1-13(wed) “超級巨聲”…趙增熹!!!
呢排tbb同hkria的版稅鬥爭玩到咁大…相信今個星期六o既勁歌總選o係無咁一半歌星o既情況下都唔慌好睇o架喇…不過算啦, 本身就算有齊d歌星, 勁歌總選都係一年比一年唔好睇!
今日睇報紙見到…
“千嬅、阿 Sa爭亞太女歌星獎
由於勁敵消失，英皇和東亞近日皆出盡力為旗下歌星爭獎，據知英皇為蔡卓妍（阿 Sa）力爭亞太區最受歡迎香港女歌星，力戰去年最受歡迎女歌星得主楊千嬅。
至於一向爭崩頭的最受歡迎男、女歌星，英皇出力想旗下一哥一姐古巨基及容祖兒得獎。此外，鍾舒漫憑一曲《給自己的信》在之前新城及商台頒獎禮取得佳績，如無意外必入十大金曲，英皇更發力希望為她爭取金曲金獎，不過無綫亦有可能照頒發亞太區最受歡迎男歌星給 Eason以示公允。”
“鍾舒漫憑一曲《給自己的信》在之前新城及商台頒獎禮取得佳績，如無意外必入十大金曲，英皇更發力希望為她爭取金曲金獎”…呢首歌雖然都算幾好聽, 但唔係覺得可以爭取金曲金獎呀嘛…唔好玩啦…?!?!?!?
另外, 唔知大家有無睇過呢隊叫咩“4anda(son)”(?!?!?!) 唱o既“熊貓眼”呢…?!
嘩…笑死我! o個晚睇“歡樂滿東華”第一次睇到佢o地呢個表演…笑到我呢! 係全晚唯一一part我rewind睇o左兩次o既…佢o地又戴超又跳又打功夫又“沈”紙碎…基本上係無停過…忙到呢! 但係好有娛樂性…足以令我記得佢o地! 可惜youtube搵唔到“歡樂滿東華”版本, 得呢個勁歌版本…但都好好笑! 一開始有個男人o係度笑, 係咪崔建邦o黎o既呢…定係我認錯?!
(4anda(son) 熊貓眼@JSG 勁歌金曲)
終於有時間睇o左一連幾集“至8女人心”…其實集集都ok好睇喎, 最鍾意睇呢d清淡節目! 我以為係會長做長有o既添…點知咁快完o左…原來淨係for台慶…太可惜喇! 最好睇o個集係“至8會”o個班會員上o黎傾偈…尤其係林建明…抵死到呢! 我覺得佢有少少持“癲”“亂咁o翕”囉…但係要有呢d人個節目先夠精彩! 佢居然夠膽“腰”中幾位阿姐o既要害…其他人一定唔敢咁樣反問佢o地問題o架嘛! 好好笑! 仲有鍾慧冰…我又真係唔知佢咁funny喎!
另一個我以為係齋for台慶但又反而係做到依家仲有o既節目“由1967開始”…真係幾好睇…因為眾所周知我一向buy呢種節目! 希望佢真係會由1967數到2010每年一集先好完呀!
至於o個個“正識第一”節目…其實都ok o既! 有一集睇馬浚偉…原來佢幾博學多才o架喎! 但o個兩位主持…真係…都係o個句: “overdose”囉! 鄧健泓講o左幾年已經唔駛再講o架喇, 張繼聰就其實係有做主持o既talent, 亦都有少少sense of humour…但係佢最大問題係太急於表現自己, 有好多個位都over o左, 本來好笑都變成唔好笑! 佢之前o係“超級巨聲”o既表現就最明顯喇…又係唔識見好就收…哎~~~
反而我一連睇o左好多集“超級巨聲”…睇完之後, 居然迷上o左趙增熹!!!
真係你估我唔到, 亦都係連我自己都估唔到! 睇多幾集發覺佢講o野幾有point, 最重要係寸寸o地, 型型o地, cool cool o地…又唔會好似阿金句王mr. blue咁過於刻意去表現自己…反而好charming! 佢呢d係要慢慢浸你先會發現佢o既吸引力囉…正! 但最估唔到o既係, 同d朋友仔講開, 原來除o左我之外, 居然仲有好幾位朋友仔都係因為睇o左“超級巨聲”迷上o左趙增熹…仲要話我真係迷得太遲囉…哈哈哈! 真係又要唱句: “哎呀呀呀呀呀~我估不到~~~”!
原來“超級巨聲”除o左發掘o左官恩娜呢個超級巨聲之外, 仲捧紅埋趙增熹呢個星級監製...呢個節目真係不可多得囉...反而d參賽者, ok啦…但個淘汰賽玩極都唔完仲反而會多o左人添…真係謎一樣~!
posted by 芒姐 at 11:56 下午
14 Comments:
寸寸o地, 型型o地, cool cool o地...(笑0左！）
It seems he is a gd husband as well. Family man is so charming~
I feel the same way re Chiu.......that's when I bought Hacken's Seoul Concert Hall DVD (with Chiu's interview + performance) and watched Chiu's episode - Be My Guest from Youtube!
出現吓先~~呵呵~~
其實呢，知道四大公司無獎後，我都已經無興趣再睇勁金總選，雖則一向都唔多見得公平，但咁情況下，更加是有到有獎咁上下，完全唔好睇，無咗鍾意爆肚既eason，算吧~~
講開超級巨聲，剛睇完這星期一集，我反而鍾意咗李泉喎，至到呢~~
呢排冇睇巨聲,只係開住部電視做自己野,其實最好睇係睇評判評人,尤其是趙增希評某女參賽者,我一定望實部電視機,佢實唔多唔少do寸人 XDDDDDDDD
剛過周日的巨聲有勁人(甚至評判)同參賽者一齊唱,哈林亦做主持 & 唱,真係好睇到震,完全將劉美君&張計聰比下去.佢同評判對話亦超攪笑!!
超級巨聲一開始我唔太鍾意趙增熹，因為佢實在係太太太cool喇 :P 但而家嘛，好likey囉！！！哈哈！佢真係果ｄ要聽多幾次佢評人先會開始欣賞佢既人囉。btw，我覺得佢個樣好細個.... 總之唔似結哂婚有哂仔女果d呢。
又，我之前好唔鍾意李泉，但上集睇完有點對佢改觀，哈哈！睇下佢會唔會係下一個"趙增熹":P btw，李泉真係好鍾意王嘉儀咁喎。
除左MS CHAN CHAN，呢期最鍾意既評審係黃國倫老師！pro得黎又十分funny :) 正！
p.s. 哈林唱歌真係好勁!!!
p.s. 2: 唔係掛？給自己的信係金曲金...
p.s. 3: 我諗我都係會睇勁歌總選：有點想睇佢點樣亂頒獎-_-
趙增熹真係好得！
以為佢好老原來係咁後生
佢講野簡單中point !
原來佢仲係stjoe 仔黎@@
好難怪會串串地~
上集真係套野有史以黎最好睇
雖然話飛起左劉美君好衰同有d mean
不過好睇左
可以試看亞洲星光大道I/II....
亞星I越後越好看
Sum-Annett,
我都有看過一兩集...
匿名,
佢好似係九龍間聖若瑟英文書院, 唔係香港o個間...不過都好得, 寸得o黎又有point, 有少少arrogant...我鍾意!
christy,
我同你一樣, 一開始唔覺佢有咩特別, 頂多同伍樂城o個d差唔多...但原來佢好有格, 仲幾有型! 真係要睇多幾次慢慢浸先會buy佢!
李泉大哥同黃國倫老師亦都係好得!
moon,
我初時係留意d參賽者多d o既, 但整整o下我都係睇d評判點評人多d...每次都好期待!
mandy,
你終於o係呢度出現...
"但咁情況下，更加是有到有獎咁上下"..但張繼聰居然無獎囉...
Dolphine,
我個friend俾o左趙增熹@志雲飯局我, 但我未睇...好期待! 同埋youtube睇番好多佢o係演唱會彈琴的片段...真係好charming!
Venuswaiyee,
咁係"寸寸o地, 型型o地, cool cool o地"嘛...最buy呢d...但當然要寸得起先得啦!
係啦, 估唔到佢係一個family man...仲有對咁大的仔女!
發佈留言
<< Home