1-25(mon) 老友狗狗

話咁快連“老友狗狗”都結局埋…其實呢套都ok o既…輕輕鬆鬆o個隻, 你話好好睇又唔係, 但差又唔差得去邊…得閒睇一兩集都唔錯!

不過個cast未免太“金石良緣”…雖然馬浚偉配鍾嘉欣我係ok o既! 同埋鍾嘉欣呢個中性打扮…又真係未免太似吳尊…hehe!

呢套之後上“鐵齒銅牙紀曉嵐IV”…真係好, 終於可以追少一套! 雖然我諗呢套其實應該有佢好睇之處, 否則唔會可以拍到第四輯…但呢d真係唔係我杯茶, 所以可以慳番d時間! 不過好似有千嬅客串, 呢個我又想睇o下喎!

至於九點半o個套“五味人生”…查實佢算係咩劇種?! 係咪笑片呢? 定係一貫o既賀年劇? 定係有d咩我未知o既meaning?! 不過都無咩緊要, 因為d人我都幾想睇…關詠荷一向都幾buy, 郭晉安亦都唔差! 佢o地o既合作由90年代o既“生死訟”, 到當年10點幾檔o既“新同居關係”…我都幾鍾意睇! 同埋呢套都搞搞o地笑…有d“苗翠花”呀o個d影子! 仲有米雪做o個個癲o左o既o靚妹又的確係做得幾好笑!

同埋呢, hotcha o個個小妹妹regen第一次拍劇真係算做得幾好…算幾自然, 同埋佢個樣真係好細個囉…好似13,4歲咁! 仲有, 由佢一出道開始, 我已經覺得佢好似楊思琦…睇完呢套劇, 我依然覺得佢似…不過佢o既演技就自然過初出道o既楊小姐好多!



嘩…呢期亞視d深夜重播戲又真係幾得喎! 4點幾有套“鹹魚豆腐白菜仔”舊年g.o.d. x rtv的系列都有出t-shirt…應該係“i.q.成熟時”o個期囉! 我睇o左幾集喎…有好多八十年代的香港街景…最鍾意睇呢d! 好正! 可惜另一個我好鍾意o既節目“由1967開始”已經做完…如果佢再添食繼續做埋80, 90年代再數到2010就好啦!

講番套“鹹魚豆腐白菜仔”…其實內容就無咩特別, 都係o個d講o下日常生活呀, 當年民生o既戲…又係輕輕鬆鬆睇得人好開心! 嘩, 呢套劇又有阿苑仔喎…呢期無論係無綫/亞視都有好多佢o既重播劇…今次佢仲要做學生妹添…都幾頂癮!

睇番資料原來呢套劇係1983年做…原來苑仔都出o左道咁多年! 仲有吳毅將…我又係唔知佢做o左咁耐!

仲有之前o既3點幾至4點幾檔, 居然重播當年同無綫鬧雙胞o既亞視版“成吉思汗”…之前先o係報紙睇到呢個鬧雙胞故事, 估唔到即刻就重播喇! 仲有再之前一檔的“馬場風雲”, 我又係未睇過! 至於無綫6點幾又再重播“公私三文治”…呢套雖然重播過好多次…但都真係幾好睇! 得閒睇一兩集都無妨! 嘩…實在太多重播劇睇喇!