. 芒姐 is Raymond Lam's fan, you are entitled to your point of views. In reality, Raymond is the most popular ACTOR in Asia, NOT SINGER in 2009. TVB is not doing him a favor by giving him that award.
As a non-Raymond Lam's fan, I feel bad for his position at that moment. But I am also sick and tired of CERTAIN Raymond Lam's fans setting fire on many different posts and forum, including the one in TVB, attacking other artists.
林峯惹火 because of his fans.
發佈留言
<< Home