3-8(mon) 超級巨聲畢業演唱會
超級巨聲畢業演唱會超級巨聲畢業演唱會”…喂…又幾好睇喎! d巨聲唔係話唱得特別好, 但成個構思幾唔錯, 幾多variety, 節目編排都算幾多唔同特色…同埋好眾志成城…呢樣我一向最buy!
而最好睇o個part (至少對我o黎講啦o下…:p)…當然係趙增熹+陳康健+陳彥廷+許廷鏗o既“我不會唱歌”啦…hohoho! 真係未免太型...唔好誤會…我唔係講前面唱歌o個三位仁兄!
其實如果係同克勤part會更好...呢三位仁兄平時係唱得ok, 但呢首歌佢o地又真係唔太handle到…不過趙增熹的確係好好好好好型囉~~~~~
而呢一part幾爆笑…雖然網上d人係彈居多…我又覺得ok o既…同埋阿駱胤鳴好樣o左好多, 唱歌亦都好o左…反而何雁詩有d跌watt!
(駱胤鳴+何紫慧+何雁詩+陳靜雯 – Nobody)
Oh…仲有呢首“傻豬”大合唱…其實唔係太配合其他人的style, 但就好駱胤鳴囉…!
“女王辦公室”的確幾好睇…每集都有水準, 同埋都有d驚喜…唔似得“同事”或者“畢打”咁有幾集好睇, 有幾集就麻麻o地…可能呢d就係一早拍好同邊拍邊播的分別! “女王辦公室”係比我預期中更好睇…近期比較有水準o既劇集…仲要係每個角色都做得好稱職…值得推介!
Oh, 上星期五“今日vip”有3號陳芷菁訪問2號李綺紅 (hohoho!)…可惜我開電視睇時已經做o左一半…miss o左添…唔開心!
posted by 芒姐 at 11:31 下午
13 Comments:
http://mytv.tvb.com/variety/greenroom/105290#page-1
mytv有得重播"今日VIP 2010-03-05 - 李綺虹 "呀
You can BT as well...
http://www.hdzone.org/viewthread.php?tid=605668&extra=page%3D3%26D3%3D2111526%26D4%3D
多謝大家的link...重溫o左喇...正! 佢o地自己都真係有提番2號同3號喎...原來係人人都記得...94港姐實在太經典~~~
YEAH!!我都要睇返2號同3號吖！芒姐考下你，記唔記得1號係邊個，同埋張可頤 黃紀瑩分別係幾號，LOL！！！
我又玩
1號係譚小環
9號係張可頤
14號係黃紀瑩
仲有13號康華
Monjeh,
還記得冼灝英師父嗎？
最近出了一首 MV，全新歌曲，評價不錯。甚至於 Facebook 有人為他開了 group。
冼灝英 - 最後的溫柔 MV (國語)：http://www.youtube.com/watch?v=rSKhq2bmqXQ
冼灝英 Facebook group：http://www.facebook.com/group.php?gid=343475357774
希望 Monjeh 會有興趣。
志雲被廉記請左去品味咖啡, 希望芒姐可以分享一下對呢件事既專業意見.
Al佛,
哈哈...大師"品味咖啡"事件咁震撼+敏感...等我思考O下先啦...
i-Joel,
哈哈...冼灝英做"殭死"裡的孔雀咁經典, 當然記得佢啦...估唔到佢唱歌都有板有眼...
94港姐咁經典...大家當然記得啦!
仲有亞軍6號阿WOOD呢~~~
芒姐,94年港姐仲有妳嘅「至愛」「殺人兇手」5號「凌祖絲」鍾潔怡;10號包包面貝寒薇(個名好特別,所以我記得);同埋成日喺無線劇中做人情婦角色嘅19號周凱珊,佢喺其中一輯「陀槍師姐」入面做差啲拆散三元同阿峰嘅第三者,另一輯係做為左個仔被逼為娼、之後仲俾黃德斌殺死嘅可憐「阿麗」。
仲有,芒姐,我都係港姐fans,細細個就開始有留意(本人87年出世),唔知睇得多定本身記性好,我可以背到由1999年到2009年嘅所有參選佳麗嘅名,嘻嘻。
jo8jo,
哈哈, 好o野喎! 你居然記得我最愛o既「你係殺人兇手」5號「凌祖絲」...真係要俾個叻你!
仲有18號吳素珊, 同埋11號趙美裕...唔知點解好記得佢o地...可能真係睇o左太多次...!
近十年o個d我就真係唔記得lu...又無咩興趣...可能人大o左, 睇港姐o既興趣都減弱喇...:p
發佈留言
<< Home