11-28(sat) 野櫻花
Oh, 睇報紙話: “「大閆生」陳鴻烈大前日猝逝，其遺孀徐世榮昨日與子女及小姑到無綫開會商討烈哥後事。至於《畢打自己人》將安排烈哥飾演的大閆生在外地期間心臟病發離世，劇情還有追悼會，可謂戲如人生。”
-> 嘩! 劇情洗唔洗咁反映現實呀?! 現實已經夠殘酷, 點解戲裡面o既大閆生都要咁慘喎~~~?!
話咁快就“宮心計”就做到結局篇…其實我個人認為最好睇係中段…即係有太皇太后同埋一班aunties一齊大鬥法就最好睇…太皇太后仙遊之後就真係失色o左d囉! 佢死o左之後, 做得最精彩o個個…我覺得係李國麟…佢又真係綠葉王~!!! 反而"富貴門"近期的劇情真係爛o左…sorry, 係爛晒先o岩!
(太皇太后的 “問號髻”…雖然我個人認為此英文的引號多d!)
仲有, 之前鍾司制同布公公成日講“對食”…初時我真係以為佢講“對住一齊食飯”咁o既意思…但如果真係咁又無理由要成日mention o架…直至有朋友問我呢個詞語究竟點解, 我先的起心肝上網search o下…原來真係唔係咁簡單…根據wikipedia: “對食”，最早是指宮女之間的女同性戀，後來宦官與宮女的結合稱為對食。…嘩! 真係又上一課!!!
前幾日深夜4點幾睇到亞視重播一套由戚美珍同湯鎮業主演o既時裝劇“野櫻花”…我又真係聽/睇都未聽/睇過…唔知係咪想食住“富貴門”個勢重播o下阿戚主演o既劇呢! 佢o係亞視拍過o既劇, 其實我淨係記得“還看今朝”!
又search o下wiki, 原來呢套“野櫻花”係1989年o既昨品…睇番廿年前o既戚美珍, 真係幾靚! 搞到我即刻o係網上搵o左幾集“新紮師兄續集”o黎睇…事關呢套劇我其實鍾意睇佢同韓賓o個段多過張偉杰同葉巧兒o個段囉…奇怪呢~~~?!
(“野櫻花”主題曲…ok好聽喎!)
仲有前排朝早6點幾重播“茶煲世家”…我居然見到年輕的社長同埋老總…原來佢o地十幾廿年前都有合作過…睇番呢個又係廿年前後o既對比…都真係幾有趣o下~!
posted by 芒姐 at 11:03 下午
8 Comments:
'對食'我係喺金枝慾孽學的... 因為果時如妃要'賜'安茜同顎公公對食!
之前上網睇話畢打自已人會寫大閆生心臟病... 歐錦棠喺隔離但唔識急救救佢唔到... 果時我覺得咁樣寫對歐錦棠好殘忍... 好似現實中都係佢有問題'累左'大閆生咁... 如果話佢在外地期間心臟病發離世... 會對當日在場既人... 包括歐錦棠同幫佢急救的保安員公平d!
對食,我都係金枝慾孽學.所以話,電視劇都有教育性!
溫哥華匿名人
原來對食係咁解! 真係學到野!!
我又o係度講下尋日個結局先... :bbb
do OK LAR~
我呢個星期冇睇一兩日,星期六又冇睇,
所以對結局冷漠了.
冇咩期望下, 亦冇乜失望.
楊兒整體奸DO OK, 但未致於誇啦啦.
不過... 睇埋佢做到傻左果段,
我覺得佢以後做呢D唔忠o既角色會好好好.
佢尋日做傻左果段, 對住兩個細路女講野,
唔記得係咪叫細路女同佢行禮果度,
d眼神好得.佢最後叫細路女係金鈴&三好時,
我喊左.
o諗番佢以前做賭場果出戲, 佢做痴利根,
又係做得好好.
今次做奸, 其實do算好喇我覺得,
但之前吹得佢太西飛利, 拎硬獎果隻.
e+睇落冇咁勁, 就感覺上削左d!
moon,
係啦, 我都係skip o左幾集一睇就睇結局...都ok o既, 雖然有好多犯駁位, 但都算幾緊湊!
我都覺得楊怡都係做番中適合d...同埋真係一開始褒得太勁害o左佢...絕對演得唔差, 但一開始講得太誇啦啦!
溫哥華匿名人,
係啦...睇電視絕對係吸取知識o既最佳方法...o個d話唔俾仔女睇電視的家長...簡直係害o左佢o地o既下一代!
Michelle,
"畢打"唔係諗住咁安排呀嘛? 咁樣未免太殘忍...同埋坦白講, 就算歐錦棠真係識急救, 都未必救到烈哥...同埋胡亂去急救反而可能弄巧反拙添!
芒姐你終於講到新紮師兄續集喇！哈哈賣飛佛嚟咖。嗰時成日都同同學仔拗係葉巧藍（戚美珍）定係葉巧宜（曾華倩）靚啲，哈哈我就死撐曾華倩喇，同埋好鐘意睇佢同傑佬嗰part咖！
Nilly.
哈哈...我鍾意曼玉同偉仔的一對...所以當時係完全唔buy曾華倩的...但曾華倩老o左之後無o左d懶cutie反而十分討好, 講o野超抵死...近十年我好buy佢!
發佈留言
<< Home