3-22(mon) 秋香怒點唐伯虎
嘩…套“秋香怒點唐伯虎”話咁快已經做到第三個禮拜…其實套戲係ok o架, 幾好笑添…陳豪亦都做得幾好, 幾生鬼! 但我都不得不承認連我呢d ok胡杏兒o既人都有d頂唔順佢做秋香囉…點解又咁玩佢?! 雖然我o地話要諗吓tbb裡面邊個可以做秋香都唔係好諗到…或者法拉囉…再唔係廖碧兒啦! 但佢o地幾個其實都真係太高喇…一d丫環feel都無! 其實胡杏兒拍埋一班丫環度行出o黎時高o左成個頭都已經好怪o架喇! 原來個劇情真係講得好o岩, 太高頭大馬真係唔可以做下人o架! 因為會怪o左~!
“女王辦公室”真係依舊集集都幾好睇, 每集內容都ok好笑…有一集話幫個廁所剪綵都幾抵死!阿輕輕鬆鬆鄧梓峰都真係做得幾好…仲有吳唱k亦都真係有驚喜! 同埋首主題曲出奇地令我覺得幾“好聽”囉!
終於都睇完“老公萬歲”結局篇…都係o個句, 我鍾意李綺紅+謝天華+曹敏莉o個段…成條線都寫得唔錯! 苗僑偉同張可頤o個part就悶d…不過講張可頤同高皓正o個段“疑似”姊弟戀+婚外情都幾得…有一幕講張可頤約高皓正去餐廳拒愛都寫得幾好笑! 但最後幾集咩借肚生仔又俾羅浩楷搶o左個仔就有d胡鬧囉…點解tbb d劇永遠都係要爛尾o既呢?!
Btw, 上個禮拜王菀之o個集“我的故事我的歌”幾好睇…佢個人都幾funny吓…同埋o係英國取景我鍾意!
又, 有日睇深宵音樂節目...又睇到一個經典mv...係我最鍾意o既肥嘟嘟年代鄭秀文 (雖然當時大部份人都唔會認同我o既"taste"...:p) 哈哈哈...但我依然係最鍾意o個期 (即"浪族闊少爺"o個期) o既sammi...我覺得好靚喎...hohohoho! 個身係有少少肥o既 (相比起後期), 但十分ok呀, 女仔係要有d肉先靚o架嘛!
呢隻“valentino”又真係幾特別... 仲有個mv裡面阿華倫天奴不停o係度yup yup yeung yeung都好搞笑...! 同埋呢隻係sammi有史以來第一首勁歌推介呀! 其實成隻holiday大碟d歌都好唔錯o下...而"holiday"亦都係佢咁多隻碟之中我最鍾意o既一隻…個封面又影得靚d歌又好聽...我當年發癲到買完盒帶仲買埋cd...因為驚餅帶有日會聽到爛 (斷)囉...wahahaha!
posted by 芒姐 at 7:00 下午
12 Comments:
um...不知道芒芒你記不記得，其實我是杏兒的粉絲...
我一度很期待秋香怒點唐伯虎，因為我很喜歡西廂奇緣（又是杏兒當吖環），但當我看到秋香的造型是這樣之后，我就很失望了。
唉，像烈火雄心一樣，一個造型害死她。
古裝不像古裝，髮型有現代化的很～～～
杏兒何時才有紅劇番身？！！！！！
嘩! 芒姐!
我今朝剛剛先同完個friend傾開"秋香怒點唐伯虎"，阿杏兒真係唔太適合做秋香，個問題出係周星星版的秋香姐實在太深入民心及太靚! 令到我一見到阿杏兒做秋香已經成個失望哂... 完全冇意慾睇落去!
之後又諗下邊個會做到呢個角色，我們結論又真係同芒姐一模一樣!!! 唔係法拉就係廖碧兒 (我都幾想睇到陳豪同廖碧兒呢對ex)
好心TBB俾番些類似"律政新人王"的角色阿杏兒...再係咁落去，佢真係翻身無望! 佢係討論區的民望真係低到不得了...
"老公萬歲" 我覺得李綺虹做得唔錯! 成四十歲人做得番咁後生，唔錯唔錯!
最近套"鐵馬尋橋"好似都OK的! 可以追追!
呢排重溫返Sammi既“大頭綠衣鬥疆屍”，真係好少見Sammi咁純既樣，因為我有記憶以黎，佢已經係“好邪啊~~~”果個Look!!所以睇返佢以前個樣，反而有新鮮感!!!
講起秋香呢…我又諗起“金裝四大才子”既張家輝同關詠荷!!!關詠荷雖然唔算話好靚果種，但佢做秋香比人感覺真係幾好，唔反感!!
雖然胡杏兒唔係靚，但鞏俐姐姐都唔會話靚得過胡杏兒卦？原來佢真係冇觀眾緣到這種地步‧‧‧
芒姐,
害死胡杏兒啦...不過成套野真係好好笑! 法拉第一次做古裝都幾ok喎~!
女王既陳爽, 秋香既法拉, 而家開始慣左聽o個種style既廣東話咯....
鐵馬越睇越好睇, 過去現在互相交錯, 慢慢交代兩家恩怨, 而且越推越有, 唔錯! 芒姐有無追緊呢?
匿名,
我對胡杏兒係中立的...但佢又有幾靚呀?? 佢唔係靚o個堆喎....
鼻仔,
法拉係幾靚o既...廣東話仲進步o左好多, 不過唸長對白時仍然麻麻, 但以佢o黎o左香港幾年o黎講算係咁...睇o下姚瑩瑩做o左十幾年講對白仲係一舊舊!
"鐵馬"我有睇o下, 雖然係我唔太鍾意的劇種...但d人我ok, 所以都有間中睇o下!
匿名,
我撐你! 十個同意! 胡杏兒雖然唔係靚，但鞏俐姐姐絕對都唔係靚! 可能佢呢d叫"有氣質"o卦?! 不過我都唔識欣賞佢呢種!
你講得o岩, 胡杏兒近年的觀眾緣指數跌到去零...可惜~
YEUNG,
其實我最buy都係sammi變金毛強之前的look...尤其係"holiday"年代...不過佢又真係金毛強之後紅o左好多...無計!
我都係同我d朋友講起關詠荷o係“金裝四大才子”的秋香...唔係話好靚 (不過靚過杏兒o既), 但有o個種味道...高頭大馬的秋香真係唔太得!
b.,
"流金"之後"律政"的胡杏兒係最有觀眾緣時期...之後o係"衝上雲霄"個zoe已經每次出場都想升巴佢...tbb真係慌佢唔死再塞多幾個可憐虫角色俾佢...依家已經死晒咁滯!
"老公萬歲"李綺虹真係做得唔錯呀...完全唔似四十歲...反而同屆港姐差唔多年紀o既張可頤真係老o左好多!
初級電視迷,
其實杏兒古裝一向我都唔太buy, 當年睇我好鍾意o既"再生緣"佢做o個個一日到晚柔聲地呼喚"皇甫公子"o既燕玉姑娘, 真係睇到好想熄電視...但後來佢做時裝o個d聰明醒目女角色又幾討好喎, 同埋現實生活中見佢都係醒o個批, 所以我欣賞佢!
不過近年d角色真係完全唔得...應該都翻身無望o架喇~
芒姐,相信大家同笑哈哈一樣,以為你必講陳志雲件事,竟然到現在都未見到你講!@@
"老公萬歲"真係好爛喎...尤其開頭蝦老公o個堆,爛到xyz@#!被迫睇,結果晚晚鬧 =.=
唯一有興趣就真係高皓正扮苗喬偉真係好似...
"唐伯虎"同幾個人都覺得陳豪好差喎,木口木面,呆呆滯滯咁,俾其他人做好好多,至於胡杏兒,同意又係害左她,不過我反而覺得佢今次又做得唔係咁差喎,仲有,姚子羚做gei角色大家都好有印象係苑瓊丹做ga係屬醜角...仲乜找個靚左咁多gei做?!
鼻仔,
我幾時有話佢靚? 我第一句已經講左"雖然胡杏兒唔係靚"!
發佈留言
<< Home