11-19(thurs) 萬千星輝賀台慶2009

話咁快又到一年一度o既台慶“大日子”…舊年一下子“歌星賀台慶” + “萬千星輝賀台慶”都大有進步…點知, 今又退步番…又唔係話最差o個年o既, 同埋都叫做好過今年爛到唔爛o既“歌星賀台慶”…不過整體o黎講, 同上年差好遠!

一開始d歌舞其實係ok o既…當然依舊係有d一片混亂, 但我體諒佢o地無咩時間練, 都尚算可以接受, 同埋個古裝街好似靚o左好多咁! 但到第一節完之前全台藝員齊集跳番part舞o個度, 就真係亂喇! 其實d舞步做咩要咁深奧? 求其搖o下左搖o下右咪算囉…咁多人仲要好多個都無咩舞蹈天份…搞到咁複雜做咩呀? 簡簡單單咪仲好睇!

不過o係混亂中我都留意到鄭太后mary姐真係跳得好好, 年年一到d“甘草”跳舞佢就好出位o架喇…勁力十足! 仲有阿太皇太后心姐…又係好得! 佢齋同“宮心計”班女出角行出o黎, 都行得特別優雅, 人人好似正常行路咁, 佢唔知點解可以做到好似輕功水上飄咁…真係好elegant…唔通有粵劇底子真係唔同d?! 咁阿君麗姐姐其實都應該同佢一齊拍番套古裝劇…佢o地兩位應該做到幾優雅的效果…反而佢o地拍時裝劇有時d演繹就有d over喇!

唔知點解今年台慶司儀得番5個咁大把…以前明明係10大司儀o架嘛, 就算舊年都有8大呀…雖然無夾硬塞阿陳敏之或者d應屆港姐冠軍落去係無咁突兀…但5個又未免真係少o左d!



至於d表演環節…今年比起舊年又真係遜色好多! 一開始d小生花旦跳舞o個part, 都真係有d一片混亂…同埋又真係唔洗一邊跳一邊除衫囉…呢d gimmick唔搞好過! 相比起舊年阿姐帶領一班姐仔跳hip hop…真係完全無得比! btw, 阿姐今年o個兩套衫想點?!

跟住o個part鍾司珍(設) 同阮司制“打交”…嘩, 真係做咩搞埋晒d咁o既o野?! leh咁hea咁~~~我亦都好明白佢o地無時間練…既然係咁就唔好玩d吃力不討好o既o野啦…玩o下歌舞咪算囉! 之後鄧萃雯同柴九+皇上打鼓o個段又係亂晒籠…不過幾好笑! 所以真係令我好佩服80年代d藝員, 佢o地又係無咩時間練習, 但都可以整出好多精彩表演…呢d真係得囉!



最驚喜o個段反而係本來以為係最平平無奇o個段...即係謝雪心+程可為+雪妮幾位auntie crossover鍾嘉欣+楊思琦+陳茵媺幾位姐仔o個段歌舞…後生o個幾個無咩特別, 但係一轉o左o個幾位auntie出o黎, 真係wow晒囉! .出奇地幾好笑…雖然我都唔知點解...?!

嘩, 阿太皇太后真係好得…佢個迷你裙look直頭係索過晒d姐仔…真係keep得好好, 0又跳得好好…勁索呀, 風韻猶存咪係呢d囉! 抵我o係fb加入o左佢個fans group囉!

但最估佢唔到o個個莫過於阿蔡尚宮程可為auntie…佢唔係話跳得好好, 但真係好放, 好風騷...睇得人好開心…笑o左出o黎! 氣氛最好都係呢一part! 仲有阿大閆生陳鴻烈又係好funny, 上次睇“星星同學會”已經知道佢funny...今次表演又再一次印證到! 佢一開金口, d人即刻叫囂得幾勁呀! 至於阿雪妮姐姐, 佢都係比較“硬橋硬馬”…我覺得佢都係拍番武打片好d…:p



反而大家最期待o既“扮o野三寶”…真係令人有d失望! 相對舊年同前年真係遜色o左…可能呢d o野真係頭一兩次有驚喜, 再繼續玩落去就好難突破喇! 其實睇得出佢o地今年o既表演係仲要花多o左心機同時間去做…但出o黎o既效果又反而有d悶…無之前兩次咁好睇…我諗佢o地都係時候停一停, 見好就收喇!

個鬧劇就依舊一年比一年胡鬧, 又係走o個d浪費食物+不文路線, 最慘係今年一個笑位都無…整到d人+地方污糟晒, 但又唔覺得好睇/好笑, 勁無聊…下年不如cut o左佢罷啦!



而最令人覺得有無搞錯o既係, 李克勤出o黎唱42年o黎tvb經典主題曲, 一開波佢唱“紅日”, 後面個螢幕就懶勁咁播晒佢同sammi做“浪族闊少爺”d片段, 仲寫住話係“浪族”o既主題曲?!?!?! 我相信就算唔係超級電視迷, 都知道呢首唔係啦吓嘛 (實情係“他來自天堂”主題曲先o岩)?! 更何況我o地呢d“浪族闊少爺”fans…真係睇到O咗嘴…:O 嘩! 大佬…真係錯得好離譜囉…你有無put少少effort呀? 個資料搜雜真係炒得...仲要第一首歌就錯…真係好內酸!

仲有, o個幾位同tbb一齊出世的42歲哥哥姐姐肯上o黎賀台慶…都真係勇氣可加…勁呀!

同埋我想問, 點解今年d廣告又係好似上年咁少o左咁多?! 想用廣告時間去整少少o野或者去o下洗手間都好趕囉…搞到個人好忙…tbb係咪真係無晒人落廣告呢?!

最後, 當然係…tbb台慶@芒姐再現:

2008:

http://hejnom.blogspot.com/2008_11_14_archive.html


http://hejnom.blogspot.com/2008_11_17_archive.html


http://hejnom.blogspot.com/2008_11_19_archive.html


2007:

http://hejnom.blogspot.com/2007_11_17_archive.html


http://hejnom.blogspot.com/2007_11_19_archive.html


2006:

http://hejnom.blogspot.com/2006_11_09_archive.html


http://hejnom.blogspot.com/2006_11_13_archive.html


http://hejnom.blogspot.com/2006_11_19_archive.html


2005:

http://hejnom.blogspot.com/2005_11_19_archive.html


http://hejnom.blogspot.com/2005_11_20_archive.html


http://hejnom.blogspot.com/2005_11_21_archive.html


2004:

http://hejnom3.blogspot.com/2004_11_19_archive.html


http://hejnom3.blogspot.com/2004_11_23_archive.html


2003:

http://hejnom3.blogspot.com/2003_11_17_archive.html


http://hejnom3.blogspot.com/2003_11_19_archive.html


2002:

http://hejnom3.blogspot.com/2002_11_19_archive.html


http://hejnom3.blogspot.com/2002_11_20_archive.html